Сэлэнгэ аймаг дахь Сум дундын Иргэний хэргийн анхан шатны шүүхийн ерөнхий шүүгч Л.Энхтайван би “Жи мобайл”ХХК-ий нэхэмжлэлтэй Г.Ариунжаргалд холбогдох “150.000 төгрөг гаргуулах”-ыг хүссэн нэхэмжлэлийг 2017 оны 09 дүгээр сарын 11-ний өдөр хүлээн авч танилцаад:

 

ТОДОРХОЙЛОХ нь:

 

  Нэхэмжлэгч “Жи мобайл”ХХК нь шүүхэд гаргасан нэхэмжлэлдээ: ...

  Г. Ариунжаргал нь манай компанитай 2014 оны 8 дугаар сарын 20-ны өдөр 1132227 тоот “Төхөөрөмж зээлээр худалдах, худалдан авах” гэрээ байгуулан 240.000 төгрөгний үнэ бүхий NP10 төхөөрөмжийг урьдчилгаа 20.000 төгрөг төлж, үлдэгдэл 220.000 төгрөгийг 12 сарын хугацаанд  сар бүр 20.000 төгрөг төлөх нөхцөлтэйгээр авсан. Г. Ариунжаргал нь одоогийн байдлаар манай компанид NP10 төхөөрөмжийн 100.000 төгрөгний үлдэгдэл төлбөртэй байгаа болно.  Иймд Г. Ариунжаргалаас “Төхөөрөмж зээлээр худалдах, худалдан авах гэрээ”-ний дагуу төхөөрөмжийн үлдэгдэл төлбөр 100.000 төгрөг, гэрээний 5 дугаар зүйлийн 5.3-т заасны дагуу 896 хоногийн гүйцэтгээгүй үүргийн үнийн дүнгийн 0.3 хувийн алданги 50.000 төгрөг буюу нийт 150.000 төгрөгийг гаргуулан өгч, манай компанийг хохиролгүй болгож өгнө үү гэжээ.

Хариуцагч Сэлэнгэ аймаг Сүхбаатар сумын 8 дугаар баг, 2 дугаар хэсэг, 071 тоотод оршин суух  Шаргачин овогт Ганбатын Ариунжаргал /РД:МГ86011006/- нь шүүхэд гаргасан тайлбартаа: ... Миний бие Г.Ариунжаргал нь “ Жи мобайл” ХХК-ний   тус шүүхэд гаргасан нэхэмжлэлийн шаардлагатай танилцлаа.  Нэхэмжлэлийн шаардлага болох 150.000  төгрөгийг бүхэлд нь хүлээн зөвшөөрч байна.  Уг мөнгийг 2017 оны  10 дугаар сарын сүүлээс эхлэн 3 хувааж төлж барагдуулна. Улсын тэмдэгтийн хураамжийн 50 хувийг төлөхийг ойлгосон гэжээ.

   

ҮНДЭСЛЭХ нь:

 

“Жи мобайл”ХХК-ий нэхэмжлэлтэй Г.Ариунжаргалд холбогдох “150.000 төгрөг гаргуулах”-аар шүүхэд нэхэмжлэл шүүхэд гаргасан бөгөөд  хариуцагч Г.Ариунжаргал нь нэхэмжлэлийн шаардлагыг бүрэн хэмжээгээр хүлээн зөвшөөрсөн болох нь тэдний шүүхэд гаргасан тайлбараар нотлогдож байна.

Хариуцагч нарын энэхүү зөвшөөрсөн байдал нь хууль ёсны бөгөөд гуравдагч этгээдийн эрх ашгийг хөндөөгүй байх тул хариуцагчийн зөвшөөрлийг баталж хэргийг хэрэгсэхгүй болгох нь зүйтэй. 

Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 74 дүгээр зүйлийн 74.5 дахь хэсэгт зааснаар нэхэмжлэгчийн улсын тэмдэгтийн хураамжид урьдчилан төлсөн 5150 төгрөгийг орон нутгийн орлогод хэвээр үлдээж, улсын тэмдэгтийн хураамжийн тал хувь болох 2575 төгрөгийг хариуцагчаас, үлдэх тал хувь болох 2575 төгрөгийг орон нутгийн төсвийн орлогоос тус тус гаргуулан нэхэмжлэгчид олгох нь зүйтэй.

   Иргэний хэрэг  шүүхэд хянан шийдвэрлэх тухай хуулийн 75 дугаар зүйлийн

75.1 дэх хэсэгт  заасныг удирдлага болгон ЗАХИРАМЖЛАХ нь:

1. Иргэний хэрэг шүүүхэд хянан шийдвэрлэх тухай хуулийн 74 дүгээр зүйлийн 74.2 дахь хэсэгт зааснаар “Жи мобайл”ХХК-ий нэхэмжлэлтэй Г.Ариунжаргалд холбогдох “150.000 төгрөг гаргуулах”-ыг хүссэн хүссэн нэхэмжлэлтэй иргэний хэргийн хариуцагч нэхэмжлэлийн шаардлагыг бүрэн хэмжээгээр хүлээн зөвшөөрснийг баталж, хэргийг хэрэгсэхгүй болгосугай.

2.  Иргэний хэрэг шүүхэд хянан шийдвэрлэх тухай хуулийн 57 дугаар зүйлийн 57.1, 74 дүгээр зүйлийн 74.5-д зааснаар нэхэмжлэгчийн улсын тэмдэгтийн хураамжид урьдчилан төлсөн 5150 төгрөгийг орон нутгийн орлогод хэвээр үлдээж, улсын тэмдэгтийн хураамжийн тал хувь болох 2575 төгрөгийг хариуцагчаас, үлдэх тал хувь болох 2575 төгрөгийг орон нутгийн төсвийн орлогоос тус тус гаргуулан нэхэмжлэгчид олгосугай.

 3. Иргэний хэрэг шүүхэд хянан шийдвэрлэх тухай хуулийн 75 дугаар зүйлийн 75.6 дахь хэсэгт зааснаар энэхүү захирамжийг хариуцагч сайн дураар биелүүлээгүй бол шүүхийн шийдвэрийн нэгэн адил албадан гүйцэтгэж болохыг дурьдсугай.

4. Иргэний хэрэг шүүхэд хянан шийдвэрлэх тухай хуулийн 74 дугаар зүйлийн 74.4-т зааснаар зохигчид давж заалдах, хяналтын  журмаар  хянуулахаар гомдол гаргах, тухайн асуудлаар дахин анхан шатны шүүхэд гомдол гаргах  эрхгүйг дурьдсугай.

 

                          ЕРӨНХИЙ   ШҮҮГЧ                                Л.ЭНХТАЙВАН