МОНГОЛ УЛСЫН НЭРИЙН ӨМНӨӨС

 

Сүхбаатар аймаг дахь сум дундын эрүүгийн хэргийн анхан шатны шүүхийн шүүгч Н.Баярбаатар даргалж,

Шүүх хуралдааны нарийн бичгийн дарга Э.Энхсаруул,

Улсын яллагч М.Ханджав

Шүүгдэгч ******* нарыг оролцуулан тус шүүхийн шүүх хуралдааны Б танхимд нээлттэй явуулсан эрүүгийн шүүх хуралдаанаар Сүхбаатар аймгийн Прокурорын газрын хяналтын прокурор М.Ханджаваас Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар яллах дүгнэлт үйлдэж, хялбаршуулсан журмаар шийдвэрлүүлэхээр ирүүлсэн *******д холбогдох ******* дугаартай эрүүгийн хэргийг 2021 оны 11 дүгээр сарын 29-ний өдөр хүлээн авч, хянан хэлэлцэв.

 

Шүүгдэгчийн биеийн байцаалтын талаар:

          

 Монгол Улсын иргэн, 19.. оны .. дугаар сарын …-ний өдөр Сүхбаатар аймгийн ******* суманд төрсөн, … настай, эрэгтэй, бүрэн бус дунд боловсролтой, мэргэжилгүй, хувиараа хөдөлмөр эрхэлдэг, ам бүл-… эхнэр … хүүхдийн хамт амьдардаг, Сүхбаатар аймгийн ******* сумын ..дүгээр баг, ******* тоотод оршин суух, урьд ял шийтгэгдэж байгаагүй, РД:*******, ******* *******, 

 

Холбогдсон хэргийн талаар /яллах дүгнэлтээр/:

 

Шүүгдэгч ******* нь 2021 оны 10 дугаар сарын 06-ны өдөр согтууруулах ундааны зүйл хэрэглэсэн үедээ ******* сумын 4 дүгээр баг тоотод хохирогч ын биед халдан зодож эрүүл мэндэд нь баруун мөрний мултрал, 2 далны доод хэсгийн зулгаралт бүхий хөнгөн хохирол санаатай учруулсан гэмт хэрэгт холбогджээ.

 

ТОДОРХОЙЛОХ нь:

 

Сүхбаатар аймгийн Прокурорын газраас шүүгдэгч *******г Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэгт холбогдуулан эрүүгийн хэрэг үүсгэн яллагдагчаар татаж, Эрүүгийн хэрэг хянан шийдвэрлэх тухай хуулийн 17.3 дугаар зүйлийн 3 дахь хэсэгт зааснаар яллагдагчид хүлээлгэх эрүүгийн хариуцлагын талаарх саналыг танилцуулж, яллах дүгнэлт үйлдэн шүүхэд шилжүүлжээ.

 

Шүүх шүүгдэгч *******д холбогдох хэргийг Эрүүгийн хэрэг хянан шийдвэрлэх тухай хуулийн 17.4 дугаар зүйлийн 5 дахь хэсэгт зааснаар хялбаршуулсан журмаар хянан шийдвэрлэх үндэслэлтэй гэж үзэв.

 

Шүүхийн хэлэлцүүлэгт талуудын хүсэлтээр хавтаст хэрэгт цугларсан дараах нотлох баримтуудыг шинжлэн судлав. Үүнд:

 

Шүүгдэгч ******* шүүхийн хэлэлцүүлэгт мэдүүлэхдээ: д очоод архи уусан. Тухайн үед согтсон байсан... гэв.

 

• *******гийн мөрдөн байцаалтын шатанд яллагдагчаар мэдүүлсэн: “... гэрийн хашаагаар ороход гэрийнхээ хашааны баруун талд байх амбаартаа , З. нарын хүмүүстэй хамт 0.5 граммын Ерөөл архи уугаад байж байсан. Тэгээд бид нар үлдсэн архийг ууж байснаа санаж байна. Түүнээс цааш юу болсон талаар огт мэдэхгүй байна. Миний санаж байгаагаар цагдаа ирж байсан гэдгийг бүдэг бадаг санаж байна...” /хх 46-47 дугаар хуудас/ гэх,

 

• Хохирогч ын мөрдөн байцаалтын шатанд мэдүүлсэн: “...Миний бие 2021 оны 10 дугаар сарын 06-ны өдөр 11 цагийн үед , нарын хамт 0,5 граммын Хараа архи 2 шилийг хувааж уугаад гийнд унтаж байсан юм. Гэтэл өдөр 15 цагийн орчим гаднаас ******* согтуу орж ирээд тэнд байсан хүмүүсийг загнаад, намайг орноос татаад босохгүй болохоор нь миний нүүр рүү цохисон. Би сэртэл намайг заамдаж гаргаад хавирч унагаан, миний цээж рүү дээрээс 2 удаа өшиглөөд, намайг эвхэрч унахад миний баруун гарыг мушгиж байгаад гар эвгүй болгосон. Би зугтаж босоод, нуугдсан байсан. Тэгээд удалгүй цагдаа нар ирсэн...” /хх 7-8 дугаар хуудас/ гэх,

 

• Гэрч ийн: “...2021 оны 10 дугаар сарын 06-ны өдөр 15 цагийн үед намайг гэртээ байж байхад, манай бэр дүү гар утсаар залгаад “******* гэдэг ах чинь согтуу ирээд ахыг зодоод дийлдэхгүй байна. Та цагдаад дуудлага өгөөч” гэсэн юм. Би шууд сумын цагдаа руу залгаж дуудлага өгсөн. Тэгээд цагдаа ирээд *******г аваад явсан гэсэн. Манай дүү манай нөхөр ыг гэр рүү  авч ирсэн. гэртээ ирэхдээ дээгүүр хувцасгүй, гар нь эвгүй болсон түшүүлж ирсэн. Тэгээд би ыг хэвтүүлж, эмнэлэг рүү дуудлага өгсөн. Эмч ирж үзээд баруун мөр нь мултарсан байна гэж хэлсэн. Тэгээд эмнэлэг рүү авч явсан...” /хх 14-15 дугаар хуудас/ гэх,

 

• Гэрч Ж.ы: “...2021 оны 10 дугаар сарын 06-ны өдөр намайг гэртээ нөхөр хүүхдүүдийн хамт байхад манай хүргэн ах гаднаас орж ирсэн. Манай хашаанд , , ******* нар архи уусан. ах нэлээн согтсон байсан тул орж ирээд унтсан. Гэтэл араас нь ******* орж ирээд унтаж байхад нь, нүүр рүү нь гараараа цохиод байсан. Тэгээд ах сэрээд барьцалдаж авсан. Манай нөхөр тэр хоёрыг аваад гарсан.  Гадаа юу болсныг мэдэхгүй байна. Би нялх хүүхэдтэй учраас гараагүй. Манай нөхөр “миний үгэнд орохгүй ноцолдоод байна, цагдаа дууд” гэсэн юм. Би эгч рүү залгаад “цагдаагийн дугаар байвал өгөөч, , ******* ах хоёр ноцолдоод байна” гэсэн. Гэтэл эгч “би дуудлага өгье” гээд удалгүй цагдаа нар ирсэн...” /хх 18 дугаар хуудас/ гэх,

 

• Гэрч : “...2021 оны 10 дугаар 06-ны өдөр намайг гэртээ байхад ах гаднаас 1 шил архитай ирсэн. ах манай хашаанд , ******* нар 0.75 граммын Хараа архи 1 шилийг уусан. Би архинаас уугаагүй. Тэгээд “та нар архиа ууж дууссан бол яваарай хүүхэд айлгаад байв” гэж хэлээд найзынхаа гэрийг барьж өгөх гээд явсан. Би гэрийг нь бариад 11 цагийн үед буцаж ирэхэд тэд нар хоорондоо муудалцаад гэрээс гарч ирсэн. Би , ******* хоёрыг “та нар ингэж болохгүй” гэж тайвшруулаад гадаа хашаанд суулгасан. Тэгээд “одоо та яв” гэсэн. Гэтэл ******* “аа хөгшин нь чамайг хүргэж өгье” гээд чихнээс нь мушгиад татаж босгоод байсан. Би “боль” гэж хэлсэн. Манай дүү “та болилдоо” гэхэд ******* шууд нүүр рүү нь цохиод, хэвтэж байхад нь өшиглөөд, өргөж авч шидээд байсан. Би “болохгүй” гэтэл над руу дайраад байсан. Би үгэнд орохгүй болохоор нь эхнэрээ цагдаа дууд гэж хэлсэн...” /хх 22-23 дугаар хуудас/ гэх,

 

• Гэрч ын: “...2021 оны 10 дугаар сарын 06-ны өдөр намайг ахын байхад гаднаас , ******* нар ирсэн. Бид нар 0.75 граммын архи хувааж уусан. ах согтоод гэр рүү орж унтсан. ах айлын гэр барина гээд яваад өгсөн. Би *******, нарын хамт дахин шил архи дэлгүүрээс авч ирээд ахын гэрт орж уусан. Гэтэл ******* ах ахыг “бос” гээд алгадаад байсан. ах “чи яагаад байгаа юм” гэхэд Баяраа ах заамдаж татаад авч гарсан. Бид нар салгах гэхэд ******* ах бид нар руу “та нарыг ална шүү, ахыг машиндаа суулгаж аваад хөдөө гаргаж зодно” гээд дайраад байсан. Удалгүй ах гаднаас ирээд ******* ахыг боль гэхэд үгэнд нь орохгүй байсан. ахыг гадаа сууж байхад мөр рүү нь хэд хэдэн удаа өшиглөсөн. Гэтэл ах “гар эвгүй болчихлоо” гээд бархираад мөрөө өргөж дийлэхгүй байсан...” /хх 26-27 дугаар хуудас/  гэх мэдүүлгүүд,

 

• Хохирогч т үзлэг хийсэн сумын эмчийн тодорхойлолт /хх 32 дугаар хуудас/

 

• Сүхбаатар аймгийн Шүүхийн шинжилгээний албаны шинжээчийн 2021 оны 10 дугаар сарын 15-ны өдрийн 475 дугаартай: “... 1.ын биед баруун мөрний мултрал, 2 далны доод хэсгийн зулгаралт бүхий гэмтэл учирчээ. 2.Учирсан гэмтэл нь мохоо хүчин зүйлийн үйлчлэлээр үүсгэгдсэн байна. 3.Учирсан гэмтэл нь шүүх эмнэлгийн гэмтлийн зэрэг тогтоох журмын 2.4.1-т зааснаар эрүүл мэндийг түр хугацаагаар сарниулсан хөнгөн зэргийн гэмтэлд хамаарна. 4.Цаашид эрүүл мэнд, хөдөлмөрийн чадварт нөлөөлөхгүй...” /хх 33-34 дүгээр хуудас/ гэх шинжээчийн дүгнэлт,

 

• Эрүүгийн хариуцлага хүлээж байсан эсэхийг шалгах хуудас /хх 48 дугаар хуудас/

 

• Сүхбаатар аймгийн ******* сумын 4 дүгээр багийн Засаг даргын 2021 оны 11 дүгээр сарын 03-ны өдрийн 4/449 дугаартай *******гийн оршин суугаа хаягийн тодорхойлолт /хх 52 дугаар хуудас/

 

• Шүүгдэгч *******гийн иргэний үнэмлэхийн лавлагаа /хх 53 дугаар хуудас/

 

• Шүүгдэгч *******гийн захиргааны хариуцлага хүлээж байсан шийтгэлийн бүртгэл /хх 55-57 дугаар хуудас/

 

• Шүүгдэгч *******гийн хэргийг хялбаршуулсан журмаар шийдвэрлүүлэхээр Прокурорын газарт гаргасан хүсэлт /хх 64 дүгээр хуудас/
• Хохирогч “...******* бид хоёр сайн дурын үндсэн дээр эвлэрсэн тул хэргийг хялбаршуулсан журмаар шийдэж өгнө үү” гэх хүсэлт / хх 65 дугаар хуудас/

 

• Хэргийг хялбаршуулсан журмаар хянан шийдвэрлэх тухай 2021 оны 11 дүгээр сарын 18-ны өдрийн 93 дугаартай прокурорын тогтоол, 94 дугаартай санал /хх-ийн 66-68 дугаар хуудас/ зэрэг болно.

 

Шүүхийн хэлэлцүүлэгт шинжилсэн дээрх нотлох баримтууд нь энэ хэрэгт хамааралтай, ач холбогдолтой, хууль ёсны,  Эрүүгийн  хэрэг  хянан  шийдвэрлэх  тухай  хуульд  заасны  дагуу  цуглуулж, бэхжүүлсэн, энэ хэргийг хянан шийдвэрлэхэд хангалттай гэж шүүх үнэлэв.

 

Гэм буруугийн талаар:

 

• Шүүгдэгч ******* нь 2021 оны 10 дугаар сарын 06-ны өдөр согтууруулах ундааны зүйл хэрэглэсэн үедээ ******* сумын 4 дүгээр баг тоотод хохирогч ын биед халдан зодож эрүүл мэндэд нь баруун мөрний мултрал, 2 далны доод хэсгийн зулгаралт бүхий хөнгөн хохирол санаатай учруулсан болох нь шүүх хуралдаанд шинжлэн судлагдсан дээрх нотлох баримтууд болох хохирогч , гэрч , Ж., , нарын мэдүүлгүүд, хохирогч т үзлэг хийсэн сумын эмчийн тодорхойлолт, Сүхбаатар аймгийн Шүүхийн шинжилгээний албаны шинжээчийн 2021 оны 10 дугаар сарын 15-ны өдрийн 475 дугаартай шинжээчийн дүгнэлт зэргээр нотлогдон тогтоогдож байх бөгөөд шүүгдэгч ******* нь шүүхийн хэлэлцүүлэгт гэмт хэрэг үйлдсэн гэм буруугийн талаар маргаагүй болно.

 

            Шүүгдэгч ******* нь гэмт хэргийг гэм буруугийн шууд санаатай хэлбэрээр үйлджээ. Энэ гэмт хэрэг гарахад нийгэмд тогтсон хүмүүс хоорондын харьцааны, ёс суртахууны хэм хэмжээг үл тоомсорлосон нөхцөл байдал шалтгаалсан гэж үзнэ.

 

Тэрээр бусдын эрх, эрх чөлөөнд хууль бусаар халдаж болохгүй, өөрийн үйлдлийн хууль бус шинжтэйг буюу бусдын биед халдаж гараараа цохих, хөлөөрөө өшиглөх зэрэгт гэмтэл учирч болохыг ухамсарлаж мэдсээр атлаа тай маргалдсаны улмаас түүний нүүр рүү цохиж, хавирч унагаан, цээж нь биеийн дээрээс нь 2 удаа өшиглөж, баруун гарыг мушгих зэргээр биед нь халдаж эрүүл мэндэд мөрний мултрал, 2 далны доод хэсгийн зулгаралт бүхий хөнгөн гэмтэл санаатай учруулсан үйл баримт тогтоогдож байна.

 

Түүнчлэн энэ хэрэгт Эрүүгийн хэрэг хянан шийдвэрлэх тухай хуулийн 16.2 дугаар зүйлд заасан нотолбол зохих байдлуудыг хангалттай шалгаж тодруулсан, мөрдөн шалгах ажиллагааны явцад оролцогчийн хуулиар хамгаалагдсан эрхийг хассан, хязгаарласан зөрчил тогтоогдоогүй.

 

Сүхбаатар аймгийн прокурорын газраас шүүгдэгч *******г Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэгт холбогдуулан яллах дүгнэлт үйлдэж ирүүлсэн хэргийн зүйлчлэл тохирсон байна.

 

Иймд шүүгдэгч *******г “хүний эрүүл мэндэд хөнгөн хохирол санаатай учруулах” гэмт хэрэг үйлдсэн  гэм  буруутайд  тооцож,  түүнд  Эрүүгийн  хуульд  заасан  эрүүгийн  хариуцлага хүлээлгэх үндэслэлтэй байна гэж шүүх дүгнэв.

 

*******гийн үйлдлийн улмаас хохирогч ын эрүүл мэндэд хөнгөн хохирол учирсан бөгөөд хохирогч гомдолгүй, нэхэмжлэх зүйлгүй гэх хүсэлтийг прокурорт гаргажээ.

Иймд шүүгдэгч *******г энэ тогтоолоор бусдад төлөх төлбөргүй гэж үзлээ.

 

Эрүүгийн хариуцлагын талаар:

 

            Эрүүгийн хуулийн ерөнхий ангийн 1.3 дугаар зүйлийн 1 дэх хэсэгт заасан эрүүгийн хариуцлага нь тухайн хүний үйлдсэн гэмт хэрэг, гэмт хэргийн нийгмийн аюулын шинж чанар, хэр хэмжээ, гэм буруугийн хэлбэрт тохирсон байх бөгөөд Эрүүгийн хариуцлагын зорилго нь гэмт хэрэг үйлдсэн этгээдийг цээрлүүлэх, гэмт хэргийн улмаас зөрчигдсөн эрхийг сэргээх, хохирол нөхөн төлүүлэх, гэмт хэргээс урьдчилан сэргийлэх, гэмт хэрэг үйлдсэн этгээдийг нийгэмшүүлэх зорилготой.

            Шүүх гэмт хэрэг үйлдсэн этгээдэд эрүүгийн хариуцлага хүлээлгэхэд Эрүүгийн хуулийн ерөнхий ангийн 6.1 дүгээр зүйлийн 2 дахь хэсэгт “Эрүүгийн хариуцлага хүлээлгэхэд гэмт хэрэг үйлдсэн нөхцөл байдал, учирсан хохирол, хор уршгийн шинж чанар, гэмт хэрэг үйлдсэн хүний хувийн байдал зэргийг шүүх харгалзан үзнэ” гэж заасан нөхцөл байдлыг үндэслэх учиртай.

 

Шүүгдэгч *******д ял шийтгэл оногдуулахад Эрүүгийн хуулийн 6.5, 6.6 дугаар зүйлд заасан эрүүгийн хариуцлагыг хөнгөрүүлэх болон хүндрүүлэх нөхцөл байдал тогтоогдоогүй болно.

 

Шүүгдэгч ******* нь гэмт хэрэг үйлдсэн гэм буруугаа сайн дураараа хүлээн зөвшөөрсөн, гэмт хэрэг үйлдсэн гэм буруугаа хүлээн зөвшөөрсний улмаас үүсэх хууль зүйн үр дагаврыг ойлгосон, хохирогч гомдолгүй, нэхэмжлэх зүйлгүй гэсэн нь хуульд заасан шаардлагыг хангасан байгаагаас гадна шүүгдэгч нь Эрүүгийн хэрэг хянан шийдвэрлэх тухай хуулийн 17.1 дүгээр зүйлийн 1 дэх зааснаар хэргийг хялбаршуулсан журмаар шийдвэрлүүлэх тухай хүсэлт гаргасан, прокуророос яллагдагчид Эрүүгийн хэрэг хянан шийдвэрлэх тухай хуулийн 17.3 дугаар зүйлийн 3 дахь хэсэгт заасны дагуу хүлээлгэх эрүүгийн хариуцлагын талаарх саналыг яллагдагч *******д танилцуулсан нь хуульд нийцсэн байна.

 

Иймд шүүх шүүгдэгч *******г хүний эрүүл мэндэд хөнгөн хохирол санаатай учруулсан гэмт хэрэг үйлдсэн гэм буруутайд тооцож, түүнд эрүүгийн хариуцлага хүлээлгэх хууль зүйн үндэслэлтэй байх тул шүүгдэгчийн улсын яллагчтай тохиролцсоноор Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар 460 нэгжтэй тэнцэх хэмжээний буюу 460,000 төгрөгийн торгох ял шийтгэл оногдуулж, шүүгдэгчийн хөрөнгө, цалин хөлс, бусад орлого олох боломж, түүнд оногдуулсан торгох ялын хэмжээ зэргийг харгалзан 90 хоногийн дотор хэсэгчлэн төлүүлэхээр шийдвэрлэсэн нь гэмт хэрэг үйлдэгдсэн нөхцөл байдал, учирсан хохирлын хэр хэмжээ, шүүгдэгчийн гэм бурууд тохирсон бөгөөд эрүүгийн хариуцлагын нийгэмшүүлэх зорилгод бүрэн нийцнэ.

 

Эрүүгийн хуулийн ерөнхий ангийн 5.3 дугаар зүйлийн 5 дахь хэсэгт зааснаар  торгох ялыг шүүхээс тогтоосон хугацаанд биелүүлээгүй бол шүүх биелэгдээгүй торгох ялын арван таван нэгжтэй тэнцэх хэмжээний төгрөгийг нэг хоногоор тооцож хорих ялаар солихыг шүүгдэгч *******д мэдэгдэж, тэрээр энэ хэргийн улмаас цагдан хоригдоогүй, хэрэгт битүүмжлэгдсэн эд зүйлгүй, иргэний хувийн бичиг баримт авагдаагүй, хэрэг хянан шийдвэрлэх ажиллагааны зардалтай холбоотой баримт ирээгүй.

 

Шүүхийн шатанд шүүгдэгч *******д таслан сэргийлэх арга хэмжээ аваагүй болно.

 

Эрүүгийн хэрэг хянан шийдвэрлэх тухай хуулийн 17.4 дүгээр зүйлийн 5 дахь хэсэг, 36.2, 36.6, 36.7, 36.8, 36.10 дугаар зүйлүүдэд заасныг удирдлага болгон ТОГТООХ нь:

 

1. Шүүгдэгч …….. *******г хүний эрүүл мэндэд хөнгөн хохирол санаатай учруулах буюу Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэг үйлдсэн гэм буруутайд тооцсугай.

 

2. Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар шүүгдэгч *******д 460 нэгжтэй тэнцэх хэмжээний буюу 460,000 /дөрвөн зуун жаран мянга/ төгрөгөөр торгох ялаар шийтгэсүгэй.

 

3. Эрүүгийн хуулийн ерөнхий ангийн 5.3 дугаар зүйлийн 4 дэх хэсэгт заасныг баримтлан шүүгдэгч *******д оногдуулсан торгох ялыг 90  хоногийн дотор хэсэгчлэн төлөхөөр тогтоосугай.

 

4. Эрүүгийн хуулийн ерөнхий ангийн 5.3 дугаар зүйлийн 5 дахь хэсэгт зааснаар шүүгдэгч ******* нь торгох ялыг шүүхээс тогтоосон хугацаанд биелүүлээгүй бол шүүх биелэгдээгүй торгох ялын арван таван нэгжтэй тэнцэх хэмжээний төгрөгийг нэг хоногоор тооцож хорих ялаар солихыг мэдэгдсүгэй.

 

5. Шүүхийн шатанд шүүгдэгч *******д таслан сэргийлэх арга хэмжээ аваагүй болохыг дурдсугай.

 

6. Шүүгдэгч ******* энэ хэргийн улмаас цагдан хоригдоогүй, хэрэгт эд мөрийн баримтаар хураагдсан болон битүүмжлэгдсэн эд зүйлгүй, иргэний хувийн бичиг баримт авагдаагүй, хэрэг хянан шийдвэрлэх ажиллагааны зардалтай холбоотой баримт ирээгүй, шүүгдэгч ******* энэ тогтоолоор бусдад төлөх төлбөргүй буюу хохирогч гомдолгүй, нэхэмжлэх зүйлгүй гэснийг тус тус дурдсугай.

 

7. Эрүүгийн хэрэг хянан шийдвэрлэх тухай хуулийн 36.10 дугаар зүйлийн 4 дэх хэсэгт зааснаар шийтгэх тогтоол уншиж сонсгосноор хүчинтэй болохыг мэдэгдсүгэй.

 

8.Эрүүгийн хэрэг хянан шийдвэрлэх тухай хуулийн 36.8 дугаар зүйлийн 4 дэх хэсэгт зааснаар шүүгдэгч, хохирогч, түүний хууль ёсны төлөөлөгч, тэдгээрийн өмгөөлөгч, улсын яллагч, дээд шатны прокурор шийтгэх тогтоолыг эс зөвшөөрвөл гардан авснаас хойш 14 хоногийн дотор Сүхбаатар аймгийн Эрүү, Иргэний хэргийн давж заалдах шатны шүүхэд давж заалдах гомдол гаргах, эсэргүүцэл бичих эрхтэй болохыг тайлбарласугай.

 

9. Эрүүгийн хэрэг хянан шийдвэрлэх тухай хуулийн 37.1 дүгээр зүйлийн 2 дахь хэсэгт зааснаар энэ тогтоолд давж заалдах гомдол, эсэргүүцэл гаргасан тохиолдолд тогтоолын биелэлтийг түдгэлзүүлсүгэй.

 

ДАРГАЛАГЧ ШҮҮГЧ                      Н.БАЯРБААТАР