Хариуцагчийн зөвшөөрлийг баталж,

    хэргийг хэрэгсэхгүй болгох тухай

 

Дундговь аймаг дахь Сум дундын иргэний хэргийн анхан шатны шүүхийн Ерөнхий шүүгч Д.Уранчимэг даргалж тус шүүхийн “А” танхимд хийсэн шүүх хуралдаанаар:

 

Дундговь аймгийн Өлзийт сумын “Сум хөгжүүлэх сан”-гийн нэхэмжлэлтэй,

Дундговь аймгийн Өлзийт сумын 6-р баг, Рашаантын 24-01 тоотод оршин суух Боржигин овгийн Содномдоржийн Мөнхбаярт холбогдох  зээл, зээлийн хүү 7903000 төгрөг гаргуулах тухай нэхэмжлэлийг  2016 оны 11 дүгээр сарын 02-ны өдөр хүлээн авч, 2016  оны 11 дүгээр сарын 07-ны өдөр иргэний хэрэг үүсгэн хэлэлцэв.

Шүүх хуралдаанд

Прокурор Г.Хаш-Эрдэнэ

Нэхэмжлэгчийн төлөөлөгч И.Эрдэнэбилэг

Хариуцагч С.Мөнхбаяр

Нарийн бичгийн дарга С.Уянга нар оролцов.

 

ТОДОРХОЙЛОХ НЬ:

Нэхэмжлэгч Дундговь аймгийн Өлзийт сумын “Сум хөгжүүлэх сан”-гийн дарга И.Эрдэнэбилэг шүүхэд гаргасан нэхэмжлэлдээ: С.Мөнхбаяр нь 2011 оны 07 сарын 21-ний өдөр “Талх нарийн боов” төслийг хэрэгжүүлэх зорилгоор Өлзийт сумын “Сум хөгжүүлэх сан”-тай гэрээ байгуулан 8000000 төгрөгийн зээл авч зээлийн эргэн төлөлтийг хуваарийн дагуу 2014 оны 07 сарын 21-ний хооронд төлж дуусгах байсан боловч 2016 оны 10 сарын 25-ны байдлаар С.Мөнхбаяр нь 7480000 төгрөгийн үлдэгдэлтэй байгаа ба зээлийн гэрээний 2.4-т заасанчлан үндсэн хүүгээс гадна алданги торгууль 423000 төгрөг тооцон нийт 7903000 төгрөгийг нэхэмжилж байна. Иймд С.Мөнхбаяраас 7903000 төгрөгийг гаргуулж өгнө үү гэжээ.

Хариуцагч С.Мөнхбаяр шүүх хуралдаанд гаргасан тайлбартаа: Дундговь аймгийн Өлзийт сумын “Сум хөгжүүлэх сан”-гийн тус шүүхэд гаргасан нэхэмжлэлтэй танилцсан. Нэхэмжлэлийн шаардлага болох 7903000 төгрөгийг бүрэн хэмжээгээр нь хүлээн зөвшөөрч байна. Маргах зүйл бол байхгүй гэв.

Нэхэмжлэгч Дундговь аймгийн Өлзийт сумын “Сум хөгжүүлэх сан”-гийн дарга И.Эрдэнэбилэг шүүхэд гаргасан тайлбартаа: Хариуцагч нь нэхэмжлэлийн шаардлагыг бүрэн хэмжээгээр хүлээн зөвшөөрсөн тайлбарыг гаргаж байна. Иймд надад тайлбар алга байна гэв.

 

ҮНДЭСЛЭХ НЬ:

Нэхэмжлэгч Дундговь аймгийн Өлзийт сумын “Сум хөгжүүлэх сан”-гийн дарга И.Эрдэнэбилэг нь С.Мөнхбаярт  хариуцуулан 7903000  төгрөг гаргуулахыг хүссэн нэхэмжлэл гаргажээ.

Шүүх хуралдаанд хариуцагч С.Мөнхбаяр нь Дундговь аймгийн Өлзийт сумын “Сум хөгжүүлэх сан”-гийн нэхэмжилсэн 7903000 төгрөгийг бүрэн төлж барагдуулахаар нэхэмжлэлийн шаардлагыг бүхэлд нь хүлээн зөвшөөрснийг нэхэмжлэгч тал нь хүлээн зөвшөөрч байна.

Иймд хариуцагчийн зөвшөөрлийг баталж, хэргийг хэрэгсэхгүй болгон шийдвэрлэх нь зүйтэй байна.

Хариуцагчаас улсын тэмдэгтийн хураамжид 141398 төгрөгийг гаргуулан орон нутгийн төсвийн орлогод оруулахаар шийдвэрлэлээ.

Нэхэмжлэгч нь энэхүү асуудлаар дахин шүүхэд нэхэмжлэл гаргах эрхгүй болохыг дурдаад

 

Иргэний хэрэг шүүхэд хянан шийдвэрлэх тухай хуулийн 106 дугаар  зүйлийн 106.5-д  заасныг удирдлага болгон ТОГТООХ НЬ:

1.Иргэний хэрэг шүүхэд хянан шийдвэрлэх тухай хуулийн 106 дугаар  зүйлийн 106.4-т зааснаар хариуцагч Боржигин овгийн Содномдоржийн Мөнхбаяр /ТИ70021811/ нь 7903000 /долоон сая есөн зуун гурван мянган/ төгрөгийг Дундговь аймгийн Өлзийт сумын “Сум хөгжүүлэх сан”-д төлөхөөр хүлээн зөвшөөрсөн хариуцагчийн зөвшөөрлийг баталж, хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 106.6 дахь хэсэгт зааснаар хариуцагч С.Мөнхбаяраас 141398 /нэг зуун дөчин нэгэн мянга гурван зуун ерэн найман/ төгрөгийг гаргуулан төсвийн орлогод оруулсугай.

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигч энэхүү  асуудлаар   захирамжид давж  заалдах, хяналтын журмаар хянан шийдвэрлүүлэхээр гомдол  гаргах,  тухайн  асуудлаар  анхан  шатны  шүүхэд  дахин  нэхэмжлэл  гаргах  эрхгүйг заасугай. 

 

 

 

 

       ДАРГАЛАГЧ                              Д.УРАНЧИМЭГ

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Хариуцагчийн зөвшөөрлийг баталж,

     хэргийг хэрэгсэхгүй болгох тухай

 

Дундговь аймаг дахь Сум дундын иргэний хэргийн анхан шатны шүүхийн шүүгч Д.Уранчимэг даргалж тус шүүхийн “Б” танхимд хийсэн шүүх хуралдаанаар

Дундговь аймгийн Адаацаг сумын “Сум хөгжүүлэх сан”-ийн,

Дундговь аймгийн Адаацаг сумын 1-р баг, Тавины 6-10 тоотод оршин суух Хорин овогт Чанцалын Алтанцэцэгээс 2701491 төгрөг гаргуулахыг хүссэн нэхэмжлэлийг 2015 оны 08 дугаар сарын 10-ны өдөр хүлээн авч, 2015  оны 08 дугаар сарын 17-ны өдөр иргэний хэрэг үүсгэн хэлэлцэв.

Шүүх хуралдаанд  Нарийн бичгийн дарга Г.Нямаа

Нэхэмжлэгчийн төлөөлөгч Б.Цэрэндолгор

Хариуцагч Ч.Алтанцэцэг нар оролцов.

ТОДОРХОЙЛОХ нь:

Нэхэмжлэгч Адаацаг сумын “Сум хөгжүүлэх сан” нь шүүхэд гаргасан нэхэмжлэлдээ: Тус сумын 1-р багийн  иргэн Ч.Алтанцэцэг нь 2014 оны 01 сарын 20-ны өдөр “Угалз” төслийг хэрэгжүүлэх зорилгоор Адаацаг сумын “Сум хөгжүүлэх сан”-тай зээлийн гэрээ байгуулан 3000000 төгрөгийн зээл авсан бөгөөд зээлийн эргэн төлөлтийн хуваарийн дагуу зээлээ хугацаанд нь төлөхгүй байна. 2015 оны 08 сарын 05-ны байдлаар үндсэн зээл 2580000 төгрөг, хүү 103851 төгрөг, мөн гэрээний 2.4-т заасны дагуу торгууль 17640 төгрөг нийт 2701491 төгрөгний үлдэгдэлтэй байна. Сум хөгжүүлэх сангийн зээлийн гэрээний 4-т заасны дагуу 2701491 төгрөгийг төлүүлэхээр нэхэмжилж байна гэжээ.

Хариуцагч Ч.Алтанцэцэг шүүх хуралдаанд гаргасан тайлбартаа: Миний бие 2014 оны 8 сараас хойш зээлээ төлөөгүй нь үнэн. Би энэ хугацаанд орлогогүй байгаагүй, ажил хийдэг. Гэхдээ мөнгөөр орлого орохгүй байгаа юм. Олсон мөнгөө хоол хүнс, хувцас зэрэгтээ зарцуулаад дуусаад байгаа юм. Би 2701491 төгрөгийг 2015 оны 12 дугаар сарын 02-ноос эхлэн гэрээний хугацаа дуусах хүртэл буюу 2017 оны 01 дүгээр сарын 02-нийг хүртэлх хугацаанд сар бүрийн 02-ны өдөр 192963 төгрөгийг төлж барагдуулъя гэв.

Нэхэмжлэгчийн төлөөлөгч Б.Цэрэндолгор шүүх хуралдаанд гаргасан тайлбартаа: 2014 оны 8 сараас хойш энэ хүн нэг ч  эргэн төлөлт хийгээгүй, хугацаа нилээд хэтэрсэн тул баримт гаргуулахаар шүүхэд хандсан. Энэ хүн мөнгөө төлөхгүй байгаа учраас дараагийн зээлдэгчийн нөхцлийг хангахгүй, би өөрөө ч цалингүй шахуу ажиллаж байна. Ч.Алтанцэцэгийн 2015 оны 12 дугаар сарын 02-ноос эхлэн гэрээний хугацаа дуусах хүртэл буюу 2017 оны 01 дүгээр сарын 02-нийг хүртэлх хугацаанд сар бүрийн 02-ны өдөр 192963 төгрөгийг төлнө гэснийг хүлээн зөвшөөрч байна гэв.

 

ҮНДЭСЛЭХ НЬ:

Нэхэмжлэгч Адаацаг сумын “Сум хөгжүүлэх сан” нь Ч.Алтанцэцэгт  хариуцуулан 2701491 төгрөг гаргуулахыг хүссэн нэхэмжлэл гаргажээ.

Нэхэмжлэгч Адаацаг сумын “Сум хөгжүүлэх сан”-ийн төлөөлөгч Б.Цэрэндолгор, хариуцагч Ч.Алтанцэцэг  нар шүүх хуралдаанд гаргасан  хүсэлтдээ: 

Хариуцагч Ч.Алтанцэцэг нь 2701491 төгрөгийг 2015 оны 12 дугаар сарын 02-ноос эхлэн гэрээний хугацаа дуусах хүртэл буюу 2017 оны 01 дүгээр сарын 02-нийг хүртэлх хугацаанд сар бүрийн 02-ны өдөр 192963 төгрөгийг төлж барагдуулна гэсэн байна. Үүнийг нэхэмжлэгчийн төлөөлөгч Б.Цэрэндолгор миний бие хүлээн зөвшөөрч байх тул хэргийг хялбаршуулсан журмаар шийдвэрлэж өгнө үү гэжээ.

Шүүх хуралдааны шатанд хариуцагч нэхэмжлэлийн шаардлагыг сайн дураараа төлөхөөр хүлээн зөвшөөрсөн ба энэ нь гуравдагч этгээдийн хуулиар хамгаалагдсан ашиг сонирхлыг хөндөөгүй байх тул хариуцагчийн зөвшөөрлийг баталж,  хэргийг хэрэгсэхгүй болгох нь зүйтэй байна.

Нэхэмжлэгч нь  улсын тэмдэгтийн хураамж төлөхөөс чөлөөлөгдсөн ба хариуцагчаас улсын тэмдэгтийн хураамжид 58173 төгрөгийг гаргуулан улсын орлогод оруулахаар шийдвэрлээд

 

Иргэний хэрэг шүүхэд хянан шийдвэрлэх тухай хуулийн 106 дугаар  зүйлийн 106.4, 106.5,  123.1 дэх хэсэгт заасныг  тус тус  удирдлага болгон ТОГТООХ НЬ:

1. Хариуцагч Ч.Алтанцэцэг нь Адаацаг сумын “Сум хөгжүүлэх сан”-ийн нэхэмжилсэн 2701491 /хоёр сая долоон зуун нэг мянга дөрвөн зуун ерэн нэг/  төгрөгийг 2015 оны 12 дугаар сарын 02-ны өдрөөс 2017 оны 01 дүгээр сарын 02-ны өдрийн хооронд 192963 төгрөгийг сар бүр төлж барагдуулахаар хүлээн зөвшөөрсөн байх тул хариуцагчийн зөвшөөрлийг баталж, Дундговь аймгийн Адаацаг сумын “Сум хөгжүүлэх сан”-ийн  нэхэмжлэлтэй Ч.Алтанцэцэгт хариуцагдах 2701491 /хоёр сая долоон зуун нэг мянга дөрвөн зуун ерэн нэг/ төгрөг  гаргуулах тухай иргэний хэргийг хэрэгсэхгүй болгосугай.

2.Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 106 дугаар зүйлийн 106.6 дахь хэсэгт тус тус зааснаар хариуцагч Б.Алтанцэцэгээс 58173 /тавин найман мянга нэг зуун далан гурав/ төгрөгийг гаргуулан төсвийн орлогод оруулсугай.

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигч, тэдгээрийн төлөөлөгч нь энэхүү  асуудлаар   захирамжид давж  заалдах, хяналтын журмаар хянан шийдвэрлүүлэхээр гомдол  гаргах,  тухайн  асуудлаар  анхан  шатны  шүүхэд  дахин  нэхэмжлэл  гаргах  эрхгүйг мэдэгдсүгэй.  

 

 

 

 

 

 

ШҮҮГЧ                              Д.УРАНЧИМЭГ