Гэмт хэргийн талаарх гомдол, мэдээлэл хүлээн авсан тэмдэглэл /хх-ийн -3/

 

Хохирогч Б.Д-ын ХААН банкны 54511339** дугаарын дипозит дансны дэлгэрэнгүй хуулганд “54641847** дугаарын дансанд 3 удаагийн гүйлгээгээр 950.000 төгрөгийн, 54640982** дугаарын дансанд 1 удаагийн гүйлгээгээр 10.000 төгрөгийн, 50228821** дугаарын дансанд 1 удаагийн гүйлгээгээр 23.000 төгрөгийн зарлагын гүйлгээ хийгдсэн” гэжээ. /хх-ийн 4/

 

Шүүгдэгч Я.Б-ын ХААН банкны 54641847** дугаарын дипозит дансны дэлгэрэнгүй хуулганд “ 54511339** дугаарын данснаас 3 удаагийн гүйлгээгээр 950.000 төгрөгийн орлого 2021.07.22-2021.07.27-ны өдрийн хооронд орсон” гэжээ.  /хх-ийн 39/

 

С.Я-ийн ХААН банкны 54640982** дугаарын дипозит дансны дэлгэрэнгүй хуулганд “5451133906 дугаарын данснаас 10.000 төгрөгийн орлогын гүйлгээ 2021.07.22-ны өдөр хийгдсэн” гэжээ.

 

Б.С-ийн ХААН банкны 50228821** дугаарын дипозит дансны дэлгэрэнгүй хуулганд “54511339** дугаарын данснаас 23.000 төгрөгийн орлогын гүйлгээ 2021.07.21-ний өдөр хийгдсэн” гэжээ.  /хх-ийн 41/

 

Шүүгдэгчийн хувийн байдалтай холбоотой бусад бичгийн баримтуудыг шинжлэн судлав.

 

           Хэрэгт авагдсан болон шүүхийн хэлэлцүүлэгт судлагдсан дээрх баримтуудыг мөрдөн байцаалтын шатанд Эрүүгийн хэрэг хянан шийдвэрлэх тухай хуульд заасан үндэслэл журмын дагуу цуглуулж бэхжүүлж авсан байх тул шүүх нотлох баримтаар үнэлж  шийдвэрлэлээ.

 

Шүүхийн хэлэлцүүлэгт судлагдсан дээрх баримтуудаар Адаацаг сумын 2 дугаар багийн иргэн  Б.Д-ын Хаан банкны 54511339** тоот данснаас 2021 оны 07 дугаар сарын 21-ний өдрөөс 27-ны өдрийн хооронд 983.000 төгрөгийн зарлагын гүйлгээ мобайл банкаар хийгдсэн байна. Үүнээс Б.С-ийн ХААН банкны 50228821** дугаарын дансанд шилжсэн 23.000 төгрөгийн зарлагын гүйлгээг хохирогч Б.Д нь өөрийн зөвшөөрлөөр шүүгдэгч Я.Б-аар шилжүүлүүлсэн болох нь хохирогчийн мэдүүлгээр нотлогдож байна.

 

ХААН банкны 54641847** дугаарын дансанд 3 удаагийн гүйлгээгээр шилжсэн 950.000 төгрөгийн гүйлгээ, ХААН банкны 54640982** дугаарын дансанд шилжсэн 10.000 төгрөгийн гүйлгээ буюу нийт 4 удаагийн гүйлгээгээр хийгдсэн 960.000 төгрөгийн зарлагын гүйлгээ нь хохирогч Б.Д-ын зөвшөөрлөөр хийгдээгүй болох нь хохирогчийн мэдүүлгээр тогтоогдож байна.

 

Шүүгдэгч Я.Б нь 2021.07.22-2021.07.27-ны өдрийн  хооронд хохирогч Б.Д-ын Хаан банкны 54511339** тоот данснаас хохирогчийн зөвшөөрөлгүйгээр, түүний мобайл банкны кодыг ашиглан өөрийн дансанд 950.000 төгрөгийг, өөрийн төрсөн эх С.Я-ийн дансанд 10.000 төгрөгийг буюу нийт 960.000 төгрөгийг шилжүүлэн авсан болох нь шүүхийн хэлэлцүүлэгт судлагдсан хохирогчийн мэдүүлэг, дансны хуулгууд зэрэг баримтуудаар тогтоогдож байна.

 

Хэрэг учрал болохоос өмнө хохирогч Б.Д нь шүүгдэгч Я.Б-т өөрийн мобайл банкны гүйлгээний нууц үгийг итгэмжлэн өгч өөрийн зөвшөөрлөөр шүүгдэгчээр гүйлгээ хийлгэж байсан болох нь хохирогчийн мэдүүлгээр нотлогдож байна.

 

          Дээр дурдсан нөхцөл байдлыг дүгнэж үзэхэд шүүгдэгч Я.Б-ын үйлдэл нь бусдын итгэмжлэн хариуцуулсан эд хөрөнгө, эд хөрөнгийн эрхийг завших гэмт  хэргийн шинжийг бүрэн хангасан бөгөөд түүнд холбогдуулан яллах дүгнэлт үйлдэж ирүүлсэн хэргийн  зүйлчлэл тохирсон байна. Өөрөөр хэлбэл шүүгдэгч Я.Б нь урьд өмнө нь өөрт нь итгэмжлэн өгсөн хохирогч Б.Д-ын мобайл банкны гүйлгээний нууц үгийг дахин ашиглаж хохирогчид мэдэгдэлгүй, хохирогчийн зөвшөөрөлгүйгээр 960.000 төгрөгийг өөрийн болон төрсөн эхийнхээ дансаар дамжуулан авч байгаа үйлдэл нь бусдын эд хөрөнгийг завших гэмт хэргийн шинжийг бүрэн хангасан байна.

          Иймд шүүгдэгч Я.Б-ыг бусдын итгэмжлэн  хариуцуулсан эд хөрөнгө, эд хөрөнгийн эрхийг завших гэмт хэргийг үйлдсэн гэм буруутай байна гэж шүүх дүгнэлээ. 

          Шүүгдэгч нь гэмт  хэргийн улмаас учруулсан хохирлоо нөхөн төлсөн байдал нь Эрүүгийн  хуулийн  Ерөнхий ангийн  6.5 дугаар зүйлийн  1 дэх хэсгийн  1.2-т заасан эрүүгийн хариуцлагыг хөнгөрүүлэх нөхцөл байдал болох бөгөөд эрүүгийн  хариуцлагыг хүндрүүлэх нөхцөл байдал тогтоогдохгүй байна.

          Шүүгдэгчийн үйлдсэн гэмт хэрэг нь Эрүүгийн хуулийн Ерөнхий ангийн 2.6 дугаар зүйлийн  2 дахь хэсэгт заасан хөнгөн гэмт хэргийн ангилалд хамаарч байгаа бөгөөд шүүгдэгчийн хувийн байдал, гэмт хэргийн улмаас учруулсан хохирлоо нөхөн төлсөн зэргийг харгалзан үзээд  Эрүүгийн хуулийн 17.4 дүгээр зүйлийн 1 дэх хэсэгт  заасан хорих ялыг оногдуулахгүйгээр тэнсэхээр шийдвэрлэв.

          Шүүхээс хорих ял оногдуулахгүйгээр тэнссэн хугацаанд шүүгдэгчид оршин суух газар, ажил сургуулиа өөрчлөх, зорчих явахдаа хяналт тавьж байгаа эрх бүхий байгууллагад урьдчилан мэдэгдэх үүргийг хүлээлгэх нь зүйтэй гэж үзлээ.

          Шүүгдэгч нь энэ хэргийн улмаас цагдан хоригдоогүй, хэрэгт эд мөрийн баримтаар хураагдсан болон битүүмжилсэн хөрөнгөгүй, хохирогч нь шүүх хуралдааны тов мэдэгдэхэд хохирол төлбөрөө бүгдийг барагдуулж авсан, гомдол саналгүй, нэхэмжлэх зүйлгүй гэсэн тул тус тус дурдаж шийдвэрлэлээ.

 

Эрүүгийн хэрэг хянан шийдвэрлэх тухай хуулийн 36.1, 36.2 дугаар зүйлийн 1, 2, 3, 4 дэх хэсэг, 36.6, 36.7, 36.8, 36.10, 36.13, 38.1, 38.2 дугаар зүйлд тус тус заасныг удирдлага болгон ТОГТООХ НЬ:

 

          1.Шүүгдэгч ....... овогт Я.Б-ыг бусдын итгэмжлэн хариуцуулсан эд хөрөнгийг завших гэмт хэргийг үйлдсэн гэм буруутайд тооцсугай.

          2.Эрүүгийн хуулийн Ерөнхий ангийн 7.1 дүгээр зүйлийн 1 дэх хэсэгт заасныг журамлан шүүгдэгч ...... овогт Я-ийн Б-т Эрүүгийн хуулийн Тусгай ангийн 17.4 дүгээр зүйлийн 1 дэх хэсэгт заасан хорих ялыг оногдуулахгүйгээр 1 жилийн хугацаагаар тэнссүгэй.

          3. Эрүүгийн хуулийн Ерөнхий ангийн 7.1 дүгээр зүйлийн 3, 7.3 дугаар зүйлийн 2 дахь хэсгийн 2.5-д зааснаар шүүгдэгч Я.Б-т шүүхээс тэнссэн хугацаанд оршин суух газар, ажил, сургуулиа өөрчлөх, зорчин явахдаа эрх бүхий байгууллагад урьдчилан мэдэгдэх үүрэг хүлээлгэсүгэй.

          4.Шүүгдэгч нь энэ хэргийн улмаас цагдан хоригдоогүй, хэрэгт хураан авсан битүүмжилсэн эд зүйлгүй, шүүгдэгч нь бусдад төлөх төлбөргүй, хохирогч гомдол саналгүй, нэхэмжлэх зүйлгүй гэсэн болохыг тус тус дурдсугай.

          5.Шийтгэх тогтоол хүчин төгөлдөр болтол шүүгдэгч Я.Б-т урьд авсан хувийн баталгаа гаргах таслан сэргийлэх арга хэмжээг хэвээр үргэлжлүүлсүгэй.

          6.Энэхүү шийтгэх тогтоол нь уншиж сонсгосноор хүчинтэй болох бөгөөд шийтгэх тогтоолыг эс зөвшөөрвөл шүүгдэгч, хохирогч, тэдгээрийн өмгөөлөгч гардуулсан буюу Эрүүгийн хэрэг хянан шийдвэрлэх тухай хуулийн 11.9 дүгээр зүйлд зааснаар хүргүүлснээс хойш 14 хоногийн дотор Дундговь аймгийн  Эрүү, Иргэний хэргийн давж заалдах шатны шүүхэд шүүгдэгч, хохирогч, тэдгээрийн өмгөөлөгч гомдол гаргах, улсын  яллагч дээд шатны прокурор эсэргүүцэл бичих эрхтэйг дурдсугай.

 

 

 

ДАРГАЛАГЧ, ШҮҮГЧ                                  Г.МӨНХБАТ