2016 оны 11 сарын 10 өдөр

Дугаар 102/ШШ2016/05698

Улаанбаатар хот

 

 

           Хариуцагчийн зөвшөөрлийг баталж,

          хэргийг хэрэгсэхгүй болгох тухай

 

 

        Баянгол  дүүргийн Иргэний хэргийн анхан шатны шүүхийн шүүгч Р.Алтантуяа би,

 

        Нэхэмжлэгч: Сүхбаатар дүүргийн 1-р хороо, Чингисийн өргөн чөлөө, Скайтел плаза-д байрлах, “Скайтел” ХХК-ийн нэхэмжлэлтэй,

 

          Хариуцагч: Баянгол дүүргийн 22-р хороо, Зүүн наран 13-р гудамж, 62 тоотод оршин суух, РД:ШЗ80092619, Боржигон нар овогт Нарангэрэлийн Батбөхт  холбогдох 298 118 төгрөг гаргуулахыг хүссэн хэргийг хүлээн авч хянаад   

                                                                         

      ТОДОРХОЙЛОХ нь:

 

        Нэхэмжлэгч “Скайтел” ХХК-ийн итгэмжлэгдсэн төлөөлөгч Г.Номин-Эрдэнэ  шүүхэд гаргасан тайлбартаа: “Скайтел” ХХК-ийн нэхэмжилсэн 298 118 төгрөгийг хариуцагч Н.Батбөх нь 2016 оны 11-р сарын 25-ны өдрөөс эхлэн 2017 оны 2-р сарын 25-ны өдөр хүртэл сар бүр 74 529 төгрөг төлж барагдуулахаар тохиролцон  эвлэрлийг гэрээ байгуулсан болно. Иймд хэргийг хялбаршуулсан журмаар шийдэж өгнө үү гэжээ.

                                                                                                                           ҮНДЭСЛЭХ нь:

 

   Нэхэмжлэгч “Скайтел” ХХК нь Н.Батбөхт холбогдуулан 289 118 төгрөг гаргуулахыг хүссэн нэхэмжлэлийг шүүхэд гаргажээ.

 

Хэрэг хянан шийдвэрлэх ажиллагааны шатанд хариуцагч Н.Батбөх нь нэхэмжлэлийн шаардлага  298 118 төгрөгийг 2017 оны 2-р сарын 25-ны дотор төлж барагдуулахаар нэхэмжлэлийн шаардлагыг бүхэлд нь зөвшөөрсөн байх тул хариуцагчийн зөвшөөрлийг баталж, хэргийг хэрэгсэхгүй болгох нь зүйтэй гэж үзлээ.

 

Иргэний хэрэг шүүхэд хянан шийдвэрлэх тухай хуулийн 74-р зүйлийн 74.2 дахь хэсэгт заасныг удирдлага болгон                                                                                                     

      ЗАХИРАМЖЛАХ нь:

 

1. Нэхэмжлэгч “Скайтел” ХХК -ийн нэхэмжилсэн 289 118 төгрөгийг  2017 оны 02-р сарын 25-ны дотор төлөхөөр зөвшөөрсөн хариуцагч Н.Батбөхийн зөвшөөрлийг баталж, хэргийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 74-р зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид төлсөн  9 594 төгрөгийг улсын орлогод хэвээр үлдээж, хариуцагч Н.Батбөхөөс 4797 төгрөгийг  гаргуулж нэхэмжлэгч “Скайтел” ХХК -д олгосугай.

 

3. Хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин шийдвэрлүүлэхээр нэхэмжлэл гаргах эрхгүйг дурьдсугай.

 

 

 

 

 

ШҮҮГЧ                                     Р.АЛТАНТУЯА