Зохигчдын эвлэрлийг баталж,

хэргийг хэрэгсэхгүй болгох тухай

 

 

             Хан-Уул дүүргийн Иргэний хэргийн анхан шатны шүүхийн шүүгч Б.Ариунхишиг би,

Нэхэмжлэгч: Чингэлтэй дүүрэг, 16 дугаар хороо, Согоотын 20 дугаар гудамж 275 тоотод оршин суух, Боржигин овогтой Нямбуугийн Лхагвадорж /РД:ХМ78092714/-ийн нэхэмжлэлтэй,

Хариуцагч: Хан-Уул дүүргийн 10 дугаар хороо, Морин 14-635 тоотод оршин суух, Боржигон овогтой Цэдэннямын Батдэлгэр /РД:ХК73050675/-т холбогдох

Зээлийн гэрээний үүргийн гүйцэтгэлд 3.000.000 төгрөг гаргуулах тухай иргэний хэргийг хянаад

              ТОДОРХОЙЛОХ нь:

 

           Зохигчдын дунд байгуулсан эвлэрлийн гэрээнд нэхэмжлэлийн шаардлага болох 3.000.000 төгрөгөөс нэхэмжлэгч нь 800.000 төгрөгийг татгалзаж, үлдэгдэл 2.200.000 төгрөгийг хариуцагч нь 2017 оны 12 дугаар сарын 31-ний өдрийн дотор бүрэн төлж барагдуулахаар зохигчид эвлэрлийн гэрээ байгуулжээ.   

 

ҮНДЭСЛЭХ нь:

 

Нэхэмжлэгч Н.Лхагвадорж нь хариуцагч Ц.Батдэлгэрт холбогдуулан зээлийн гэрээний үүргийн гүйцэтгэлд 3.000.000 төгрөг гаргуулах тухай нэхэмжлэлийг шүүхэд гаргажээ.

 

             Хэрэг хянан шийдвэрлэх ажиллагааны явцад зохигчдын дунд байгуулсан эвлэрлийн гэрээнд нэхэмжлэлийн шаардлага болох 3.000.000 төгрөгөөс нэхэмжлэгч нь 800.000 төгрөгийг татгалзаж, үлдэгдэл 2.200.000 төгрөгийг хариуцагч нь 2017 оны 12 дугаар сарын 31-ний өдрийн дотор бүрэн төлж барагдуулахаар зохигчид эвлэрлийн гэрээ байгуулжээ.   

 

Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2 дахь хэсэгт зааснаар “Хэргийг хялбаршуулсан журмаар хянан шийдвэрлэх боломжтой гэж үзвэл шүүгч нэхэмжлэгчийн татгалзал, хариуцагчийн зөвшөөрөл, зохигч талуудын эвлэрэл, нэхэмжлэлийн шаардлагыг хариуцагч биелүүлснийг баталж, хэргийг хэрэгсэхгүй болгосон тухай захирамж гаргана” гэж заасны дагуу зохигчдын эвлэрэл нь бусдын эрх, эрх чөлөө, хуулиар хамгаалагдсан ашиг сонирхолыг хөндөөгүй, хуульд харшлаагүй байх тул зохигчдын эвлэрлийг баталж, хэргийг хэрэгсэхгүй болгох нь зүйтэй гэж шүүх үзлээ.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                       

            Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2, 123 дугаар зүйлийн 123.1 дэх хэсэгт заасныг тус тус удирдлага болгон         

                                                                                     

ЗАХИРАМЖЛАХ нь:

           1. Н.Лхагвадоржийн нэхэмжлэлтэй хариуцагч Ц.Батдэлгэрт холбогдох иргэний хэргийн нэхэмжлэлийн шаардлага болох 3.000.000 төгрөгөөс нэхэмжлэгч нь 800.000 төгрөгийг татгалзаж, үлдэгдэл 2.200.000 төгрөгийг хариуцагч нь 2017 оны 12 дугаар сарын 31-ний өдрийн дотор бүрэн төлж барагдуулахаар зохигчдын эвлэрсэнийг баталж, хэргийг хэрэгсэхгүй болгосугай.

           2. Иргэний хэрэг шүүхэд хянан шийдвэрлэх тухай хуулийн 74-р зүйлийн 74.5 дахь хэсэгт зааснаар нэхэмжлэгчээс улсын тэмдэгтийн хураамжид төлсөн 62.950 төгрөгийн 50 хувь буюу 31.475 төгрөгийг улсын төсвөөс, 31.475 төгрөгийг хариуцагч Ц.Батдэлгэрээс тус тус гаргуулж нэхэмжлэгчид олгосугай

           3.  Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэсүгэй

 

           4. Хэргийг хялбаршуулсан журмаар хянан шийдвэрлэсэн тохиолдолд зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай

  

 

 

 

 

 

     ШҮҮГЧ                                       Б.АРИУНХИШИГ