2017 оны 03 сарын 16 өдөр

Дугаар 151/ШШ2017/00262

Төв аймаг

 

МОНГОЛ УЛСЫН НЭРИЙН ӨМНӨӨС

 

Төв аймаг дахь Сум дундын Иргэний хэргийн анхан шүүхийн шүүгч Л.Оюунцэцэг даргалж хийсэниргэний шүүх хуралдаанаар

Нэхэмжлэгч: Шүүхийн Шийдвэр Гүйцэтгэх Ерөнхий Газрын харъяа Төв аймгийн Баян суман дахь Согтуурах мансуурах донтой өвчтөнг албадан эмчлэх, албадан хөдөлмөр хийлгэх газрын хүсэлттэй өвчтөн Их Монгол овогт Содномдоржийн Аюурзаныг өвчний учир албадан эмчилгээг дуусгавар болгуулах тухай иргэний хэргийг хэлэлцэв.

Шүүх хуралдаанд: Төв аймгийн Баян суман дахь Согтуурах мансуурах донтой өвчтөнг албаданэмчлэх, албадан хөдөлмөр хийлгэх газрыг төлөөлж тус газрын их эмч, дэслэгч Б.Энхболд, өвчтөн С.Аюурзана, нарийн бичгийн дарга А.Доржпүрэв нарыг оролцуулан хийв.

ТОДОРХОЙЛОХ нь:

Согтуурах мансуурах донтой өвчтөнг албадан эмчлэх, албадан хөдөлмөр хийлгэх газар шүүхэдгаргасан хүсэлтдээ: өвчтөн С.Аюурзана нь 2017 оны 02 сарын 10-ны өдөр албадан эмчлэх газарт ирсэн. Хордлого тайлах, шинж тэмдэг, сэтгэл заслын эмчилгээ хийгдсэн байгаа. Зүрх судасны дутмагшилтай учраас нарийн мэргэжлийн эмчид үзүүлэх шаардлагатай. Манай байгууллагад нарийн мэргэжлийн эмч байхгүй. Энэ хүнд эмчилгээ хийх гэхээр үндсэн эмчилгээ таарахгүй харшлах зүйлтэй өвчинд орж байгаа учраас цаашид эмчилгээг манай байгууллагад хийлгэх шаардлагагүй. Иймд харшил үүсгэх болон шинж тэмдгийн эмчилгээ таарахгүй байгаа учраас Зүрх судасны дутмагшил өвчний улмаас эмчилгээг хугацаанаас нь өмнө дуусгавар болгох хүсэлттэй байна гэв.

Өвчтөн С.Аюурзана нь шүүхэд болон шүүх хуралдаанд өгсөн тайлбартаа: Миний бие 2017 оны 02 сарын 10-ны өдөр тус газарт ирсэн. Энэ хугацаанд хордлого тайлах, болон сэтгэл зүйн эмчилгээнд хамрагдсан. Мөн даралт ихсэх зовиур өвчинтэй тул нарийн мэргэжлийн эмчид үзүүлэх шаардлагатай. Иймд эмчилгээ таарахгүй байгаа учраас албадан эмчилгээнээс чөлөөлж өгнө үү гэв.

ҮНДЭСЛЭХ нь:

Өвчтөн С.Аюурзана нь Баянзүрх дүүргийн иргэний хэргийн анхан шатны шүүхийн 2017 оны 02 сарын 10-ны өдрийн 101/ШШ2017/00578 дугаартай шийдвэрээр захиргааны журмаар албадан эмчлэхээр шийдвэрлэсэн байна.

Өвчтөн .Аюурзана нь анх удаа тус газарт ирж 35 хоногийн хугацаанд эмчилгээ хийлгүүлсэн байна. Эмчилгээний үр дүнд биеийн ерөнхий байдал сайжирч, зовиур шаналгаа арилж, цаашид архи зохихгүй болгох шатны эмчилгээ хийхэд харшлах өвчний заалттай тул албадан эмчилгээнээс хугацаанаас нь өмнө чөлөөлөх үндэслэлтэй байна гэж шүүх үзлээ.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.1, 116, 118, 133 дугаар зүйлийн 133.1.1-д заасныг тус тус удирдлага болгон

ТОГТООХ нь:

1.Согтуурах мансуурах донтой өвчтэй этгээдийг захиргааны журмаар албадан эмчлэх, албадан хөдөлмөр хийлгэх тухай хуулийн 12 дугаар зүйлийн 12.2-т зааснаар .Аюурзанын албадан эмчлэх хугацааг дуусгавар болгосугай.

2.Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч байгууллага нь улсын тэмдэгтийн хураамжаас чөлөөлөгдсөн болохыг дурдсугай.

3.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.4, 119.7-д зааснаар энэ шийдвэрийг танилцуулан сонсгож, 7 хоног өнгөрснөөс хойш 14 хоногийн дотор шүүх хуралдаанд оролцсон тал шүүхэд хүрэлцэн ирж шийдвэрийг өөрөө гардан авах үүргээ биелүүлээгүй нь давж заалдах журмаар гомдол гаргах хугацааг тоолоход саад болохгүй болохыг дурдсугай.

4.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар нэхэмжлэгч шийдвэрийг эс зөвшөөрвөл гардан авсан өдрөөс хойш 14 хоногийн дотор Төв аймгийн эрүү, иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай.

 

ДАРГАЛАГЧ, ШҮҮГЧ Л.ОЮУНЦЭЦЭГ