2017 оны 05 сарын 30 өдөр

Дугаар 101/ШШ2017/01861

Улаанбаатар хот

 

 

МОНГОЛ УЛСЫН НЭРИЙН ӨМНӨӨС

 

 

Баянзүрх дүүргийн Иргэний хэргийн анхан шатны шүүхийн шүүгч Б.Ундраа даргалж, тус шүүхийн хуралдааны танхимд хийсэн шүүх хуралдаанаар

 

Хүсэлт гаргагч: Улаанбаатар хот, Баянзүрх дүүрэг, 25 дугаар хороо, 13 дугаар хороолол, Эрэл 40 дүгээр байр, 94 тоот хаягт оршин суух, Маарамба овогт Бямбасүрэнгийн Баярсайхан /РД:ИЦ84122414/-ы нэхэмжлэлтэй,

 

Б.Бат-Өлзий /регистрийн дугаар ЧС85082318/-г эрэн сурвалжлуулах тухай хүсэлттэй иргэний хэргийг хянан хэлэлцэв.

 

Шүүх хуралдаанд: шүүх хуралдааны нарийн бичгийн дарга М.Золзаяа оролцов.

ТОДОРХОЙЛОХ нь:

 

Нэхэмжлэгч Б.Баярсайхан шүүхэд гаргасан нэхэмжлэлдээ: Б.Бат-Өлзий нь  2014 оны 9 дүгээр сарын 23-ны өдөр 19,000,000 төгрөгийн зээлийн гэрээ хийж, хүүгүй зээлж авсан. Уг гэрээг нотариатаар батлуулсан бөгөөд гэрээний дагуу уг мөнгийг 2014 оны 11 дүгээр сарын 23-ны өдөр бүрэн төлж дуусгах ёстой боловч хэсэгчлэн төлсөөр одоогийн байдлаар 11,000,000 төгрөг төлсөн. Гэвч үлдэгдэл 8,000,000 төгрөгийг одоог хүртэл төлөөгүй бөгөөд зохих журмын дагуу шүүхэд хандах гэтэл Б.Бат-Өлзийгийн оршин суугаа хаяг нь мэдэгдэхгүй байгаа тул эрэн сурвалжилж өгнө үү гэжээ.

 

Шүүх хуралдаанаар нэхэмжлэгчийн нэхэмжлэл, хэрэгт авагдсан бичгийн нотлох баримтуудыг шинжлэн судлаад

   ҮНДЭСЛЭХ нь:

 

Нэхэмжлэгч Б.Баярсайхан нь 8,000,000 төгрөг гаргуулах тухай иргэний хэрэгт хариуцагчаар оролцвол зохих этгээд болох Цэцэн овогт Батбаярын Бат-Өлзий /регистрийн дугаар ЧС85082318/-г эрэн сурвалжлуулах тухай хүсэлтийг гаргажээ.

 

Хэрэгт авагдсан, 2014 оны 9 дүгээр сарын 23-ны өдрийн Зээлийн гэрээ, “Нэхэмжлэлийг хүлээн авахаас татгалзах тухай” Сүхбаатар дүүргийн Иргэний хэргийн анхан шатны шүүхийн шүүгчийн 2016 оны 11 дүгээр сарын 04-ний өдрийн 6552 дугаар захирамж зэргээс үзэхэд Б.Бат-Өлзийг иргэний эрх зүйн маргаанд хариуцагчаар оролцвол зохих этгээд гэж үзнэ.

 

Шүүх, Б.Бат-Өлзийгийн иргэний үнэмлэх дээрх хаяг болох Сүхбаатар дүүрэг, 13 дугаар хороо, Рашаан 2 гудамж, 180 тоот хаягаар хариуцагчийг шүүхэд дуудах ажиллагааг хийсэн боловч хариуцагчийн хаяг тодорхойгүйгээс нэхэмжлэлийг хүлээн авахаас татгалзжээ.

 

Иймд Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.1, 155.4-т заасны дагуу Цэцэн овогт Батбаярын Бат-Өлзий /регистрийн дугаар ЧС85082318/-г эрэн сурвалжилж, оршин суугаа хаягийг нь тогтоох ажиллагааг Цагдаагийн байгууллагаар гүйцэтгүүлэх нь зүйтэй гэж үзэв. 

 

Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3, 115 дугаар зүйлийн 115.2.1, 116, 118 дугаар зүйлүүдийг удирдлага болгон

 

ТОГТООХ нь:

 

1. Иргэний хэрэг шүүхэд хянан шийдвэрлэх тухай хуулийн 133 дугаар зүйлийн 133.1.9 дэх хэсэгт заасныг баримтлан, Цэцэн овогт Батбаярын Бат-Өлзий /регистрийн дугаар ЧС85082318/-г эрэн сурвалжилсугай.

 

1. Б.Бат-Өлзийг эрэн сурвалжилж, оршин байрлах газрын хаягийг тогтоох ажиллагааг хийж гүйцэтгэхийг Баянзүрх дүүргийн Цагдаагийн 1 дүгээр хэлтэс, Сүхбаатар дүүргийн Цагдаагийн 2 дугаар хэлтэст тус тус даалгасугай.

 

1. Иргэний хэрэг шүүхэд хянан шийдвэрлэх тухай хуулийн 59 дугаар зүйлийн 59.1, Улсын тэмдэгтийн хураамжийн тухай хуулийн 7 дугаар зүйлийн 7.1.2-т зааснаар нэхэмжлэгчээс улсын тэмдэгтийн хураамжид 2017 оны 3 дугаар сарын 17-ны өдөр урьдчилан төлсөн 70,200 төгрөгийг улсын орлогод хэвээр үлдээсүгэй  .

 

1. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2 дахь хэсэгт зааснаар шийдвэр танилцуулан сонсгомогц хүчинтэй болох тул Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2 дахь хэсэгт зааснаар зохигч энэхүү шийдвэрийг эс зөвшөөрвөл шийдвэрийг гардаж авсан өдрөөс хойш 14 хоногийн дотор Нийслэлийн Иргэний хэргийн давж заалдах шатны дугаар шүүхэд давж заалдах гомдол гаргах эрхтэйг дурдсугай.

 

 

 

 

 

ДАРГАЛАГЧ, ШҮҮГЧ                                Б.УНДРАА