МОНГОЛ  УЛСЫН НЭРИЙН ӨМНӨӨС

 

Баянгол дүүргийн Иргэний хэргийн анхан шатны шүүхийн шүүгч З.Доржнамжин даргалж тус шүүхийн хуралдааны танхимд хийсэн шүүх хуралдаанаар:

 

Нэхэмжлэгч:Баянгол дүүргийн 9 дүгээр хороо, Горькийн 6 дугаар гудамжны 154 тоотод оршин суух, регитсрийн дугаар АП 60040266, Хатиган овогт Баатаржалбуугийн Оюунчимэгийн хүсэлттэй

Ажиллаж байсан байдлаа тогтоолгох тухай иргэний хэргийг хэлэлцэв.

Шүүх хуралдаад:Хүсэлт гаргагч Б.Оюунчимэг, шүүх хуралдааны нарийн бчигийн дарга   Д.Агиймаа  нар оролцов.

               ТОДОРХОЙЛОХ нь:

 

Б.Оюунчимэг шүүхэд гаргасан хүсэлтэндээ болон шүүх хуралдаанд тайлбарлахдаа:Би 1980  онд багшийн сургууль төгсөөгүй байхдаа /3 дугаар курст/ Хангай сумын 8 жилийн захирлын 1980 оны 11 дүгээр сарын 26-ны өдрийн 32 тоот тушаалаар жирэмсний амралтаа авсан Лхагвасүрэнгийн оронд орлон багшаар 1980 оны 11 дүгээр сарын 10-ны өдрөөс 1989 оны 11 дүгээр сарын 20-ны өдрийг хүртэл Архангай аймгийн Хангай сумын 8 жилийн дунд сургуулийн багшаар ажиллаж байсан байдлыг тогтоож  өгнө үү гэв.

Хэрэгт байгаа болон шүүх хуралдаанаар хэлэлцэгдсэн нотлох баримтуудыг шинжлэн судлаад  ҮНДЭСЛЭХ нь:

Б.Оюунчимэгийн ажилласан байдлаа тогтоолгох тухай хүсэлтийг хангаж шийдвэрлэх боломжтой байна.

 

Б.Оюунчимэг нь 1980 оны 11 дүгээр сарын 10-ны өдрөөс  1989 оны 11 дүгээр сарын 20-ны өдрийг хүртэл Архангай аймгийн Хангай сумын 8 жилийн дунд сургуульд  багшаар ажиллаж байсан болох нь Архангай аймгийн Хангай сумын 8 жилийн дунд сургуулийн захирлын 1980 оны 11 дүгээр сарын 26-ны өдрийн Орлон ажиллах багш ажиллуулах тухай 32 тоот  тушаал, 1981 оны 4 дүгээр сарын 06-ны өдрийн Хангай сумын 8 жилийн дунд сургуулийн захирлын зарим багш нарыг 40 хувиас хэтрүүлж хичээл заалгах тухай 6 тоот  тушаал, 1982 оны 6 дугаар сарын 28-ны өдрийн Хангай сумын 8 жилийн дунд сургуулийн захирлын Багш нарын ээлжийн амралт олгох тухай 46 тоот  тушаал, 1983 оны 3 дугаар сарын 24-ний өдрийн Хангай сумын 8 жилийн дунд сургуулийн захирлын 3 тоот  тушаал, 1985 оны 1 дүгээр сарын 12-ны өдрийн Хангай сумын 8 жилийн дунд сургуулийн захирлын Ажилд түр авах тухай 16 тоот  тушаал, 1986 оны 9 дүгээр сарын 01-ний өдрийн Хангай сумын 8 жилийн дунд сургуулийн захирлын нярай хүүхдээ асрах тэтгэмжтэй чөлөө олгох тухай 45 тоот  тушаал, 1987 оны 2 дугаар сарын 29-ний өдрийн Хангай сумын 8 жилийн дунд сургуулийн захирлын Багш нарын өдрийг тохиолдуулан зарим багш нарыг шагнах тухай 47 тоот  тушаал, сургуулийн захирлын 1988 оны 2 дугаар сарын 11-ний өдрийн 47 тоот тушаалын хавсралт зэрэг баримтуудаар нотлогдож байна.

 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.1, 116, 118 дугаар зүйлүүд, 133 дугаар зүйлийн 133.1.1-д заасныг  удирдлага болгон  ТОГТООХ нь

 

1.Иргэний хэрэг шүүхэд хянан шийдвэрлэх тухай хуулийн 135 дугаар зүйлийн 135.2.6-д заасныг баримтлан Хатиган овогт Баатаржалбуугийн Оюунчимэгийг 1980 оны 11 дүгээр сарын 10-ны өдрөөс  1989 оны 11 дүгээр сарын 20-ны өдрийг хүртэл Архангай аймгийн Хангай сумын 8 жилийн дунд сургуулийн багшаар ажиллаж байсныг  сэргээн  тогтооусгай.

 

2.Иргэний хэрэг  шүүхэд хянан шийдвэрлэх тухай хуулийн 56 дугаарзүйлийн 56.1.-д зааснаар Б.Оюунчимэгийн улсын тэмдэгтийн хураамжид төлсөн 70 200 /далан мянга хоёр зуун/ төгрөгийг улсын төсвийн орлогод хэвээр  үлдээсүгэй.

 

3.Иргэний хэрэг шүүхэд хянан шийдвэрлэх тухай хуулийн 119 дүгээрзүйлийн 119.2-т зааснаар шийдвэрийг танилцуулан сонсгомогц хүчинтэй болохыг  дурдсугай.

 

4.Иргэний хэрэг шүүхэд хянан шийдвэрлэх тухай хуулийн 120 дугаарзүйлийн 120.2-т зааснаар шийдвэрийг зохигч гардаж авснаас хойш 14 хоногийн дотор Нийслэлийн Иргэний хэргийн давж заалдах шатны шүүхэд гомдол гаргах эрхтэй  болохыг дурдсугай.

 

 

 

           

ДАРГАЛАГЧ, ШҮҮГЧ                                  З.ДОРЖНАМЖИН