МОНГОЛ УЛСЫН НЭРИЙН ӨМНӨӨС

 

Сүхбаатар аймаг дахь сум дундын эрүүгийн хэргийн анхан шатны шүүхийн ерөнхий шүүгч С.Насанбуян даргалж,

Шүүх хуралдааны нарийн бичгийн дарга Э.Энхсаруул,

Улсын яллагч М.Сумъяа

Шүүгдэгч ******* нарыг оролцуулан тус шүүхийн шүүх хуралдааны Б танхимд нээлттэй явуулсан эрүүгийн шүүх хуралдаанаар Сүхбаатар аймгийн Прокурорын газрын хяналтын прокурор Д.Хорлоогоос Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар яллах дүгнэлт үйлдэж ирүүлсэн *******д холбогдох ******* дугаартай эрүүгийн хэргийг 2021 оны 10 дугаар сарын 18-ны өдөр хүлээн авч, хянан хэлэлцэв.

 

Шүүгдэгчийн биеийн байцаалтын талаар:

 

Монгол Улсын иргэн, 19.. оны .. дүгээр сарын ..-ны өдөр Сүхбаатар аймгийн Уулбаян суманд төрсөн, … настай, эрэгтэй, боловсролгүй, эрхэлсэн тодорхой ажилгүй, ам бүл .., эхнэр … хүүхдийн хамт С ******* сумын 3 дугаар баг ******* гэх газар оршин суух хаягтай,

өмнө Сүхбаатар аймгийн сум дундын шүүхийн 2002 оны 04 дүгээр сарын 18-ны өдрийн 64 дугаартай таслан шийдвэрлэх тогтоолоор Эрүүгийн хуулийн тусгай ангийн 123.1 дугаар зүйлийн 3 дахь хэсэгт заасан гэмт хэрэг үйлдэж 2 жилийн хугацаагаар хорих ялыг тэнссэн, мөн 2016 онд Эрүүгийн хуулийн тусгай ангийн 99.1 дүгээр зүйлийн 1 дэх хэсэгт заасан гэмт хэргийг Сүхбаатар аймгийн прокурорын газрын 2016 оны 03 дугаар сарын 14-ний өдрийн 5/46 дугаартай прокурорын тогтоолоор хэрэгсэхгүй болгосон,

регистрийн дугаартай , ******* *******.

 

Холбогдсон хэргийн талаар /яллах дүгнэлтээр/:

 

Шүүгдэгч ******* нь 2021 оны 08 дугаар сарын 21-ний өдрийн 11 цагийн үед Сүхбаатар аймгийн ******* сумын 2 дугаар багийн нутаг дэвсгэр “*******” гэх газарт согтууруулах ундааны зүйл хэрэглэсэн үедээ эхнэр г зодож, эрүүл мэндэд нь зүүн нүдний зовхинд цус хуралт, хамар ясны шинэ хугарал, хамарт зөөлөн эдийн няцрал бүхий хөнгөн хохирол учруулсан гэмт хэрэгт холбогджээ.

 

ТОДОРХОЙЛОХ нь:

 

Шүүхийн хэлэлцүүлэгт талуудын хүсэлтээр дараах нотлох баримтуудыг шинжлэн судлав.Үүнд:

- Шүүгдэгч ******* шүүх хуралдаанд мэдүүлэхдээ: Хийсэн хэрэгтээ гэмшиж байна гэв.

 

- Шүүгдэгч ******* мөрдөн байцаалтын шатанд яллагдагчаар өгсөн:  Манайх ******* сумын 2 дугаар баг “*******” гэх газарт нутагладаг. 2021 оны 08 дугаар сарын 21-ний шөнө эхнэр 2 хүүхдийн хамт унтаж байхад шөнийн 03 цагийн орчимд гаднаас , , нар үл таних хоёр залуутай машинтай ирсэн. Тэд нар ирэхдээ 0.5 граммын Ерөөл архи нэгийг авчирсан. Тэгээд архиа хувааж уугаад тэр залуучуудтай хамт айл руу явсан. Бид өглөө 10 цагийн үед буцаж гэртээ ирэхэд гэх хүний хүү манайд ирсэн байсан. Би хардаад эхнэрээ баруун хөл рүү нь өшиглөж, үснээс нь зулгаасан. Нүүр лүү нь цохисон эсэхээ санахгүй байна...гэх /хх 56-57 дугаар хуудас/,

 

• Хохирогч гийн: 2021 оны 08 дугаар сарын 20-ны 03 цагийн үед ******* сумын 2 дугаар багийн нутаг дэвсгэр “*******” гэх газар өөрийн нөхөр ******* болон 2 хүүхдийн хамт унтаж байхад хажуу айлын , , , гэх дөрвөн залуу манай гэрт ачааны машинтай ирсэн юм. Тэд манай гэрт ирэхдээ 1 шил 0.5 граммын Ерөөл архитай ирж манай нөхөр *******тэй архиа хувааж уусан. 08 дугаар сарын 21-ний өглөөний 06 цагийн үед манай нөхөр ******* нь , , , нартай хамт гэх айлд очиж монгол архи уусан байсан. Манай гэрт ын хүү хойноос ирсэн. Харин манай нөхөр *******, , , , нар урдаасаа ирсэн. Тэгээд манай нөхөр ******* нь чи энэ хүнтэй унтаж хэвтсэн байна гээд хардаж миний толгой хэсэгт нэг удаа мөргөж, хөлөөрөө миний хамрын хэсэгт 1 удаа өшиглөж, толгойтой үснээс зулгаасан. Нөхөр *******тэй хамт явж байсан , , , нар намайг өмөөрч салгасан...” гэх /хх-ийн 6-7 дугаар хуудас/, 

 

• Гэрч ын: гэх айлд монгол архи уусан. 10 цагийн үед , Б., М., ******* бид тав буцаад ******* ахын гэрийн гадна ирэхэд ******* ахын гэрийн баруун хойд талаас мотоциклтой ирсэн. ******* ах ын машинаас буугаад ыг мөргөсөн. Тэгээд “та хүн байхад мөргөдөг нь яаж байгаа юм бэ ” гэхэд ******* гэр лүүгээ ороод заазуур бариад гарч ирээд руу заазуураа далайж ална гэсэн. Би ******* ахын барьж байсан заазуурыг булааж авсан. Гэтэл ******* ах хажуу талд нь зогсож байсан эхнэр М.г “чи энэ залуутай юу хийж байгаа юм” гээд эхнэр М.г баруун гараа нүүрэн хэсэгт нь цохисон. Мөн толгойгоороо эгчийн нүүрэн хэсэгт нэг удаа мөргөхөд би ******* ахыг салгасан. ******* нь эхнэр М. эгчийг “чи эд нартай юу хийж байгаа юм” гээд эхнэр М. руу зандарсан байдлаар хэлээд байсан. Тэгээд бид хоёр М. эгчид “одоо бид нар явлаа” гэхэд М. эгч “та хэдийг явчихвал манай нөхөр дахиад намайг зодно” гэхээр  бид хэд байж байхад ******* ах эхнэр гийн толгойтой үснээс зулгаагаад атга үс зулгаасан байсан. ******* нь бид хэд рүү дайраад байхаар нь би хэд хүлэх гэсэн боловч эхнэр М. нь хүлүүлээгүй. Тэгээд ******* ах М. эгч нарыг би ******* ахын мотоциклоор Сүхбаатар ахын гэр лүү хүргэж өгсөн...гэх /хх-ийн 12-13 дугаар хуудас/,

 

• Гэрч Э.ын: Би найз ын машин дотор унтаж байсан болохоор уг юунаас болж маргалдаад байсныг мэдэхгүй. ******* гэх хүний эхнэр г зодож цохисон талаар мэдэхгүй байна. Тэгээд *******, гэх хоёр хүн хүүхэдтэйгээ хамт Мөнхбаяр ахаар айл руу хүргүүлэх гээд гэрээсээ хойд зүгт явсан...” гэх /хх 16-17 дугаар хуудас/,

 

• Гэрч : Өглөө 10 цагийн үед гэх айлаас ******* гэр лүү очиход хойд талаас мотоциклтой ирсэн. Э., , , ******* бид тав ирээд ******* ахын гэрийн гадна зогсоход ******* ах гэр лүүгээ шууд орсон. Тэгээд ******* ахын гэрээс гарч ирэхэд ******* гэрээсээ заазуур бариад гарч ирэхээр нь гараас нь заазуурыг нь булааж аваад байж байтал ******* ах эхнэр М.гаа толгойгоороо мөргөхөд хамраас нь цус гарсан. Мөн эхнэр М.гийн үснээс зулгааж газар чирээд байсан. Тэгээд бид хэд ******* ах М. хоёрыг салгаж, ах ******* ахын мотоциклтой эхнэр М. болон хүүхэд, ******* ах нарыг Сүхбаатар ахын гэрт хүргэж өгсөн...” гэх /хх 20-21 дүгээр хуудас/,

 

• Гэрч ы: Би 2021 оны 08 дугаар сарын 21-ний өглөөний 11 цагийн үед ******* сумын 2 дугаар баг ******* гэх газарт ******* ахынд очиж өөрийн 3 хуц, 1 ухныг харах санаатай очсон. Намайг ******* ахын гэрийн гадна ирэхэд ******* ах гэрийн зүүн урдаас хөх өнгийн Портер маркийн машин ирж байсан. Би ******* ахын гэрт ороод сууж байтал ******* ах гэртээ орж ирээд ямар нэг үг хэлэлгүй миний энгэрээс заамдаж аваад намайг мөргөөд байсан. Тухайн үед миний мөрний хэсэгт мөргөсөн. Ямар шалтгааны улмаас намайг мөргөснийг мэдэхгүй. Намайг гэрээс гарахад ******* ах миний араас заазуур барьж гарч ирэхэд манай найз заазуурыг булааж авсан. Тэгээд ******* ах гэрийнхээ урд зогсож байсан М. эгчийг нэг удаа мөргөж үснээс нь зулгааж газар чирээд байсан. Манай найз нар болох Б., , салгасан...” гэх /хх 24-25 дугаар хуудас/

 

• Гэрч ын: гэх айлд ******* ах, , Мөнхбаяр нар орж архи уусан. бид хоёр машиндаа байсан. Тэгээд 10 цагийн үед , Б., М., ******* бид тав буцаад ******* ахын гэрийн гадна ирэхэд баруун хойд талаас мотоциклтой ирсэн. ******* нь миний машинаас сандарч буугаад ыг мөргөсөн. ах “ та хүн зүгээр байхад  мөргөдөг нь яаж байгаа юм бэ” гэхэд ******* гэр лүүгээ ороод заазуур бариад гарч ирсэн. ах руу заазуураа далайж “ална” гэхэд ах заазуурыг булааж авсан. Тэгтэл ******* ах хажуу талд нь зогсож байсан эхнэр М.г “чи энэ залуутай юу хийж байгаа юм” гээд баруун гараараа нүүрэн хэсэгт нь цохисон. Мөн эгчийн нүүрэн хэсэгт нэг удаа мөргөхөд ах салгасан.  ******* ах эхнэрээ “чи эд нартай юу хийж байгаа юм” гээд миний шанаа хэсэгт нэг удаа цохисон. ах бид хоёр М. эгчид “одоо бид нар явлаа” гэхэд М. эгч “та хэдийг явчихвал манай нөхөр дахиад намайг зодно” гэхээр  бид хэд байж байхад ******* ах эхнэр гийн толгойтой үснээс зулгаасан, атга үс зулгаасан байсан. ******* нь бид хэд рүү дайраад байхаар нь би хэд хүлэх гэсэн боловч эхнэр М. нь хүлүүлээгүй. Тэгээд ******* ах М. эгч нарыг ах ******* ахын мотоциклоор Сүхбаатар ахын гэр лүү хүргэж өгсөн...” гэх /хх 28-29 дүгээр хуудас/ мэдүүлгүүд

 

• гийн биед үзлэг хийсэн эмчийн тодорхойлолт /хх-ийн 37 дугаар хуудас/

 

•  Сүхбаатар аймгийн Шүүхийн шинжилгээний албаны 2021 оны 08 дугаар сарын 27-ны өдрийн 402 дугаартай “... гийн биед нүдний зовхинд цус хуралт, хамар ясны шинэ хугарал, хамарт зөөлөн эдийн няцрал бүхий гэмтэл учирчээ. Учирсан гэмтэл нь мохоо хүчин зүйлийн үйлчлэлээр үүсгэгдсэн байна. Учирсан гэмтэл нь шүүх эмнэлгийн гэмтлийн зэрэг тогтоох журмын 2.4.1-т зааснаар эрүүл мэндийг түр хугацаагаар сарниулсан хөнгөн зэргийн гэмтэлд хамаарна.Цаашид ерөнхий хөдөлмөрийн чадварт нөлөөлөхгүй...” гэх шинжээчийн дүгнэлт /хх-ийн 38-39 дүгээр хуудас/

 

• Аюулын зэргийн үнэлгээний маягт /хх 42-46 дугаар хуудас/

 

• Шүүгдэгч ******* Эрүүгийн хариуцлага хүлээж байсан эсэхийг шалгах хуудас /хх-ийн 61 дүгээр хуудас/

 

• Сүхбаатар аймгийн сум дундын шүүхийн 2002 оны 04 дүгээр сарын 18-ны өдрийн 64 дугаартай Таслан шийдвэрлэх тогтоолын хуулбар /хх 66-67 дугаар хуудас

 

• Сүхбаатар аймгийн ******* сумын 5 дугаар багийн Засаг даргын 2021 оны 09 дүгээр сарын 16-ны өдрийн 74 дугаартай тодорхойлолт

 

• Шүүгдэгч *******, хохирогч М. нарын гэрлэлтийн бүртгэлийн лавлагаа /хх 70 дугаар хуудас/

 

• Шүүгдэгч ******* Иргэний үнэмлэхийн хуулбар /хх-ийн 71 дүгээр хуудас/ зэрэг болно.

 

Гэм буруугийн талаар:

 

Шүүгдэгч ******* нь 2021 оны 08 дугаар сарын 21-ний өдрийн 11 цагийн үед Сүхбаатар аймгийн ******* сумын 2 дугаар багийн нутаг дэвсгэр “*******” гэх газарт согтууруулах ундааны зүйл хэрэглэсэн үедээ эхнэр г зодож эрүүл мэндэд нь зүүн нүдний зовхинд цус хуралт, хамар ясны шинэ хугарал, хамарт зөөлөн эдийн няцрал бүхий хөнгөн хохирол учруулсан болох нь түүний мөрдөн шалгах ажиллагаа болон шүүх хуралдаанд гэм буруугаа хүлээн зөвшөөрч мэдүүлсэн “...Би хардаад эхнэрээ баруун хөл рүү нь өшиглөж, үснээс нь зулгаасан. Нүүр лүү нь цохисон эсэхээ санахгүй байна... гэх,

хохирогч гийн “...манай нөхөр ******* нь чи энэ хүнтэй унтаж хэвтсэн байна гээд хардаж миний толгой хэсэгт нэг удаа мөргөж, хөлөөрөө миний хамрын хэсэгт 1 удаа өшиглөж, толгойтой үснээс зулгаасан...” гэх,

гэрч ын“...М.г баруун гараа нүүрэн хэсэгт нь цохисон. Мөн толгойгоороо эгчийн нүүрэн хэсэгт нэг удаа мөргөхөд би ******* ахыг салгасан...” гэх,

гэрч “...******* ах эхнэр М.гаа толгойгоороо мөргөхөд эхнэр М.гийн хамраас цус гарсан. Мөн эхнэр М.гийн үснээс зулгааж газар чирээд байсан...” гэх,

гэрч ы “...******* ах гэрийнхээ урд зогсож байсан М. эгчийг нэг удаа мөргөж үснээс нь зулгааж газар чирээд байсан... гэх,

гэрч ын “...М.г “чи энэ залуутай юу хийж байгаа юм” гээд эхнэр М.гаа баруун гараараа нүүрэн хэсэгт нь цохисон. Мөн эгчийн нүүрэн хэсэгт нэг удаа мөргөхөд ах салгасан...” гэх мэдүүлгүүд

д биед үзлэг хийсэн эмчийн тодорхойлолт, Сүхбаатар аймгийн Шүүхийн шинжилгээний албаны 2021 оны 08 дугаар сарын 27-ны өдрийн 402 дугаартай шинжээчийн дүгнэлт зэрэг тухайн хэрэгт хамааралтай бөгөөд ач холбогдол бүхий, хуульд заасан үндэслэл, журмын дагуу цуглуулж бэхжүүлэн, шүүх хуралдаанаар хэлэлцсэн нотлох баримтуудаар нотлогдож байна.

 

Хэргийн баримтаар тогтоогдож буй дээрх үйл явдлыг дүгнэхэд ******* нь согтуурсан үедээ хохирогч г бусадтай хардаж түүнийг цохиж зодон эрүүл мэндэд хөнгөн гэмтэл учруулсан үйл баримт хөдөлбөргүй нотлогдсон хийгээд шүүгдэгч нь гэмт хэргийг гэм буруугийн шууд санаатай хэлбэрээр үйлджээ.

Тэрээр бусдын эрх, эрх чөлөөнд хууль бусаар халдаж болохгүй, өөрийн үйлдлийн хууль бус шинжтэйг буюу бусдыг цохисноор эрүүл мэндэд нь гэмтэл, хохирол учирч болохыг ухамсарлаж мэдсээр атлаа согтуурсаны улмаас эхнэрээ шалтгаангүйгээр бусадтай хардаж нүүрэнд цохиж зодож эрүүл мэндэд нь зориуд хохирол учруулжээ.

 

Шүүгдэгч *******, хохирогч г зодож биед нь хөнгөн гэмтэл учруулсан дээрх үйлдэл нь Эрүүгийн хуулийн тусгай ангийн 11.6 дугаар зүйлийн 1 дэх хэсэг буюу хүний эрүүл мэндэд хөнгөн хохирол санаатай учруулах гэмт хэргийн шинжийг агуулах бөгөөд прокуророос яллах дүгнэлт үйлдэж ирүүлсэн хэргийн зүйлчлэл зөв, шүүгдэгч ******* зүгээс хэргийн зүйлчлэл, гэм буруугийн талаар маргаагүй тул түүнийг дээрх гэмт хэрэг үйлдсэн гэм буруутайд тооцож, эрүүгийн хариуцлага хүлээлгэх үндэстэй гэж шүүх дүгнэв.

 

Гэм хор, хохирлын талаар:

 

******* үйлдлийн улмаас хохирогч гийн эрүүл мэндэд хөнгөн хохирол учирсан бөгөөд хохирогч нь эрүүл мэндэд учирсан гэм хорын нөхөн төлбөр нэхэмжлээгүй хэдий ч гомдолтой байгаа болох нь түүний “...би гомдолтой байна. Байнгын хардаад хэл амаар доромжилдог. Би шүүх хуралд суухгүй...” гэх мэдүүлэг, “...миний хувьд гомдолтой байгаа. Нэхэмжлэх зүйл бол байхгүй...” гэх шүүхийн утсаар ярьсан тэмдэглэл зэргээр тогтоогдож байна.   

Иймд шүүгдэгч Ц.******* энэ тогтоолоор бусдад төлөх төлбөргүй гэж үзлээ.

 

Эрүүгийн хариуцлагын талаар:

 

Шүүгдэгч *******д Эрүүгийн хариуцлага хүлээлгэхэд Эрүүгийн хуулийн ерөнхий ангийн 6.5, 6.6 дугаар зүйлд заасан хөнгөрүүлэх болон хүндрүүлэх нөхцөл байдал тогтоогдоогүй болно.

 

Шүүгдэгч ******* үйлдсэн гэмт хэрэг нотлогдсон, гэм буруугаа хүлээн зөвшөөрч байгаа боловч хохирогчтой эвлэрээгүй, гэмт хэрэг үйлдсэн нөхцөл байдал, учруулсан хохирол, хор уршгийн шинж чанар, түүний хувийн байдал зэргийг харгалзан Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар түүнд 500 нэгжтэй тэнцэх хэмжээний буюу 500,000 төгрөгөөр торгох ял оногдуулахаар шийдвэрлэлээ.

 

Эрүүгийн хэрэг хянан шийдвэрлэх тухай хуулийн 36.8 дугаар зүйлийн 1 дэх хэсгийн 1.6 дахь заалтад “гэмт хэрэг үйлдсэн этгээдэд торгох ял оногдуулах, ... бол ямар хугацаанд, ямар хэмжээгээр хийх”-ийг шүүхийн шийтгэх тогтоолын тогтоох хэсэгт тусгана” гэжээ.

******* зүгээс торгох ялыг хэсэгчлэн төлөх талаар хүсэлт, нотлох баримт гаргаагүй тул Шүүхийн шийдвэр гүйцэтгэх тухай хуулийн 160 дугаар зүйлийн 160.1-д “ Ялтан торгох ял оногдуулсан шийдвэрт өөрөөр заагаагүй бол тухайн шийдвэрийг хуулийн хүчин төгөлдөр болсноос хойш 90 хоногийн дотор, хэрэв хэсэгчлэн төлөхөөр тогтоосон бол тогтоосон хугацаанд биелүүлэх үүрэгтэй” гэж зааснаар төлүүлэхээр тогтоолоо.

 

Шүүгдэгч ******* энэ хэргийн улмаас цагдан хоригдоогүй, хэрэгт эд мөрийн баримтаар хураагдсан болон битүүмжлэгдсэн эд зүйлгүй, хэрэг хянан шийдвэрлэх ажиллагааны зардлын баримт ирээгүй, түүнд шүүхийн шатанд түүнд таслан сэргийлэх арга хэмжээ аваагүй болно.

 

 

Монгол Улсын Эрүүгийн хэрэг хянан шийдвэрлэх тухай хуулийн 36.2, 36.6, 36.7, 36.8, 36.10 дугаар зүйлүүдэд заасныг тус тус удирдлага болгон ТОГТООХ нь:

 

1. Шүүгдэгч ******* ******* хүний эрүүл мэндэд хөнгөн хохирол санаатай учруулах буюу Эрүүгийн хуулийн тусгай ангийн 11.6 дугаар зүйлийн 1 дэх хэсэгт заасан гэмт хэрэг үйлдсэн гэм буруутайд тооцсугай.

 

2. Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар шүүгдэгч Ц.******* 500 нэгжтэй тэнцэх хэмжээний буюу 500,000 төгрөгөөр торгох ялаар шийтгэсүгэй.

 

3. Эрүүгийн хэрэг хянан шийдвэрлэх тухай хуулийн 36.8 дугаар зүйлийн 1 дэх хэсгийн 1.6,  Шүүхийн шийдвэр гүйцэтгэх тухай хуулийн 160 дугаар зүйлийн 160.1-т зааснаар шүүгдэгч ******* нь дээрх торгох ялыг энэ шийдвэрийг хуулийн хүчин төгөлдөр болсноос хойш 90 хоногийн дотор биелүүлэх үүрэгтэйг мэдэгдсүгэй.

 

4. Эрүүгийн хуулийн ерөнхий ангийн 5.3 дугаар зүйлийн 5 дэх хэсэгт зааснаар шүүгдэгч ******* нь дээрх торгох ялыг хуулиар тогтоосон дээрх хугацаанд биелүүлээгүй бол шүүх биелэгдээгүй торгох ялын арван таван нэгжтэй тэнцэх хэмжээний төгрөгийг нэг хоногоор тооцож хорих ялаар солих зохицуулалттайг анхааруулсугай.

 

5. Шүүхийн шатанд шүүгдэгч *******д таслан сэргийлэх арга хэмжээ аваагүй болохыг дурдсугай.

 

6. Шүүгдэгч ******* энэ хэргийн улмаас цагдан хоригдоогүй, хэрэгт эд мөрийн баримтаар хураагдсан болон битүүмжлэгдсэн эд зүйлгүй, иргэний хувийн бичиг баримт, хэрэг хянан шийдвэрлэх ажиллагааны зардлын баримт ирээгүй, шүүгдэгч нь энэ тогтоолоор бусдад төлөх төлбөргүй болохыг тус тус дурдсугай.

 

7. Эрүүгийн хэрэг хянан шийдвэрлэх тухай хуулийн 36.10 дугаар зүйлийн 4 дэх хэсэгт зааснаар шийтгэх тогтоол уншиж сонсгосноор хүчинтэй болохыг мэдэгдсүгэй.

 

8.Эрүүгийн хэрэг хянан шийдвэрлэх тухай хуулийн 36.8 дугаар зүйлийн 4 дэх хэсэгт зааснаар шүүгдэгч, хохирогч, түүний хууль ёсны төлөөлөгч, тэдгээрийн өмгөөлөгч, улсын яллагч, дээд шатны прокурор шийтгэх тогтоолыг эс зөвшөөрвөл гардан авсан болон хүргүүлснээс хойш 14 хоногийн дотор Сүхбаатар аймгийн Эрүү, Иргэний хэргийн давж заалдах шатны шүүхэд давж заалдах гомдол гаргах, эсэргүүцэл бичих эрхтэй болохыг тайлбарласугай.

 

9. Эрүүгийн хэрэг хянан шийдвэрлэх тухай хуулийн 37.1 дүгээр зүйлийн 2 дахь хэсэгт зааснаар энэ тогтоолд давж заалдах гомдол, эсэргүүцэл гаргасан тохиолдолд тогтоолын биелэлтийг түдгэлзүүлсүгэй.

 

 

ДАРГАЛАГЧ ШҮҮГЧ                      С.НАСАНБУЯН