2017 оны 06 сарын 09 өдөр

Дугаар 101/ШШ2017/02008

Улаанбаатар хот

 

 

МОНГОЛ УЛСЫН НЭРИЙН ӨМНӨӨС

 

 

Баянзүрх дүүргийн иргэний хэргийн анхан шатны шүүхийн шүүгч Э.Энэбиш даргалж тус шүүхийн шүүх хуралдааны танхимд хийсэн хуралдаанаар,

Нэхэмжлэгч: *******,*******,*******,*******,******* нэхэмжлэлтэй,

Хариуцагч: *******,*******,*******,*******,,

Хариуцагч: ,, холбогдох,

Худалдах-худалдан авах гэрээний үүрэгт 97,282,500 төгрөг гаргуулах нэхэмжлэлтэй иргэний хэргийг хянан хэлэлцэв.

Шүүх хуралдаанд нэхэмжлэгчийн төлөөлөгч ,,, шүүх хуралдааны нарийн бичгийн дарга Ж.Мөнхжаргал нар оролцов.

 

ТОДОРХОЙЛОХ нь:

 

Нэхэмжлэгч шүүхэд гаргасан нэхэмжлэлдээ болон төлөөлөгч шүүх хуралдаанд гаргасан тайлбартаа: Нэхэмжлэгч нь 2015 оны 02 дугаар сарын 11-ний өдөр хариуцагч ХХК-ийн захирал той “Барилгын материал нийлүүлэх гэрээ” байгуулж худалдан авагч тал буюу хариуцагч тал барилгын материалыг хэсэгчлэн авч төлбөрийг 2 сарын дотор төлөхөөр харилцан тохиролцсон. Энэхүү гэрээний дагуу Б.Соёлмаа нь 2015 оны 6 болон 7 дугаар сард нийт 85,000,000 төгрөгийн үнэ бүхий цахилгаан кабел болон бусад барилгын материалыг ХХК-д нийлүүлсэн боловч хариуцагч барааны төлбөрийг хугацаанд нь төлөлгүй гэрээний үүргээ зөрчсөн.

Нэхэмжлэгч тал олон удаа барааны төлбөрийг төлөхийг шаардсаны эцэст 2015 оны 12 дугаар сарын 15-ны өдөр хариуцагчтай “Төлбөр барагдуулах тухай” гэрээ байгуулсан ба тус гэрээгээр төлбөр төлөгч ХХК, түүний захирал нь 85,000,000 төгрөгийг Баянзүрх дүүргийн*******, Хоршоолол хотхон*******, , тоот хаягт байрлах 47,93 м.кв талбай бүхий хоёр өрөө орон сууцыг 76,688,000 төгрөгт тооцож уг байрны гэрчилгээг 2016оны 02 дугаар сарын 29-ний өдрийн дотор төлбөр авагч гийн нэр дээр гаргаж, өмчлөлд шилжүүлэх, үлдэгдэл 8,300,000 төгрөгийг 2016оны 02 дугаар сарын 29-ний өдрийн дотор төлбөр авагч д төлж барагдуулахаар тохиролцсон. Гэвч хариуцагч тал гэрээний үүргээ биелүүлээгүй. Иймд хариуцагчаас 85,000,000 төгрөг болон алданги 12,282,5000 төгрөгийг гаргуулж өгнө үү гэв.

 

Хариуцагч ХХК шүүхэд болон төлөөлөгч нар шүүх хуралдаанд гаргасан тайлбартаа: 97,282,500 төгрөг гаргуулах нэхэмжлэлийг хүлээн зөвшөөрөхгүй. Учир нь нэхэмжлэлд дурдсан төлбөр барагдуулах тухай гэрээнд заасан орон сууцанд нэхэмжлэгч нь 2015 оны 12 дугаар сараас хойш өнөөдрийг хүртэл амьдарч байгаа. Манай компанийн хувьд гэрээний үүргээ биелүүлсэн бөгөөд нэхэмжлэгч тухайн байрыг эзэмшиж, ашиглаж үр шимийг нь хүртэж байгаа атлаа манай компаниас төлбөр гаргуулах нэхэмжлэл гаргасанд гомдолтой байна. Иймд нэхэмжлэлийг хэрэгсэхгүй болгож өгнө үү гэжээ.

 

Хариуцагч шүүхэд болон төлөөлөгч нар шүүх хуралдаанд гаргасан тайлбартаа: Нэхэмжлэлийг хүлээн зөвшөөрөхгүй. Учир нь би хувь хүнээр бус ХХК-ийн нэрээр тай гэрээ байгуулсан. Миний бие түүний өмнө ямар нэгэн үүрэг хүлээгээгүй. Иймд надад холбогдох нэхэмжлэлийн шаардлагыг хэрэгсэхгүй болгож өгнө үү гэжээ.

 

ҮНДЭСЛЭХ нь:

 

Нэхэмжлэгч , хариуцагч ХХК, нарт холбогдуулан худалдах-худалдан авах гэрээний үүрэгт 97,282,500 төгрөг гаргуулах нэхэмжлэл гаргажээ.

 

Хариуцагч нар нэхэмжлэлийг эс зөвшөөрч, хариуцагч ХХК төлбөрийн үүргээ биелүүлсэн гэж, хариуцагч төлбөр төлөх үүрэг хүлээгээгүй гэж тус тус татгалзжээ.

 

Нэхэмжлэлийг бүхэлд нь хангаж шийдвэрлэв.

Нэхэмжлэгч , хариуцагч ХХК нар 2015 оны 02 дугаар сарын 11-ний өдөр Барилгын материал нийлүүлэх гэрээ байгуулж, нэхэмжлэгч нь 650,000,000 төгрөгийн үнийн дүн бүхий цахилгааны утас болон бусад материалыг хариуцагч ХХК-д худалдах, хариуцагч ХХК худалдан авсан материалын үнийг төлөхөөр тохиролцсон нь Иргэний хуулийн 243 дугаар зүйлийн 243.1-д заасны дагуу худалдах-худалдан авах гэрээ байгуулагджээ.

Зохигч буюу нэхэмжлэгч , хариуцагч ХХК нар 2015 оны 12 дугаар сарын 15-ны өдөр төлбөр барагдуулах хэлцэл үйлдэж тооцоо нийлж, хариуцагч ХХК худалдан авсан барааны үнэ 85,000,000 төгрөгт тооцон Баянзүрх дүүргийн*******, Хоршоолол хотхон,*******ны ын тоот хаягт орших, улсын бүртгэлийн дугаартай, 47.93 м.кв талбай бүхий орон сууцыг /47.93х1,600,000=76,688,000/ 76,688,000 төгрөгөөр үнэлж 2016 оны 02 дугаар сарын 29-ний өдрийн дотор тус орон сууцны өмчлөх эрхийг нэхэмжлэгчид шилжүүлэх, дурдсан хугацаанд үлдэх 8,300,000 төгрөгийг бэлнээр төлөхөөр тохиролцсон байх боловч хариуцагч ХХК энэ үүргээ биелүүлээгүй байна.

Иргэний хуулийн 243 дугаар зүйлийн 243-д зааснаар худалдагч нь гэрээгээр тохирсон хөлсийг худалдан авагчид төлөх үүрэгтэй ба хариуцагч ХХК нь 2015 оны 12 дугаар сарын 15-ны өдрийн төлбөр барагдуулах хэлцлээр хүлээсэн үүрэг болох орон сууцны өмчлөх эрхийг болон 8,300,000 төгрөгийг нэхэмжлэгчид шилжүүлэн өгөөгүй талаар зохигч маргаагүй, хариуцагч ХХК, нар нь орон сууцыг бодитоор буюу эзэмших эрхийг шилжүүлэн өгсөн, дурдсан орон сууцыг барьцаанаас чөлөөлж өмчлөх эрх болоод 8,300,000 төгрөгийн мөнгөн төлбөрийн үүргийг 2017 оны 7-8 дугаар сард шилжүүлнэ гэж нэхэмжлэлээс татгалзсан байна.

Талууд Иргэний хуулийн 206 дугаар зүйлд заасны дагуу байгуулсан гэрээ, төлбөр барагдуулах хэлцлээр хүлээсэн үүргээ зохих ёсоор, шударгаар гүйцэтгэх үүрэгтэй. Хариуцагч ХХК, тус компанийн захирал нар төлбөр барагдуулах хэлцлийн үүргээ тохирсон хугацаанд биелүүлээгүй үндэслэлээр нэхэмжлэгч гэрээний үүргийг мөнгөн хэлбэрээр нэхэмжилснийг буруутгах боломжгүй, Иргэний хуулийн 110 дугаар зүйлийн 110.1-д зааснаар үл хөдлөх эд хөрөнгийн өмчлөх эрх улсын бүртгэлд бүртгүүлснээр үүсэх тул хариуцагч ХХК-ийн хэлцэлд дурдсан орон сууцны эзэмших эрхийг нэхэмжлэгчид шилжүүлэн өгсөн, гэрээний үүргээ биелүүлсэн гэх тайлбар үндэслэлгүй, орон сууцны эзэмших эрхийг шилжүүлж өгснийг өмчлөх эрхийг шилжүүлсэн, нэхэмжлэгчид тухайн орон сууцны хувьд өмчлөх эрх үүссэн гэж үзэхгүй.

 

Иймд хариуцагч ХХК гэрээний үүргээ биелүүлэх үүрэгтэй, нэхэмжлэгч 85,000,000 төгрөгийг хариуцагчаас шаардах эрхтэй байна.

Нэхэмжлэгч , хариуцагч ХХК нарын хооронд байгуулсан гэрээний 4.3-т төлбөр төлөх хугацааг зааж мөн гэрээний 6.2-т хариуцагч мөнгөн төлбөрийн үүргээ биелүүлээгүй нөхцөлд гүйцэтгээгүй үүргийн үнийн дүнгээс алданги тооцохоор заажээ. Хариуцагч ХХК гэрээ, хэлцлээр тохирсон үүргээ биелүүлээгүй 15 сарын хугацаа хэтрүүлсэн нь Иргэний хуулийн 232 дугаар зүйлийн 232.1-д зааснаар гэрээний хариуцлага хүлээх үндэслэл болох тул мөн хуулийн 232 дугаар зүйлийн 232.6-д зааснаар нэхэмжлэгч нь хариуцагч ХХК-иас 12,282,500 төгрөгийн алданги шаардсан нь үндэслэлтэй болжээ.

 

Нэхэмжлэгчийн төлөөлөгч хариуцагч ид холбогдуулан гаргасан шаардлагын үндэслэлээ хариуцагч ХХК-ийн хувьцаа эзэмшигч, захирлаар ажилладаг бөгөөд Компанийн тухай хуулийн 9 дүгээр зүйлд зааснаар хувьцаа эзэмшигч ийн хөрөнгө нь компанийн хөрөнгөөс зааглагдаагүй тул хамтран хариуцлага хүлээх, хамтран хариуцагч болно гэсэн тайлбараа Иргэний хэрэг шүүхэд хянан шийдвэрлэх тухай хуулийн 25 дугаар зүйлийн 25.2.2, 38 дугаар зүйлийн 38.1-д зааснаар нотлоогүй. Хариуцагч нь нэхэмжлэгч , хариуцагч ХХК нарын хооронд 2015 оны 02 дугаар сарын 11-ний өдөр байгуулсан Барилгын материал нийлүүлэх гэрээний бие даасан оролцогч биш, тус гэрээний дагуу үүрэг хүлээгээгүй байх тул нэхэмжлэгчийн хариуцагч ид холбогдох нэхэмжлэлийн шаардлагыг хэрэгсэхгүй болгох нь зүйтэй.

Иймд хариуцагч ХХК-иас 97,282,500 төгрөг гаргуулж нэхэмжлэгч д олгож, нэхэмжлэлээс хариуцагч ид холбогдох нэхэмжлэлийг хэрэгсэхгүй болгож шийдвэрлэв.

 

Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.2, 116, 118 дугаар зүйлүүдийг удирдлага болгон

 

ТОГТООХ нь:

 

1. Иргэний хуулийн 243 дугаар зүйлийн 243.1, 232 дугаар зүйлийн 232.6-д заасныг баримтлан хариуцагч ХХК-иас 97,282,500 төгрөг гаргуулан нэхэмжлэгч д олгож, нэхэмжлэлээс хариуцагч ид холбогдох нэхэмжлэлийг хэрэгсэхгүй болгосугай.

 

2. Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, Улсын тэмдэгтийн хураамжийн тухай хуулийн 7 дугаар зүйлийн 7.1.1-т зааснаар нэхэмжлэгчээс улсын тэмдэгтийн хураамжид төлсөн 644,363 төгрөгийг улсын орлогод үлдээж, хариуцагч ХХК-иас 644,363 төгрөг гаргуулж нэхэмжлэгч д олгосугай.

 

3. Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2-т зааснаар шийдвэрийг танилцуулан сонсгомогц хүчинтэй болох ба зохигч, гуравдагч этгээд, тэдгээрийн төлөөлөгч, өмгөөлөгч шийдвэрийг танилцуулснаас хойш 21 хоногийн дотор шүүхэд хүрэлцэн ирж гардан авах үүрэгтэй ба ийнхүү гардан аваагүй нь хугацааг тоолоход саад болохгүй.

 

4. Шийдвэрийг эс зөвшөөрвөл Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.7-д зааснаар гардан авсан өдрөөс хойш 14 хоногийн дотор Нийслэлийн иргэний хэргийн давж заалдах шатны шүүхэд гомдол гаргах эрхтэй болохыг дурдсугай.

 

 

 

 

ДАРГАЛАГЧ ШҮҮГЧ                          Э.ЭНЭБИШ