Зохигчдын эвлэрлийг баталж, хэргийг

   хэрэгсэхгүй болгох тухай

 

Багануур дүүргийн Иргэний хэргийн анхан шатны шүүхийн шүүгч Г.Солонго би

Нэхэмжлэгч Багануур дүүрэг 3 дугаар хороо, ******* дугаар байрны ******* тоотод оршин суух, ******* овогт ******* ******* нэхэмжлэлтэй 

Хариуцагч Багануур дүүргийн 4 дүгээр хороо, ******* ******* дүгээр гудамжны ******* тоотод оршин суух, ******* овогт холбогдох зээлийн гэрээний үүргийн биелэлт *******5.000 төгрөг гаргуулах тухай нэхэмжлэлийг 20******* оны 5 дугаар сарын 16-ны өдөр хүлээн авч хянаад

ТОДОРХОЙЛОХ нь

          Нэхэмжлэгч Ц. шүүхэд гаргасан нэхэмжлэлдээ: Миний бие 2016 оны 4 дүгээр сарын 20-ны өдөр Дагаад 200.000 төгрөгийг 10 хувийн хүүтэй өгсөн боловч одоог хүртэл зээл, зээлийн хүүгээ төлөхгүй байна. Иймд үндсэн зээл 200.000 төгрөг, хүү 45.000 төгрөгийг гаргуулж өгнө үү, гэжээ. 

Зохигчид шүүхэд ирүүлсэн эвлэрлийн гэрээндээ: Хариуцагч Г. нэхэмжлэгч Ц.д 20******* оны 5 дугаар сарын 23-наас 20******* оны 6 дугаар сарын 23-ны өдрийн дотор, нэхэмжлэгчийн нэхэмжилсэн *******5.000 төгрөг дээр хариуцагч Г. миний бие 55.000 төгрөгийг сайн дураараа нэмж, нийт 300.000 төгрөгийг төлж барагдуулна, гэжээ.

ҮНДЭСЛЭХ нь

           Нэхэмжлэгч Ц., хариуцагч Г.гээс зээлийн гэрээний үүргийн биелэлт *******5.000 төгрөг гаргуулах нэхэмжлэлийн шаардлагыг шүүхэд гаргажээ.

           Шүүх зохигчдын эвлэрлийг баталж, хэргийг хэрэгсэхгүй болгож шийдвэрлэх үндэслэлтэй байна гэж үзлээ.

  Хэрэг хянан шийдвэрлэх ажиллагааны явцад зохигчид эвлэрэн хэлэлцэж, эвлэрлийн гэрээг бичгээр байгуулж, хоёр тал гарын үсгээ зурж баталгаажуулан, нэхэмжлэгч зээлийн гэрээний үүргийн биелэлт *******5.000 төгрөг нэхэмжилснийг, хариуцагч 20******* оны 6 дугаар сарын 23-ны өдрийн дотор нэхэмжилсэн *******5.000 төгрөг дээр сайн дураараа 55.000 төгрөг нэмж, нийт 300.000 төгрөгийг төлж барагдуулахаар, зохигчид эвлэрсэн байх тул зохигчдын эвлэрлийг батлах нь зүйтэй байна гэж үзлээ.

 Зохигчид эвлэрэн хэлэлцсэн нь Иргэний хуульд харшлаагүй, гуравдагч этгээдийн хуулиар хамгаалагдсан ашиг сонирхлыг хөндөөгүй байна.

 

 Хэргийг хялбаршуулсан журмаар шийдвэрлэсэн тул Иргэний хэрэг шүүхэд  хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар улсын  тэмдэгтийн хураамжийг тал хувиар бууруулж тогтоов.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2 дахь  хэсэгт  заасныг  удирдлага болгон ЗАХИРАМЖЛАХ нь:

1. ******* овогт ******* ******* нэхэмжлэлтэй, хариуцагч ******* овогт холбогдох зээлийн гэрээний үүргийн биелэлт *******5.000 төгрөг нэхэмжилсэн иргэний хэрэгт, хариуцагч 20******* оны 6 дугаар сарын 23-ны өдрийн дотор нэхэмжилсэн *******5.000 төгрөг дээр сайн дураараа 55.000 төгрөг нэмж, нийт 300.000 төгрөгийг төлж барагдуулахаар зохигчид харилцан тохиролцон, эвлэрснийг баталж, хэргийг хэрэгсэхгүй болгосугай.
2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид төлсөн 8000 төгрөгийг тал хувиар бууруулан тогтоож, 4000 төгрөгийг улсын төсвөөс, хариуцагчаас 4000 төгрөгийг гаргуулан, нэхэмжлэгчид  олгосугай.
3. Иргэний хэрэг  шүүхэд  хянан  шийдвэрлэх  тухай хуулийн  75 дугаар  зүйлийн 75.6 дахь хэсэгт зааснаар энэхүү захирамжийг хариуцагч сайн дураар  биелүүлээгүй бол шүүхийн шийдвэрийн нэгэн адил албадан гүйцэтгэхийг  мэдэгдсүгэй.
4.  Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар хэргийг хялбаршуулсан журмаар хянан шийдвэрлэсэн тохиолдолд зохигчид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай. 

 

ШҮҮГЧ                                  Г.СОЛОНГО