Хэргийг хялбаршуулсан журмаар

хянан шийдвэрлэх тухай

Хэргийн индекс:135/2017/00012/И

Дархан-Уул аймаг дахь Сум дундын Иргэний хэргийн анхан шүүхийн шүүгч Ч.Батчимэг   би,

Нэхэмжлэгч: Дархан-Уул аймаг, Шарын гол сум, Шарын гол ХК-ийн захиргааны байранд байрлах Төрийн банкны Дархан-Уул салбар Хайрхан тооцооны төв /утас: 9979 9790/-ын нэхэмжлэлтэй

Хариуцагч: Дархан-Уул аймаг, Шарын гол сум, санжинт баг, задгай хөдөө тоотод оршин суух Боржигон овгийн Дагвачоймболын Жаргалсайхан /РД: ТЯ68101011, утас: 9965 3193/

Хариуцагч: Улаанбаатар хот, Сонгинохайрхан дүүрэг, 23 дугаар хороо, хангайн 60 дугаар гудамж, 29 тоотод оршин суух Монгол овгийн Эмээлийн Одгэрэл /РД: ТЯ71110906/ нарт  холбогдох

“6,047,824 төгрөг гаргуулах туай” нэхэмжлэлийн шаардлагад 2016 оны 12 дугаар сарын 23-ны өдөр иргэний хэрэг үүсгээд

ТОДОРХОЙЛОХ нь:

Нэхэмжлэгч Төрийн банкны Орхон салбар нь шүүхэд гаргасан нэхэмжлэлдээ:

             “... Иргэн Д.Жаргалсайхан, Э.Одгэрэл нар нь 2015 оны 03 дугаар сарын 23-нд 378-1 дугаартай зээлийн гэрээг байгуулан 8,500,000 төгрөгийг 3 сарын хугацаатай жилийн 19,2 хувийн хүүтэй гэрээт цалингийн зээл авсан. Нэхэмжлэл гаргасан өдрийн байдлаар 144 хоногийн зээл, хүүгийн төлбөрийг төлөөгүй байна.

Иргэн Д.Жаргалсайхан болон хамтран зээлдэгч Э.Одгэрэл нараас үндсэн зээл 5,521,899 төгрөг, хуримтлагдсан хүү 501,211 төгрөг, нэмэгдүүлсэн хүү 9,722 төгрөг, нотариатын үйлчилгээний хөлс 15,000 төгрөг, нийт 6,047,824 төгрөгийг гаргуулах мөн тэмдэгтийн хураамжийн төлбөрийг гаргуулж өгнө үү” гэжээ.

Хариуцагч Д.Жаргалсайхан нь шүүхэд ирүүлсэн хариу тайлбартаа:

“Миний бие Төрийн банкны нэхэмжилсэн 6,047,824 төгрөгийг төлөх нь үнэн, маргаан байхгүй юм. Шарын гол ХК-д ажиллаж байх хугацаандаа цалингийн зээл авсан бөгөөд ажлаасаа халагдаж ажилгүй болсон тул төлж чадахгүй байгаа. Төрийн банкны нэхэмжилсэн 6,047,824 төгрөгийг миний бие 2017 оны 03 дугаар сарын 30-ны өдрийн дотор бүрэн төлж барагдуулах тул хэргийг хялбаршуулсан журмаар шийдвэрлэж өгнө үү” гэжээ.

Нэхэмжлэгч шүүхэд ирүүлсэн хүсэлтдээ: “Иргэн Д.Жаргалсайханы хариуцагч болох Э.Одгэрэл нь гадаад улсад амьдарч байгаа тул зээлийн хариуцагчаас нь татгалзах хүсэлтэй байна.

Иргэн Д.Жаргалсайхан зээлээ 2017 оны 03 дугаар сарын 31-ний өдөр төлж барагдуулах хүсэлтийн дагуу Хайрхан тооцооны төв хүлээн зөвшөөрч байна” гэжээ.                                                                                  

ҮНДЭСЛЭХ нь:

Нэхэмжлэгч Төрийн банкны Дархан-Уул салбар Хайрхан тооцооны төв нь хариуцагч Д.Жаргалсайхан, Э.Одгэрэл нарт холбогдуулан  6,047,824 төгрөгийг гаргуулахаар нэхэмжлэлийн шаардлага гаргасан байна.

Иргэний хэрэг шүүхэд хянан шийдвэрлэх тухай 26 дугаар зйлийн 26.3-т зааснаар хариуцагч нь нэхэмжлэлийн шаардлагыг хүлээн зөвшөөрөх эрхийн дагуу Д.Жаргалсайхан нь 6,047,824 төгрөгийг 2017 оны 03 дугаар сарын 30-ны өдрийн дотор бүрэн төлж барагдуулна гэж хариу тайлбар ирүүлсэн байна.

Нэхэмжлэлийн шаардлагыг хүлээн зөвшөөрсөн талаар ирүүлсэн хариу тайлбар нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй, хариуцагч гарын үсэг зурж баталгаажуулсан байх тул хариуцагчийн зөвшөөрлийг баталж, хэргийг хэрэгсэхгүй болгож шийдвэрлэх нь зүйтэй.

            Нэхэмжлэгч Төрийн банкны Дархан-Уул салбар Хайрхан тооцооны төв нь хариуцагч Э.Одгэрэлээс татгалзаж буйг дурдаж байна.

Иргэний хэрэг шүүхэд хянан шийдвэрлэх тухай хуулийн 74, 75, 123 дугаар зүйлийн 123.1-д заасныг удирдлага болгон ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагч Д.Жаргалсайхан нь  нэхэмжлэгч Төрийн банкны Дархан-Уул салбар Хайрхан тооцооны төвд төлөх 6,047,824 төгрөгийг 2017 оны 03 дугаар сарын 30-ны дотор бүрэн төлж барагдуулна гэж хүлээн зөвшөөрсөнийг баталж, нэхэмжлэгч Төрийн банкны Дархан-Уул салбар Хайрхан тооцооны төв нь хариуцагч Э.Одгэрэлээс татгалзсаныг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэгч Төрийн банкны Дархан-Уул салбар Хайрхан тооцооны төвийн 2016 оны 12 дугаар сарын 13-ны өдөр Төрийн банк төрийн сан 190 000 941 тоот дансанд тушаасан тэмдэгтийн хураамж 111,715 төгрөгийг төрийн сангийн орлогод хэвээр үлдээж, төрийн сангийн орлогоос тэмдэгтийн хураамжийн 50 хувь болох 55,857.50 төгрөгийг, хариуцагч Д.Жаргалсайханаас тэмдэгтийн хураамжийн 50 хувь болох 55,857.50 төгрөгийг тус тус гаргуулан нэхэмжлэгч Төрийн банкны Дархан-Уул салбар Хайрхан тооцооны төвд олгосугай.

3. Иргэний  хэрэг шүүхэд хянан шийдвэрлэх тухай хуулийн 11 дүгээр зүйлд зааснаар энэхүү шийдвэрийг хариуцагч сайн дураар биелүүлэх үүрэгтэй бөгөөд, хуульд заасан үндэслэл журмын дагуу албадан гүйцэтгэх учрыг мэдэгдсүгэй.

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар хэргийг хялбаршуулсан журмаар хянан шийдвэрлэсэн тул зохигчид давж заалдах, хяналтын журмаар хянан шийдвэрлүүлэхээр гомдол гаргах, энэ асуудлаар анхан шатны  шүүхэд дахин нэхэмжлэл гаргах эрхгүй болохыг дурдсугай.

  ШҮҮГЧ                                        Ч.БАТЧИМЭГ