2017 оны 03 сарын 31 өдөр

Дугаар 182/ШШ2017/00673

Улаанбаатар хот

 

Нэхэмжлэгч нэхэмжлэлээсээ татгалзсаныг

баталж, хэргийг хэрэгсэхгүй болгох тухай

 

 

Сүхбаатар дүүргийн Иргэний хэргийн анхан шатны шүүхийн шүүгч Ц.Алтанцэцэг би,

 

Нэхэмжлэгч: Сонгинохайрхан дүүргийн 19 дүгээр хороо, Үйлдвэрчний эвлэлийн гудамж, Сонгинохайрхан дүүргийн Эрүүл мэнд, Нийгмийн даатгалын хэлтсийн нэхэмжлэлтэй,

 

Хариуцагч: Чингэлтэй дүүргийн 5 дугаар хороо, Самбуугийн гудамж, Твинком барилгын 6 давхарт байрлах, “Эгэл” ХХК-нд холбогдох, нийгмийн даатгалын шимтгэлд 6.911.380 төгрөг гаргуулах тухай хэргийг хянаад

ТОДОРХОЙЛОХ НЬ:

 

Нэхэмжлэгч шүүхэд гаргасан нэхэмжлэлдээ: Хариуцагч “Эгэл” ХХК-иас 6.911.380 төгрөг гаргуулж өгнө үү гэжээ.

 

Нэхэмжлэгч талаас шүүхэд гаргасан тайлбартаа: Хариуцагч “Эгэл” ХХК-иас нийгмийн даатгалын шимтгэлд 6.911.380 төгрөгийг нэхэмжилсэн боловч хариуцагч нь шүүхэд нэхэмжлэл гаргахаас өмнө тус мөнгийг төлсөн байх тул шүүхэд гаргасан нэхэмжлэлээсээ татгалзаж байна. Иймд хэргийг хялбаршуулсан журмаар шийдвэрлэж өгнө үү гэжээ. 

ҮНДЭСЛЭХ НЬ:

 

Нэхэмжлэгч нь хариуцагч “Эгэл” ХХК-нд холбогдуулж нийгмийн даатгалын шимтгэлд 6.911.380 төгрөг гаргуулах тухай нэхэмжлэлийн шаардлага гаргажээ

 

Хэрэг хянан шийдвэрлэх ажиллагааны явцад нэхэмжлэгч Сонгинохайрхан дүүргийн Эрүүл мэнд, Нийгмийн даатгалын хэлтэс нь нэхэмжлэлийн шаардлагаасаа татгалзсан болох нь нэхэмжлэгчийн төлөөлөгчийн бичгээр гаргасан тайлбараар тогтоогдож байна.

 

            Иймд нэхэмжлэгчийн татгалзлалыг баталж, хэргийг хэрэгсэхгүй болгох үндэслэлтэй.

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                      

Иргэний хэрэг шүүхэд хянан шийдвэрлэх тухай хуулийн 74, 75 дугаар зүйл, 123 дугаар зүйлийн 123.2-т заасныг тус тус удирдлага болгон

 

ЗАХИРАМЖЛАХ НЬ:

 

1.Нэхэмжлэгч Сонгинохайрхан дүүргийн Эрүүл мэнд, нийгмийн даатгалын  хэлтэс нь хариуцагч “Эгэл” ХХК-нд холбогдох нийгмийн даатгалын шимтгэлд 6.911.380 төгрөг гаргуулах тухай нэхэмжлэлээсээ татгалзсаныг баталж, хэргийг хэрэгсэхгүй болгосугай.

 

2.Улсын тэмдэгтий хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч улсын тэмдэгтийн хураамжаас чөлөөлөгдөхийг дурдсугай.

 

            3.Захирамжид зохигчид давж заалдах, хяналтын журмаар хянан шийдвэрлүүлэхээр гомдол гаргах болон тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

 

 

 

 

ШҮҮГЧ                                              Ц.АЛТАНЦЭЦЭГ