Хариуцагчийн зөвшөөрлийг баталж,

хэргийг хэрэгсэхгүй болгох тухай

Баянзүрх дүүргийн иргэний хэргийн анхан шатны шүүхийн шүүгч Э.Энэбиш би,

Нэхэмжлэгч: Чингэлтэй дүүрэг, 4 дүгээр хороо, ******* тоотод оршин байрлах М******* ХХК-ийн /*******/ нэхэмжлэлтэй,    

Хариуцагч: Баянзүрх дүүрэг, 8 дугаар хороо, Улаанхуаран ******* тоотод оршин суух, Ч*******ийн Э*******д /*******/ холбогдох, 

1,263,392 төгрөг гаргуулах, барьцаа хөрөнгөөр үүргийн гүйцэтгэлийг хангуулах тухай иргэний хэргийг хянаад

                                                                                             ТОДОРХОЙЛОХ нь:

Нэхэмжлэгч шүүхэд гаргасан нэхэмжлэлдээ: Ч.Э*******тай байгуулсан 2017 оны 04 дүгээр сарын 10-ны өдрийн зээлийн болон барьцааны гэрээ байгуулан 2,500,000 төгрөгийг 7 хувийн хүүтэйгээр зээлдүүлсэн.

Хариуцагч нь 2017 оны 04 дүгээр сарын 10-ны өдрөөс 2017 оны 05 дугаар сарын 25-ны өдрийг хүртэл хугацаанд зээлээ төлөх үүрэг хүлээсэн нь зохих ёсоор үүргээ биелүүлээгүй.

Зээлдэгч нь зээлийн үндсэн төлбөр 2,500,000 төгрөг, хүү 175,000 төгрөг, нийт 2,675,000 төгрөг төлөх ёстойгоос гэрээний хугацаанд 1,282,100 төгрөгийг, зээлийн гэрээний хугацаа дууссаны дараагаар буюу 2017 оны 05 дугаар сарын 30-ны өдрийг хүртэл 300,000 төгрөг төлж, үлдэгдэл 1,092,000 төгрөгийг төлөөгүй байна. Уг төлбөрийг хугацаандаа төлөөгүй 52 хоногийн алдангид 170,492 төгрөгийг төлөх ёстой. Иймээс хариуцагч Ч.Э*******гаар зээлийн төлбөрт 1,092,900 төгрөг, алданги 170,492 төгрөг, нийт 1,263,392 төгрөгийг гаргуулж өгнө үү. Хариуцагч төлбөр төлөх үүргээ сайн дураар биелүүлээгүй тохиолдолд барьцаа хөрөнгөөр үүргийн гүйцэтгэлийг хангуулж өгнө үү. Барьцаа хөрөнгө:

 

д/д	Бараа материал	Хэмжих нэгж	Тоо ширхэг	Нэг бүрийн үнэ /төгрөг/	Нийт үнэ /төгрөг/
1	Тосол	л	45	3,000	135,000
2	Масло задгай	Л	800	3,000	2,400,000
3	Мобиль	Ш	36	7,500	270,000
4	4 л мобиль	Ш	16	24,500	392,000
5	4 л драгон	Ш	8	22,000	176,000
6	1 л драгон	Ш	12	7,000	84,000
7	Гидрийн шингэн	Л	400	2,500	1,000,000
8	6 л мобиль	Ш	6	35,000	210,000
9	6 л кикс	Ш	12	30,000	360,000
10	Кар/цэвэрлэгч	Ш	24	2,500	60,000
11	5 л аляска	Ш	8	13,000	104,000
12	3 л аляска	Ш	12	8,500	102,000
13	20 л гидро	Ш	10	80,000	800,000
14	АТF задгай	Л	40	4,500	180,000
15	Товуд	Кг	120	4,000	480,000
16	Маслын шүүр	Ш	75	500	375,000
17	Улаан гидро	Л	50	4,000	200,000
18	СVТ	Ш	4	60,000	240,000
Нийт					7,568,000

 

 гэжээ.

 

Хариуцагч шүүхэд ирүүлсэн тайлбартаа: 1,263,392 төгрөгийг төлж барагдуулах нь үнэн. Төлөөгүй тохиолдолд барьцаа хөрөнгөөр үүргийн гүйцэтгэлийг хангуулахад татгалзах зүйлгүй гэжээ.  

ҮНДЭСЛЭХ нь:

Нэхэмжлэгч М******* ХХК нь хариуцагч Ч.Э*******гаас 1,263,392 төгрөгийг гаргуулах, барьцаа хөрөнгөөр үүргийн гүйцэтгэлийг хангуулахаар шүүхэд нэхэмжлэл гаргажээ.

Хэрэг хянан шийдвэрлэх ажиллагааны явцад хариуцагч нь нэхэмжлэлийн шаардлага болох 1,263,392 төгрөг, барьцаа хөрөнгөөр үүргийн гүйцэтгэлийг хангуулахыг зөвшөөрсөн болох нь түүний тайлбараар тогтоогдож байна.

Хариуцагчийн зөвшөөрөл нь Иргэний хуульд нийцсэн, гуравдагч этгээдийн хуулиар хамгаалагдсан ашиг сонирхлыг хөндөөгүй байх тул Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар хариуцагчийн зөвшөөрлийг баталгаажуулах нь зүйтэй гэж шүүх үзэв.

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 75 дугаар зүйлийг удирдлага болгон

 

ЗАХИРАМЖЛАХ НЬ:

 

1. М******* ХХК-ийн нэхэмжлэлтэй, Ч.Э*******д холбогдох 1,263,392 төгрөг гаргуулах тухай иргэний хэрэгт хариуцагч Ч.Э******* нь нэхэмжлэгч М******* ХХК-д 1,263,392 төгрөгийг төлж барагдуулах, дараах нэр төрлийн барьцаа хөрөнгөөр үүргийн гүйцэтгэлийг хангуулахаар зөвшөөрсөн хариуцагчийн зөвшөөрлийг баталж, хэргийг хэрэгсэхгүй болгосугай.

2. Хариуцагч нь энэхүү захирамжийг сайн дураар эс биелүүлбэл Иргэний хуулийн 175 дугаар зүйлийн 175.1-д зааснаар дор дурдсан барьцаа хөрөнгөөр үүргийн гүйцэтгэлийг хангахыг Нийслэлийн Шийдвэр гүйцэтгэх албанд даалгасугай. Үүнд:

 

д/д	Бараа материал	Хэмжих нэгж	Тоо ширхэг	Нэг бүрийн үнэ /төгрөг/	Нийт үнэ /төгрөг/
1	Тосол	л	45	3,000	135,000
2	Масло задгай	Л	800	3,000	2,400,000
3	Мобиль	Ш	36	7,500	270,000
4	4 л мобиль	Ш	16	24,500	392,000
5	4 л драгон	Ш	8	22,000	176,000
6	1 л драгон	Ш	12	7,000	84,000
7	Гидрийн шингэн	Л	400	2,500	1,000,000
8	6 л мобиль	Ш	6	35,000	210,000
9	6 л кикс	Ш	12	30,000	360,000
10	Кар/цэвэрлэгч	Ш	24	2,500	60,000
11	5 л аляска	Ш	8	13,000	104,000
12	3 л аляска	Ш	12	8,500	102,000
13	20 л гидро	Ш	10	80,000	800,000
14	АТF задгай	Л	40	4,500	180,000
15	Товуд	Кг	120	4,000	480,000
16	Маслын шүүр	Ш	75	500	375,000
17	Улаан гидро	Л	50	4,000	200,000
18	СVТ	Ш	4	60,000	240,000
Нийт					7,568,000

 

3. Иргэний хэрэг шүүхэд хянан шийдвэрлэх тухай хуулийн 56 дугаар зүйлийн 56.4, 74 дүгээр зүйлийн 74.5, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар нэхэмжлэгчийн урьдчилан төлсөн 34,880 төгрөгийн тал хувь болох 17,440 төгрөгийг улсын орлогоос, хариуцагч Ч.Э*******гаас 17,440 төгрөгийг тус тус гаргуулж нэхэмжлэгч М******* ХХК-д олгосугай.

 

4. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-т зааснаар маргааныг хялбаршуулсан журмаар шийдвэрлэсэн тохиолдолд талууд давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүйг дурдсугай.

 

5.Энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгүүлэхийг мэдэгдсүгэй. 

 

 

 

ШҮҮГЧ                                     Э.ЭНЭБИШ