2016 оны 12 сарын 13 өдөр

Дугаар 102/ШШ2016/06053

Улаанбаатар хот

         

 

      Хариуцагчийн зөвшөөрлийг баталж,

             хэргийг хэрэгсэхгүй болгох тухай

 

Баянгол дүүргийн Иргэний хэргийн анхан шатны шүүхийн шүүгч Р.Алтантуяа  би,

           Нэхэмжлэгч: Сүхбаатар дүүргийн 8-р хороо, Сүхбаатарын талбай, Централ тауер, 5 давхарт байрлах “Шангрила-Улаанбаатар хотел” ХХК-ийн нэхэмжлэлтэй,

 

             Хариуцагч: Баянгол дүүргийн 13-р хороо, 3-р хороолол, 8-4 тоотод оршин суух, регистр ЧН79052000, Монгол овогт, Бямбасүрэнгийн Амаржаргалд холбогдох 1 499 941 төгрөг гаргуулахыг хүссэн хэргийг хүлээн авч хянаад

 

ТОДОРХОЙЛОХ нь:

 

Хариуцагч Б.Амаржаргал нь шүүхэд гаргасан тайлбартаа: Миний бие “Шангрила-Улаанбаатар хотел” ХХК-ийн нэхэмжлэлтэй танилцлаа. Нэхэмжилсэн мөнгөнөөс 2016 оны 12-р сарын 10-нд 600 000 төгрөгийг төлсөн. Үлдэгдэл 900 000 төгрөгийг 2017 оны 2-р сарын 1-ний дотор төлж барагдуулна гэжээ.

 

Нэхэмжлэгчийн итгэмжлэгдсэн төлөөлөгч Д.Батзориг шүүхэд гаргасан хүсэлтдээ: Хариуцагч Б.Амаржаргал нь нэхэмжлэлийн шаардлагыг бүрэн хүлээн зөвшөөрч байх тул хэргийг хариуцагчийн зөвшөөрлийг баталж шүүхийн шийдвэр гаргаж өгнө үү гэжээ.

ҮНДЭСЛЭХ нь:

 

      Нэхэмжлэгч “Шангрила-Улаанбаатар хотел” ХХК нь Б.Амаржаргалд  холбогдуулан цалин 1 499 941 төгрөг гаргуулахыг хүссэн нэхэмжлэлийг шүүхэд гаргажээ.

 

   Хэрэг хянан шийдвэрлэх ажиллагааны шатанд хариуцагч Б.Амаржаргал нь нэхэмжлэлийн шаардлага 1 499 941 төгрөгөөс 2016 оны 12-сарын 10-нд 600 000 төгрөгийг төлж, үлдэгдэл 900 000 төгрөгийг 2017 оны 2-р сарын 1-ний дотор бүрэн төлж барагдуулахаар нэхэмжлэлийн шаардлагыг бүхэлд нь зөвшөөрсөн байх тул хариуцагчийн зөвшөөрлийг баталж, хэргийг хэрэгсэхгүй болгох нь зүйтэй гэж үзлээ.

 

  Иргэний хэрэг шүүхэд хянан шийдвэрлэх тухай хуулийн 74-р зүйлийн 74.2 дахь хэсэгт заасныг удирдлага болгон

ЗАХИРАМЖЛАХ нь:

 

  1. “Шангрила-Улаанбаатар хотел” ХХК-ийн нэхэмжилсэн 1 499 941  төгрөгөөс 600 000 төлж, үлдэгдэл 900 000 төгрөгийг 2016 оны 2-р сарын 1-ний дотор төлөхөөр зөвшөөрсөн хариуцагч Б.Амаржаргалын зөвшөөрлийг баталж, хэргийг хэрэгсэхгүй болгосугай.

 2. Иргэний хэрэг шүүхэд хянан шийдвэрлэх тухай хуулийн 74-р зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид төлсөн 38 950 төгрөгийг улсын орлогод хэвээр үлдээж, хариуцагч Б.Амаржаргалаас 19 475 төгрөгийг гаргуулж нэхэмжлэгч “Шангрила-Улаанбаатар хотел” ХХК-д олгосугай.

 

            3. Хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин шийдвэрлүүлэхээр нэхэмжлэл гаргах эрхгүйг дурьдсугай.

 

 

 

 

 

ШҮҮГЧ                                   Р.АЛТАНТУЯА