2017 оны 01 сарын 11 өдөр

Дугаар 181/ШШ2017/00144

Улаанбаатар хот

 

Нэхэмжлэгч нэхэмжлэлээсээ татгалзсаныг

баталж, хэргийг хэрэгсэхгүй болгох тухай

 

Сүхбаатар дүүргийн Иргэний хэргийн анхан шатны шүүхийн шүүгч Т.Ганчимэг би,

Нэхэмжлэгч: Хан-Уул дүүргийн 15 дугаар хороо,  4 улирал цэцэрлэг хороолол, С1-311 тоотод оршин суух, Чимэддоржийн Долгормаа /РД:ЧК62060225/-гийн нэхэмжлэлтэй,

Хариуцагч: Сүхбаатар дүүрэг, 2 дугаар хороо, 5 дугаар хороолол, Шинэ төгөл 19А-1 дүгээр орц, 1-1 тоотод оршин суух, Батжаргалын Батбаяр /РД:УС52120317/-нд холбогдох,

Нэр төр, алдар хүнд, ажил хэргийн нэр хүндийг сэргээлгэх буюу Өдрийн сонины Баасан гарагийн дугаарын 5 дугаар нүүрэнд иргэн Ч.Долгормаа болон Хан-Уул дүүргийн Иргэдийн төлөөлөгчдийн хурлаас уучлалт гуйлгахыг даалгах, гэм хорын хохиролд 7,000,000 төгрөг гаргуулах үндсэн, миний болон манай хүүхдүүдийн нэг төр, алдар хүнд, ажил хэргийн нэр хүндийг гутаасан мэдээг тараасан хэлбэр, хэрэгслээрээ залруулах, гэр бүлд учирсан хохирлыг мөнгөн хэлбэрээр тооцож 7,000,000 төгрөг гаргуулах сөрөг нэхэмжлэлийн шаардлагатай иргэний хэргийг хянаад

ТОДОРХОЙЛОХ НЬ: 

Нэхэмжлэгч шүүхэд гаргасан нэхэмжлэлдээ: Хариуцагч Б.Батбаярт нэр төр, алдар хүнд, ажил хэргийн нэр хүндийг сэргээлгэх буюу Өдрийн сонины Баасан гарагийн дугаарын 5 дугаар нүүрэнд иргэн Ч.Долгормаа болон Хан-Уул дүүргийн Иргэдийн төлөөлөгчдийн хурлаас уучлалт гуйлгахыг даалгах, гэм хорын хохиролд 7,000,000 төгрөг гаргуулж өгнө үү гэжээ.

Хариуцагч Б.Батбаяр шүүхэд гаргасан сөрөг нэхэмжлэлдээ: миний болон манай хүүхдүүдийн нэг төр, алдар хүнд, ажил хэргийн нэр хүндийг гутаасан мэдээг тараасан хэлбэр, хэрэгслээрээ залруулах, гэр бүлд учирсан хохирлыг мөнгөн хэлбэрээр тооцож 7,000,000 төгрөгийг Ч.Долгормаагаас гаргуулж өгнө үү гэжээ.

 

ҮНДЭСЛЭХ НЬ:

 

Нэхэмжлэгч нь хариуцагч Б.Батбаярт холбогдуулж нэр төр, алдар хүнд, ажил хэргийн нэр хүндийг сэргээлгэх буюу Өдрийн сонины Баасан гарагийн дугаарын 5 дугаар нүүрэнд иргэн Ч.Долгормаа болон Хан-Уул дүүргийн Иргэдийн төлөөлөгчдийн хурлаас уучлалт гуйлгахыг даалгах, гэм хорын хохиролд 7,000,000 төгрөг гаргуулах үндсэн, хариуцагч нь миний болон манай хүүхдүүдийн нэг төр, алдар хүнд, ажил хэргийн нэр хүндийг гутаасан мэдээг тараасан хэлбэр, хэрэгслээрээ залруулах, гэр бүлд учирсан хохирлыг мөнгөн хэлбэрээр тооцож 7,000,000 төгрөг гаргуулах сөрөг нэхэмжлэлийн шаардлагыг тустус шүүхэд  гаргажээ.

Хэрэг хянан шийдвэрлэх ажиллагааны явцад нэхэмжлэгч Ч.Долгормаа нь нэхэмжлэлийн шаардлагаасаа татгалзаж, хариуцагч Б.Батбаяр нь сөрөг нэхэмжлэлийн шаардлагаасаа талууд тус тус татгалзсан болох нь нэхэмжлэгч, хариуцагч нарын бичгээр гаргасан тайлбараар тогтоогдож байна.

Иргэний хэрэг шүүхэд хянан шийдвэрлэх тухай хуулийн 106 дугаар зүйлийн 106.3-д “Нэхэмжлэгч нэхэмжлэлээ хариуцагчийн зөвшөөрөлгүй татан авч болно” гэдэг нь нэхэмжлэгч нэхэмжлэлээсээ татгалзаж буй нэг хэлбэр юм.

Учир нь нэхэмжлэгч нэхэмжлэл гаргах эсэх нь нэхэмжлэгчийн эрх боловч уг эрхийн үр дагаврыг Иргэний хэрэг шүүхэд хянан шийдвэрлэх тухай хуулийн 106.5-д Энэ хуулийн 106.3,106.4-т зааснаар ‘нэхэмжлэгч нэхэмжлэлээсээ татагалзсан, хариуцагч нэхэмжлэлийн шаардлагыг хүлээн зөвшөөрсөн,зохигчид эвлэрсэн нь бусдын эрх, эрх чөлөө, хуулиар хамгаалагдсан ашиг сонирхлыг хөндөөгүй, хуульд харшлаагүй бол шүүх хариуцагчийн зөвшөөрөл, нэхэмжлэгчийн татгалзал, зохигчдын эвлэрлийг баталж хэргийг хэрэгсэхгүй болгох тухай шүүгч захирамж, шүүх тогтоол гаргана. Эдгээр тогтоол, захирамжид энэ хуулийн 74 дүгээр 74.4-т заасан зохицуулалт нэгэн адил хамаарна” гэж зохицуулсан.

            Иймд  Долгормаагийн Б.Батбаярт холбогдуулан гаргасан болон Хан-Уул дүүргийн Иргэдийн төлөөлөгчдийн хурлаас уучлалт гуйлгахыг даалгах, гэм хорын хохиролд 7,000,000 төгрөг үндсэн нэхэмжлэлээсээ, хариуцагч Б.Батбаяр нэхэмжлэгч Ч.Долгормаад холбогдуулан гаргасан миний болон манай хүүхдүүдийн нэг төр, алдар хүнд, ажил хэргийн нэр хүндийг гутаасан мэдээг тараасан хэлбэр, хэрэгслээрээ залруулах, гэр бүлд учирсан хохирлыг мөнгөн хэлбэрээр тооцож 7,000,000 төгрөг гаргуулах сөрөг нэхэмжлэлээсээ тус тус татгалзсан татгал лалыг баталж, хэргийг хэрэгсэхгүй болгох үндэслэлтэй.

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                      

Иргэний хэрэг шүүхэд хянан шийдвэрлэх тухай хуулийн 74, 75 дугаар зүйл, 123 дугаар зүйлийн 123.2-т заасныг тус тус удирдлага болгон

 

ЗАХИРАМЖЛАХ НЬ:

1.Нэхэмжлэгч Ч.Долгормаа нь хариуцагч Б.Батбаярт холбогдох нэр төр, алдар хүнд, ажил хэргийн нэр хүндийг сэргээлгэх буюу Өдрийн сонины Баасан гарагийн дугаарын 5 дугаар нүүрэнд иргэн Ч.Долгормаа болон Хан-Уул дүүргийн Иргэдийн төлөөлөгчдийн хурлаас уучлалт гуйлгахыг даалгах, гэм хорын хохиролд 7,000,000 төгрөг гаргуулах тухай, хариуцагч Б.Батбаяр нь нэхэмжлэгч Ч.Долгормаад холбогдох, миний болон манай хүүхдүүдийн нэг төр, алдар хүнд, ажил хэргийн нэр хүндийг гутаасан мэдээг тараасан хэлбэр, хэрэгслээрээ залруулах, гэр бүлд учирсан хохирлыг мөнгөн хэлбэрээр тооцож 7,000,000 төгрөг гаргуулах сөрөг нэхэмжлэлээсээ татгалзсаныг тус тус баталж,  хэргийг хэрэгсэхгүй болгосугай.

 

2.Иргэний  хэрэг шүүхэд хянан шийдвэрлэх тухай хуулийн 57дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.1 дэх хэсэгт заасныг  баримтлан нэхэмжлэгчээс улсын тэмдэгтийн хураамжид урьдчилан төлсөн....... төгрөгийг, хариуцагчаас улсын тэмдэгтийн хураамжид урьдчилан төлсөн хураамж..... төгрөгийг улсын орлогоос тус тус буцаан гаргуулж Ч.Долгормаад ...... төгрөг, Б.Батбаярт..... төгрөгийг  олгосугай.

 

            3.Захирамжид зохигчид давж заалдах, хяналтын журмаар хянан шийдвэрлүүлэхээр гомдол гаргах болон тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

 

ШҮҮГЧ                                           Т.ГАНЧИМЭГ