2017 оны 05 сарын 26 өдөр                                 Дугаар 151/ШШ2017/00558                                                                 Төв аймаг

 

МОНГОЛ УЛСЫН НЭРИЙН ӨМНӨӨС

 

 Төв аймаг дахь Сум дундын Иргэний хэргийн анхан шүүхийн шүүгч Л.Оюунцэцэг даргалж хийсэн иргэний шүүх хуралдаанаар

 Нэхэмжлэгч: Шүүхийн Шийдвэр Гүйцэтгэх Ерөнхий Газрын харъяа Төв аймгийн Баян суман дахь Согтуурах мансуурах донтой өвчтөнг албадан эмчлэх, албадан хөдөлмөр хийлгэх газрын хүсэлттэй өвчтөн Улаанбаатар хот, Баянгол дүүрэг, 17-р хороо, 36 а байр, 96 тоотод оршин суух Цэгмидийн Батсүх /ЧН66080119/-г эмчилгээний үр дүнгээр албадан эмчилгээг дуусгавар болгуулах тухай иргэний хэргийг хэлэлцэв.

 Шүүх хуралдаанд: Төв аймгийн Баян суман дахь Согтуурах мансуурах донтой өвчтөнг албадан эмчлэх, албадан хөдөлмөр хийлгэх газрыг төлөөлж тус газрын их эмч, дэслэгч П.Энхбулган, өвчтөн Ц.Батсүх, нарийн бичгийн дарга Б.Цагаанцоож нарыг оролцуулан хийв.

ТОДОРХОЙЛОХ нь:

Нэхэмжлэгч Согтуурах мансуурах донтой өвчтөнг албадан эмчлэх, албадан хөдөлмөр хийлгэх газар шүүхэд гаргасан хүсэлтдээ: Өвчтөн Ц.Батсүх нь Баянгол дүүргийн Иргэний хэргийн анхан шатны шүүхийн  2017 оны 02 сарын 23-ний өдрийн 102/ШШ2017/00595 дугаартай шийдвэрээр тус газарт ирж эмчлэгдэж, эмчилгээний үр дүнд зовиур шаналгаа арилж, засрал авч архи уух дур хүсэлгүй болж, биеийн байдал сайжирсан тул эмчилгээг хугацаанаас нь өмнө зогсоох хүсэлтэй байна гэв.

 

Өвчтөн Ц.Батсүх шүүхэд болон шүүх хуралдаанд өгсөн тайлбартаа: Би тус эмнэлэгт 2017 оны 02 сарын 23-ны өдөр ирж, эмчилгээ, сувилгаа, сургалтанд бүрэн хамрагдаж биеийн байдал сайжирсан, элдэв зөрчил гаргаагүй тул эмчилгээг хугацаанаас нь өмнө дуусгавар болгож өгнө үү гэв. 

ҮНДЭСЛЭХ нь:

 

 Ц.Батсүх нь Баянгол дүүргийн 2017 оны 02 сарын 23-ны Иргэний хэргийн анхан шатны шүүхийн 2017 оны 02 сарын 23-ны  өдрийн 102/ШШ2017/00595 дугаартай шийдвэрээр захиргааны журмаар албадан эмчлэхээр шийдвэрлэсэн байна.

 

 Өвчтөн Ц.Батсүх нь тус газарт ирж 92 хоног эмчлүүлжээ. Архинд донтох дур хүслийг бууруулах эмчилгээний үр дүнд түүний архинд донтох өвчин нь эдгэрсэн, эмчилгээ бүрэн хийгдсэн болох нь шүүх хуралдаан дээр гаргаж буй нэхэмжлэгч байгууллагын төлөөлөгчийн тайлбар, эмч нарын комиссын дүгнэлт, өвчтөний тайлбар, хэрэгт цугларсан бичгийн нотлох баримт зэргээр нотлогдож байх тул түүний албадан эмчилгээний хугацааг дуусгавар болгох үндэслэлтэй байна гэж шүүх үзлээ.

 

 Иргэний Хэрэг Шүүхэд Хянан Шийдвэрлэх Тухай Хуулийн 115 дугаар зүйлийн 115.2.1, 116, 118 дугаар зүйлүүдэд заасныг тус тус удирдлага болгон

ТОГТООХ НЬ:

1.Согтуурах мансуурах донтой өвчтэй этгээдийг Захиргааны журмаар албадан эмчлэх, албадан хөдөлмөр хийлгэх тухай хуулийн 12 дугаар зүйлийн 12.2-т заасныг баримтлан Цэгмидийн Батсүх /ЧН66080119/-н албадан эмчлэх хугацааг дуусгавар болгосугай.

2.Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч байгууллага нь улсын тэмдэгтийн хураамж төлөхөөс чөлөөлөгдсөн болохыг дурдсугай.

3.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.4, 119.7-д зааснаар энэ шийдвэрийг танилцуулан сонсгож, 7 хоног өнгөрснөөс хойш 14 хоногийн дотор шүүх хуралдаанд оролцсон тал шүүхэд хүрэлцэн ирж шийдвэрийг өөрөө гардан авах үүргээ биелүүлээгүй нь давж заалдах журмаар гомдол гаргах хугацааг тоолоход саад болохгүй болохыг дурдсугай.

4.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар нэхэмжлэгч шийдвэрийг эс зөвшөөрвөл гардан авсан өдрөөс хойш 14 хоногийн дотор Төв аймгийн эрүү, иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай.

 

ДАРГАЛАГЧ, ШҮҮГЧ                                                Л.ОЮУНЦЭЦЭГ