2017 оны 01 сарын 02 өдөр

Дугаар 101/ШШ2017/00053

Улаанбаатар хот

 

 

Хариуцагчийн зөвшөөрлийг баталж,

хэргийг хэрэгсэхгүй болгох тухай

 

 

Баянзүрх дүүргийн Иргэний хэргийн анхан шатны шүүхийн шүүгч Б.Ундраа би,

 

Нэхэмжлэгч: Улаанбаатар хот, Баянзүрх дүүрэг, 14 дүгээр хороо, 14 дүгээр хороолол, Намьянжугийн гудамж, Их Орд худалдааны төвийн байранд байрлах, Хас Банк Их Орд тооцооны төвийн нэхэмжлэлтэй,

 

Хариуцагч: Улаанбаатар хот, Баянзүрх дүүрэг, 17 дугаар хороо, Холбоо толгой 46 дугаар гудамж, 1044 тоотод оршин суух, Харчин овогт Намирангийн Болдбаатар /регистрийн дугаар ИЮ71030598/,

 

Хариуцагч: Улаанбаатар хот, Баянзүрх дүүрэг, 17 дугаар хороо, Холбоо толгой 46 дугаар гудамж, 1044 тоотод оршин суух, Буурал овогт Иваановын Пүрвээ /регистрийн дугаар ИЭ71072227/-д холбогдох,

 

 6,672,807.23 төгрөг гаргуулах тухай иргэний хэргийг хянаад

 

ТОДОРХОЙЛОХ нь:

 

Нэхэмжлэгч Хас Банк ХХК нь шүүхэд гаргасан нэхэмжлэлдээ: Зээлдэгч Н.Болдбаатар, хамтран үүрэг гүйцэтгэгч И.Пүрвээ нар нь 2013 оны 6 дугаар сарын 21-ний өдөр Хас банктай 1720000952 дугаар барьцаат зээлийн гэрээ байгуулж 7,500,000 төгрөгийн зээлийг 24 сарын хцнацаатай, 30 хоногт 2.1 хувийн хүүтэй, эргэлтийн хөрөнгө нэмэгдүүлэх зориулалтаар авсан бөгөөд гэрээний үүргийн гүйцэтгэлийг хангахаар өөрсдийн өмчлөлийн дараах эд хөрөнгүүдийг барьцаалуулсан болно. Үүнд барьцаат зээлийн 1720000952 дугаар гэрээгээр УНА 38-56 дугаартай, Nissan Tiida маркийн, 2006 оны, хар өнгөтэй, SC11080568 арлын дугаартай суудлын автомашин, барьцаат зээлийн 1720000952 дугаар гэрээгээр хөргөгч 2008 оны 2 хаалгатай - 1 ширхэг, зурагт 2006 оны LCD 32’ - 1 ширхэг, компьютер 2006 оны Dell маркийн - 1 ширхэг, гэрийн тавилга Солонгос -1 ширхэг, угаалгын машин 2008 оны япон -1 ширхэг болно.

Н.Болдбаатар, И.Пүрвээ нар нь 1720000952 дугаар гэрээний 3.2.1 дэх заалтын дагуу зээл, хүүгийн төлбөрийг гэрээний хавсралтад заасан эргэн төлөлтийн хуваарийн дагуу сар бүр хэсэгчлэн төлөх үүргээ биелүүлээгүй бөгөөд 2014 оны 6 дугаар сарын 20-ны өдрөөс хойш зээлийн төлбөрийг хуваарийн дагуу төлөлгүй, 2016 оны 9 дүгээр сарын 5-ны өдрийн байдлаар нийт 808 хоногоор хугацаа хэтрүүлж байна. Энэ нь 1720000952 дугаар зээлийн гэрээний 5.1.1-д заасан “зээлдэгч гэрээгээр хүлээсэн үүргээ биелүүлээгүй, зохих ёсоор биелүүлээгүй” гэсэн нөхцөлийг хангаж байх тул тус гэрээний 5.1-д заасны дагуу зээлдэгч гэрээнээс татгалзах эрхээ алдан банк санаачлан гэрээг цуцалж, зээлийн нийт төлбөрийг бүрэн төлөхийг шаардах эрх үүсэх үндэслэлтэй байна. Банкны зүгээс зээлдэгч Н.Болдбаатар, хамтран үүрэг гүйцэтгэгч И.Пүрвээ нартай удаа дараа уулзаж, зээлийн төлбөрөө төлөхийг сануулж, шаардаж, мэдэгдэж, утсаар холбоо барьсаар байсан боловч өнөөдрийг хүртэл гэрээгээр хүлээсэн үүргээ биелүүлэлгүй зээлийн төлбөр төлөхөөс зайлсхийж байна.

Банк, эрх бүхий хуулийн этгээдийн мөнгөн хадгаламж, төлбөр тооцоо, зээлийн үйл ажиллагааны тухай хуулийн 22 дугаар зүйлийн 22.1, 24 дүгээр зүйлийн 24.3, Иргэний хуулийн 451 дүгээр зүйлийн 451.1, 221 дүгээр зүйлийн 221.3, 225 дугаар зүйлийн 225.2, Зээлийн гэрээний 5 дугаар 5.1.1 дэх заалтын дагуу дараах шаардлагыг гаргаж байна. 1720000952 дугаар барьцаат зээлийн гэрээг 2016 оны 9 дүгээр сарын 5-ны өдрөөр цуцалж зээлийн үндсэн төлбөр 3,940,848.23 төгрөг, хүү 2,370,101 төгрөг, нэмэгдүүлсэн хүү 353,358 төгрөг, нотариатын үйлчилгээний хөлс 8,500 төгрөг нийт төлбөл зохих төлбөр 6,672,807.23 төгрөгийг зээлдэгч Н.Болдбаатар, хамтран үүрэг гүйцэтгэгч И.Пүрвээ нараас гаргуулж банкинд төлүүлэх, 1720000952 дугаар зээлийн гэрээний 5.2, 3.2.11-д тус тус заасны дагуу барьцаа хөрөнгөөр зээлийн гэрээний үүргийн гүйцэтгэлийг хангуулах гэжээ.

 

Хариуцагч Н.Болдбаатар нь шүүхэд гаргасан хариу тайлбартаа: Миний бие Намиран овогтой Болдбаата нь Хас Банк ХХК-ий нэхэмжилсэн 6,672.807.23 төгрөгийг төлж барагдуулна. Нэхэмжлэлийн шаардлагыг бүхэлд нь зөвшөөрч байна гэжээ.

 

Хариуцагч И.Пүрвээ нь шүүхэд гаргасан хариу тайлбартаа: Иваанов овогтой Пүрвээ миний бие нь Хас Банк ХХК-ий нэхэмжилсэн 6,672.807.23 төгрөгийг төлж барагдуулна. Нэхэмжлэлийн шаардлагыг хүлээн зөвшөөрч байна гэжээ.

 

ҮНДЭСЛЭХ нь:

 

Нэхэмжлэгч Хас Банк ХХК нь хариуцагч Н.Болдбаатар, И.Пүрвээ нарт холбогдуулан 6,672,807.23 төгрөг гаргуулах тухай нэхэмжлэлийг шүүхэд гаргажээ.

 

Хэрэг хянан шийдвэрлэх ажиллагааны явцад хариуцагч Н.Болдбаатар, И.Пүрвээ нар нь нэхэмжлэлийн шаардлага болох 6,672,807.23 төгрөгийг бүрэн төлж барагдуулахаар нэхэмжлэлийн шаардлагыг бүхэлд нь хүлээн зөвшөөрсөн тайлбарыг шүүхэд ирүүлсэн байна.

 

Иймд Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1-т заасны дагуу хариуцагчийн зөвшөөрлийг баталж, хэргийг хялбаршуулсан журмаар шийдвэрлэх нь зүйтэй гэж үзлээ.

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75 дугаар зүйлүүдэд заасныг удирдлага болгон

ЗАХИРАМЖЛАХ  нь:

 

1. Нэхэмжлэгч Хас Банк ХХК-ийн нэхэмжлэлтэй, Н.Болдбаатар, И.Пүрвээ нарт холбогдох 6,672,807.23 төгрөг гаргуулах тухай иргэний хэргийн хариуцагч Н.Болдбаатар, И.Пүрвээ нар нь нэхэмжлэлийн шаардлага болох 6,672,807.23 төгрөгийг бүрэн төлж барагдуулахаар нэхэмжлэлийн шаардлагыг бүхэлд нь зөвшөөрснийг баталж, хэргийг хэрэгсэхгүй болгосугай.   

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5.-д заасныг баримтлан, Хас Банк ХХК-иас улсын тэмдэгтийн хураамжид 2016 оны 09 дүгээр сарын 05-ны өдөр урьдчилан төлсөн 121,715 төгрөгийн тал хувь болох 60,857.5 төгрөгийг улсын төсвийн орлогод хэвээр үлдээж, тал хувь 60,857.5 төгрөгийг Баянзүрх дүүргийн татварын хэлтсийн 2609006167 дугаар данснаас, хариуцагч Н.Болдбаатар, И.Пүрвээ нараас улсын тэмдэгтийн хураамжид 60,857.5 төгрөгийг тус тус гаргуулан нэхэмжлэгч Хас Банк ХХК -д олгосугай.

 

1. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6.-д зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг мэдэгдсүгэй.

 

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн  74.4-т зааснаар хэргийг хялбаршуулсан журмаар хянан шийдвэрлэсэн захирамжид зохигч давж заалдах журмаар гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ                                               Б.УНДРАА