2017 оны 06 сарын 08 өдөр

Дугаар 102/ШШ2017/01692

Улаанбаатар хот

Зохигчдын эвлэрлийг баталж,

хэргийг хэрэгсэхгүй болгох тухай

 

 

Баянгол дүүргийн Иргэний хэргийн анхан шатны шүүхийн шүүгч А.Сарантуяа би,

Нэхэмжлэгч: Баянгол дүүрэг, 18 дугаар хороо, 44 дүгээр байр 115 тоотод оршин суух, Хаад боржигон овогт Довшоогийн Мандахын,

Хариуцагч: Баянгол дүүрэг, 3 дугаар хороо, 65 дугаар байр 8 тоотод оршин суух, Дорж овогт Ням-Осорын Алимаад холбогдох

 

зээлийн гэрээний үүрэгт 1,900,000 төгрөг гаргуулах тухай нэхэмжлэлтэй  иргэний хэргийг хянаад          

ТОДОРХОЙЛОХ нь:

 

Нэхэмжлэгч Д.М шүүхэд гаргасан нэхэмжлэлдээ: Миний бие 2016 оны 11 дүгээр сарын 28-ны өдөр иргэн Н.Ад 1 сарын хугацаатайгаар хүүгүй, 1,000,000 төгрөг зээлүүлсэн. Харин өгөх хугацаанаас хэтэрвэл 0,5 хувийн хүү тооцохоор тохиролцсон. Гэвч Н.А мөнгөө төлөхгүй байгаа уичр 1,900,000 төгрөгийг гаргуулж өгнө үү гэжээ.

 

Зохигчидын байгуулсан эвлэрлийн гэрээнд: Нэхэмжлэгч миний бие Н.Ад холбогдуулан 1,900,000 төгрөг гаргуулах тухай нэхэмжлэл гаргасан боловч хариуцагчтай харилцан тохиролцож, нийт үнийн дүнг 700,000 төгрөгөөр багасгаж, үлдэх 1,200,000 төгрөгийг хариуцагч Н.А 2017 оны 7 дугаар сарын 01-ний өдөр 600,000 төгрөг, 2017 оны 8 дугаар сарын 01-ний өдөр 600,000 төгрөгийг тус тус төлөхөөр харилцан тохиролцов  гэжээ.

ҮНДЭСЛЭХ нь:

 

            Нэхэмжлэгч Д.Мын нь Н.Ад холбогдуулан 1,900,000  төгрөг гаргуулах тухай нэхэмжлэлийн шаардлага гаргажээ.

 

            Хэрэг хянан шийдвэрлэх ажиллагааны явцад зохигчид эвлэрэн хэлэлцэж, нэхэмжлэгч нэхэмжлэлийн шаардлагаа 700,000 төгрөгөөр багасгаж, үлдэх 1,200,000 төгрөгийг хариуцагч Н.А 2017 оны 7 дугаар сарын 01-ний өдөр 600,000 төгрөг, 2017 оны 8 дугаар сарын 01-ний өдөр 600,000 төгрөгийг төлж барагдуулахаар харилцан тохиролцож эвлэрсэн байх тул зохигчдын эвлэрлийг баталж, хэргийг хэрэгсэхгүй болгох нь зүйтэй гэж шүүх үзэв.

 

            Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.1, 74.2, 75 дугаар зүйлүүдийг удирдлага болгон

ЗАХИРАМЖЛАХ нь:

 

1.Д.Мын нэхэмжлэлтэй, Н.Ад холбогдох зээлийн гэрээний үүрэгт 1,900,000 төгрөг гаргуулах тухай иргэний хэрэгт нэхэмжлэгч нэхэмжлэлийн шаардлагаа 700,000 төгрөгөөр багасгаж, хариуцагч Н.А нь үлдэх 1,200,000 төгрөгийг 2017 оны 7 дугаар сарын 01-ний өдөр 600,000 төгрөг, 2017 оны 8 дугаар сарын 01-ний өдрийн дотор тус тус төлж барагдуулахаар харилцан тохиролцож эвлэрсэн зохигчдын эвлэрлийг баталж, хэргийг хэрэгсэхгүй болгосугай.

 

            2.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.5 дахь хэсэгт зааснаар нэхэмжлэгч байгууллагаас улсын тэмдэгтийн хураамжид төлсөн 45,350 төгрөгийг төсвийн орлогод хэвээр үлдээж, улсын тэмдэгтийн хураамжийн тал  хувь болох 16,675 төгрөгийг Баянгол дүүргийн Татварын хэлтсийн 2602002965 тоот даснаас, 16,675 төгрөгийг хариуцагч Н.Аээс гаргуулж тус тус гаргуулж нэхэмжлэгч Д.Мт олгосугай.

 

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4 дэх хэсэгт зааснаар хэргийг хялбаршуулсан журмаар хянан шийдвэрлэсэн шүүгчийн захирамжид зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

4.Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэхийг дурдсугай.

                                                                                                                       

 

 

 

                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                               

 

ШҮҮГЧ                       А.САРАНТУЯА