Хариуцагчийн зөвшөөрлийг баталж, хэргийг

хэрэгсэхгүй болгох тухай

             Сэлэнгэ аймгийн Сайхан сум дахь Сум дундын шүүхийн шүүгч Г.Сарантуяа би *******ны нэхэмжлэлтэй Сэлэнгэ аймаг, Орхон сум, 1-р баг, 8-15 тоотод оршин суух иргэн******* /РД:МЮ-/, Сэлэнгэ аймаг, Орхон сум, 1-р баг, 8-15 тоотод оршин суух иргэн Бадарчийн Баярхүү /РД:МЙ-/ нарт холбогдох зээл, зээлийн хүү, нэмэгдүүлсэн хүүний төлбөрт 6.147.130 төгрөг гаргуулах тухай нэхэмжлэлийг 2017 оны 03 дугаар сарын 07-ний өдөр хүлээн авч, 2017 оны 03 дугаар сарын 13-ний өдөр иргэний хэрэг үүсгэн танилцаад

ТОДОРХОЙЛОХ нь:

Нэхэмжлэгч: Иргэн ******* нь хамтран зээлдэгч *******гийн хамт *******наас 2015 оны 11 дүгээр сарын 23-ны өдөр 15/66 тоот Зээлийн болон Барьцааны гэрээгээр 6 707 028 /зургаан сая долоон зуун долоон мянга хорин найман/ төгрөгийн цалингийн зээлийг 36 сарын хугацаатай, жилийн 20.4 хувийн хүүтэй зээлсэн ба зээл болон хүүгийн төлбөрийг төлөлгүй 213 хоног хэтрүүлсэн байна. *******, ******* нарыг зээлээ төлөхийг удаа дараалан сануулан шаарддаг боловч тохирсон хугацаандаа огт төлөлт хийхгүй хүндрэл учруулсаар байна. 2017 оны 03 дугаар сарын 06-ны өдрийн байдлаар иргэн *******ы үндсэн зээлийн төлбөрийн үлдэгдэл 5 426 379 77 төгрөг, хүүний төлбөр 705 949 төгрөг, нэмэгдүүлсэн хүүний төлбөр 14 801 05 төгрөг нийт 6 147 130 төгрөгний үлдэгдэлтэй байна. Иймд Иргэний хэрэг шүүхэд хянан шийдвэрлэх тухай хуулийн 69 дүгээр зүйлийн 69.1, 69.2, 69.5, дахь заалтуудыг үндэслэн ******* болон хамтран зээлдэгч ******* нараас гаргуулж зээл, зээлийн хүү, нэмэгдүүлсэн хүүний төлбөр нийт 6 147 130 төгрөгийг гаргуулж банкыг хохиролгүй болгож өгнө үү гэжээ. 

Хариуцагч: *******, хамтран зээлдэгч ******* нар нь *******наас нэхэмжилж буй 6.147.130 төгрөгийг төлөхийг хүлээн зөвшөөрч байна. Иймд хэргийг хялбаршуулсан журмаар шийдвэрлэж өгнө үү гэжээ.

ҮНДЭСЛЭХ нь:

******* нь иргэн *******, ******* нараас зээл, зээлийн хүү, нэмэгдүүлсэн хүүний төлбөрт 6.147.130 төгрөг гаргуулахаар шүүхэд нэхэмжлэл гаргажээ.

 Хэрэг хянан шийдвэрлэх ажиллагааны явцад хариуцагч *******, ******* нар нь *******ны нэхэмжилж буй 6.147.130 төгрөгийг төлөхийг хүлээн зөвшөөрч байгаа нь Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д зааснаар хэргийг хялбаршуулсан журмаар хянан шийдвэрлэх үндэслэл болно.

Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1-д зааснаар *******ны улсын тэмдэгтийн хураамжид төлсөн 113.303 төгрөгийг орон нутгийн орлогод хэвээр үлдээж, хялбаршуулсан  журмаар хэрэг хянан шийдвэрлэж байгаа тул *******, ******* нарын төлөх улсын тэмдэгтийн  хураамж 113.303 төгрөгийг тал хувиар бууруулан тогтоож төлүүлэх үндэстэй.

Монгол Улсын Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйлийн 75.5-д заасныг удирдлага болгон

    ЗАХИРАМЖЛАХ нь:

1.Монгол Улсын Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-д зааснаар *******ны нэхэмжлэлтэй *******, ******* нарт  холбогдох зээл, зээлийн хүү, нэмэгдүүлсэн хүүний төлбөрт 6.147.130 төгрөг гаргуулах тухай иргэний хэрэгт хариуцагчийн зөвшөөрлийг баталж хэргийг хэрэгсэхгүй болгосугай.

2.Монгол Улсын Тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 74 дүгээр зүйлийн 74.5-д зааснаар *******ны улсын тэмдэгтийн хураамжид төлсөн 113.303 төгрөгийг орон нутгийн орлогод хэвээр үлдээж, *******, ******* нараас улсын тэмдэгтийн хураамжид 56.651 төгрөг, орон нутгийн орлогоос 56.651 төгрөг гаргуулан нэхэмжлэгч *******инд тус тус олгосугай.

3.Монгол Улсын Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6-д зааснаар энэ захирамжийг хариуцагч сайн дураараа эс биелүүлбэл шүүхийн шийдвэрийн нэгэн адил албадан гүйцэтгэх учрыг хариуцагчид  анхааруулсугай.

4.Монгол Улсын Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар энэ захирамжид зохигч давж заалдах, хяналтын журмаар гомдол гаргах, энэ асуудлаар анхан шатны шүүхэд дахин нэхэмжлэл гаргахгүй болохыг дурдсугай.

 

ШҮҮГЧ                              Г.САРАНТУЯА