Хариуцагч нэхэмжлэлийн шаардлагыг

хүлээн зөвшөөрснийг батлах тухай

Завхан аймаг дахь сум дундын иргэний хэргийн анхан шатны шүүхийн шүүгч Т.Балжинням би, Завхан аймгийн ******* сумын Засаг даргын нэхэмжлэлтэй Б.*******т холбогдох зээл, зээлийн хүү, алданги нийт 1,637,940 төгрөг гаргуулах тухай иргэний хэргийг хянаад

ТОДОРХОЙЛОХ нь: 

 Завхан аймгийн ******* сумын Засаг дарга Ч.Батмөнх шүүхэд гаргасан нэхэмжлэлдээ: Б.******* нь ******* сумын Сум хөгжүүлэх сангаас 2014 оны 12-р сарын 15-ны өдөр №17 дугаартай зээлийн гэрээг байгуулан 2,0 сая төгрөгийн зээлийг авсан. Зээлийн гэрээний хугацаа 2017 оны 12-р сарын     01-нд дуусах боловч зээлдэгч Б.******* нь зээл, зээлийн хүүгийн төлбөрийг эргэн төлөлтийн хуваарийг дагуу хийгээгүй болон гэрээний үүргээ биелүүлээгүй учир зээлийн гэрээний 2.4, 3.3, 4.3 дахь заалтыг тус тус үндэслэн зээлийн төлбөрийг хуваарийн дагуу нэхэмжилж байна.

Иймд Б.*******аас өнөөдрийг хүртэлх графикийн дагуу төлөх 1,445,974 төгрөг, зээлийн гэрээний 2.4-т заасны дагуу хугацаа хэтэрсэн алданги 180,750 төгрөг, бусад холбогдон гарсан зардал 11,216 төгрөг, нийт 1,637,940 төгрөгийг гаргуулж манай сангийн 100091855401 тоот дансанд байршуулан өгч хохиролгүй болгож өгнө үү.

Мөн шүүхийн тэмдэгтийн хураамж болон шүүхийн шийдвэр гүйцэтгэх албанд шилжсэн тохиолдолд холбогдон гарах зардлыг хариуцагчаар төлүүлэхээр шийдвэрлэж өгнө үү гэжээ.

Хариуцагчийн итгэмжлэгдсэн төлөөлөгч П.******* шүүхэд гаргасан тайлбартаа: ******* сумын иргэн П.******* би ******* овогтой *******ын ээж мөн учир Сум хөгжүүлэх сангаас авсан зээлийн 1,637,940 төгрөгийг 2017 оны 12-р сарын 01-нд төлнө. Хугацаа хэтэрвэл хариуцлага хүлээх болно гэжээ.

Хэрэгт цугларсан нотлох баримтыг шинжлэн судлаад ҮНДСЭЛЭХ нь:

 Завхан аймгийн ******* сумын Засаг даргын нэхэмжилсэн зээл, зээлийн хүү, алдангийн төлбөр 1,637,940 төгрөгийг төлөхийг хариуцагч Б.******* хүлээн зөвшөөрсөн тайлбарыг шүүхэд 217 оны 02-р сарын 24-ний өдөр ирүүлсэн байна.

 Иймд Монгол Улсын Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1 дэхь хэсэгт зааснаар хариуцагчийн зөвшөөрлийг баталж хэргийг хялбаршуулсан журмаар шийдвэрлэх нь зүйтэй.

Хэргийг хялбаршуулсан журмаар шийдвэрлэж байгаа учир улсын тэмдэгтийн хураамжийг хариуцагчаас гаргуулахдаа Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5-д зааснаар нэхэмжлэлийн үнийн дүнд тохирох хураамжийн тал хувиар гаргуулах үндэстэй гэж үзээд 

Монгол Улсын Иргэний хэрэг шүүхэд хянан шийдвэрлэх тухай хуулийн 123 дугаар зүйлийн 123.1, 74, 75 дугаар зүйлүүдийг удирдлага болгон

ЗАХИРАМЖЛАХ нь:

1. Завхан аймгийн ******* сумын Засаг даргын нэхэмжлэлтэй зээл, зээлийн хүү, алданги 1,637,940 төгрөг гаргуулах тухай шаардлагыг хариуцагч Б.******* 2017 оны 12-р сарын 01-ний дотор төлж барагдуулна гэж бүрэн хүлээн зөвшөөрснийг баталаж хэргийг хэрэгсэхгүй болгосугай.

2. Монгол Улсын Тэмдэгтийн хураамжийн тухай хуулийн 41 дүгээр зүйлийн 41.1.3, 41.1.4 дэхь хэсэгт зааснаар нэхэмжлэгч байгууллага тэмдэгтийн хураамжаас чөлөөлөгддөг болохыг дурдаад мөн хуулийн 7 дугаар зүйлийн 7.1.1, Иргэний хэрэг шүүхэд хянан шийдвэрлэх тухай  хуулийн 60-р зүйлийн 60.1, 56-р зүйлийн 56.1, 74 дүгээр зүйлийн 74.5 дахь хэсгүүдэд зааснаар хариуцагч Б.*******аас тэмдэгтийн хураамжид 20638 төгрөгийг гаргуулж улсын төсөвт оруулсугай                              

3. Захирамжийг сайн дураар эс биелүүлбэл шүүхийн шийдвэрийн нэгэн адил албадан гүйцэтгүүлэхийг мэдэгдсүгэй.

4. Зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

ШҮҮГЧ Т.БАЛЖИННЯМ