Нэхэмжлэгч нэхэмжлэлээсээ татгалзсаныг 
баталж, хэргийг хэрэгсэхгүй болгох тухай

 

Баянгол дүүргийн Иргэний хэргийн анхан шатны шүүхийн шүүгч Д.Наранцэцэг би, 

нэхэмжлэгч- Чингэлтэй дүүрэг, Самбуугийн гудамж-47, өөрийн байранд байрлах, Мобиком корпораци ХХК-ийн нэхэмжлэлтэй,   

хариуцагч- Баянгол дүүрэг, 6-р хороо, Орхон худалдааны төв,  өөрийн байранд байрлах, Батсервис ХХК-д холбогдох,

352 625 төгрөгийг гаргуулах тухай иргэний хэрэгт хянан шийдвэрлэх ажиллагаа явуулаад,

                   ТОДОРХОЙЛОХ нь:

 

Нэхэмжлэгч нэхэмжлэлдээ: Хариуцагч Батсервис ХХК нь манай үйлчилгээний нөхцлийг хүлээн зөвшөөрч, 2016-03-09 өдөр дараа төлбөрт үйлчилгээний хэрэглэгч болох хүсэлт гарган гэрээ байгуулж, дараа төлбөрт 99057640 дугаарын эзэмшигч болсон.

            Батсервис ХХК нь гэрээний үүргээ үл биелүүлэн, 2016 оны 09 сарын байдлаар 99057640 дугаарын үйлчилгээний төлбөр 427 625 төгрөгийг төлөөгүй тул үйлчилгээг хаасан.

Иймд Батсервис ХХК-ийн төлбөрийн үлдэгдэл 427 625 төгрөг, үүнээс барьцаа болох  75 000 төгрөгийг хасаад 352 625 төгрөгийг гаргуулж өгнө үү гэжээ.

Нэхэмжлэгч шүүхэд гаргасан хүсэлтдээ: Хэрэг хянан шийдвэрлэх ажиллагааны явцад хариуцагч Батсервис ХХК нэхэмжилсэн 352 625 төгрөгийг бүрэн төлж барагдуулсан тул шүүхэд гаргасан нэхэмжлэлээсээ татгалзаж байна гэжээ.

Нэхэмжлэгчийн нэхэмжлэл, хүсэлт, аж ахуйн нэгжийн гэрчилгээ, гэрээ, харилцагчийн гүйлгээ зэрэг бичмэл баримтыг судлаад,

ҮНДЭСЛЭХ нь:

 

Нэхэмжлэгч Мобиком корпораци ХХК хариуцагч Батсервис ХХК-д холбогдуулан 99057640 дугаарын үйлчилгээний хөлс 352 625 төгрөгийг гаргуулах тухай нэхэмжлэлийг шүүхэд  гаргажээ.

Хэрэг хянан шийдвэрлэх ажиллагааны явцад нэхэмжлэгч Мобиком корпораци ХХК-ийн нэхэмжилсэн 352 625 төгрөгийг хариуцагч Батсервис ХХК бүрэн төлж барагдуулсан шалтгаанаар нэхэмжлэгч шүүхэд гаргасан нэхэмжлэлээсээ татгалзаж байгаа тухай хүсэлтээ ирүүлсэн байна.

Иргэний хэрэг шүүхэд хянан шийдвэрлэх тухай хуулийн 26 дугаар зүйлийн 26.2 дахь хэсэгт заасны дагуу нэхэмжлэгч нэхэмжлэлээсээ татгалзах эрхтэй тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2 дахь хэсэгт заасны дагуу  түүний татгалзлыг шүүх баталж, хэргийг хэрэгсэхгүй болгох нь зүйтэй байна.

 

Улсын тэмдэгтийн хураамжийн тухай хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, 59 дүгээр зүйлийн 59.4  дэх хэсэгт заасны дагуу улсын тэмдэгтийн хураамжид нэхэмжлэгчийн төлсөн 11 229 төгрөгөөс 50 хувийг буцаан нэхэмжлэгчид олгох нь хуульд нийцнэ.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйлийн 75.1, 123 дугаар зүйлийн 123.1  дэх хэсгийг удирдлага болгон,