Ховд аймгийн Булган сум дахь Сум дундын шүүхийн шүүгч Ц.Энхжаргал даргалж, тус шүүхийн шүүх хуралдааны танхимд нээлттэй хийсэн шүүх хуралдаанаар,

         Хүсэлт гаргагч: Ховд аймгийн Ү******* суманд 1967 оны 01 дугаар сарын 28-ны өдөр төрсөн, 50 настай, эмэгтэй, ам бүл 6, /эхнэр, хүүхдийн хамт/ Ү******* сумын Ж******* багт оршин суух, бүрэн дунд боловсролтой, мэргэжилгүй, хувиараа хөдөлмөр эрхэлдэг.                                Н******* овогт Т*******ы Т*******ны хүсэлттэй  ажиллаж байсан байдал тогтоолгох тухай хүсэлтийг 2017 оны 01 дүгээр сарын 25-ны өдөр хүлээн авч, 2017 оны 01 дүгээр сарын 30-ны өдөр иргэний хэрэг үүсгэн хянан хэлэлцэв.

         Шүүх хуралдаанд: Шүүх хуралдааны нарийн бичгийн дарга Б.Алтангэрэл хүсэлт гаргагч Т.Т*******н нар оролцов. 

ТОДОРХОЙЛОХ нь:

         Хүсэлт гаргагч Т.Т*******н нь улсад ажиллаж байсан байдлаа тогтоолгохыг шаардаж байх ба шаардлагаа дараах байдлаар үндэслэж байна.

           Хүсэлт гаргагч Т.Т*******н нь шүүх хуралдаанд  тайлбарлахдаа: Миний бие нь 1967 онд төрсөн. Нөхөр 5 хүүхдийн хамт Ховд аймгийн Ү******* сумын  Ж******* багт мал маллаж амьдардаг. Тус сумын “Алтан-Оргил” нэгдлийн Ж******* бригадад тухайн үед аав, ээжийн хамт мал маллаж туслах малчнаар ажиллаж байсан. Иймд 1983 оны 07 дугаар сарын 01-ний өдрөөс 1987 оны 04 дүгээр сарын 01-ний өдөр хүртэл Ховд аймгийн Ү******* сумын “Алтайн-Оргил” нэгдэлд малчнаар ажиллаж байсан байдлыг тогтоож өгнө үү гэв.

         Шүүх хуралдаанаар хэрэгт цугларсан  нотлох баримтыг шинжлэн судлаад:

ҮНДЭСЛЭХ нь:

        Шүүх нэхэмжлэлийн шаардлагыг  хангаж шийдвэрлэх үндэслэлтэй байна. Учир нь:Хүсэлт гаргагч Т.Т*******н нь 1983 оны 07 дугаар сарын 01-ний өдрөөс 1987 оны 04 дүгээр сарын 01-ний өдөр хүртэл  Ховд аймгийн Ү******* сумын “Алтайн-Оргил”  нэгдэлд малчнаар ажиллаж байсан байдлаа тогтоолгохоор шүүхэд нэхэмжлэл гаргасан бөгөөд хэрэгт дараах нотлох баримтууд авагджээ. Үүнд :

        -Ховд аймгийн ЗДТГ-ын Архивын  тасгийн 2017 оны 01 дүгээр  сарын 19-ний  өдрийн №62 тоот лавлагаа,

        -Ховд  аймгийн Ү******* сумын “Алтайн-Оргил” нэгдлээс 1983 оны 06 дугаар 20-ны өдөр олгогдсон хөдөлмөрийн дэвтэр

            Шүүх нэхэмжлэгчийн хүсэлтээр гэрчээс гэрчийн мэдүүлэг авсан ба гэрч Сарбас овогт Майдгийн Нухай шүүхэд мэдүүлсэн: Т.Т*******н 8-р ангиа төгсөөд 1983 оноос 1987 он хүртэл Ховд аймгийн Ү******* сумын Алтан-Оргил нэгдлийн Ж******* бригадад эцэг, эхийн хамт малчнаар ажилллаж байсан гэх мэдүүлэг,

            Гэрч Жантогч овогт Хамаягийн шүүхэд  мэдүүлсэн: Т.Т*******н нь 1983 оноос 1987 он хүртэл Ховд аймгийн Ү******* сумын “Алтайн-Оргил” нэгдлийн Ж******* бригадад эцэг, эхийн хамтаар малчнаар ажиллаж байсан. Би Ү******* сумын “Алтайн-Оргил” нэгдлийн Ж******* бригадад 1973 оноос 1990 он хүртэл малын эмчээр ажиллаж байсан гэх мэдүүлэг зэрэг болно.

            Иймд Т.Т*******ныг 1983 оны 07 дугаар сарын 01-ний өдрөөс 1987 оны 04 дүгээр сарын 01-ний өдөр хүртэл Ховд аймгийн Ү******* сумын “Алтайн-Оргил” нэгдлийн Ж******* бригадад малчнаар ажиллаж байсан байдлыг гэрч нарын мэдүүлэг, архивын лавлагаа, нэхэмжлэгчийн тайлбар зэрэг хэрэгт авагдсан нотлох баримтуудаар тогтоох үндэслэлтэй гэж үзлээ.

         Хүсэлт гаргагчийн улсын тэмдэгтийн хураамжид төлсөн 70200 төгрөгийг улсын орлогод хэвээр үлдээж шийдвэрлэсэн болно.

           Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118, 133 дугаар зүйлийн  133.1.дэх хэсэгт заасныг удирдлага болгон      

ТОГТООХ  нь:

           1.Иргэний хэрэг шүүхэд хянан шийдвэрлэх тухай хуулийн 133 дугаар зүйлийн 133.1.1, 135 дугаар зүйлийн 135.2.6-д зааснаар Н******* овогт Т*******ы Т*******ныг 1983 оны 07 дугаар сарын 01-ний өдрөөс 1987 оны 04 дүгээр сарын 01-ний өдөр хүртэл Ховд аймгийн Ү******* сумын “Алтайн-Оргил” нэгдлийн 3-р бригадад малчнаар ажиллаж байсан байдлыг тогтоосугай.

           2.Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.2-д зааснаар хүсэлт гаргагчийн улсын тэмдэгтийн хураамжинд төлсөн 70200 төгрөгийг Ховд аймгийн Булган сумын Төрийн сангийн дансанд хэвээр үлдээсүгэй.

            3.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар  зохигч, гуравдагч этгээд, тэдгээрийн төлөөлөгч буюу өмгөөлөгч анхан  шатны  шүүхийн  шийдвэрийг   гардан   авснаас  хойш 14  хоногийн  дотор  Ховд аймгийн Эрүү, иргэний хэргийн давж заалдах шатны шүүхэд давж заалдах гомдол гаргах эрхтэйг дурьдсугай.