Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118 дугаар зүйлүүдэд заасныг удирдлага болгон

ТОГТООХ нь:

Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6-д зааснаар Онход овогт Төмөрбаатарын Оюунцэцэг /РЮ62090804/-ийг БНМАУ-ын Тээврийн яамны харъяа Хөвсгөл аймгийн Тээврийг удирдах газарт 1981 оны 07 дугаар сарын 13-ны өдрөөс 1983 оны 07 дугаар сарын 07-ны өдрийг хүртэл засварчнаар,  1983 оны 07 дугаар сарын 07-ны өдрөөс 1984 оны 06 дугаар сарын 20-ны өдрийг хүртэл кондуктороор, 1984 оны 06 дугаар сарын 20-ны өдрөөс 1987 оны 06 дугаар сарын 20-ны өдрийг хүртэл, гагнуурчин засварчинаар, 1987 оны 06 дугаар сарын 20-ны өдрөөс 1988 оны 10 дугаар сарын 01-ний өдрийг хүртэл халуун усны үйлчлэгчээр,  /1988 оны 10 дугаар сарын 01-ний өдрөөс 1990 оны 07 дугаар сарын 01-ний өдрийг хүртэл тос тосны нярав тосолгоочиноор давхар ажиллаж байсан/,  Хөвсгөл аймгийн 19 дүгээр баазад 1990 оны 07 дугаар сарын 01-ний өдрөөс 1997 оны 05 дугаар сарын 10-ны өдрийг хүртэл  хуучин сэлбэг тосны нярав, үйлчлэгчээр тус тус ажиллаж байсан байдлыг тогтоосугай.

1. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.2-т зааснаар нэхэмжлэгч Т.Оюунцэцэгийн улсын тэмдэгтийн хураамжид төлсөн 70.200 /далан мянга хоёр зуу/ төгрөгийг улсын орлогод хэвээр үлдээсүгэй.
2. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.4, 119.7-д зааснаар шийдвэр танилцуулан сонсгож, 7 хоног өнгөрснөөс хойш 14 хоногийн дотор шүүх хуралдааны оролцсон талууд шүүхэд хүрэлцэн ирж шийдвэрийг гардан авах үүргээ биелүүлээгүй нь давж заалдах журмаар гомдол гаргах хугацааг тоолоход саад болохгүй бөгөөд шүүх хуралдаанд оролцоогүй талд шийдвэрийг гардуулснаар гомдол гаргах хугацаагтоолохыг, Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар зохигч, гуравдагч этгээд, тэдээрийн төлөөлөгч, өмгөөлөгч анхан шатны шүүхийн шийдвэрийг эс зөвшөөрвөл 14 хоногийн дотор иргэний хэргийн давж заалдах шатны шүүхэд гомдол гаргах эрхтэйг дурдсугай.

ДАРГАЛАГЧ,ШҮҮГЧ                        Б.МӨНХТУЯА