2017 оны 06 сарын 09 өдөр

Дугаар 102/ШШ2017/01698

Улаанбаатар хот

 

 

МОНГОЛ УЛСЫН НЭРИЙН ӨМНӨӨС

 

                      

            Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116 дугаар зүйл, 132 дугаар зүйлийн 132.6-д заасныг удирдлага болгон

 

 

ТОГТООХ нь:

         

          1. Гэр бүлийн тухай хуулийн 14 дүгээр зүйлийн 14.1-д  зааснаар Э, Э нарын гэрлэлтийг цуцалсугай.

 

            2. Гэр бүлийн тухай хуулийн 14 дүгээр зүйлийн 14.5-д зааснаар 2007 оны 08 дугаар сарын 09-ний өдөр төрсөн хүү Э.У, 2009 оны 08 дугаар сарын 20-ны өдөр төрсөн охин Э.Э нарыг эх Э.Э асрамжид үлдээсүгэй. 

 

          3. Гэр бүлийн тухай хуулийн 40 дүгээр зүйлийн 40.1.1, 40.1.2-д зааснаар 2007 оны 08 дугаар сарын 09-ний өдөр төрсөн хүү Э.У, 2009 оны 08 дугаар сарын 20-ны өдөр төрсөн охин Э.Э нарыг 11 хүртэлх насны хүүхдэд тухайн бүс нутагт тогтоогдсон амьжиргааны доод түвшингийн 50 хувиар, 11-16 нас /суралцаж байгаа бол 18 нас/ хүртэл амьжиргааны доод түвшингийн хэмжээгээр сар бүр хүүхдийн тэтгэлэг гаргуулан эцэг Д.Э тэжээн тэтгүүлсүгэй.

 

           4. Гэр бүлийн тухай хуулийн 40 дүгээр зүйлийн 40.2-т зааснаар хариуцагчаас гаргуулах хүүхдийн тэтгэлэгийн хэмжээ нь түүний цалин хөлс, түүнтэй адилтгах орлогын 50%-иас хэтрэхгүй болохыг дурьдсугай.

 

           5. Зохигч хүүхдүүдийг секц дугуйланд суралцсан тохиолдолд сургалтын төлбөрт тус бүр 50.000 төгрөг төлөх, Цаашдаа их дээд сургуульд суралцах тохиолдолд сургалтын төлбөрийг хувааж төлөх, хариуцагч хүүхдүүдээ улиралд 7-10 хоногийн хугацаатай өөр дээрээ авч байхаар тохиролцсон болохыг тус тус дурьдсугай.

 

          6. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, Улсын тэмдэгтийн хураамжийн тухай хуулийн 7 дугаар зүйлийн 7.1.2-д зааснаар нэхэмжлэгчээс улсын тэмдэгтийн хураамжид төлсөн 70.200 төгрөгийг улсын төсвийн орлогод хэвээр үлдээсүгэй.

 

7. Зохигчид эд хөрөнгийн маргаангүй гэснийг дурьдсугай.  

            

8. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2., 120 дугаар зүйлийн 120.2. дахь хэсэгт зааснаар уг шийдвэр нь танилцуулан сонсгомогц хүчинтэй болох бөгөөд зохигч болон итгэмжлэгдсэн төлөөлөгч нь эс зөвшөөрвөл шийдвэрийн хувийг гардан авсан өдрөөс хойш 14 хоногийн дотор Нийслэлийн Иргэний хэргийн давж заалдах шатны шүүхэд гомдол гаргах эрхтэйг дурдсугай. 

 

 

 

 

 

              ДАРГАЛАГЧ, ШҮҮГЧ                                      Ж.КУЛЬДАНА