ЗАХИРГААНЫ ХЭРГИЙН ДАВЖ ЗААЛДАХ

ШАТНЫ ШҮҮХИЙН МАГАДЛАЛ

2014 оны 05 сарын 14 өдөр           Дугаар 187                               Улаанбаатар хот

 “А" ХХК-ийн нэхэмжлэлтэй
захиргааны хэргийн тухай

ТОДОРХОЙЛОХ нь:

Нэхэмжлэгч шүүхэд гаргасан нэхэмжлэлдээ: ““А” ХХК-ийн газар эзэмших эрхийг хүчингүй болгож шийдвэрлэсэн Нийслэлийн Засаг даргын 2013 оны 03 дугаар сарын 15-ны өдрийн А/257 дугаар захирамжийг хүчингүй болгуулах” гэжээ.

Хариуцагч шүүхэд ирүүлсэн хариу тайлбартаа: “...Нийслэлийн иргэдийн Төлөөлөгчдийн Хурлын 2012 оны 3/10 дугаартай тогтоолын дагуу Нийслэлийн Засаг даргын 2013 оны А/257 дугаар захирамжаар “А” ХХК-ийн газар эзэмших эрхийг хүчингүй болгосон. Сонгинохайрхан дүүргийн Засаг дарга нь Газрын тухай хуулийг зөрчин, хотын суурьшлын бүсийн инженерийн шугам сүлжээ бүхий болон холбогдохоор төлөвлөгдсөн газарт, дуудлага худалдаа, төсөл сонгон шалгаруулалтгүйгээр, газар зохион байгуулалтын төлөвлөгөөнд тусгагдаагүй байршилд “А” ХХК-д 19609 м.кв газрыг эзэмшүүлсэн байна.

Нэхэмжпэлийг хүлээн зөвшөөрөх боломжгүй.” гэжээ.

Нийслэлийн захиргааны хэргийн шүүхийн 2013 оны 12 дугаар сарын 18-ны өдрийн 565 дугаар шийдвэрээр: Газрын тухай хуулийн 4 дүгээр зүйлийн 4.1.3, 38, 40 □:Юоситеп1з\НЕНЕО\Шийдвэртэй\Атп Иа1гда( огс! ННК\Атп (1а1гда1 огс! ННК Ма^асНаЫосх

1.262

дүгээр зүйл, 61 дүгээр зүйлийн 61.1 дэх хэсэгт заасныг баримтлан нэхэмжлэгч "А" ХХК-ийн нэхэмжлэлийг бүхэлд нь хангаж, Нийслэлийн Засаг даргын 2013 оны 3 дугаар сарын 15-ны өдрийн “Захирамжийн холбогдох заалт болон газар эзэмших эрхийн гэрчилгээг хүчингүй болгох тухай" А/257 дугаар захирамжийг хүчингүй болгож шийдвэрлэжээ.

Хариуцагчийн итгэмжлэгдсэн төлөөлөгч давж заалдах гомдолдоо: “Нийслэлийн Иргэдийн Төлөөлөгчдийн Хурлын 2012 оны 09-р сарын 27-ны өдрийн Газрын харилцаа, хот төлөвлөлт, барилгажилтад гарч буй зөрчлийг таслан зогсоох, цаашид авах арга хэмжээний тухай 3/10 дугаар тогтоолын 3.5-д "Нийслэлийн нутаг дэвсгэрт орон сууц, олон нийтийн барилга байгууламж орчмын нийтийн эзэмшлийн зам талбай, машины зогсоол, явган хүний зам, цэцэрлэгжилтийн талбай, орц, гарц, СӨХ, сургууль, цэцэрлэг, эмнэлгийн эдэлбэр газар, авто замын улаан шугам, инженерийн байгууламж, шугам сүлжээний хамгаалалтын бүс, ундны усны эх үүсвэрийн тэжээлийн муж болон барилгын норм дүрэм зөрчиж олгосон газар эзэмшүүлэх, ашиглуулах эрх олгосон, эрх шилжүүлсэн, барилга байгууламж барих зөвшөөрөл олгосон нийслэл, дүүргийн Засаг даргын захирамжийг судлан үзэж хүчингүй болгох, 3.6-д "Хотын суурьшлын бүсийн инженерийн шугам, сүлжээнд холбогдох болон холбогдохоор төлөвлөгдсөн газруудад дүүргийн Засаг дарга нарын хууль зөрчиж олгосон газруудыг судлан үзэж хүчингүй болгох" гэж тус тус заасан.

Дээрх тогтоолын дагуу ажлын хэсэг байгуулагдан ажиллаж хотын суурьшлын бүсийн инженерийн шугам, сүлжээ бүхий болон сүлжээнд холбогдохоор төлөвлөгдсөн газруудад хууль зөрчиж олгосон газруудын үндэслэл бүхий судалгааг гаргасан. Энэхүү судалгааг үндэслэн нийслэлийн Засаг дарга 2013 оны 03 дугаар сарын 15-ны өдрийн А/257 дугаар захирамжаар "А" ХХК-ийн газар эзэмших эрхийг хүчингүй болгосон болно.

Сонгинохайрхан дүүргийн Засаг дарга Газрын тухай хуулийг зөрчин хотын суурьшлын бүсийн инженерийн шугам, сүлжээ бүхий болон сүлжээнд холбогдохоор төлөвлөгдсөн газарт, дуудлага худалдаа, төсөл шалгаруулалт явуулалгүйгээр, газар зохион байгуулалтын төлөвлөгөөнд тусгагдаагүй байршилд "А" ХХК-д Сонгинохайрхан дүүргийн 4 дүгээр хороо, Спорт цогцолборын хойд талд үйлчилгээ, орон сууцны зориулалтаар 19609 м.кв газрыг эзэмшүүлсэн байна.

Нийслэлийн Засаг даргын 2008 оны 11 дүгээр сарын 18-ны өдрийн 378-р захирамжийн "А" ХХК-д холбогдох заалт нь Газрын тухай хуулийн 33- р зүйлийн 33.1.2-т "энэ хуулийн 33.1.1-д зааснаас бусад зориулалтаар болон энэ хуулийн 29.1, 29.2, 29.3-т заасан хэмжээнээс илүү газар эзэмших хүсэлт гаргасан иргэн, аж ахуйн нэгж, байгууллагад газар эзэмшүүлэх асуудлыг тухайн шатны Засаг

дарга дуудлага худалдаа, төсөл шалгаруулах зарчмаар шийдвэрлэнэ" гэж заасныг зөрчиж "А" ХХК-д газар эзэмших эрх олгожээ.

Газрын тухай хуулийн 21 дүгээр зүйлийн 21.5.3-т энэ хуулийн 21.2.3-т зааснаас бусад газрыг эзэмших ашиглах асуудлыг дүүргийн Засаг дарга шийдвэрлэхээр зохицуулсан байна. Харин энэ хуулийн 21.2.3-т заасан инженерийн шугам, сүлжээ бүхий болон сүлжээнд холбогдохоор төлөвлөгдсөн газруудад газар эзэмшүүлэх асуудлыг нийслэлийн Засаг дарга шийдвэрлэхээр зохицуулсан байна.

Тухайн маргаан бүхий газрыг анх олгохдоо Сонгинохайрхан дүүргийн Засаг дарга Газрын тухай хуулийн холбогдох зүйл заалтуудыг зөрчиж газар эзэмшүүлсэн гэсэн үндэслэлээр "А" ХХК-ийн газар эзэмших эрхийг хүчингүй болгож шийдвэрлэсэн болно.

Захиргааны хэргийн анхан шатны 20 дугаар шүүх дараах байдлаар уг маргаан бүхий хэргийг дүгнэж алдаатай шийдвэр гаргасан гэж үзэж байна. Үүнд:

1. Нийслэлийн Засаг даргын 2013 оны А/257 дугаар захирамж нь газар эзэмших эрхийг шилжүүлсэн нь хууль зөрчсөн гэж үзээгүй бөгөөд "Төмөрт өргөө" ХХК-д анх газар эзэмших эрх олгохдоо Газрын тухай хуулийн 33 дугаар зүйлийн 33.1.2-т "энэ хуулийн 33.1.1-д зааснаас бусад зориулалтаар болон энэ хуулийн 29.1, 29.2, 29.3-т заасан хэмжээнээс илүү газар эзэмших хүсэлт гаргасан иргэн, аж ахуйн нэгж, байгууллагад газар эзэмшүүлэх асуудлыг тухайн шатны Засаг дарга дуудлага худалдаа, төсөл шалгаруулах зарчмаар шийдвэрлэнэ." гэж заасныг зөрчин газар эзэмших эрх олгосон байдаг бөгөөд аливаа нэг эрх нь анх үүсэхдээ хууль ёсны дагуу үүссэн байх учиртай. Гэтэл энэхүү маргаан бүхий газрыг эзэмших эрх нь хууль зөрчиж үүссэн байдаг бөгөөд Газрын тухай хуулийн 4 дүгээр зүйлийн 4.1.3-т заасан "газар өмчлөх, эзэмших, ашиглахад шударга ёс, тэгш байдлыг хангах" зарчмыг алдагдуулсан гэж үзэхээргүй байхад шударга ёс, тэгш байдлын зарчмыг баримтлаагүй гэж үзсэн нь үндэслэлгүй.
2. Нийслэлийн иргэдийн Төлөөлөгчдийн Хурлын "Газрын харилцаа, хот төлөвлөлт, барилгажилтад гарч буй зөрчлийг таслан зогсоох, цаашид авах арга хэмжээний тухай" 2012 оны 9 дүгээр сарын 27-ны өдрийн 3/10 дугаар тогтоолын “Гурав"-ын 3.6-д "Хотын суурьшлын бүсийн инженерийн шугам, сүлжээнд холбогдох болон холбогдохоор төлөвлөгдсөн газруудад дүүргийн Засаг дарга нарын хууль зөрчиж олгосон захирамжуудыг судлан үзэж хүчингүй болгох" гэж заасныг баримталсан болно.
3. Нийслэлийн Засаг дарга 2013 оны 3 дугаар сарын 15-ны өдрийн А/257 дугаар захирамжийг гаргахдаа анх газар эзэмших эрх олгосон болоод газар эзэмших эрхийг шилжүүлсэн, газрын хэмжээг өөрчилсөн, баталгаажуулсан захирамжуудыг гаргахдаа газрын тухай хуулийг зөрчсөн гэж үзэж хүчингүй болгосон.