Дархан-Уул аймаг дахь Сум дундын Иргэний хэргийн анхан шатны шүүхийн шүүгч З.Тунгалагмаа даргалж, тус шүүхийн танхимд хийсэн шүүх хуралдаанаар

 

Хүсэлт гаргагч: Дархан-Уул аймаг, Дархан сум, ******* баг, ****** гудамж, ****** тоотод оршин суух, ******* ******* овогт ******* ******* /регистрийн дугаар *******/-ийн хүсэлттэй

 

 “******* овогт ******* ******* эрэн сурвалжлуулах тухай” иргэний хэргийг хянан хэлэлцэв.

 

 Шүүх хуралдаанд: Хүсэлт гаргагч Б.*******, шүүх хуралдааны нарийн бичгийн дарга Э.Шүрэнчимэг нар оролцов.

                                                   ТОДОРХОЙЛОХ  нь:

 

 Хүсэлт гаргагч Б.******* шүүхэд гаргасан хүсэлтдээ болон шүүх хуралдаанд гаргасан тайлбартаа:

   “...******* овогтой 2016 оны 10 дугаар сарын 10-ны өдөр  7,960,000 төгрөгийг 3 сарын хугацаатай, хугацаа хэтрүүлсэн хоног тутамд 0,5 хувийн алданги төлөхөөр тохирч зээлийн гэрээг нотариатаар батлуулан бэлнээр мөнгөө өгч зээлдүүлсэн.

Энэ хугацаанд үүргээ биелүүлээгүй нэг ч төгрөг төлөөгүй хугацааг хойшлуулаар өнөөдрийг хүрсэн. Сүүлдээ утсаар яриахаар утсаа авахгүй гэрийн хаягандаа амьдардаггүй, одоо хаана байгаа нь огт мэдэгдэхгүй зугатааж байгаа тул хариуцагчийг эрэн сурвалжилж оршин суугаа газрыг олж өгнө үү.Иргэний үнэмлэхний хаяг Улаанбаатар хот, Сонгинохайрхан дүүрэг 20 дугаар хороо, Шинэ цэргийн хотхон  1 дүгээр байрны 12 тоот” гэв

 

Шүүх хуралдаанаар хүсэлт гаргагчийн хүсэлт болон хавтаст хэрэгт авагдсан бусад бичгийн нотлох баримтуудыг шинжлэн судлаад

                ҮНДЭСЛЭХ  нь:

 

Иргэний эрх зүйн харилцаанд хариуцагчаар оролцвол зохих этгээд болох ******* овогт ******* Туяацацрал /регистрийн дугаар ********/ нь одоо хаана байгаа нь мэдэгдэхгүй, оршин суугаа хаяг нь тодорхойгүй болох нь хүсэлт  гаргагчийн шүүхэд гаргасан хүсэлтээр тогтоогдож байна

 Иймд иргэний хэрэг шүүхэд  хянан шийдвэрлэх тухай хуулийн 155 дугаар зүйлийн 155.1, 155.2-т заасны дагуу гаргасан хүсэлт гаргагч Б.*******гийн гаргасан ******* овогт ******* Туяацацрал /регистрийн дугаар ********/-ыг эрэн сурвалжлуулах тухай хүсэлтийг хангаж шийдвэрлэх үндэслэлтэй байна.

 

Монгол Улсын Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.1, 116, 118 дугаар зүйлд заасныг удирдлага болгон ТОГТООХ  нь :

 

1. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3-т ******* овогт ******* Туяацацрал /регистрийн дугаар ********/-ыг эрэн сурвалжилсугай.

 

2. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.4-д зааснаар ******* овогт ******* Туяацацрал /регистрийн дугаар ********/-ыг эрэн сурвалжлах, оршин суугаа газрыг тогтоохыг Дархан-Уул аймгийн Цагдаагийн газарт даалгасугай.

 

3. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.2-т зааснаар нэхэмжлэгчээс улсын тэмдэгтийн хураамжид төлсөн 70,200 /далан мянга хоёр зуу/ төгрөгийг Төрийн сангийн орлогод хэвээр үлдээсүгэй. 

 

   4. ******* овогт ******* Туяацацрал /регистрийн дугаар ********/-ын хаяг болон хаана байгааг нь тодруулсаны эцэст хүсэлт гаргагч Б.******* /утас 89381218/-д утас болон хаягаар нь мэдэгдэхийг Дархан-Уул аймгийн Цагдаагийн газарт даалгасугай. 

 

 5. Иргэний хэрэг шүүхэд хянан шийдвэрлэх тухай хуулийн  119 дүгээр зүйлийн 119.2-т зааснаар энэ шийдвэр танилцуулан сонсгомогц хүчинтэй болох бөгөөд мөн хуулийн 120 дугаар зүйлийн 120.2-т зааснаар зохигч, тэдгээрийн төлөөлөгч буюу өмгөөлөгч шийдвэрийг эс зөвшөөрвөл гардан авснаас хойш 14 хоногийн дотор Дархан-Уул аймгийн Иргэний хэргийн Давж заалдах шатны шүүхэд гомдол гаргах эрхтэйг дурдсугай.

 

 

 

 

          ДАРГАЛАГЧ ШҮҮГЧ                                           З.ТУНГАЛАГМАА