Нэхэмжлэгч нэхэмжлэлээсээ татгалзсаныг 
баталж, хэргийг хэрэгсэхгүй болгох тухай

 

Ховд аймаг дахь Сум дундын иргэний хэргийн анхан шатны шүүхийн шүүгч С.Оюунжаргал би

Нэхэмжлэгч: Ховд аймгийн******* сумын Засаг дарга

Хариуцагч: Ховд аймгийн******* сумын ******* багт оршин суух, ******* *******өд холбогдох

Сум хөгжүүлэх сангаас олгосон үндсэн зээл 2,060,000 төгрөг, алданги 133,900 төгрөг, нийт 2,193,900 /хоёр сая нэг зуун ерэн гурван мянга есэн зуу/ төгрөг гаргуулах тухай нэхэмжлэлийг 2017 оны 6 дугаар сарын 08-ны өдөр хүлээн авч, 153/2017/00321/и дугаар индекстэй иргэний хэрэг үүсгэн хянаад

 

ТОДОРХОЙЛОХ нь:

Нэхэмжлэгч Ховд аймаг******* сумын Засаг дарга шүүхэд гаргасан нэхэмжлэл болон шүүхэд ирүүлсэн хүсэлтдээ: Б.******* нь 2013 оны 04 дүгээр сарын 30-ны өдөр Ховд аймгийн******* сумын Засаг даргын зөвлөл, түүнийг төлөөлж засаг дарга Д.*******тай Сум хөгжүүлэх сангийн зээлийн болон барьцааны гэрээг 36 сарын хугацаатай жилийн 3 хувийн сарын 0,25 хувийн хүүтэйгээр 5,000,000 төгрөгийг зээлсэн авсан. Эргэн төлөлтийн хуваарийн дагуу үндсэн зээл 2,940,000 төгрөг, хүү 330,000 төгрөг нийт 3,270,000 төгрөгийг зохих хугацаандаа хийж байгаад 2016 оны 05 сараас хойш эргэн төлөлтийг төлөөгүй. Зээлийн болон барьцааны гэрээний 2.4-д хугацаа хэтэрснээс хойш 0,5 хувийн алданги тооцно гэж заасны дагуу гэрээ дуусгавар болох хугацаа буюу 2016 оны 05 дугаар сарын 01-ний өдрөөс 2016 оны 06 дугаар сарын 01-ний өдөр хүртэл 13 сарын хугацаа хэтэрсэн байна.

Сум хөгжүүлэх сангаас авто засвар ажиллуулах зорилгоор авсан үндсэн зээл 2,060,000 төгрөг, алданги 133,900 төгрөг, нийт 2,193,900 төгрөгийг гаргуулахаар нэхэмжлэл гаргасан боловч Д.******* нь төлбөрөө төлсөн тул шүүхэд гаргасан нэхэмжлэлээсээ татгалзаж байна гэжээ.

 

Нэхэмжлэгчийн төлөөлөгч Ховд аймгийн Прокурорын газрын хяналтын прокурор Т.******* шүүхэд гаргасан тайлбартаа: Б.******* нь 2,193,900 төгрөгөө төлж барагдуулсан тул хэргийг хялбаршуулсан журмаар шийдвэрлэж өгнө үү гэжээ.

 

ҮНДЭСЛЭХ нь:

Нэхэмжлэгч Ховд аймгийн******* сумын Засаг дарга нь Б.*******өд холбогдуулан Сум хөгжүүлэх сангаас олгосон үндсэн зээл 2,060,000 төгрөг, алданги 133,900 төгрөг, нийт 2,193,900 /хоёр сая нэг зуун ерэн гурван мянга есэн зуу/ төгрөг гаргуулах тухай нэхэмжлэлийн шаардлагыг шүүхэд гаргажээ.

Хэрэг хянан шийдвэрлэх ажиллагааны явцад хариуцагч Д.******* нь нэхэмжлэгчийн нэхэмжлэлийн шаардлагын биелүүлсний улмаас нэхэмжлэгч нь нэхэмжлэлээсээ сайн дураараа татгалзсан тайлбараа шүүхэд бичгээр ирүүлсэн байх тул нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгох нь зүйтэй байна.

Иргэний хэрэг шүүхэд хянан шийдвэрлэх тухай хуулийн 58 дугаар зүйлийн 58.3, Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч Ховд аймгийн******* сумын Засаг дарга нь улсын тэмдэгтийн хураамж төлөхөөс чөлөөлөгддөг болохыг дурдлаа.

 

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 123 дугаар зүйлийн 123.1-д заасныг удирдлага болгон

ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар нэхэмжлэгч Ховд аймгийн******* сумын Засаг даргын нэхэмжлэлтэй хариуцагч Б.*******өд холбогдох Сум хөгжүүлэх сангаас олгосон үндсэн зээл 2,060,000 төгрөг, алданги 133,900 төгрөг, нийт 2,193,900 /хоёр сая нэг зуун ерэн гурван мянга есэн зуу/ төгрөг гаргуулах тухай иргэний хэрэгт нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгосугай.

2. Иргэний хэрэг шүүхэд хянан шийдвэрлэх тухай хуулийн 58 дугаар зүйлийн 58.3, Улсын тэмдэгтийн хураамжийн тухай хуулийн 41 дүгээр зүйлийн 41.1.3-т зааснаар нэхэмжлэгч Ховд аймгийн Зэрэг сумын Засаг дарга нь улсын тэмдэгтийн хураамж 47,910 /дөчин долоон мянга есэн зуун арав/ төгрөг төлөхөөс чөлөөлөгддөг болохыг дурдсугай.

3.Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигч энэ захирамжид давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

 

ШҮҮГЧ С.ОЮУНЖАРГАЛ