Нэхэмжлэгч нэхэмжлэлийн шаардлагаасаа

 татгалзсаныг баталж, хэргийг хэрэгсэхгүй

болгох тухай

 

       Өмнөговь аймаг дахь сум дундын иргэний хэргийн анхан шатны шүүхийн шүүгч Л.Угтахбаяр би

 

        Нэхэмжлэгч: “Жи-Мобайл” ХХК,

       

        Хариуцагч: Өмнөговь аймаг Мандал-Овоо сум, 1 дүгээр баг Өтгөнд оршин суух, Тайж нар овогт Ёндонжамцын Долгормаа /регистрийн дугаар: КД79082600/

 

        52.972 төгрөг гаргуулахыг хүссэн нэхэмжлэлийг 2017 оны 04 дүгээр сарын 14-ний өдөр хүлээн авч, 2017 оны 04 дүгээр сарын 21-ний өдөр иргэний хэрэг үүсгээн хянаад

 

ТОДОРХОЙЛОХ НЬ:

 

        Нэхэмжлэгч “Жи-Мобайл” ХХК шүүхэд гаргасан нэхэмжлэлдээ: Ё.Долгормаа нь “Жи-Мобайл” ХХК-тай 2013 оны 07 дугаар сарын 08-ны өдөр “Хувь хэрэглэгчид үүрэн холбооны дараа төлбөрт үйлчилгээ үзүүлэх” байгуулан 98118169 дугаарын хэрэглэгч болсон. Ё.Долгормаа нь одоогийн байдлаар манай компанид 2014 оны 08 дугаар сарын ярианы төлбөр 53.195,06 төгрөг, 2014 оны 09 пүгээр сарын ярианы төлбөр 25.820 төгрөг, 2014 оны 10 дугаар сарын ярианы төлбөр 300 төгрөг, нийт 85.315 төгрөгний хэрэглээний өртэй байна. Ярианы төлбөрөө төлж барагдуулах талаар удаа дараа утсаар мэдэгдэж байсан боловч одоог хүртэл төлбөрөө барагдуулагүй болон. Иймд Ё.Долгормаагийн ярианы төлбөр 85.315 төгрөгнөөс барьцаанд байршуулсан 50.000 төгрөгийг хасч тооцон 35.315 төгрөг, алданги 17.657 төгрөг, нийт 52.972 төгрөгийг гаргуулан өгч манай компанийг хохиролгүй болгож өгнө үү гэжээ.

 

Нэхэмжлэгчийн итгэмжлэгдсэн төлөөлөгч С.Тайвансайхан шүүхэд ирүүлсэн хүсэлтдээ: Хариуцагч Ёндонжамцын Долгормаа нь нэхэмжлэлийн үүргээ биелүүлэн төлбөрөө төлсөн тул шүүхэд гаргасан нэхэмжлэлээсээ татгалзаж байна гэжээ.

 

ҮНДЭСЛЭХ НЬ:

 

Нэхэмжлэгч “Жи-Мобайл” ХХК нь нэхэмжлэлийн шаардлагаасаа татгалзсан болох нь нэхэжлэгчийн итгэмжлэгдсэн төлөөлөгчийн тайлбараар нотлогдож байх тул нэхэмжлэгч нэхэмжлэлийн шаардлагаасаа татгалзсаныг батлаж, хэргийг хэрэгсэхгүй болгох үндэслэлтэй байна.

 

Монгол Улсын Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 74.4, 75 дугаар зүйл, 123 дугаар зүйлийн 123.1 дэх хэсэгт заасныг  удирдлага болгон ЗАХИРАМЖЛАХ нь:

 

1. Нэхэмжлэгч “Жи-Мобайл” ХХК нь Ё.Долгормаад холбогдуулж 52.972 төгрөг гаргуулах тухай нэхэмжлэлийн шаардлагаасаа татгалзсаныг баталж, хэргийг хэрэгсэхгүй болгосугай.
2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5, тэмдэгтийн хураамжийн тухай хуулийн 7 дугаар зүйлийн 7.1.1 дэх хэсэгт зааснаар нэхэмжлэгч “Жи-Мобайл” ХХК-ны улсын тэмдэгтийн хураамжид төлсөн 4550 төгрөгийг орон нутгийн төсвийн орлогод хэвээр үлдээж, орон нутгийн төсврийн орлогоос 2275 төгрөгийг гаргуулан нэхэмжлэгч “Жи-Мобайл” ХХК-нд олгосугай.
3. Энэ захирамжид зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

 

ШҮҮГЧ                                   Л.УГТАХБАЯР