1.Монгол Улсын Газрын тухай хуулийн 27 дугаар зүйлийн 27.1, 27.2, Иргэний хуулийн 106 дугаар зүйлийн 106.2 дахь хэсэгт заасныг баримтлан хариуцагч Херо экуйпмент ХХК-аас сурталчилгааны самбар буулгуулж, газар ашигласан хугацааны төлбөрт 21.780.600 төгрөг гаргуулах тухай нэхэмжлэгч Г.Баясгалангийн нэхэмжлэлийг бүхэлд нь хэрэгсэхгүй болгосугай.

 

   2. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.1, 57 дугаар зүйлийн 57.1, 58 дугаар зүйлийн 58.1, Улсын тэмдэгтийн хураамжийн тухай хуулийн 7 дугаар зүйлийн 7.1.1, 7.1.2-т зааснаар нэхэмжлэгчээс улсын тэмдэгтийн хураамжид урьдчилан төлсөн 266.000 төгрөгийг төсвийн орлогод хэвээр үлдээж улсын тэмдэгтийн хураамжид дутуу төлсөн 70200 төгрөгийг /сурталчилгааны самбар буулгуулах нэхэмжлэлийн шаардлагад хамаарах/ гаргуулан улсын төсвийн орлогод оруулсугай.

 

   3. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2-т зааснаар шийдвэр танилцуулан сонсгомогц хуулийн хүчинтэй болохыг дурдсугай.

 

   4. Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-т зааснаар шийдвэрийг зохигч, тэдгээрийн төлөөлөгч буюу өмгөөлөгч эс зөвшөөрвөл шийдвэрийг гардан авснаас хойш 14 хоногийн дотор Нийслэлийн Иргэний хэргийн давж заалдах шатны шүүхэд гомдол гаргах эрхтэй болохыг дурдсугай.