Нэхэмжлэлийн шаардлагыг хариуцагч                                                                      биелүүлсэнийг баталж хэргийг                                                                                     хэрэгсэхгүй болгох тухай

 

Чингэлтэй дүүргийн Иргэний хэргийн анхан шатны шүүхийн шүүгч Т.Наранцогт би  Чингэлтэй дүүргийн 9-р хороо, Дэнжийн 1-0001 тоот хаягт оршин байх “Баднай” ХХК-д холбогдох Сонгинохайрхан дүүрэг, 18-р хороо, Энхтайваны өргөн чөлөө-163, “Люкс ойл” төв хаягт оршин байх “Анакс аксис” ХХК-ийн нэхэмжлэлтэй 5,000,000 төгрөг гаргуулах тухай  иргэний хэргийг хянаад                                                                                                                                                                           

 

ТОДОРХОЙЛОХ нь:

 

Нэхэмжлэгч “Анакс аксис” ХХК шүүхэд гаргасан хүсэлтдээ: “...Манай компани хариуцагч “Баднай” ХХК-д холбогдуулан 2017 оны 05 сарын 26-ны өдөр “Гэрээний үүргийн гүйцэтгэл дэх 5,000,000 төгрөг гаргуулах тухай нэхэмжлэл тус шүүхэд гаргасан. Хариуцагч “Баднай” ХХК нь 2017 оны 06 сарын 29-ний өдөр төлбөрийг бүрэн гүйцэд барагдуулсан тул Иргэний хэрэг шүүхэд хянан шийдвэрлэх тухай хулуийн 75 дугаар зүйлийн 75.3-т зааснаар хэргийг хялбаршуулсан журмаар хянан шийдвэрлэж өгнө үү” гэжээ.

ҮНДЭСЛЭХ нь:

 

Нэхэмжлэгч “Анакс аксис” ХХК нь хариуцагч “Баднай” ХХК-иас 5,000,000 төгрөг  гаргуулахаар нэхэмжилснийг хариуцагч “Баднай” ХХК нь 2017 оны 06 дугаар сарын 29-ний өдөр  бүрэн гүйцэд төлж, нэхэмжлэлийн шаардлагыг биелүүлсэн байна.

Монгол Улсын Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 75-р зүйл, 123 дугаар зүйлийн 123.1 дэх хэсэгт  заасныг удирдлага болгон

                                                                                         ЗАХИРАМЖЛАХ нь:

 

1.“Баднай” ХХК нь 5,000,000 /2017 оны 6 сарын 29-ний өдөр төлж/ төгрөгийн нэхэмжлэлийн шаардлагыг биелүүлсэнийг баталж,  хэргийг хэрэгсэхгүй болгосугай.

 

2.Улсын тэмдэгтийн хураамжийн тухай хуулийн 7 дугаар зүйлийн 7.1.1, 74 дүгээр зүйлийн 74.5-д зааснаар “Анакс аксис” ХХК-ийн тэмдэгтийн хураамжид  урьдчилан төлсөн 94,950 төгрөгийг улсын орлогод хэвээр үлдээж,  47,475 төгрөгийг хариуцагч “Баднай” ХХК-иас, 47,475 төгрөгийг Чингэлтэй дүүргийн татварын хэлтсийн 2611016627 дугаартай данснаас гаргуулж “Анакс аксис”  ХХК-д олгосугай.

 

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар захиармжид   зохигч тэдгээрийн төлөөлөгч  давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурьдсугай.

 

 

 

 

ШҮҮГЧ                                                           Т.НАРАНЦОГТ