Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.2, 116, 118 дугаар зүйлд заасныг удирдлага болгон  

ТОГТООХ нь:

 

1.Иргэний хуулийн 21 дүгээр зүйлийн 21.2, 497 дугаар зүйлийн 497.1, 511 дүгээр зүйлийн 511.1-д заасныг баримтлан нэхэмжлэгч Э.Золбоогийн нэр төр алдар хүндийг сэргээж, “эхнэртээ эр бяраа гаргадаг Энхтүвшингийн хүү Золбоо” гэх мэдээллийг цацсан “цахим.мн” /www.tsahim.mn/, “улс төр.мн” /www.ulstur.mn/, “доргио.мн” /www.dorgio.mn/ сайтуудад няцаалт хийхийг хариуцагч Б.Эрдэнэбаярт даалгаж, нэхэмжлэлийн шаардлагаас үлдэх 55 000 000 /тавин таван сая/ төгрөгийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 58 дугаар зүйлийн 58.3, Улсын тэмдэгтийн хураамжийн тухай хуулийн 41 дүгээр зүйлийн 41.1.7-заасны дагуу нэхэмжлэгч улсын тэмдэгтийн хураамж төлөхөөс чөлөөлөгдсөн болохыг дурьдаж, хариуцагч Б.Эрдэнэбаяраас 70 200 төгрөгийг гаргуулж улсын орлогод олгосугай. 

 

3.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2-д зааснаар шийдвэр танилцуулан сонсгомогц хүчинтэй болохыг дурдсугай. 

 

4. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-д зааснаар зохигчид, тэдгээрийн төлөөлөгч, өмгөөлөгч нар шүүхийн шийдвэрийг гардан авснаас хойш 14 хоногийн дотор Нийслэлийн Иргэний хэргийн давж заалдах шатны шүүхэд гомдол гаргах  эрхтэй бөгөөд 7 хоног өнгөрснөөс хойш 14 хоногийн дотор шүүхэд хүрэлцэн ирж, шийдвэрийг өөрөө гардан авах үүргээ биелүүлээгүй нь гомдол гаргах хугацааг тоолоход саад болохгүйг дурдсугай.

 

   

 

 

 

                           ДАРГАЛАГЧ                                   Д.ЭНХЦЭЦЭГ

 

       ШҮҮГЧИД                                       Ц.ОЮУНБИЛЭГ

 

     Ж.СЭМЖИД