Хариуцагч нэхэмжлэлийн шаардлагыг

хүлээн зөвшөөрснийг баталж, хэргийг

хэрэгсэхгүй болгох тухай

 

Дорнод аймаг дахь Сум дундын иргэний хэргийн анхан шатны шүүхийн шүүгч Г.Уртнасан би Өлзийхутагын Энхмаа /РД:ЖВ77111200/-д холбогдох зээлийн гэрээний үүрэгт 6754928 төгрөг гаргуулах тухай Дорнод аймгийн Баян-Уул сумын Засаг даргын  нэхэмжлэлийг 2017 оны 01 сарын 03-ны өдөр хүлээн авч хянаад ТОДОРХОЙЛОХ нь:       

 

Нэхэмжлэгч Баян-Уул сумын Засаг дарга шүүхэд гаргасан нэхэмжлэлдээ:  Баян-Уул сумын “Сум хөгжүүлэх сан”-аас тус сумын 5 дугаар багийн иргэн Ө.Энхмаа нь 2013.04.05-ны өдөр гэрээ байгуулан 6000000 төгрөгийг 36 сарын хугацаатай, сарын 0,25 хувийн хүүтэй зээлдэж авсан. Зээлийн гэрээний хугацаа 2014 оны 04 сарын 05-ны өдөр дууссан боловч Ө.Энхмаа нь зээлийн гэрээгээр хүлээсэн үүргээ биелүүлэхгүй байна. Гэрээний үүргээ биелүүлэхийг 5 удаа албан бичгээр шаардсан боловч зээлээ төлөөгүй байна. Иргэн Ө.Энхмаа нь зээлээ хугацаандаа төлөөгүйн улмаас учирч буй хор уршиг нь дараагийн иргэн ажлын байраар хангагдахгүй, “Сум хөгжүүлэх сан”-гийн зээлийн эргэн төлөлт удааширч байна.

Иймд Ө.Энхмаагаас үндсэн зээлийн үлдэгдэл 5629107 төгрөг, алданги 1125821 төгрөг, нийт 6754928 төгрөгийг гаргуулж Баян-Уул сумын Засаг даргын Тамгын газарт олгож өгнө үү гэжээ. 

 

Хариуцагч Дорнод аймгийн Баян-Уул сумын 5 дугаар багт оршин суух, ЖВ77111200 регистрийн дугаартай Баруун хуасай овогт Өлзийхутагын Энхмаа шүүхэд гаргасан хариу тайлбартаа:

Миний бие “Сум хөгжүүлэх сан”-гаас 6000000 төгрөгийн зээл авсан нь үнэн. Энэхүү зээлийн үлдэгдэл болох 5629107 төгрөг, алданги 1125821 төгрөг, нийт 6754928

 

2017. 02. 10 №198

Хөтлөх хэрэгт 4-85 Г.Уртнасан                                                                                                                             Шүүхийн шийдвэр 2017 

 

төгрөгийг 2017 оны 08 сарын 20-нд 3000000, 2017 оны 12 сарын 20-нд 3754928 төгрөгийг төлж барагдуулна гэжээ.

 

Хэргийн материалыг шүүх хянаад ҮНДЭСЛЭХ НЬ:

 

Нэхэмжлэгч Дорнод аймгийн Баян-Уул сумын Засаг дарга нь хариуцагч Ө.Энхмаад холбогдуулан зээлийн гэрээний үүрэгт 6754928 төгрөг гаргуулах тухай нэхэмжлэлийг тус шүүхэд гаргасан байх ба хэрэг хянан шийдвэрлэх ажиллагааны явцад дээрх шаардлагыг хариуцагч Ө.Энхмаа нь хүлээн зөвшөөрч байх тул нэхэмжлэлийн шаардлагыг хариуцагч хүлээн зөвшөөрснийг баталж, хэргийг хэрэгсэхгүй болгон хялбаршуулсан журмаар хянан шийдвэрлэх нь зүйтэй гэж үзлээ.

 

Монгол Улсын Иргэний хэрэг шүүхэд хянан шийдвэрлэх тухай хуулийн 74, 75 дугаар зүйлүүдэд заасныг удирдлага болгон ЗАХИРАМЖЛАХ НЬ:

 

1. Хариуцагч Ө.Энхмаа нь зээлийн гэрээний үүрэгт 6754928 /зургаан сая долоон зуун тавин дөрвөн мянга есөн зуун хорин найм/ төгрөгийг нэхэмжлэгч Баян-Уул сумын Засаг даргын Тамгын газарт төлөхийг хүлээн зөвшөөрснийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-д тус тус зааснаар хариуцагчаас улсын тэмдэгтийн хураамжид 61515 /6754928 төгрөгт ногдох улсын тэмдэгтийн хураамж 123029 төгрөгийн 50 хувь/-ийг гаргуулж Дорнод аймгийн Хэрлэн сумын төсвийн орлогод оруулсугай.

3. Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч байгууллага нь Улсын тэмдэгтийн хураамж төлөхөөс чөлөөлөгдсөн болохыг дурдсугай.   

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

5. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэхүү захирамжийг зохигч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

ШҮҮГЧ                       Г.УРТНАСАН