Сэлэнгэ аймаг дахь сум дундын Эрүүгийн хэргийн анхан шатны шүүхийн Эрүүгийн шүүх хуралдааныг шүүгч Б.Нацагдорж даргалж тус шүүхийн эрүүгийн шүүх хуралдааны танхимд нээлттэй явуулсан шүүх хуралдаанд: 

 Улсын яллагч Д.Нямдэлэг

 Шүүгдэгчийн өмгөөлөгч Л.Доржпүрэв

 Хохирогч Н.Нямсүрэн

 Хохирогчийн өмгөөлөгч А.Ариунзаяа

 Нарийн бичгийн дарга Б.Урангоо нар оролцов.

Аймгийн Прокурорын газраас Эрүүгийн хуулийн тусгай ангийн 98 дугаар зүйлийн 98.1-д заасан “Бусдын бие махбодид хүндэвтэр гэмтэл санаатай учруулах” гэмт хэрэгт холбогдуулан яллах дүгнэлт үйлдэж шүүхэд шилжүүлсэн Боржигон овогт Сүхбаатарын Золбаярт холбогдох 201618000078 дугаартай Эрүүгийн хэргийг хянан хэлэлцэв.

Шүүгдэгчийн биеийн байцаалт:

Монгол Улсын харьяат, 1996 оны 04 дүгээр сарын 15-нд Сэлэнгэ аймаг Сүхбаатар суманд төрсөн, 20 настай, эрэгтэй, бүрэн дунд боловсролтой, мэргэжилгүй, ам бүл 6, ээж, эгч, дүү нарын хамт, Сэлэнгэ аймаг, Сүхбаатар сум 8 дугаар баг, 2 дугаар хэсэг 085 тоотод оршин суух хаягтай, хэрэг хариуцах чадвартай, урьд ял шийтгэлгүй, Боржигон овогт Сүхбаатарын Золбаяр РД:/МЮ96041519/

Холбогдсон хэргийн талаар:

Шүүгдэгч С.Золбаяр нь 2016 оны 03 дугаар сарын 15-ны өдөр Сэлэнгэ аймгийн Хушаат сумын 2 дугаар баг, Дуулгын 1-12 тоотод оршин суух, О.Цогбаярын хашаан дотор архи согтууруулах ундааны зүйл хэрэглэсэн үедээ Н.Нямсүрэнгийн эрх чөлөөнд хүрзний иш ашиглан халдаж  бие махбодид хүндэвтэр гэмтэл учруулсан гэмт хэрэгт холбогджээ.

Тодорхойлох нь:

Шүүхийн хэлэлцүүлэгт дараах  нотлох баримтуудыг шинжлэн судлав. 

 1. Шүүгдэгч С.Золбаярын шүүх хуралдааны хэлэлцүүлэгт өгсөн ….2016 оны 3 дугаар сарын 15-нд намайг гэртээ байж байхад манай эхнэр “сургалтын менежерийн төрсөн өдөр болж байна. Явчихаад ирье” гэхээр нь би “үгүй” гэж хэлсэн. Хэсэг байж байгаад “за за хамт олонтойгоо яваг” гэж бодоод хамт Цогбаярынх руу явсан. Тэгээд очоод хөзөр тоглож суусан. Надад архи өгөхөөр нь би амсаад буцаагаад өгсөн. Тэгээд 23 цаг өнгөрч байхад архи дууссан. Тэгээд Галхүү, Нямсүрэн, бид 3 баарнаас архи аваад буцаж ороод даалуу тоглосон. Тэгээд манай эхнэр “унтлаа” гээд хойд өрөө рүү нь орсон. Тэгээд явах болоод би эхнэрээ сэрээх гэж очоод Нямсүрэнтэй муудалцсан. Тэгээд гэрээс нь гараад гадаа зогсож байтал Нямсүрэн намайг хавирч унагаасан. Тэгээд би зууралдаж байгаад цамцных нь товчийг унагаасан чинь намайг цохьсон. Түүнээс болж муудалцаад би гарт таарсан модоороо над руу дайрч байсан Галхүү, Нямсүрэн нарыг холдуулах гээд савсан чинь Нямсүрэнгийн хөмсгийг цохьсон байсан. Тэгээд би гэртээ хариад эхнэртэйгээ хамт хөдөлгөөн намжихаар нь очсон гэв.

2. Хохирогч Н.Нямсүрэнгийн 2016 оны 03 дугаар сарын 30-ны өдөр мөрдөн байцаалтын шатанд өгсөн ......Би Сэлэнгэ аймгийн Хушаат сумын Ерөнхий Боловсролын Сургуулийн сургалтын менежерээр 1 жил 6 сар гаруй хугацаанд ажиллаж байна. 2016 оны 03 дугаар сарын 15-ны өдөр миний төрсөн өдөр болж 30 нас хүрсэн. Энэ төрсөн өдрийн баяраа найз нөхөдтэйгээ тэмдэглэхээр болж 19 цагийн үед сумын төвд байрлах бааранд Төрболд, Өлзийжаргал, Чингэл, Эрдэнэбулган, Цолмонтөгс, Галхүү бид нар 0,75 граммын “Соёмбо” нэртэй архи хувааж уусан. Баарнаас 20 цагийн үед гараад Цогбаярын гэрт Эрдэнэбулганаас бусад нь очоод Эрдэнэбулган дотуур байранд очиж хүүхдүүдийг амраагаад буцаж ирэхээр болсон. Бид нар Цогбаярын гэрт очиж хоол хийж, хөзөр, даалуу тоглоод сууж байхад Эрдэнэбулган нөхөртэйгээ хамт хүрч ирсэн.Бид нар хөзөр, даалуу тоглоомоо үргэлжлүүлж 0,75 граммын архи ууж суутал дууссан. Галхүү бид хоёр 23 цагийн үед дэлгүүр явж архи авах гэтэл “би явъя” гэж хэлээд бид хоёртой хамт явсан. Архи аваад гэр рүү буцаж явах замд Золбаяр тоглож, уурлаж байгаа нь мэдэгдэхгүй Галхүү бид хоёрыг “хоёр пизда гомо залуучууд” гэж доромжлоод байхаар нь бид хоёр дургүйцэж үл ойлголцол гараагүй. Ингээд бид гурав гэрт ороод дэлгүүрээс авсан “Вива” нэртэй 0,75 граммын 1 шил архийг хувааж уугаад хөзөр, даалуу тоглоод шөнийн 02 цаг болчихсон. Золбаяр Галхүүд “хойд өрөөнд унтаж байгаа манай эхнэрийг дуудаад ир” гэж хэлээд явуулсны дараа Галхүүг ирээгүй байтал намайг “чи яваад дуудаад ир” гэж хэлэхээр нь би хойд өрөөнд яваад ороход Эрдэнэбулган хойд өрөөнд хэвтэж байсан. Золбаяр шууд ардаас ирээд миний энгэрээс заамдаж ягаан өнгөтэй сорочкан цамцны товчийг нь таслахад Галхүү бид хоёрыг салгахад намайг Золбаяр “хоёулаа гэрээс гараад зодолдъё” гэж хэлэхээр нь би гэрээс дагаад гарахад гэрийн үүдэн дээр Золбаяр гараараа шүд рүү цохиход би түүнийг мөн цохиход Төрболд, Галхүү, Цогбаяр, Чингэл нар бид хоёрыг салгасан. Зодоон удаан болоогүй бие биенийгээ нэг нэг удаа цохьсон. Золбаярыг салгаад эхнэр нь гэрээс гарч ирээд аваад явах гэсэн боловч надтай зодолдох гээд дайраад давшлаад орилоод байх үедээ эхнэрийнхээ нүүрлүү нь цохиж хамраас нь цус гаргасан. Цохиулсны дараа эхнэр нь хаашаа явсан болохыг мэдэхгүй. Золбаярыг Төрболд, Галхүү бид 3 гэрт нь хүргэж өгөөд Төрболд гэр рүү авч ороод би Галхүү бид хоёр гадаа нь хүлээж байтал Золбаяр сүх гартаа барьсан “чамайг алнаа” гээд орилоод гараад ирэхэд Төрболд түүнийг болиулаад гэрлүү нь оруулахад Галхүү бид хоёр манай гэрт орж урагдсан срочкин цамцаа сольж Цогбаярын гэрт очиход Золбаяр Цогбаярын хашаанд ирчихсэн шууд миний толгойн зүүн хэсэгт 1 удаа цохиход би шууд газарт унасан намайг газар унасан хойно өшиглөсөн.  Намайг цохиж байх үед Галхүү, Цогбаяр нилээн зайтай Төрболд байсан. Төрболд хүрч ирээд Золбаярыг аваад гэр рүү нь явсан. Би сумын эмнэлэг дээр очиж оёдол тавиулсан. Түүнээс хойш Золбаяртай уулзаагүй......гэх мэдүүлэг 

/хавтаст хэргийн 23 дугаар хуудас/

3. Хохирогч Б.Эрдэнэбулганы 2016 оны 04 дүгээр сарын 15-ны өдөр мөрдөн байцаалтын шатанд өгсөн.... 2016 оны 03 дугаар сарын 15-ны өдөр ажлынхаа сургалтын менежер ажилтай Нямсүрэнгийн төрсөн өдрийг тэмдэглэхээр сумын төвд байрлах бааранд 19 цагийн үед найзууд болох Цолмон, Өлзийжаргал, Чингэл, Төрболд, Галхүү нар орж 0,75 граммын архи ууж байсан. Миний хувьд архинаас уугаагүй Нямсүрэнд төрсөн өдрийн мэнд хүргээд ажилтай байсан учраас дотуур байр руугаа явах гэтэл Нямсүрэн намайг “танай нөхөр чинь хаана байгаа вэ бид нар Цогбаярын гэрт төрсөн өдрөө тэмдэглэнэ, ажлаа зохицуулчихаад нөхөртэйгээ хамт хүрээд ирээрэй” гэж хэлэхээр нь би тодорхой хариулт өгөөгүй ажил руугаа явсан. Орой гэртээ 21 цаг орчим гэртээ очоод нөхөр Золбаярт “манай ажлын Нямсүрэнгийн төрсөн өдөр болж байна Цогбаярын гэрт тэмдэглэж байгаа хоёулаа очьё” гэж хэлэхэд зөвшөөрөөгүй, би түүнээс гуйсаар байгаад бид хоёр явахаар болж сумын төвийн хойд гэр хороололд байдаг Цогбаярын гэрт очиход үүдэн дээр Цогбаяртай тааралдахад ажлаасаа дөнгөж ирж байгаагаа хэлсэн. Гэрт ороод Золбаярын хувьд Нямсүрэнг зүс танихаас бусдыг нь танихгүй учраас танилцсан. Тэнд Цогбаяр Цогбаярын эхнэр Цолмон, Нямсүрэн, Өлзийжаргал, Галхүү, Төрболд нар хоол унд идээд нилээд согтсон байдалтай байсан. Бид хоёр тэнд хамт  даалуу, хөзөр тоглоод суусан. Орой 23 цагийн үед Галхүү Золбаяр, Нямсүрэн нар архи авчирсан. Би ядраад арын өрөөнд нь ороод хэвтэж байтал хэсэг унтсан байхад Галхүү орж ирээд “босоорой” гэхээр нь би “маргааш ажилтай ядраад байна жоохон унтаадхья” Золбаяр орж ирээд намайг “босоорой хөзөр тоглоё” гэж  хэлэхэд нь босон суухад Нямсүрэнг орж ирэхэд Золбаяр тэврэлдэх шиг болоход Нямсүрэнгийн ягаан өнгөтэй срочкин цамцны 2 товчийг унагаачихсан. Нямсүрэн Золбаярыг “хоёулаа гэрээс гаръя” гэж маргалдаад унахаар нь болиулах гэтэл “эрчүүд хоорондоо ярьж байна” гэж хэлээд гэрээс гарцгаасан. Би гэрээс гарахад Золбаяр “Нямсүрэн зодчихлоо ш дээ” гэж хэлсэн. Хажууд нь Цогбаяр, Чингэл, Галхүү залуучууд бүгд байсан. Би Золбаярыг  аваад гэрлүү явахаар хашаанаас гарахад Нямсүрэн, Галхүү, Цогбаяр гурав араас хүрч ирээд Нямсүрэн Галхүү нар Золбаярыг газар унагааж цохьсон. Би Галхүүг салгаад холдуултал Галхүү Золбаярыг цохих гэж байгаад миний хамар руу цохьсон. Миний хамарнаас цус гараад Цолмон ирээд хамарнаас цус гарч байгаагаа хэлсэн. Төрболд Золбаяр бид хоёрыг гэр рүү нь хүргэж Төрболд гэр рүүгээ явсан. Бид хоёр гэрийнх нь үүдэнд зогсож байтал Нямсүрэн Галхүү хоёр хүрч ирээд Нямсүрэн Золбаяр хоёр зодолдохдоо маргалдаад байсан. Миний хамар өвдөөд байсан учир би хамраа угааж цэвэрлэх гээд гэр рүүгээ орсон. Маргааш өглөө нь Нямсүрэн надад “танай нөхөр миний нүүрийг цохьсон, надаа 2 сая төгрөг хэрэгтэй байна Эмчид үзүүлэх шаардлагатай” гэж ярьсан. Золбаяр, Нямсүрэнг тэр өдрийн орой хаана юугаар цохьсон болохыг хараагүй мэдэхгүй байна.....гэх мэдүүлэг 

/хавтаст хэргийн 27 дугаар хуудас/

4.Гэрч Э.Төрболдын 2016 оны 03 дугаар сарын 30-ны өдөр мөрдөн байцаалтын шатанд өгсөн....Манай найз Нямсүрэн 2016 оны 03 сарын 15-ны өдөр өөрийнхөө төрсөн өдөрт намайг урьсан юм. Тэгэхээр нь би ажлаа тараад 19-н цагийн үед  сумын төвд байрлах “Ногоон” бааранд очиж төрсөн өдрийг тэмдэглээд Нямсүрэн, Өлзийжаргал, Чингэл, Галхүү бид тав 0,75 граммын “Соёмбо” нэртэй архи хувааж уугаад баарнаас гараад 20-н цаг 15-н минутын үед Цогоо гэх айл руу явах замдаа сургуулийн урд байдаг дэлгүүрээс 1 шил 0,75 граммын “Соёмбо” нэртэй архи аваад Цогоо гэх айлынд орж нөгөө архийг нь ууж байхдаа бид нар ярилцаж байгаад нэг нь Золбаяр гэх залууг Эрдэнэбулган гэх эхнэрийнх нь хамт Цогоо ахынд хүрээд ир Цогоо ахынд төрсөн өдөр тэмдэглэж байна гэж дуудсан. Тэгээд Золбаяр гэх залуу Эрдэнэбулган нарыг ирэхээр нь бид нар даалуу бас хөзөр тоглож хоорондоо нөгөө архийг ууж дуусгасан. Тэгэхээр нь Нямсүрэн, Золбаяр, Галхүү 3 ахиад архи авна гээд дэлгүүр явсан.  Удалгүй нөгөө гурав гаднаас горж ирэх үед маргалдсан байдалтай орж ирээд маргалдаад байхаар нь айлд маргалдаж болохгүй гээд Цогоо гэх айлын гэрээс Нямсүрэн, Өлзийжаргал, Чингэл, Цогоо, Цолмонтөгс, Эрдэнэбулган, Золбаяр бид 8 гараад Золбаяр Нямсүрэн хоёр юу гэж яриад маргалдаад байсаныг санахгүй байна ямар ч байсан Золбаяр, Нямсүрэнг нүүрлүү нь цохиж унагаасан тэгэхээр нь бид нар зодооныг салгаад би Золбаярыг аваад гэрлүү нь хүргэж өгөх гээд эхнэртэй нь хамт аваад явсан. Бид нарын ардаас Галхүү, Нямсүрэн 2 хүргэж өгөх гээд цуг ардаас явж байсан. Гэрт нь оруулахад Золбаяр сүх аваад Нямсүрэн Галхүү хоёр руу гүйгээд гарахад нь түүнийг буцааж гэр рүү нь оруулсан. Гэтэл миний үгэнд оролгүй дахиж гүйж гараад Цогбаярын гэр рүү гүйгээд явахаар нь би ардаас нь гүйхэд Цогбаярын хашааны дотор зогсож байсан Нямсүрэнг цохьчихсон, юугаар цохисон болохыг нь би хараагүй  хажууд нь Галхүүгээс өөр хүн байгаагүй. Би түүнийг салгаад Золбаярыг гэр рүү нь хүргэж өгөөд гэртээ харьж амарсан......гэх мэдүүлэг 

/хавтаст хэргийн 30 дугаар хуудас/

5. Гэрч О.Цогбаярын 2016 оны 03 дугаар сарын 30-ны өдөр мөрдөн байцаалтын шатанд өгсөн... 2016 оны 03 дугаар сарын 15-ны өдөр 21 цагийн орчим гэртээ очиход гэрийн үүдэн дээр Золбаяр эхнэр Эрдэнэбулганы хамт манайд ирж байсан. Гэрт ороход манай найзууд болох Нямсүрэн, Өлзийжаргал, Чингэл, Төрболд, Галхүү нар Нямсүрэнгийн төрсөн өдрийг тэмдэглэж байсан. Бид нар хөзөр, даалуу, тоглож хоол цай идэнгээ 0,75 граммын архи хувааж уугаад дууссан. Ингээд Галхүү, Нямсүрэн Золбаяр нар 23 цагийн үед дэлгүүр явж архи авчирсан. Ингээд архиа хувааж ууж байхад Золбаяр Галхүүд “хойд өрөөнд унтаж байгаа, манай эхнэрийг дуудаад ир” Галхүүг ирээгүй байтал, эхнэрээ дуудуулахаар Нямсүрэнг явуулаад өөрөө араас нь яваад Нямсүрэнтэй, Золбаяр маргалдаад байхаар нь би очтол Золбаяр Нямсүрэнг заамдсан ягаан өнгөтэй срочкин цамцны товчийг нь таслахад гэрт маргалдахгүй шүү гэхэд Золбаяр Нямсүрэнг 2-лаа “гэрээс гаръя” гэж хэлээд гарсан. Удалгүй Галхүү, Чингэл бид нар гарахад хоорондоо зодолдсон бололтой Нямсүрэн газар унаад босоод дайрч байх үед нь бид нар салгаад гэр рүү нь хүргэж өгөхөөр болсон. Золбаяр гэр рүүгээ явж өгөхгүй Нямсүрэн рүү дайрч давшлаад зодооныг өдөөгөөд байсан. Гэр рүү нь Төрболд эхнэртэй нь аваад явсны дараа ардаас нь Галхүү, Нямсүрэн хоёр бас хүргэж өгөхөөр явсан. Би эхнэр Цолмонтөгсийн хамт гэртээ унтаад амарсан. 04 цагийн үед Нямсүрэн, Галхүү 2 манай гэрт орж ирээд “Золбаяр намайг модоор цохьчихлоо” гэж хэлсэн. Түүний толгой нь боолттой байсан.....гэх мэдүүлэг

/хавтаст хэргийн 33 дугаар хуудас/

6. Гэрч Э. Өлзийжаргалын 2016 оны 04 дүгээр сарын 20-ны өдөр мөрдөн байцаалтын шатанд өгсөн .....2016 оны 03 дугаар сарын 15-ны өдөр манай ажлын залуу Нямсүрэнгийн төрсөн өдөр болж бид бааранд найзуудаараа суугаад Цогбаярын гэрт Цолмонтөгс, Төрболд, Галхүү, Чингэл, Нямсүрэн нарын хамт очоод удаагүй байхад гаднаас Цогбаяр, Эрдэнэбулган түүний нөхөр Золбаяр нар орж ирсэн. Бид нар хөзөр тоглож, хоол хийж суухад архи дуусаж Галхүү, Золбаяр, Нямсүрэн гурав архинд явж авчирсан архийг бид нар уусан. Ингээд сууж байтал нөгөө өрөөнд Золбаяр, Нямсүрэн нар маргалдаад Золбаяр цамцных нь товчийг тасалсан. Маргалдаад гэрээс гарсан. Хэсэг хугацааны дараа гэрээс нөхөр Чингэлийн хамт гарахад гадаа үүдэн дээр Золбаяр, Нямсүрэн нар зодолдсон бололтой Нямсүрэнгийн амнаас цус гарсан, уруул нь хавдсан байдалтай харагдсан. Чингэл бид хоёрын хувьд зодоон юунаас болсон, юугаар хэн нь хэнийгээ цохьсон болохыг мэдэхгүй. Бид хоёр гэр рүүгээ харьж амарсан. Нөгөө хэд Цогбаярын гэрт үлдсэн. Би өөр зодоон маргаан болсон талаар мэдэхгүй. Маргааш  нь Нямсүрэн багш руу залгахад “Би Золбаярт зодуулсан” гэж хэлсэн .....гэх мэдүүлээг 

/хавтаст хэргийн  38 дугаар хуудас/

7. Гэрч М.Цолмонтөгсийн 2016 оны 03 дугаар сарын 30-ний өдөр мөрдөн байцаалтын шатанд өгсөн ..... 2016 оны 03 дугаар сарын 15-ны өдөр 20 цагийн орчим манай найзууд болох Нямсүрэн, Өлзийжаргал, Галхүү,  Чингэл, Төрболд нар Нямсүрэнгийн төрсөн өдрийг тэмдэглэхээр манайд ирсэн. 21 цагийн орчим гаднаас манай нөхөр Цогбаяр, Золбаяр, Эрдэнэбулган нартай ойролцоо орж ирсэн. Хаана тааралдсан болохыг мэдэхгүй. Бид нар хөзөр, даалуу тоглож, хоол цай идэнгээ 0,75 граммын архи хувааж уухад дууссан. Дэлгүүр рүү Галхүү, Нямсүрэн, Золбаяр нар 23 цагийн үед явж архи авчирсан. Архиа хувааж ууж байхад Золбаяр, Галхүү, Нямсүрэн хоёрыг “хойд өрөөнд унтаж байгаа манай эхнэрийг дуудаад ир” гэж хэлээд өөрөө ардаас нь  явсан. Би хойд өрөөнд юу болсон болохыг мэдэхгүй хараагүй. Ямар ч байсан Нямсүрэн, Золбаяр нар маргалдаад байсан. Маргалдаад гарсны дараа удалгүй гарахад хашаан дотор хоорондоо зодолдсон. Тэнд байсан хүмүүс салгаж Золбаярыг гэр рүү нь авч явахаар эхнэр Эрдэнэбулган, Төрболд нар гэр рүү нь авч явах гэсэн боловч явалгүй хэрүүл хийгээд зодолдох гээд байсан. Энэ хооронд Эрдэнэбулган “чи намайг цохьчихлоо штээ” гээд Золбаярт хандаж хэлээд байсан. Энэ хооронд Эрдэнэбулган над дээр ирээд “намайг цохьчихлоо шүү дээ” гэж хэлэхэд хамарнаас нь цус гарч байсан. Би түүнээс хэн цохьсон талаар асуутал мэдээж Золбаяр цохьсон гэж хэлсэн. Төрболд, Эрдэнэбулган, Золбаяр нэр гэрлүүгээ явсаны ардаас нь мөн Галхүү, Нямсүрэн нар ардаас нь дагаж гэр рүү нь хүргэж өгсөн. Чингэл, Өлзийжаргал 2 гэр рүүгээ харихаар явцгаасан бол нөхөр Цогбаяр бид 2 гэртээ орж амарцгаасан. Гэтэл унтаж байхад 04 цагийн үед Галхүү, Нямсүрэн 2 орж ирээд Золбаяр модоор цохьсон гэж ярьж байхыг сонссон. Түүнээс би хаана юугаар цохисон бие нь ямар байдалтай байгааг хараагүй. Өөр надад мэдэх зүйл байхгүй......гэх мэдүүлэг 

/хавтаст хэргийн 39 дүгээр хуудас/

8. Гэрч Ц.Чингэлийн 2016 оны 03 дугаар сарын 30-ны өдөр мөрдөн байцаалтын шатанд өгсөн .....Би 2016 оны 03 дугаар сарын 15-ны өдөр эхнэрийн ажил дээр очиход өнөөдөр Нямсүрэнгийн төрсөн өдөр гэхээр нь сумын бааранд орж найзуудтайгаа уулзаж Нямсүрэнгийн төрсөн өдрийг тэмдэглэж байгаад баарнаас гараад дэлгүүрээс 1 шил архи аваад Цогоогийн гэрт очих үед Цогоо ажлаасаа ирээгүй байхаар нь бид нар хоол унд хийж идээд хөзөр тоглоод сууж байтал гаднаас Цогоо орж ирэхээр нь архиа задалж уугаад байж байтал удалгүй Эрдэнэбулган нөхөр болох Золбаярын хамт гаднаас орж ирээд бид нар бүгдээрээ даалуу тоглож архиа ууж байтал архи дууссан. Тэгэхээр нь Нямсүрэн, Галхүү, Золбаяр 3 дэлгүүр рүү архинд явсан. Удалгүй орж ирэх үедээ тэр гурав хоорондоо маргалдсан орж ирэхээр нь нээх тоогоогүй. Бид нар юмаа ууж дуусаад 01 цагийн орчимд тарах гэтэл Нямсүрэнг Золбаяр заамдаж аваад цамцны товчийг нь  тасарчихлаа гээд Цогоогийн гэрээс гараад би шууд эхнэр Өлзийжаргалын хамт харьсан. Маргааш өглөө нь босоод зодоон болсон талаар мэдсэн... гэх мэдүүлэг 

/хавтаст хэргийн 43 дугаар хуудас/

9 Гэрч Б.Галхүүгийн 2016 оны 03 дугаар сарын 30-ны өдөр мөрдөн байцаалтын шатанд өгсөн ..... 2016 оны 03 дугаар сарын 15-ны өдөр манай найз Нямсүрэнгийн төрсөн өдөр болж бид нар найзуудтайгаа сумын төвд байрлах  бааранд Нямсүрэн, Өлзийжаргал, Чингэл, Төрболд. Эрдэнэбулган, Цолмонтөгс нарын хамт “Соёмбо” нэртэй архи хувааж уусан. Баарнаас гараад Цогбаярын гэрт очоод хоол хийж, хөзөр тоглоод сууж байтал Эрдэнэбулган нөхөртэйгээ хамт, Цогбаяр зэрэгцээд орж ирсэн. Нямсүрэн Золбаяр бид гурав 23 цагийн үед дэлгүүр явж архи аваад гэр рүү буцаж явах замд Золбаяр бид хоёрыг “2 гомо” гэж доромжлоод байхаар нь бид 2 тоглоом гэж хүлээн аваад хэрэлдэж маргалдаагүй Золбаяр намайг “манай эхнэрийг дуудаад ир” гэж  явуулсны дараа удалгүй хойд өрөөнд Золбаяр, Нямсүрэнг заамдаад маргалдаж байгаад гэрээс гарсан. Гэрээс гараад Золбаяр Нямсүрэнг цохиход тэнд байсан хүмүүс салгасан. Зодоон удаан болоогүй бие биенийгээ нэг нэг удаа цохьсон болов уу. Золбаярыг Төрболд эхнэртэй нь хамт хүргэж өгөөд Нямсүрэнг бид 2 гэрт хүргэж өгөх бодолтой ардаас нь дагаад явсан. Золбаярын гэр рүү Төрболд эхнэртэй нь хамт орсон бол Нямсүрэн бид 2 гадаа нь хүлээж байсан. Удалгүй Золбаяр гартаа сүх барьсан “чамайг алнаа” гэж  орилоод гараад ирэхээр нь би төмөр иштэй сүхийг нь аваад хол шидсэн. Төрболд түүнийг гэр рүү нь оруулсан. Нямсүрэнгийн гэрт очиж Нямсүрэн бид 2 хувцсаа сольсон. Бид 2 гэрээс гараад  Цогбаярын хашаан дотор очиход Золбаяр гартаа мод барьчихсан шууд Нямсүрэнгийн толгойн зүүн хэсэгт нэг удаа цохиж газар унагасан. Нямсүрэн бид 2 эмнэлэг явж толгойг нь боолгож оёулаад тэр өдөртөө Цогбаярын гэрт очиж болсон явдлын талаар нь хэлсэн.... гэх мэдүүлэг 

/хавтаст хэргийн 45 дугаар хуудас/

10. 2016 оны 03 дугаар сарын 22-ны өдрийн Шүүх эмнэлгийн үзлэг хийсэн №132 тоот:

1. Н.Нямсүрэнгийн биед чамархай, ясны урд заадас дагасан цууралт нь нүдний аяганы гадна дээд хана руу орсон. Нүдний алимны доргилт хөмсөг язарсан, нүүрэнд зөөлөн эдийн няцралттай гэмтэл тогтоогдлоо.

2. Дээрх гэмтэл нь хатуу, мохоо зүйлийн үйлчлэлээр үүсгэгдэх боломжтой.

3. Гэмтлийн зэрэг тогтоох журмын 2.3.1-т зааснаар эрүүл мэндийн удаан хугацаагаар сарниулах тул гэмтлийн хүндэвтэр зэрэгт хамаарна. 

4. Цаашид хөдөлмөрийн чадварын тогтонги алдалтанд нөлөөлөх нь эмчилгээ, эрүүл мэнд, эдгэрэлтээс хамаарна...гэх дүгнэлт 

/хавтаст хэргийн 65 дугаар хуудас/

11. 2016 оны 04 дүгээр сарын 11-ний өдрийн Шүүх эмнэлгийн үзлэг хийсэн №162 тоот:

1. С.Золбаярын биед нуруу, хөл, гарын арьсанд өнгөц зулгаралтын зөөлөн эдийн гэмтэл тогтоогдлоо.

2. Дээрх гэмтэл нь хатуу, мохоо зүйлийн үйлчлэлээр үүсгэгдэх боломжтой.

3. Гэмтлийн зэрэг тогтоох журмын 2.6-д зааснаар эрүүл мэндийг сарниулахгүй тул гэмтлийн зэрэгт хамаарахгүй. 

4. Цаашид хөдөлмөрийн чадварын тогтонги алдалтанд нөлөөлөхгүй...гэх дүгнэлт  

/хавтаст хэргийн 80 дугаар хуудас/

12. 2016 оны 04 дүгээр сарын 11-ний өдрийн Шүүх эмнэлгийн үзлэг хийсэн №163 тоот:

1. Б. Эрдэнэбулганы биед тархи доргилт, хамар яс хугарсан зөөлөн эдийн гэмтэл тогтоогдлоо.

2. Дээрх гэмтэл нь хатуу, мохоо зүйлийн үйлчлэлээр үүсгэгдэх боломжтой.

3. Гэмтлийн зэрэг тогтоох журмын 2.4.1-т зааснаар эрүүл мэндийг түр хугацаагаар сарниулах тул гэмтлийн хөнгөн зэрэгт хамаарна. 

4. Цаашид хөдөлмөрийн чадварын тогтонги алдалтанд нөлөөлөхгүй....гэх дүгнэлт  

/хавтаст хэргийн 84 дүгээр хуудас/

13. Шүүгдэгч С.Золбаярын 2016-03-29 нд сэжигтнээр /хавтаст хэргийн 53-54 дүгээр хуудас/, 2016-05-14-ний өдөр яллагдагчаар /хавтаст хэргийн 56 дугаар хуудас/ тус тус байцааж авсан тэмдэглэлүүд

14. Шүүгдэгч С.Золбаярын урьд ял шийтгэгдсэн эсэхийг шалгасан хуудас /хавтаст хэргийн 91 дүгээр хуудас/ 

15. Хохирогч Н.Нямсүрэнгийн шүүхэд гаргаж ирүүлсэн хохирлын баримтууд /хавтаст хэргийн 107-111 дүгээр хуудас/ зэрэг болно.

Шүүхийн хэлэлцүүлэгт шинжлэн судлагдсан нотлох баримтуудыг 

                                      үндэслэн шүүх дараахи дүгнэлт хийв.

Сэлэнгэ аймгийн Прокурорын газраас Боржигон овогт Сүхбаатарын Золбаярыг 2016 оны 03 дугаар сарын 15-ны шөнө Сэлэнгэ аймгийн Хушаат сумын 2 дугаар баг, Дуулгын 1-12 тоотод оршин суух, мөн сумын иргэн О.Цогбаярын хашаан дотор архи согтууруулах ундааны зүйл хэрэглэсэн үедээ Хушаат сумын ерөнхий боловсролын сургуулийн сургалтын менежер ажилтай Н.Нямсүрэнгийн толгойных нь зүүн хэсэгт модоор цохиж, “Бусдын бие махбодид хүндэвтэр гэмтэл санаатай учруулах” гэмт хэрэгт холбогдуулан яллах дүгнэлт үйлдэж шүүхэд шилжүүлсэн байна.  

Шүүх хэрэгт цугларсан нотлох баримтуудыг бүхэлд нь шинжлэн хэлэлцсэн бөгөөд мөрдөн байцаалтын шатанд хууль сануулж, хуулийн шаардлага хангаж авсан гэрч, хохирогчийн мэдүүлгүүд, шинжээчийн гаргасан дүгнэлтүүдийг үнэн зөв гэж үзсэн тул нотолгооны эх сурвалжаа болгов.  

Үүнд; Хохирогч Н.Нямсүрэнгийн мөрдөн байцаалтын шатанд болон шүүхийн хэлэлцүүлэгт өгсөн мэдүүлэг, /хавтаст хэргийн 23-25 дугаар хуудас/, гэрч Э.Төрболд /хавтаст хэргийн 30-31 дүгээр хуудас/, О.Цогбаяр /хавтаст хэргийн 33-34 дүгээр хуудас/, Э.Өлзийжаргал /хавтаст хэргийн 38 дугаар хуудас/, М.Цолмонтөгс /хавтаст хэргийн 39-40 дүгээр хуудас/, Ц.Чингэл /хавтаст хэргийн 43-44 дүгээр хуудас/, Б.Галхүү /хавтаст хэргийн 45 дугаар хуудас/ нарын мэдүүлгүүд, шинжээч эмчийн 132,162,163 тоот дүгнэлт /хавтаст хэргийн 65,80,84 дүгээр хуудас/ зэрэг болно. 

Тухайн хэрэг болох үед цуг байсан гэрчүүдийг мөрдөн байцаалтын шатанд нэг бүрчлэн асууж авсан нь тухайн нөхцөл байдлыг тогтооход ач холбогдол өгсөн гэж үзэж байна.

Иймээс шүүгдэгч Золбаярыг 2016 оны 03 дугаар сарын 15-ны шөнө Сэлэнгэ аймгийн Хушаат сумын 2 дугаар баг, Дуулгын 1-12 тоотод оршин суух, мөн сумын иргэн О.Цогбаярын хашаан дотор архи согтууруулах ундааны зүйл хэрэглэсэн үедээ Хушаат сумын ерөнхий боловсролын сургуулийн сургалтын менежер ажилтай Н.Нямсүрэнгийн толгойных нь зүүн хэсэгт модоор цохьсон идэвхтэй довтолгооны улмаас хохирогч Н.Нямсүрэнгийн биед хүндэвтэр гэмтэл учирсан нь шинжээч эмчийн дүгнэлтүүд болон дээрхи байдлуудаар хангалттай тогтоогдсон тул Эрүүгийн хуулийн тусгай ангийн 98 дугаар зүйлийн 98.1-д заасан “Бусдын бие махбодид хүндэвтэр гэмтэл санаатай учруулах” гэмт хэрэг үйлдсэн гэм буруутайд тооцож, тухайн хуулийн зүйл хэсэгт зааснаар эрүүгийн хариуцлага хүлээлгэх үндэслэлтэй, С.Золбаярт холбогдох хэргийн зүйлчлэл тохирсон, Прокурорын газраас үйлдэж шүүхэд шилжүүлсэн яллах дүгнэлт үндэслэлтэй гэж шүүх дүгнэв.

           Шүүгдэгчид ял шийтгэл оногдуулахдаа Эрүүгийн хуулийн ерөнхий ангийн 55 дугаар зүйлийн 55.1-д зааснаар анх удаа хүндэвтэр төрлийн гэмт хэрэг үйлдсэн, мөн хуулийн ерөнхий ангийн 17дугаар зүйлийн 17.3 дахь хэсэгт зааснаар Эрүүгийн хуулийн тусгай ангийн 98 дугаар зүйлийн 98.1-д заасан гэмт хэрэг нь хүндэвтэр гэмт хэргийн ангилалд багтаж байгаа, учруулсан бодит хохирлын зарим хэсгийг нөхөн төлсөн зэргийг ял шийтгэл онолгдуулахдаа харгалзан үзэв. 

           Хохирогч Н.Нямсүрэнгийн мөрдөн байцаалтын шатанд гаргаж ирүүлсэн нотлох баримтын бүрдэл хангагдсан хохирлын /хх107-111/, 1.585.233 төгрөгийг  шүүгдэгч С.Золбаяраас гаргуулан хохирогч Хорол овогт Нямтуяагийн Нямсүрэнд олгохоор тогтов. 

         Шүүгдэгч энэ гэмт хэргийн улмаас цагдан хоригдсон хоноггүй, битүүмжилсэн болон хамгаалсан хөрөнгө үгүй болохыг дурьдах нь зүйтэй.

          Хэрэгт эд мөрийн баримтаар хураан ирүүлсэн 1 ширхэг хүрзний ишний хугархай хэсгийг Эрүүгийн байцаан шийтгэх хуулийн 88 дугаар зүйлийн 88.1.1-д зааснаар шийтгэх тогтоол хүчин төгөлдөр болмогц устгахаар шийдвэрлэв. 

 

          Эрүүгийн байцаан шийтгэх хуулийн 283, 284, 286, 290-р зүйлийн 290.3, 292, 294, 297, 298 дугаар зүйлүүдэд заасныг тус тус удирдлага болгон ТОГТООХ нь:  

 

1.Эрүүгийн хуулийн ерөнхий ангийн 4 дүгээр зүйлийн 4.1-д зааснаар Боржигон овогт Сүхбаатарын Золбаярыг мөн хуулийн тусгай ангийн 98 дугаар зүйлийн 98.1-д заасан “Бусдын бие махбодид хүндэвтэр гэмтэл санаатай учруулах” гэмт хэрэг үйлдсэн гэм буруутайд тооцсугай.

2.Эрүүгийн хуулийн тусгай ангийн 98 дугаар зүйлийн 98.1-д зааснаар  Боржигон овогт Сүхбаатарын Золбаярт 260 /хоёр зуун жар/ цагийн албадан ажил хийлгэх ял шийтгэсүгэй.  .   

3.Эрүүгийн хуулийн ерөнхий ангийн 50 дугаар зүйлийн 50.1-д зааснаар   С.Золбаярт оногдуулсан 260 цагийн албадан ажил хийлгэх ялыг эдлүүлэхийг Шүүхийн шийдвэр гүйцэтгэлийн албанд даалгасугай.

4.Эрүүгийн хуулийн ерөнхий ангийн 50 дугаар зүйлийн 50.3-д зааснаар  С.Золбаярт албадан ажил хийлгэх ялаас санаатайгаар зайлсхийвэл баривчлах ялаар солихыг анхааруулсугай. 

5.Эрүүгийн байцаан шийтгэх хуулийн 88 дугаар зүйлийн 88.1.1-д зааснаар эд мөрийн баримтаар хураан ирүүлсэн 1 ширхэг хүрзний ишний хугархай хэсгийг шийтгэх тогтоол хүчин төгөлдөр болмогц устгасугай. 

6.Ялтан С.Золбаяр нь цагдан хоригдсон хоноггүй, гэмт хэргийн улмаас битүүмжилсэн буюу хамгаалсан хөрөнгө үгүй болохыг тус тус дурьдсугай. 

7.Иргэний хуулийн 497 дугаар зүйлийн 497, 505 дугаар зүйлийн 505.1-д зааснаар С.Золбаяраас 985.233 /есөн зуун наян таван мянга, хоёр зуун гучин гурав/ төгрөг, Эрүүгийн байцаан шийтгэх хуулийн 99 дүгээр зүйлийн 99.1.4, 99.2-т зааснаар өмгөөлөгчийн зардалд 600.000 /зургаан зуун мянга/ төгрөг тус тус гаргуулж, Сэлэнгэ аймгийн Хушаат сумын 2 дугаар багт оршин суух, мөн сумын ерөнхий боловсролын сургуульд сургалтын менежер ажилтай Хорол овогт Нямтуяагийн Нямсүрэнд олгохоор тогтоосугай.  

8.Эрүүгийн байцаан шийтгэх хуулийн 292 дугаар зүйлийн 292.2-т зааснаар хохирогч Н.Нямсүрэн нь энэ гэмтлийн улмаас цаашид дахин эмчлүүлвэл гарсан зардлаа Иргэний хэрэг шүүхэд хянан шийдвэрлэх ажиллагааны журмаар нэхэмжлэлээ Иргэний хэргийн шүүхэд гаргах эрхтэй болохыг дурьдсугай. 

8.Ялтан Золбаярт урьд авсан батлан даалтын таслан сэргийлэх арга хэмжээг шийтгэх тогтоол хүчин төгөлдөр болтол хэвээр үргэлжлүүлсүгэй. 

9.Эрүүгийн байцаан шийтгэх хуулийн 299 дүгээр зүйлийн 299.3-д зааснаар  шийтгэх тогтоол танилцуулан сонсгосноор хүчинтэй болохыг  дурьдсугай.

10.Эрүүгийн байцаан шийтгэх хуулийн 303 дугаар зүйлийн 303.1, 304 дүгээр зүйлийн 304.1-д зааснаар ялтан, хохирогч тэдгээрийн өмгөөлөгч, шийтгэх тогтоолыг  эс зөвшөөрвөл  тогтоолын хувийг гардан авсан өдрөөс хойш  14 хоногийн дотор Сэлэнгэ аймгийн Эрүүгийн хэргийн давж заалдах шатны шүүхэд давж заалдах, гомдол гаргах, улсын яллагч, дээд шатны прокурор эсэргүүцэл бичих эрхтэй.

11.Эрүүгийн байцаан шийтгэх хуулийн 306 дугаар зүйлийн 306.1-д зааснаар анхан шатны шүүхийн тогтоолд гомдол, эсэргүүцэл гарсан тохиолдолд анхан шатны шүүх энэ тухай талуудад нэн даруй мэдэгдэн, гомдол, эсэргүүцлийг хэргийн материалын хамт гомдлыг хүлээн авснаас хойш 3 хоногийн дотор  Сэлэнгэ аймгийн Эрүүгийн хэргийн давж заалдах шатны шүүхэд хүргүүлэх ба  тогтоолын биелэлтийг түдгэлзүүлж, ялтанд урьд авсан бусдын батлан даалтанд өгөх таслан сэргийлэх арга хэмжээг хэвээр байлгасугай.

 

 

ДАРГАЛАГЧ                          Б.НАЦАГДОРЖ