2017 оны 03 сарын 31 өдөр	Дугаар 183/ШШ2017/00728	Улаанбаатар хот

МОНГОЛ УЛСЫН НЭРИЙН ӨМНӨӨС

 

           Хан-Уул дүүргийн Иргэний хэргийн анхан шатны шүүхийн шүүгч Ц.Сансармаа даргалж, тус шүүхийн шүүх хуралдааны танхимд нээлттэй хийсэн шүүх хуралдаанаар,

        Хан-Уул дүүргийн 4 дүгээр хороо, Арцат 18-5-8 тоотод оршин суух, /РД:НЭ91121116/ Сартуул овогтой Нацагдоржийн Доржийн гаргасан,

         М.Наранбаатарыг эрэн сурвалжлуулах тухай хүсэлттэй иргэний хэргийг хэлэлцэв.

         Шүүх хуралдаанд: шүүх хуралдааны нарийн бичгийн дарга М.Тайванжаргал  оролцов.                                                                                                                      

                  ТОДОРХОЙЛОХ нь:

 

              Хүсэлт гаргагч Н.Дорж шүүхэд гаргасан хүсэлтдээ:

“Н.Дорж миний бие М.Наранбаатартай 2016 оны 2 дугаар сарын 22-ны өдөр зээлийн гэрээ байгуулж 2.500.000 төгрөгийг 2016 оны 4 дүгээр сарын 10-ны өдөр хүртэл сарын 5.5 хувийн хүүтэй зээлсэн. Зээлийн хугацаа дууссан боловч М.Наранбаатар нь утас холбогдохгүй, хаана байгаа нь мэдэгдэхгүй, оршин суух хаяг нь тодорхойгүй байх тул хариуцагч М.Наранбаатарыг эрэн сурвалжилж өгнө үү” гэжээ.

 

          Шүүх хуралдаанаар хүсэлт гаргагчийн хүсэлт, тайлбар, тэдгээрт холбогдох бичмэл нотлох баримтуудыг хянан хэлэлцээд

          ҮНДЭСЛЭХ нь:

 

Нэхэмжлэгч Н.Дорж нь М.Наранбаатарыг эрэн сурвалжлуулах тухай нэхэмжлэлийн шаардлага гаргасныг шүүх хангаж шийдвэрлэв.

 

М.Наранбаатар нь иргэний эрх зүйн маргаанд хариуцагчаар оролцвол зохих этгээд бөгөөд оршин суух хаяг нь тодорхойгүй байгаа болох нь Баянзүрх дүүргийн  Иргэний хэргийн анхан шатны шүүхийн шүүгчийн 2016 оны 7 дугаар сарын 01-ний өдрийн “Хэргийг хэрэгсэхгүй болгох тухай” 101/ШЗ2016/24144 дүгээр захирамж, 2016 оны 2 дугаар сарын 22-ны өдрийн зээлийн гэрээ, нэхэмжлэгчийн тайлбар зэрэг баримтаар нотлогдож байна.

Эрх зүйн маргаанд хариуцагчаар оролцвол зохих этгээдийн хаяг тодорхойгүйгээс нэхэмжлэгч нь Монгол Улсын Үндсэн хууль болон Иргэний хэрэг шүүхэд хянан шийдвэрлэх тухай хуульд заасан шүүхэд мэдүүлэх эрхээ хэрэгжүүлэх боломжгүй нөхцөл байдал бий болсон байх тул хариуцагчийг эрэн сурвалжлуулах тухай нэхэмжлэлийг хангаж шийдвэрлэх үндэслэлтэй байна гэж үзэв.

Иргэний хэрэг шүүхэд хянан шийдвэрлэх тухай хуулийн 100 дугаар зүйлийн 100.1-д зааснаар нэхэмжлэгч өөрийнхөө эзгүйд шүүх хуралдааныг хийх талаар шүүхэд бичгээр хүсэлт ирүүлсэн тул нэхэмжлэгчийг байлцуулахгүйгээр хэргийг шийдвэрлэсэн болно.

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.2.1, 116, 118, 133 дугаар зүйлийн 133.1.9-д заасныг  удирдлага болгон           

  ТОГТООХ нь:

1.  Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.3-т зааснаар Н.Доржийн нэхэмжлэлээр эрх зүйн маргаанд хариуцагчаар оролцвол зохих этгээд болох Тулгат овогтой Мянганбаатарын Наранбаатар /рд:ЕТ95081115/-ийг эрэн сурвалжилсугай.

 

1. Иргэний хэрэг шүүхэд хянан шийдвэрлэх тухай хуулийн 155 дугаар зүйлийн 155.4-д зааснаар Тулгат овогтой Мянганбаатарын Наранбаатар /рд:ЕТ95081115/-ийг эрэн сурвалжилж, түүний оршин суух хаягийг олж тогтоох ажиллагааг Цагдаагийн байгууллагаар гүйцэтгүүлсүгэй.

 

1. М.Наранбаатарын амьдарч байсан хаяг нь Баянзүрх дүүрэг 13 дугаар хороо, 10 дугаар гудамж, 486 тоот болохыг дурдсугай.

 

          4. Улсын тэмдэгтийн хураамжийн тухай хуулийн 7 дугаар зүйлийн 7.1.2, Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 60 дугаар зүйлийн 60.1-д зааснаар хүсэлт гаргагчаас тэмдэгтийн хураамжид төлсөн 70.200 төгрөгийг улсын орлогод хэвээр үлдээсүгэй.

 

         5. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.4, 119.7, 120 дугаар зүйлийн  120.2-т зааснаар зохигч, тэдгээрийн төлөөлөгч нь  шийдвэрийг гардан аваагүй нь гомдол гарсан хугацааг хуулинд заасан журмын дагуу тоолоход саад болохгүй ба шүүхийн шийдвэрийг гардан авснаас хойш 14 хоногийн дотор Нийслэлийн Иргэний хэргийн давж заалдах шатны шүүхэд давж заалдах гомдол гаргах эрхтэйг дурдсугай.

 

 

 

 

         ДАРГАЛАГЧ ШҮҮГЧ                                      Ц.САНСАРМАА