2017 оны 01 сарын 30 өдөр     Дугаар 156/ШШ2017/00077    Хэнтий аймаг

 

Нэхэмжлэгч нэхэмжлэлээсээ татгалзсаныг баталж,
хэргийг хэрэгсэхгүй болгох тухай

Хэргийн индекс:156/2016/00736/И

    Хэнтий аймаг дахь сум дундын Иргэний хэргийн анхан шатны шүүхийн шүүгч Ж.Болдбаатар би
           Нэхэмжлэгч: Хэнтий аймаг дахь Цагдаагийн газрын нэхэмжлэлтэй, 
            Хариуцагч: Хэнтий аймгийн Хэрлэн сумын 5 дугаар баг Дулааны 4-5 тоотод оршин суух, Ч.Оюунболдод холбогдох

           “саатуулах байрны үйлчилгээний төлбөр 4150 төгрөг гаргуулах” тухай нэхэмжлэлийн шаардлагатай иргэний хэргийг хянаад                                                                                                                                                                                                                      
                                                                                                             
ТОДОРХОЙЛОХ НЬ:

Нэхэмжлэгч Хэнтий аймаг дахь Цагдаагийн газар нь шүүхэд гаргасан нэхэмжлэлдээ:
Хэнтий аймгийн Хэрлэн сумын 5 дугаар баг Дулааны 4-5 тоотод оршин суух, эрхэлсэн тодорхой ажилгүй Чойжилсүрэн овогтой Оюунболд нь 2016 оны 08 дугаар сарын 27-ны өдөр согтуугаар бусдын амгалан тайван байдал алдагдуулсан зөрчлөөр саатуулагдсан ба саатуулах байрны үйлчилгээний төлбөр 4150 төгрөгийг төлөөгүй тул гаргуулж өгнө үү гэжээ. /хх-ийн 1х/ 

Нэхэмжлэгч байгууллагын итгэмжлэгдсэн төлөөлөгч А.Отгонжаргал нь шүүхэд гаргасан тайлбартаа: 
Хариуцагч Ч.Оюунболд нь Хэнтий аймгийн Хэрлэн сумын 5 дугаар баг Дулааны 4-5 тоотод оршин суудаггүй, бүртгэлгүй байх тул шүүхэд гаргасан нэхэмжлэлээсээ татгалзаж байна гэжээ. 

Шүүх хэрэгт авагдсан бичгийн баримтуудыг шинжлэн судлаад                                                                                                                                                                                                                                                               
                                                                                                      
ҮНДЭСЛЭХ НЬ:

Нэхэмжлэгч Хэнтий аймаг дахь Цагдаагийн газар нь хариуцагч Ч.Оюунболдод холбогдуулан саатуулах байрны үйлчилгээний төлбөр 4150 төгрөгийг гаргуулах нэхэмжлэлийн шаардлагыг гаргасан бөгөөд хэрэг хянан шийдвэрлэх ажиллагааны явцад уг нэхэмжлэлээсээ бүрэн хэмжээгээр татгалзах хүсэлтээ шүүхэд бичгээр ирүүлсэн байна.
Иймд нэхэмжлэгч байгууллагыг шүүхэд гаргасан нэхэмжлэлийн шаардлагаасаа бүрэн хэмжээгээр татгалзсаныг баталж, хэргийг хэрэгсэхгүй болгох нь зүйтэй байна.

   
Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2-т заасныг удирдлага болгон                                                                                                                                                                                                        

ЗАХИРАМЖЛАХ НЬ:
    1. Хэнтий аймаг дахь Цагдаагийн газрын нэхэмжлэлтэй, Хэнтий аймгийн Хэрлэн сумын 5 дугаар баг Дулааны 4-5 тоотод оршин суух, Ч.Оюунболдод холбогдох “саатуулах байрны үйлчилгээний төлбөр 4150 төгрөг гаргуулах” тухай нэхэмжлэлийн шаардлагатай иргэний хэрэгт нэхэмжлэгч байгууллага нь нэхэмжлэлээсээ бүрэн хэмжээгээр  татгалзсаныг баталж, хэргийг хэрэгсэхгүй болгосугай.

2. Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч Хэнтий аймаг дахь Цагдаагийн газар нь улсын тэмдэгтийн хураамж төлөхөөс чөлөөөлөгдсөн  болохыг дурдсугай.
3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар энэхүү хэргийг хялбаршуулсан журмаар хянан шийдвэрлэсэн тул зохигчид нь давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.
             

ШҮҮГЧ                                      Ж.БОЛДБААТАР