Баянхонгор  аймаг  дахь  Сум  дундын  Эрүүгийн  хэргийн  анхан  шатны  шүүхийн  шүүгч  Ч.Байгалмаа  даргалж, 

Нарийн  бичгийн  дарга:  Ж.Чимэддорж

Улсын  яллагч:  Б.Бат-Оргил

Шүүгдэгч  Д.Э    нарыг  оролцуулан  тус  шүүхийн  хурлын  танхимд  хялбаршуулсан  журмаар  хийсэн    шүүх  хуралдаанаар 

Аймгийн  прокурорын  газраас  Эрүүгийн  хуулийн  тусгай  ангийн  11.6  дугаар  зүйлийн  1-т  зааснаар  яллах  дүгнэлт  үйлдэж  ирүүлсэн  шүүгдэгч  Д.Э  ад  холбогдох  эрүүгийн  2014000000236  дугаартай  хэ                   Ч.БАЙГАЛМААайсан болно.үйцэтгэх газарт ялтан Ц.Батхүлэгт холбогдох гүйцэтгэх хуудсыг өгч байсан боловч харъргийг  2020  оны  06  дугаар  сарын  26-ний  өдөр  хүлээн  авч    хянан  хэлэлцэв.           

 

Шүүгдэгчийн  биеийн  байцаалт

 

1.  Монгол  улсын  иргэн,  1981  оны  02  дугаар  сарын  17-ны  өдөр  Баянхонгор  аймгийн  Эрдэнэцогт  суманд  төрсөн,  39  настай,  эрэгтэй,  бүрэн  бус  дунд  боловсролтой,  мэргэжилгүй,  малчин,  ам  бүл  5  овогт  Д.Э , 

Үйлдсэн  хэргийн  талаар

Шүүгдэгч  Д.Э    нь  2020  оны  05  дугаар  сарын  22-ны  өдөр  Баянхонгор  аймгийн    Эрдэнэцогт  сумын  4  дүгээр  багийн  нутаг  дэвсгэрт  иргэн  Б.Н г  зодож  эрүүл  мэндэд  хөнгөн  хохирол  санаатай  учруулсан  гэмт  хэрэгт  холбогджээ.  /яллах  дүгнэлтэнд  бичигдсэнээр  /

ТОДОРХОЙЛОХ  НЬ:

 

Талуудын  хүсэлтээр  хэрэгт  авагдсан  яллах  болон  хөнгөрүүлэх,  цагаатгах  талын  нотлох  баримтуудыг  тал  бүрээс  нь  бүрэн  бодитойгоор  шинжлэн  судалж,  хэргийг  шүүх  хуралдаанаар  хянан  хэлэлцэв.  Үүнд: 

 

Шүүгдэгч  Д.Э  ын  мөрдөн  байцаалтад  өгсөн 

...  Чи  яагаад  энэ  хүүхдийг  зодож  байгаа  хэлэхд    Б.Н   чиний  хүүхэд  юм  уу  чам  шиг  хогд  ямар  хамаатай  гэж  хэлэхээр  нь    чи  40  нас  хүрчихлээ  аятайхан  бай  гэж  хэлэхэд  надтай  хэрүүл  хийсэн.  Тэгж  байгаад  над  руу  ус  цацаад,  нүдний  шил  хугалсан  би  урдаас  нь  түлхсэн  Б.Н   хойшоо  гэрийн  хана  налаад  унасан  зүүн  мөрний  дээд  хэсэгт  гараараа  хоёр  удаа  цохьсон  ....”  гэх  мэдүүлэг  /хх-ийн  13-14,  45/,

     

            Хохирогч  Б.Н гийн  мөрдөн  байцаалтад  өгсөн

            …  Гаднаас  Д.Э    гэж  хүн  орж  ирээд  чи  яагаад  хүүхдээ  зодоод  байгаа    гэж  хэлсэн  би  өөрийнхөө  хүүхдийг  өөрөө  мэдэж  байна  чамд  ямар  хамаатай  гэж  хэлтэл  Д.Э    гэрээс  зайл  гээд  намайг  хөөгөөд  хэл  амаар  доромжлоод  байсан.  Би  Д.Э  ын  урдаас  савтай  ус  цацсан  чинь  гичий  минь  зайл  гээд  намайг  хана  руу  шахаад  үсдэж  аваад  нуруунд  гараараа  2  удаа  цохьсон  би  гараад  явсан  чинь  араас  ирээд  миний  цамцыг  тайлж  аваад  чи  энэ  гэрт  нүцгэн  ирсэн  юм  чинь  нүцгэн  буц  гэж  хэлээд  хэрүүл  хийгээд  байсан....гэх  мэдүүлэг  /  хх-ийн  07-10  /

 

            Насанд  хүрээгүй  гэрч  *******гийн  мөрдөн  байцаалтад  өгсөн

                ...Манай  ээж  аргал  оруулж  ирэх  гээд  гараад  явсан  хойгуур  манайд  Д.Э    ах  орж  ирээд  хоол  идээд  сууж  байхад  Д.Э    ах  чи  яах  гэж  энэ  жоохон,  туранхай  юмыг  зодож  байдаг  гэж  хэлсэн  чинь  ээж  уурлаад  чиний  хүүхэд  юм  уу  чамд  ямар  хамаатай  гэж  хэлээд  хэрүүл  болсон.  Д.Э    ах  ээжид  чи  бид  хоёр  хөгширч  байна  чи  бид  хоёрыг  хэн  ч  залуу  хүн  гэж  хэлэхгүй  гэж  байсан.  Ээж  уурлаад  Д.Э    ахын  урдаас  ус  цацсан  чинь  Д.Э    ах  ээжийг  түлхээд  ээж  хана  очиж  мөргөтөл  ээжийн  нуруунд  нь  хоёр  удаа  гараараа  цохьчихоод  гараад  явсан....”  гэх  мэдүүлэг  /хх-ийн  16-17/

       

                      Насанд  хүрээгүй  гэрч  *******гийн  мөрдөн  байцаалтад  өгсөн 

           ...  Д.Э    ах  чи  яах  гэж  энэ  жоохон,  туранхай  юмыг  зодож  байдаг  юм  бэ  гэж  хэлсэн  чинь  ээж  уурлаад  чиний  хүүхэд  юм  уу  чамд  ямар  хамаатай  гэж  хэлээд  хэрүүл  болсон.  Ээж  уурлаад  Д.Э    ахын  урдаас  ус  цацсан  чинь  Д.Э    ах  ээжийг  түлхээд  ээж  хана  очиж  мөргөсөн  .  Д.Э    ах  ээжийн  нуруунд  нь  хоёр  удаа  гараараа  цохиод  гараад  явсан...”  гэх  мэдүүлэг  /хх-ийн  18-19/

                    Баянхонгор  аймгийн  Шүүхийн  шинжилгээний  албаны  2020  оны  05  дугаар  сарын  28-ны  өдрийн  297  дугаар  шинжээчийн

                      1.  Б.Н гийн  биед  тархи  доргилт,  баруун  чихэнд  зулгаралт,  нуруунд  цус  хуралт  гэмтэл  тогтоогдлоо. 

2.Дээрх  гэмтэл  нь  Шүүх  эмнэлгийн  гэмтлийн  зэрэг  тогтоох  журмын  2.4.1-т  зааснаар  эрүүл  мэндийг  түр  хугацаагаар  сарниулах  тул  гэмтлийн  хөнгөн  зэрэгт  хамаарна.

3.  Эдгээр  гэмтлүүд  нь  амь  насанд  аюулгүй  болно.

4.  Цаашид  ерөнхий  хөдөлмөрийн  чадвар  алдалтанд  тогтонги  алдалтанд  нөлөөлөхгүй

5.      Дээрх  гэмтэл  нь  шүүх  эмнэлгийн  гэмтлийн  зэрэг  тогтоох  журмын  2.4.1-т  зааснаар    мохоо  хүчин  зүйлийн  үйлчлэлээр  үүсгэгдэх  ба  тухайн  хэрэг  болсон  гэх  цаг  хугацаанд  учирсан  байх  боломжтой...  гэх  дүгнэлт  /хх-ийн  28-29/ 

 

-Эрүүгийн  хэрэг  үүсгэж,  яллагдагчаар  татах  тухай  тогтоол  /  хх-ийн  01-02/,  гэмт  хэргийн  талаарх  гомдол  мэдээллийг  хүлээн  авсан  тэмдэглэл  /  хх-ийн  3/,  яаралтай  тусламжийн  хяналтын  хуудас  /хх-ийн  30-31/,  оршин  суух  багийн  Засаг  даргын  тодорхойлолт  /хх-ийн  46/,  иргэний  үнэмлэхний  лавлагаа  /хх-ийн  47/,  гэрлэлтийн  бүртгэлийн  лавлагаа  /  хх-ийн  50/,  шүүгдэгч  Д.Э  ын  эрүүгийн  хариуцлага  хүлээж  байсан  эсэхийг  шалгах  хуудас  /хх-ийн  48/,    депозит  дансны  хуулгууд  /хх-ийн  52-57/,  хэргийг  хялбаршуулсан  журмаар  хянан  шийдвэрлэх  тухай  тогтоол  /хх-ийн  66/,  зэрэг  нотлох  баримтуудыг  шинжлэн  судласан  болно.

Шүүхийн  хэлэлцүүлэгт  шинжлэн  судлагдсан  дээрх  нотлох  баримтууд  нь  энэ  хэрэгт  хамааралтай,  хуульд  заасан  үндэслэл  журмын  дагуу  хэрэгт  цугларч  бэхжүүлсэн,  шүүгдэгч,  хохирогч,  гэрч  нараас  мэдүүлэг  авахдаа  Эрүүгийн  хэрэг  хянан  шийдвэрлэх  ажиллагааны  журам,  шаардлага  зөрчөөгүй,  мөрдөн  шалгах  ажиллагааны  явцад  хэрэг  хянан  шийдвэрлэх  ажиллагааны  оролцогчийн  хуулиар  хамгаалагдсан  эрхийг  хассан  буюу  хязгаарласан  зөрчил  тогтоогдоогүй  тул  шүүх  тэдгээр  баримтыг  хэрэг  хянан  шийдвэрлэхэд  ач  холбогдолтой,  хамаарал  бүхий  талаас  нь  үнэлж  прокурорын  шүүхэд  шилжүүлсэн  хэргийн  хүрээнд  шүүгдэгчийн  гэм  буруугийн  талаар  дүгнэлт  хийж  холбогдох  хэргийг  хянан  шийдвэрлэх  боломжтой.

Хавтаст  хэрэгт  авагдсан  баримтуудад  тулгуурлан  хэргийн  газар  болсон  гэх  үйл  баримтад  дүгнэлт  хийхэд  гэмт  хэрэг  гарсан  байдал,  гэмт  хэрэг  гарах  болсон  шалтгаан,  хэн  үйлдсэн,  гэмт  хэргийн  сэдэлт,  гэм  буруугийн  хэлбэр  зэргийг  хангалттай  тогтоож  ирүүлсэн  гэж  үзэж  хэргийг  шийдвэрлэлээ.

  Шүүгдэгч  Д.Э    нь  2020  оны  05  дугаар  сарын  22-ны  өдөр  Баянхонгор  аймгийн  Эрдэнэцогт  сумын  4  дүгээр  багийн  нутаг  дэвсгэрт  иргэн  Б.Н г  зодож  эрүүл  мэндэд  хөнгөн  хохирол  санаатай  учруулсан  гэмт  хэрэг  үйлдсэн  болох  нь

шүүгдэгч  Д.Э  ын...  Б.Н г  түлхэхэд  гэрийн  хана  налаад  унасан,  үүүн  мөрний  дээд  хэсэгт  гараараа  хоёр  удаа  цохьсон...  гэх  мэдүүлэг  /хх-ийн  13-14,  45/,

            Хохирогч  Б.Н гийн...  Би  Д.Э  ын  урдаас  савтай  ус  цацсан  чинь  намайг  хана  руу  шахаад  үсдэж  аваад  нуруунд  гараараа  2  удаа  цохьсон...гэх  мэдүүлэг  /  хх-ийн  07-10  /

            Насанд  хүрээгүй  гэрч  *******гийн  ...ээж  Д.Э    ахын  урдаас  ус  цацсан  чинь  Д.Э    ах  ээжийг  түлхээд  ээж  хана  очиж  мөргөтөл  ээжийн  нуруунд  нь  хоёр  удаа  гараараа  цохьчихоод  гараад  явсан...  гэх  мэдүүлэг  /хх-ийн  16-17/,

                Насанд  хүрээгүй  гэрч  *******гийн...  Ээж  уурлаад  Д.Э    ахын  урдаас  ус  цацсан  чинь  Д.Э    ах  ээжийг  түлхээд  ээж  хана  очиж  мөргөсөн  .  Д.Э    ах  ээжийн  нуруунд  нь  хоёр  удаа  гараараа  цохьсон...гэх  мэдүүлэг  /хх-ийн  18-19/,

                  Баянхонгор  аймгийн  Шүүхийн  шинжилгээний  албаны  2020  оны  05  дугаар  сарын  28-ны  өдрийн  297  дугаар  шинжээчийн…  Б.Н гийн  биед  тархи  доргилт,  баруун  чихэнд  зулгаралт,  нуруунд  цус  хуралт  гэмтэл  тогтоогдлоо,..  гэмтлийн  хөнгөн  зэрэгт  хамаарна  ...  гэх  дүгнэлт  /хх-ийн  28-29/  зэрэг  болон  хэрэгт  авагдсан  нотлох  баримтуудаар  нотлогдон  тогтоогдож  байна.

Аймгийн  Прокурорын  газраас  Эрүүгийн  хуулийн  тусгай  ангийн  11.6  дугаар  зүйлийн  1-т  зааснаар  шүүгдэгч  *******ад  яллах  дүгнэлт  үйлдэж  ирүүлсэн  хэргийн  зүйлчлэл  тохирсон  байх  тул  шүүхээс  шүүгдэгч  *******ыг  хүний  эрүүл  мэндэд  хөнгөн  хохирол  санаатай  учруулах    гэмт  хэрэг  үйлдсэн  гэм  буруутайд  тооцож,  Эрүүгийн  хуулийн  ерөнхий  ангийн  1.2  дугаар  зүйлийг  1-д  заасныг  баримтлан,  мөн  хуулийн  ерөнхий  ангийн  1.4  дүгээр  зүйлийн  1-д  заасан  эрүүгийн  хариуцлага  хүлээлгэх  зарчимд  тулгуурлан,хуулинд  заасан  хариуцлага  оногдуулах  үндэслэлтэй  гэж  шүүх  дүгнэв.

 

Эрүүгийн  хуулийн  тусгай  ангид  заасан  нийгэмд  аюултай  гэм  буруутай  үйлдэл,  эс  үйлдэхүйг  болон  мөн  хуулийн  тусгай  ангид  заасан  тохиолдолд  гэм  буруутай  үйлдэл,  эс  үйлдэхүйн  улмаас  хохирол,  хор  уршиг  учирсныг  гэмт  хэрэгт  тооцно.

 

  Хэрэг  учрал  болсон  өдөр  хохирогч  Б.Н ,  шүүгдэгч  Д.Э    нар  нь  хувийн  таарамжгүй  харилцааны  улмаас  хоорондоо  маргалдсан,  улмаар  шүүгдэгч  *******    нь  хохирогчийг  түлхэж  унагаан,  мөр  рүү  цохиж  гэмтэл    үүсгэсэн    үйл  баримт  талуудын  хүсэлтээр  хэргээс  шинжлэн  судалсан  дээрх  нотлох  баримтуудаар  хангалттай  тогтоогджээ.

 

  Шүүгдэгч  Д.Э    нь  хохирогч  Б.Н г  зодсон  үйлдлийн  улмаас  хохирогчийн  биед  тархи  доргилт,  баруун  чихэнд  зулгаралт,  нуруунд  цус  хуралт  бүхий  хөнгөн  гэмтэл  учирсан  болох  нь  хэргийн  /хх-ийн  28-29/  дэх  талд  авагдсан  шинжээчийн  дүгнэлтүүдээр  тогтоогдсон,  өөрөөр  хэлбэл  хохирогчийн  биед  учирсан  хөнгөн  гэмтэл,  шүүгдэгчийн  нарын  гэмт  үйлдэл  хоёр  шууд  шалтгаант  холбоотой  байна.

 

Хохирогч  Б.Н гийн  эрүүл  мэндэд  хөнгөн  хохирол  учирсан  нь  тухайн  гэмт  хэргийн  улмаас  шууд  учирсан  үр  дагавар  буюу  гэмт  хэргийн  хохирол  болох  бөгөөд  учирсан  гэмтлийн  улмаас  эмчилгээ  үйлчилгээ  хийлгэх  зэрэг  болон  бусад  зайлшгүй  зардал  нь  гэмт  хэрэг  үйлдэж  хохирол  учруулсны  улмаас  үүссэн  дагавар  буюу  хор  уршигт  тооцогдох  юм.

 

Шүүгдэгч  Д.Э    нь  ял  шийтгэгдсэн  эсэхийг  шалгах  хуудсанд  Цагдаагийн  Ерөнхий  газрын  МСТ-ийн  ял  шийтгэлийн  мэдээллийн  санд  бүртгэгдээгүй  байна. 

 

Шүүгдэгч  Д.Э    нь  анх  удаа  хөнгөн  гэмт  хэрэг  үйлдсэн,  гэмт  хэргийн  улмаас  учирсан  хохирлыг  нөхөн  төлж  барагдуулсан  зэргийг  харгалзан  Эрүүгийн  хуулийн  ерөнхий  ангийн  6.5  дугаар  зүйлийн  1.1,  1.2-д  зааснаар  хөнгөрүүлэх  нөхцөл  байдалд  тооцож,  Эрүүгийн  хуулийн  ерөнхий  ангийн  6.6-д  заасан  хүндрүүлэх  нөхцөл  байдал  тогтоогдохгүй  байна.   

 

Шүүгдэгч  Д.Э    нь  хэрэг  хянан  шийдвэрлэх  ажиллагааны  явцад  гэмт  хэргийн  улмаас  учирсан  хохиролд    150000  төгрөг  төлж  барагдуулсан,  хохирогч  Б.Н   нь  нэхэмжлэх  зүйлгүй  талаар  илэрхийлсэн  байх  тул  шүүгдэгч  Д.Э  ыг  нь  бусдад  төлөх  төлбөргүй  гэж  үзлээ.

 

Шүүгдэгч  Д.Э    нь  хэргийн  нөхцөл  байдал  гэм  буруугийн  талаар  маргаагүй,  өөрийн  гэм  бурууг  хүлээн  зөвшөөрсөн  болохыг  тус  тус  тэмдэглэх  нь  зүйтэй.

 

Шүүхээс  ял  оногдуулахдаа  Эрүүгийн  хуулийн  ерөнхий  ангийн  6.1  дүгээр  зүйлийн  2  дахь  хэсэгт  “Эрүүгийн  хариуцлага  хүлээлгэхэд  гэмт  хэрэг  үйлдсэн  нөхцөл  байдал,  учирсан  хохирол,  хор  уршгийн  шинж  чанар,  гэмт  хэрэг  үйлдсэн  хүний  хувийн  байдал,  эрүүгийн  хариуцлагыг  хөнгөрүүлэх,  хүндрүүлэх  нөхцөл  байдлыг  тал  бүрээс  нь  харгалзан  үзнэ”  гэж  заасныг  баримтлан  шүүгдэгч  Д.Э    нь  анх  удаа  хөнгөн  гэмт  хэрэг  үйлдсэн,  гэм  буруугаа  сайн  дураараа  хүлээн  зөвшөөрсөн,  прокурорын  сонсгосон  ялыг  хүлээн  зөвшөөрсөн,  бусдад  төлөх  төлбөргүй,  гэмт  хэрэг  үйлдсэн  гэм  буруугаа  хүлээн  зөвшөөрсний  улмаас  үүсэх  хууль  зүйн  үр  дагаврыг  ойлгосон,  хохирогч  Б.Н   нь  ...  нэхэмжлэх  зүйлгүй,  гомдол  саналгүй  /хх-ийн  7-10/,  түүний  хувийн  байдал  болон  шүүхээс  оногдуулах  торгох  ял  биелэгдэх  боломжтой  зэргийг  харгалзан  шүүгдэгч  Д.Э  ыг    дөрвөн  зуун  тавин  нэгжтэй  тэнцэх  хэмжээний  буюу  450.000  төгрөгөөр  торгох  ял  оногдуулж,  шүүхийн  хэлэлцүүлэгт  гаргасан  санал  хүсэлт  зэргийг  харгалзан  шүүхээс  оногдуулсан  торгох  ялыг  хэсэгчлэн  төлүүлэхээр  шийдвэрлэх  нь  зохимжтой  гэж  үзлээ.

                                                                                                    

Шүүгдэгч  Д.Э    нь  цагдан  хоригдсон  хоноггүй,  хэрэгт  эд  мөрийн  баримтаар  хураагдсан    болон  битүүмжлэгдсэн  зүйлгүй,  түүний  бичиг  баримт  шүүхэд  шилжиж  ирээгүй,  гаргавал  зохих  хэрэг  хянан  шийдвэрлэх  ажиллагааны  зардалгүй  болохыг  дурдав. 

 

Шүүгдэгч  Д.Э    нь  Эрүүгийн  хэрэг  хянан  шийдвэрлэх  тухай  хуулийн  7.6  дугаар  зүйлийн  3-д  заасан  ...өөрийгөө  өмгөөлөх  эрхтэй  ..  энэ  эрхийн  дагуу  өөрийгөө  өмгөөлөх  хүсэлтийг,  мөн  хуулийн  5.3  дугаар  зүйлийн  3-д  зааснаар  шүүхэд  бичгээр  гаргасан  ба  өмгөөлөгч  оролцуулахгүйгээр  хэргийг  шүүх  хуралдаанаар  хэлэлцсэн  болно.

Эрүүгийн  хэрэг  хянан  шийдвэрлэх  тухай  хуулийн  17.3  дугаар  зүйлийн  3,  17.4  дүгээр  зүйлийн  1,  4,  36.2  дугаар  зүйлийн  1,2,3,4  ,  36.6,  36.7  дугаар  зүйлийн  2.1,  2.4,  36.7  дугаар  зүйлийн  3.1,    36.8,  36.10-д  заасныг  удирдлага  болгон

ТОГТООХ  нь:

1.  Шүүгдэгч  овогт  Д.Э   хүний  эрүүл  мэндэд  хөнгөн  хохирол  санаатай  учруулах  гэмт  хэрэг  үйлдсэн  гэм  буруутайд  тооцсугай.

2.  Эрүүгийн  хуулийн  тусгай  ангийн  11.6  дугаар  зүйлийн  1-т  зааснаар  шүүгдэгч  Д.Э  ыг  дөрвөн  зуун  тавин  нэгжтэй  тэнцэх  хэмжээний  буюу  450000  төгрөгөөр  торгох  ялаар  шийтгэсүгэй.

3.  Эрүүгийн  хуулийн  ерөнхий  ангийн  5.3  дугаар  зүйлийн  4-д  зааснаар    шүүгдэгч  Д.Э  ад  оногдуулсан  дөрвөн  зуун  тавин  нэгжтэй  тэнцэх  хэмжээний  буюу  450000  төгрөгөөр  торгох  ялыг  хэсэгчлэн  буюу  4  сарын  хугацаанд  төлөхөөр  тогтоосугай.

4.  Эрүүгийн  хуулийн  ерөнхий  ангийн  5.3  дугаар  зүйлийн  5-д  зааснаар  шүүгдэгч  Д.Э    нь  торгох  ялыг  шүүхээс  тогтоосон  хугацаанд  биелүүлээгүй  бол  шүүх  биелэгдээгүй  торгох  ялын  арван  таван  нэгжтэй  тэнцэх  хэмжээний  төгрөгийг  нэг  хоногоор  тооцож  хорих  ялаар  солихыг  мэдэгдсүгэй

5.Шүүгдэгч  Д.Э  ад  хэрэглэсэн  хувийн  баталгаа  гаргах  таслан  сэргийлэх  арга  хэмжээг  хэвээр  үлдээж,  шийтгэх  тогтоол  хүчин  төгөлдөр  болмогц  хүчингүй  болгосугай.

6.  Шүүгдэгч  Д.Э    нь  цагдан  хоригдсон  хоноггүй,  бусдад  төлөх  төлбөргүй,  хэрэгт  эд  мөрийн  баримтаар  хураагдсан  болон  битүүмжлэгдсэн  зүйлгүй,  түүний  бичиг  баримт  шүүхэд  шилжиж  ирээгүй,  гаргавал  зохих  хэрэг  хянан  шийдвэрлэх  ажиллагааны  зардалгүй  болохыг  тус  тус  дурдсугай.

7.    Шийтгэх  тогтоол  уншиж  сонсгосноор  хүчинтэй  болохыг  дурдаж,  шийтгэх  тогтоолыг  улсын  яллагч,  шүүгдэгч,  хохирогч,  тэдгээрийн  хууль  ёсны  төлөөлөгч,  өмгөөлөгч  өөрөө  гардан  авснаас  буюу  хүргүүлсэнээс  хойш  14  хоногийн  дотор    Баянхонгор  аймгийн  Эрүү,  Иргэний  хэргийн  давж  заалдах  шатны  шүүхэд  давж  заалдах  гомдол  гаргах,  дээд  шатны  прокурор  эсэргүүцэл  бичих  эрхтэй  болохыг  дурдсугай. 

8.  Давж  заалдах  шатны  шүүхэд  гомдол  гаргах  буюу  эсэргүүцэл  бичигдсэн  тохиолдолд  тогтоолын  биелэлтийг  түдгэлзүүлж,  тогтоол  биелүүлэх  хүртэл  шүүгдэгч  Д.Э  ад  хэрэглэсэн    хувийн  баталгаа  гаргах  таслан  сэргийлэх  арга  хэмжээг  хэвээр  үргэлжлүүлсүгэй.