Завхан аймаг дахь Сум дундын иргэний хэргийн анхан шатны шүүхийн шүүгч Л.Эхлэлт даргалж, нарийн бичгийн даргаТ.Чулуунхүү, нэхэмжлэгч Д.Ч******** нарыг оролцуулан шүүх хуралдааны танхимд нээлттэй хийж, Д.Ч*********ын нэхэмжлэлтэй Б.Д***********ааг нас барсныг тогтоолгохыг хүссэн иргэний хэргийг хянан хэлэлцээд

ТОДОРХОЙЛОХ нь:

Нэхэмжлэгч Завхан аймгийн ********* сумын *********** багт оршин суух ********** овгийн Д************гийн Ч*********** шүүхэд ирүүлсэн хүсэлт болон шүүх хуралдаанд гаргасан тайлбартаа: Миний бие 1981 оны 04-р сарын 09-нд 3 дахь охиноо төрүүлсэн боловч 1984 оны 5-р сард улаан бурхан өвчний улмаас нас барсан. Нийт 6 төрснөөс 5-н хүүхэд нь одоо амьд сэрүүн байгаа. Алдарт эхийн 2-р одон 1991 онд авсан одоо алдарт эхийн 1-р одон авах гэтэл охины 1984 онд нас барсныг шүүхээр тогтоолго гэсэн. Иймд 1981 оны 04-р сарын 09-ний өдөр төрсөн Б.Д************* 1984 оны 05-р сард нас барсан болохыг тогтоож өгнө үү гэв.

Шүүх хуралдаанаар хэрэгт цугларсан бичгийн нотлох баримтуудыг шинжлэн судлаад 

ҮНДЭСЛЭХ нь:

Д.Ч********** нь 1981 оны 04-р сарын 09-ний өдөр төрсөн Б.Д************, 1984 оны 05-р сард нас барсныг тогтоолгох тухай нэхэмжлэл шүүхэд ирүүлжээ.

Нэхэмжлэгч Д*********ийн Ч********** 1981 оны 04-р сарын 09-ний өдөр охин Б.Д************ төрүүлсэн болох нь 2017 оны 02-р сарын 14-ний өдрийн төрсний бүртгэлийн ************ дугаартай лавлагаагаар тогтоогдож байна. Уг лавлагааны хавсаргасан маягт гэсэн хэсэгт Улиастай сумын 1983-1987 онуудын нас баралтын журналд бүртгэлгүй байна гэсэн тэмдэглэл хийсэн байна. Иймд Б.Д*************ийн нас барсныг улсын бүртгэлд бүртгүүлээгүй гэж үзэх үндэстэй байна.

Б***********ын Д*********** 1984 оны 05-р сарын 10-ны өдөр нас барсан болох нь гэрч Б.Г********ын ...Б.Д********** 3-4 орчим настай байсан байх. Манай эмнэлгийн хүүхдийн тасагт улаан бурхан өвчнөөр нас барсан. Тэр жил улан бурханы дэгэлт нилээн байсан... гэсэн мэдүүлэг, гэрч Т.Я**********ын ...өдсөн эсэхийг сайн санахгүй байна. гэнэтхэн л нас барсан гэж байсан. Дулаарчихсан хавар болсон байхад л нас барсан... гэсэн мэдүүлгүүдээр тогтоогдож байна.

Хэрэгт цугларсан эдгээр нотлох баримт нь хуульд заасан үндэслэл журмаар авагдсан, өөр хоорондоо зөрүүгүй байх тул шүүх тэдгээрийг үнэн зөв гэж үнэлж нэхэмжлэлийн шаардлагыг хангаж шийдвэрлэх нь зүйтэй гэж үзээд

Монгол Улсын Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118-р зүйлүүдийг удирдлага болгон 

ТОГТООХ нь

1. Монгол Улсын Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.4 дэх хэсэгт зааснаар 1981 оны 04-р сарын 09-ний өдөр төрсөн Б***********ын Д************ 1984 оны 05-р сарын 10-ны өдөр нас барсан болохыг тогтоосугай .

2. Монгол улсын Тэмдэгтийн хураамжийн тухай хуулийн 7 дугаар зүйлийн 7.1.2 дахь хэсэгт зааснаар нэхэмжлэгчийн улсын тэмдэгтийн хураамжинд төлсөн 70200 төгрөгийг улсын орлогод хэвээр үлдээсүгэй

4.Шийдвэр танилцуулан сонсгомогц хүчинтэй болно.

5. Шийдвэрийг нэхэмжлэгч эс зөвшөөрвөл уг шийдвэрийг гардаж авсан өдрөөс хойш 14 хоногийн дотор Завхан аймгийн Эрүү иргэний хэргийн давж заалдах шатны шүүхэд давж заалдах гомдол гаргах эрхтэй.

ДАРГАЛАГЧ Л.ЭХЛЭЛТ