1.  Шүүгдэгч  овогт  Б.Б ийг  хохирогчийн  хүсэл  зоригийн  эсрэг  хүч  хэрэглэж  хүчээр  бэлгийн  харьцаанд  орсон,  мөн  хүний  эрүүл  мэндэд  хүндэвтэр  хохирол  санаатай  учруулсан  гэмт  хэрэг  үйлдсэн  гэм  буруутайд  тус  тус  тооцсугай.

2.  Шүүгдэгч  Б.Б  ийг  Эрүүгийн  хуулийн  тусгай  ангийн  11.4  дүгээр  зүйлийн  1-т  зааснаар  шүүгдэгч  Б.Б  ийг  240  цагийн  нийтэд  тустай  ажид  хийлгэх  ялаар,  Эрүүгийн  хуулийн  тусгай  ангийн  12.1  дүгээр  зүйлийн  1-д  зааснаар  1  жилийн  хугацаагаар  хорих  ялаар  тус  тус  шийтгэсүгэй. 

3.  Эрүүгийн  хуулийн  ерөнхий  ангийн  6.8  дугаар  зүйлийн  1  дэх  хэсэг,  2  дахь  хэсгийн  2.2,  2.4-т  заасныг  журамлан  шүүгдэгч  Б.Б  ид  Эрүүгийн  хуулийн  тусгай  ангийн  11.4  дүгээр  зүйлийн  1  дэх  хэсэгт  зааснаар  оногдуулсан  240  цагийн  нийтэд  тустай  ажил  хийлгэх  ялын  найман  цагийг  нэг  хоногт  шилжүүлэн  30  хоногийн  хорих  ял  дээр  Эрүүгийн  хуулийн  тусгай  ангийн  12.1  дүгээр  зүйлийн  1  дэх  хэсэгт  зааснаар  оногдуулсан  1  жилийн  хугацаагаар  оногдуулсан  хорих  хүнд  ялд  нэмж  нэгтгэн,  нийт  эдлэх  ялыг  1  жил  30  хоногийн  хугацаагаар  хорих  ялаар    тогтоосугай.

4.  Эрүүгийн  хуулийн  ерөнхий  ангийн  5.4  дүгээр  зүйлийн  3,  4-т  зааснаар  шүүгдэгч  Б.Б  ид  оногдуулсан  1  жил  30  хоногийн  хугацаагаар  хорих  ялыг  нээлттэй  хорих  байгууллагад  эдлүүлсүгэй. 

5.  Эрүүгийн  хуулийн  ерөнхий  ангийн  6.10  дугаар  зүйлийн  1-т  зааснаар  шүүгдэгч  Б.Б  ийн  2020  оны  07  дугаар  сарын  18-ны  өдрөөс  2020  оны  07  дугаар  сарын  20-ний  өдрийг  хүртэл  цагдан  хоригдсон  нийт  2  хоногийг  ялтны  длэх  ялд    оруулан  тооцсугай. 

6.  Эрүүгийн  хэрэг  хянан  шийдвэрлэх  тухай  хуулийн  21.5  дугаар  зүйлийн  1.2-т  зааснаар  хэрэгт  эд  мөрийн  баримтаар  хураагдсан  2  ширхэг  рентген  зургийг  хэргийн  хадгалах  хугацаа  дуустал  хэрэгт  хадгалсугай. 

 

7.Хохирогч  *******  нь  Баянхонгор  аймагт  ирж  очсон  унааны  зардал,  эмчилгээний  хохирлоо  цаашид  нотлох  баримтаа  бүрдүүлэн  иргэний  хэрэг  шүүхэд  хянан  шийдвэрлэх  журмаар  гомдол  гаргах  эрхтэй  болохыг  дурдсугай. 

8.  Шүүгдэгч  Б.Б    нь  бусдад  төлөх  төлбөргүй,  түүний  бичиг  баримт  шүүхэд  шилжиж  ирээгүй,  гаргавал  зохих  хэрэг  хянан  шийдвэрлэх  ажиллагааны  зардалгүй  болохыг  тус  тус  дурдсугай.

9.  Шүүгдэгч  Б.Б  ийн  эзэмшлийн...  улаан  өнгийн  Даюун  маркийн  мотоцикль,  5  хонь...ийг  битүүмжилсэн  эд  хөрөнгө  битүүмжилэх  прокурорын  тогтоолыг  хүчингүй  болгож,  дээрх  эд  зүйлийг  хэрэгцээний  дагууу  эзэмшигч  Б.Б  ид  буцаан  олгосугай. 

10  .Шүүгдэгч  Б.Б  ид  авсан  цагдан  хорих  таслан  сэргийлэх  арга  хэмжээг  хэвээр  үлдээж,  түүний  эдлэх  ялыг  2020  оны  07  дугаар  сарын  20-ний  өдрөөс  эхлэн  тоолсугай.

11.Шийтгэх  тогтоол  уншиж  сонсгосноор  хүчинтэй  болохыг  дурдаж,  шийтгэх  тогтоолыг  улсын  яллагч,  шүүгдэгч,  хохирогч,  тэдгээрийн  хууль  ёсны  төлөөлөгч,  өмгөөлөгч  өөрөө  гардан  авснаас  буюу  хүргүүлсэнээс  хойш  14  хоногийн  дотор  Баянхонгор  аймгийн  Эрүү,  Иргэний  хэргийн  давж  заалдах  шатны  шүүхэд  давж  заалдах  гомдол  гаргах,  дээд  шатны  прокурорт  эсэргүүцэл  бичих  эрхтэй  болохыг  дурдсугай.

12  .Давж  заалдах  шатны  шүүхэд  гомдол  гаргах  буюу  эсэргүүцэл  бичигдсэн  тохиолдолд  тогтоолын  биелэлтийг  түдгэлзүүлж,  тоггоол  биелүүлэх  хүртэл  шүүгдэгч  Б.Б  ид  авсан  цагдан  хорих  таслан  сэргийлэх  арга  хэмжээг  хэвээр  үргэлжлүүлсүгэй.