Хялбаршуулсан журмаар хэрэг хянан шийдвэрлэх тухай

Багахангай, Налайх дүүргийн Иргэний хэргийн анхан шатны шүүхийн шүүгч З.Түвшинтөгс би

Нэхэмжлэгч: *******,*******,*******,******* тоотод байрлах “*******” ХХК-ийн нэхэмжлэлтэй,

Хариуцагч: , , тоотод оршин суух овогт ы /РД:УР720823/-д  холбогдох

NР10 төхөөрөмж худалдах, худалдан авах гэрээний үүргийн биелэлтэд 60.000 төгрөг гаргуулах тухай нэхэмжлэлийг 27 оны 3 дугаар сарын 30-ны өдөр хүлээн авч, 27 оны 4 дүгээр сарын 06-ны өдөр иргэний хэрэг үүсгэн хянаад ТОДОРХОЙЛОХ нь:

Нэхэмжлэгч “*******” ХХК шүүхэд гаргасан нэхэмжлэл болон хүсэлтдээ: С. 25 оны дүгээр сарын 19-ний өдөр манай компанитай худалдах, худалдан авах гэрээ байгуулан, 240 000 төгрөгийн үнэтэй, NP10 төхөөрөмжийг 12 сарын хугацаатай худалдаж авахдаа урьдчилгаанд 20 000 төгрөг төлсөн.

Гэрээнд заасны дагуу үлдэгдэл төлбөрөө 12 сарын хугацаанд төлөхдөө сар бүрийн 17-ны өдөр 20 000 төгрөг төлж байх ёстой байсан.

Гэтэл С. үлдэгдэл төлбөр 40 000 төгрөгийг төлөлгүй хугацаа хэтрүүлсэн тул  гэрээний 5 дугаар зүйлийн 5.3-т заасны дагуу гүйцэтгээгүй үүргийн үнийн дүнгээс 0.3 хувийн алданги тооцоход 20 000 төгрөг болж байна. Иймд С.ээс нийт 60 000 төгрөг гаргуулахаар шүүхэд хандсан.

Шүүхийн шатанд хариуцагч С. 40 000 төгрөгийг сайн дураар төлсөн тул алданги 20 000 төгрөгөөс татгалзаж байна.

Хариуцагч С. нэхэмжлэлийн шаардлагыг биелүүлсэн тул хэргийг хялбаршуулсан журмаар шийдвэрлэж өгнө үү гэжээ.

Шүүх хэрэгт хуульд заасан журмын дагуу цугларсан бичмэл нотлох баримтууд болон зохигчдын өгсөн тайлбарыг шинжлэн судлаад ҮНДЭСЛЭХ нь:

Нэхэмжлэгч “*******” ХХК хариуцагч С.ээс NP10 төхөөрөмж худалдах, худалдан авах гэрээний үүргийн биелэлтэд 60 000 төгрөг гаргуулах тухай нэхэмжлэлийн шаардлагаа 40 000 төгрөг болгон багасгаж, алданги 20 000 төгрөгөөс татгалзсан.

Нэхэмжлэгч “*******” ХХК нь хариуцагч С.ээс NP10 төхөөрөмжийн үнэ 40 000 төгрөгийг гэрээ болон Иргэний хуулийн 243 дугаар зүйлийн 243.1.-д заасны дагуу шаардах эрх үүсч байна.

Нэхэмжлэгч “*******” ХХК нэхэмжлэлийн шаардлагаа дэмжиж 25 оны дүгээр сарын 19-ний өдрийн NP10 төхөөрөмж худалдах, худалдан авах гэрээний өргөдлийн маягт, NP10 төхөөрөмж худалдах, худалдан авах гэрээний хуулбар, С.ийн иргэний үнэмлэхийн хуулбар зэргийг шүүхэд баримтаар өгсөн. /хх-6-9/

Зохигчид нэхэмжлэлийн шаардлага болон үйл баримтын талаар маргаагүй ба хариуцагч С. NP10 төхөөрөмжийн үлдэгдэл төлбөр 40 000 төгрөгийг төлж барагдуулсан болох нь Төрийн банкний 27 оны 4 дүгээр сарын 07-ны өдрийн 630600379079 дугаар төлбөрийн баримтын хуулбар хувиар нотлогдож байна.

Хариуцагч С. NP10 төхөөрөмж худалдах, худалдан авах гэрээний үүргийн биелэлт 40 000 төгрөгийг 27 оны 4 дүгээр сарын 07-ны өдөр нэхэмжлэгч “*******” ХХК-д бүрэн төлж барагдуулсан байх тул шүүх хэргийг хялбаршуулсан журмаар шийдвэрлэхэд гуравдагч этгээдийн эрх ашгийг хөндөөгүй, хуульд нийцэж байна гэж үзэж, нэхэмжлэлийн шаардлагыг хариуцагч биелүүлсэнийг баталж, хэргийг хэрэгсэхгүй болгов.

Шүүгчийн захирамж нь шууд хуулийн хүчин төгөлдөр болдог тул зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй.

Хариуцагч С. нэхэмжлэлийн шаардлагыг сайн дураар биелүүлсэн тул улсын тэмдэгтийн хураамжаас тал хувиар хөнгөлж нэхэмжлэгчийн улсын тэмдэгтийн хураамж төлсөн 4 550 төгрөгийн 50 хувь болох 2 275 төгрөгийг хариуцагч С.ээс, 2 275 төгрөгийг улсын орлогоос тус тус гаргуулж нэхэмжлэгч “*******” ХХК-д олгох нь зүйтэй гэж үзлээ.

Монгол Улсын Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1., 74.2., 75., 123 дугаар зүйлийн 123.1.-д заасныг удирдлага болгон ЗАХИРАМЖЛАХ нь:     

1. Хариуцагч овогт ы NP10 төхөөрөмж худалдах, худалдан авах гэрээний үүргийн биелэлт 40 000 /дөчин мянга/ төгрөгийг нэхэмжлэгч “*******” ХХК-д бүрэн төлж нэхэмжлэлийн шаардлагыг биелүүлсэнийг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5., Улсын тэмдэгтийн хураамжийн тухай хуулийн 7 дугаар зүйлийн 7.1.1.-д зааснаар нэхэмжлэгч “*******” ХХК-ийн улсын тэмдэгтийн хураамжид төлсөн 4 550 төгрөгөөс 2 275 /хоёр мянга хоёр зуун далан тав/ төгрөгийг улсын орлогоос, 2 275 /хоёр мянга хоёр зуун далан тав/ төгрөгийг хариуцагч С.ээс тус тус гаргуулж нэхэмжлэгч “*******” ХХК-д олгосугай.

3. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4.-д зааснаар шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг заасугай.

 

                                        ШҮҮГЧ                                     З.ТҮВШИНТӨГС