Нэхэмжлэгч нэхэмжлэлийн шаардлагаасаа

 татгалзсаныг баталж, хэргийг хэрэгсэхгүй

болгох тухай

 

        Өмнөговь аймаг дахь сум дундын иргэний хэргийн анхан шатны шүүхийн шүүгч Л.Угтахбаяр би

 

        Нэхэмжлэгч: 

 

Хариуцагч: 

 

Газар эзэмших, үл хөдлөх эд хөрөнгө өмчлөх эрхийн улсын бүртгэлийн гэрчилгээ гаргуулах тухай нэхэмжлэлийг 2017 оны 01 дүгээр сарын 13-ны өдөр хүлээн авч, 2017 оны 01 дүгээр сарын 20-ны өдөр иргэний хэрэг үүсгэн

 

ТОДОРХОЙЛОХ НЬ:

 

        Нэхэмжлэгч Ж.******* шүүхэд гаргасан нэхэмжлэлдээ:  Өмнөговь аймаг дахь сум дундын Иргэний хэргийн анхан шатны шүүхийн 2016 оны 07 дугаар сарын 06-ны өдрийн 354 дугаартай шүүхийн шийдвэрээр *******ийн ******* би *******инд төлөх ёстой 15612941 төгрөгийг 2017 оны 01 дүгээр сарын 06-ны өдөр бүрэн төлж барагдуулсан болно. Төлбөрөө төлөөд барьцаанд тавьсан баримт бичгээ авахаар очиход *******ны салбарын захирал С.******* “банк шүүхийн шийдвэр гүйцэтгэлээр үйлчлүүлсэний төлбөрийг төлж байж ав” гээд өгсөнгүй. Уг нь Шүүхийн шийдвэр гүйцэтгэх тухай хуулийн 82.3, 82.4 дүгээр зүйл , Монгол улсын хууль зүйн сайдын 2013 оны 08 дугаар сарын 23-ны өдрийн А/181 тоот тушаалын дагуу дээрх төлбөрийг ******* төлөх ёстой. Энэ талаар Шүүхийн шийдвэр гүйцэтгэх албаны ажилтан тайлбарлан хэлж өгсөн боловч *******ны захирал С.******* “Манай ерөнхий захирлын тушаалаар та нар төлөх ёстой” гээд хууль тушаалыг үл ойшоон бичиг баримтыг минь өгөхгүй чирэгдүүлж байгаа тул газар эзэмших эрхийн гэрчилгээ, үл хөдлөх хөрөнгийн улсын бүртгэлийн гэрчилгээг гаргуулан өгч туслана уу гэжээ.

 

Нэхэмжлэгч Ж.******* шүүхэд ирүүлсэн хүсэлтдээ: Нэхэмжлэгч Ж.******* миний бие Өмнөговь аймаг дахь *******тай холбоотой гэр бүлийн хэрэгцээний газар өмчлөх эрхийн гэрчилгээ, үл хөдлөх эд хөрөнгө өмчлөх эрхийн гэрчилгээ гаргуулах тухай нэхэмжлэл гаргасан. Миний бие *******наас дээрх гэрчилгээнүүдийг авч хариуцагч нэхэмжлэлийн шаардлагыг биелүүлсэн тул энэ асуудлыг шүүхээр шийдвэрлүүлэх шаардлагагүй болсон. Иймд миний бие шүүхэд гаргасан нэхэмжлэлээсээ татгалзаж байна гэжээ.

 

ҮНДЭСЛЭХ НЬ:

 

Нэхэмжлэгч Ж.******* нь нэхэмжлэлийн шаардлагаасаа татгалзсан болох нь түүний тайлбараар нотлогдож байх тул хариуцагч нэхэмжлэлийн шаардлагыг биелүүлж, нэхэмжлэгч нэхэмжлэлийн шаардлагаасаа татгалзсаныг батлаж, хэргийг хэрэгсэхгүй болгох үндэслэлтэй байна.

 

Монгол Улсын Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.4, 75 дугаар зүйл, 123 дугаар зүйлийн 123.1 дэх хэсэгт заасныг  удирдлага болгон ЗАХИРАМЖЛАХ нь:

 

1. Нэхэмжлэгч Ж.******* нь Өмнөговь аймгийн Даланзадгад сум дахь ******* ХХК-ийн салбарын захирал С.*******д холбогдуулж газар эзэмших, үл хөдлөх эд хөрөнгө өмчлөх эрхийн улсын бүртгэлийн гэрчилгээ гаргуулахыг хүссэн нэхэмжлэлийн шаардлагаасаа нэхэмжлэгч татгалзсаныг баталж, хэргийг хэрэгсэхгүй болгосугай.
2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид төлсөн 70.200 төгрөгийг орон нутгийн төсвийн орлогод хэвээр үлдээж, хариуцагч Өмнөговь аймгийн Даланзадгад сум дахь ******* ХХК-ийн салбараас 35.100 төгрөг, орон нутгийн төсвийн орлогоос 35.100 төгрөгийг тус тус гаргуулан нэхэмжлэгч Ж.*******т олгосугай.
3. Энэ захирамжид зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

 

ШҮҮГЧ                                   Л.УГТАХБАЯР