Хариуцагчийн зөвшөөрлийг баталж,

хэргийг хэрэгсэхгүй болгох тухай

 

Дорнод аймаг дахь Сум дундын иргэний хэргийн анхан шатны шүүхийн Ерөнхий шүүгч С.Ганчимэг би,

Дорнод аймгийн ******* сумын ******* даргын тамгын газрын нэхэмжлэлтэй,

Дорнод аймгийн ******* сумын ******* багт орших, ******* регистрийн дугаартай,  ******* овогт ******* *******т холбогдох,

 Зээлийн гэрээний үүрэг 2.473.742 төгрөг гаргуулах тухай  иргэний хэргийг 2016 оны 8 сарын 08-ны өдөр хүлээн авч хянаад ТОДОРХОЙЛОХ нь:

 

Нэхэмжлэгч байгууллага шүүхэд гаргасан нэхэмжлэлдээ: ******* нь сум хөгжүүлэх сангаас төмс хүнсний ногоо тариалах зориулалтаар “Их булгийн өгөөж” төслийг ирүүлж, сумын ******* даргын 2013 оны А/84 тоот захирамжаар 3.000.000 төгрөгийн зээлийн санхүүжилтийг авсан. Уг зээлийн гэрээ болон эргэн төлөлтийн хугацаа 2016 оны 05 сарын 13-ны өдөр дууссан. Зээлийн үлдэгдэл 2.208.699 төгрөг, зээлийг төлөөгүй хугацааны алданги 265.044 төгрөг нийт 2.473.742 төгрөгийн үлдэгдэлтэй байна. Зээлийг хугацаандаа төлж барагдуулах тухай албан мэдэгдлийг 2015 оны 04 сарын 17-ны өдөр, 2015 оны 10 сарын 22-ны өдөр, 2016 оны 06 сарын 03-ны өдрүүдэд тус тус хүргүүлж, сар бүр утсаар холбогдон мэдэгдэж байсан боловч 2016 оны 07 сарын 27-ны өдрийг хүртэлх хугацаанд төлж барагдуулаагүй байна.   

Иймд уг зээлийн эргэн төлөлтийн хугацаа дууссан өдрөөс эхлэн сум хөгжүүлэх сангаас олгох зээлийн гэрээний 2.4-т заасны дагуу алдаги тооцон тус сумын сум хөгжүүлэх сангийн зээлийн үлдэгдэл нийт 2.473.742 төгрөгийг хуулийн дагуу гаргуулж өгнө үү гэжээ.

Хариуцагч ******* шүүхэд ирүүлсэн хариу тайлбартаа: Миний бие нь ******* сумын ЗДТГазрын шүүхэд гаргасан нэхэмжлэлтэй танилцлаа. Сум хөгжүүлэх сангаас авсан зээлийн үлдэгдэл 2.473.742 төгрөгийг төлөхөд татгалзах зүйл байхгүй. Уг мөнгийг 2 хувааж төлж барагдуулах болно. Төлөлтийг 2016 оны 10 сарын 25-нд 1.236.871 төгрөг, 2016 оны 12 сарын 10-нд 1.236.871 төгрөгийг тус тус төлж барагдуулах болно гэжээ.

Хэргийн материалыг шүүх хянаад ҮНДЭСЛЭХ нь:

Нэхэмжлэгч ******* сумын ******* даргын тамгын газар нь хариуцагч *******өөс зээлийн гэрээний үүрэг 2.473.742 төгрөг нэхэмжилжээ.  

Хариуцагч ******* нь ******* сумын ******* даргын 2013 оны А/84 тоот захирамжаар сум хөгжүүлэх сангаас төмс хүнсний ногоо тариалах зориулалтаар  3.000.000 төгрөгийг зээлж аваад гэрээний үүргээ биелүүлээгүй болох нь нэхэмжлэгчийн шүүхэд гаргасан нэхэмжлэл, зээлийн гэрээний хуулбар, төлбөрийн хүсэлтийн хуулбар, хариуцагчийн хариу тайлбар зэрэг хэрэгт цугларсан бичгийн баримтуудаар батлагдаж байна.  

 

Хэрэг хянан шийдвэрлэх ажиллагааны явцад хариуцагч ******* нь зээлийн гэрээний үүрэг 2.473.742 төгрөг төлөхийг хүлээн зөвшөөрч шүүхэд бичгээр баталгаа гаргаж өгсөн байх тул хэргийг хялбаршуулсан журмаар шийдвэрлэх үндэслэлтэй гэж шүүх үзлээ.

Монгол Улсын Иргэний хэрэг шүүхэд хянан шийдвэрлэх тухай хуулийн 74, 75 дугаар зүйлүүдэд заасныг удирдлага болгон  ЗАХИРАМЖЛАХ нь:

1. Хариуцагч ******* нь зээлийн гэрээний үүрэг 2.473.742 /хоёр сая дөрвөн зуун далан гурван мянга долоон зуун дөчин хоёр/ төгрөгийг нэхэмжлэгч Дорнод аймгийн ******* сумын ******* даргын тамгын газарт төлөхийг хүлээн зөвшөөрснийг баталж, хэргийг хэрэгсэхгүй болгосугай. 

 

2. Улсын тэмдэгтийн хураамжийн тухай хуулийн 41 дүгээр зүйлийн 41.1.3-д зааснаар нэхэмжлэгч байгууллага Дорнод аймгийн ******* сумын ******* даргын тамгын газар нь улсын тэмдэгтийн хураамж төлөхөөс чөлөөлөгдсөн болохыг дурдсугай. 

 

3. Иргэний хэрэг шүүхэд хянан шийдвэрлэх тухай хуулийн  74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д зааснаар хариуцагч *******өөс улсын тэмдэгтийн хураамжид 27265 төгрөгийг гаргуулж төсвийн орлого болгосугай. 

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, уг асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

5. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэсүгэй.

 

 

 

ЕРӨНХИЙ ШҮҮГЧ                              С.ГАНЧИМЭГ