2017 он 3 сар 27 өдөр                            Дугаар 102/ШШ2017/00835                             Улаанбаатар хот

 

 

 

Хариуцагч нэхэмжлэлийн шаардлагыг

хүлээн зөвшөөрснийг баталж, хэргийг

хэрэгсэхгүй болгох тухай

 

 

Баянгол дүүргийн Иргэний хэргийн анхан шатны шүүхийн шүүгч Ч.Мөнхцэцэг би,  

 

Нэхэмжлэгч: Баянгол дүүрэг, 15 дугаар хороо, 21 дүгээр байр, 4 дүгээр орцонд байрлах, Найрамдал СӨХ-ны нэхэмжлэлтэй,

                                                     

Хариуцагч: Баянгол дүүрэг, 15 дугаар хороо, 22 дугаар байр, 30 тоот хаягт оршин суух, Монгол овогт Дугаржавын Энхбат /РД:ЧМ74021911/-д холбогдох,

 

Нэхэмжлэлийн шаардлага: Дундын өмчлөлийн зүйлийн засвар үйлчилгээний төлбөрт 58.800 төгрөг гаргуулах тухай иргэний хэргийг хянаад,

                                    

ТОДОРХОЙЛОХ нь:

 

Нэхэмжлэгч шүүхэд ирүүлсэн нэхэмжлэлдээ: Тус СӨХ-ны байрны оршин суугч Д.Энхбат нь 2016 оны 12 дугаар сараас 2017 оны 3 дугаар сар хүртэлх нийт 3 сарын СӨХ-ны төлбөрөө төлөлгүй, 58.800 төгрөгийн өр үүсгээд байна. Д.Энхбатаас төлбөрөө төлөхийг удаа дараа шаардсан боловч элдэв шалтаг тоочин, зугтсаар байна. Хариуцагч нь төлбөрөө төлөхгүй атлаа бүх төрлийн засвар үйлчилгээг авсаар ирсэн. Иймд хариуцагчаас 58.800 төгрөгийг гаргуулж өгнө үү гэжээ.

Хариуцагч шүүхэд ирүүлсэн тайлбартаа: Миний бие Найрамдал СӨХ-ны нэхэмжилсэн 58.800 төгрөгийг төлж барагдуулахыг хүлээн зөвшөөрч байна гэжээ.

 

                                           ҮНДЭСЛЭХ нь:

 

Нэхэмжлэгч Найрамдал СӨХ нь Д.Энхбатад холбогдуулан дундын өмчлөлийн зүйлийн засвар үйлчилгээний төлбөрт 58.800 төгрөг гаргуулахаар нэхэмжлэлийн шаардлага гаргажээ.

Хэрэг хянан шийдвэрлэх ажиллагааны явцад хариуцагч нь нэхэмжлэлийн шаардлага болох 58.800 төгрөгийг төлж барагдуулахыг хүлээн зөвшөөрсөн тайлбар ирүүлсэн байна. Иймд хариуцагчийн зөвшөөрлийг баталж,  хэргийг хэрэгсэхгүй болгох нь зүйтэй гэж үзэв.

            Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид төлсөн 4.550 төгрөгийн 50 хувийг улсын төсвөөс, 50 хувийг хариуцагчаас гаргуулж нэхэмжлэгчид олгож шийдвэрлэв.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1 дэх хэсгийг удирдлага болгон

                                            

  ЗАХИРАМЖЛАХ нь:

 

            1. Найрамдал СӨХ-ны нэхэмжилсэн 58.800 төгрөгийг төлж барагдуулахыг хүлээн зөвшөөрсөн хариуцагч Д.Энхбатын зөвшөөрлийг баталж, хэргийг хэрэгсэхгүй болгосугай.

 

            2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид төлсөн 4.550 төгрөгийн 50 хувь болох 2.275 төгрөгийг Баянгол дүүргийн Татварын хэлтсийн 2602002965 тоот данснаас, 50 хувь болох 2.275 төгрөгийг хариуцагчаас гаргуулж нэхэмжлэгч Найрамдал СӨХ-д олгосугай.

 

3. Иргэний хэрэг шүүхэд хянан шийдвэрлэх тухай хуулийн 75 дүгээр зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэх журамтайг тайлбарласугай.

 

4. Хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

  

 

 

 

 

ШҮҮГЧ                                          Ч.МӨНХЦЭЦЭГ