Нэхэмжлэгч нэхэмжлэлээсээ татгалзсаныг 
баталж, хэргийг хэрэгсэхгүй болгох тухай

 

Ховд аймаг дахь Сум дундын иргэний хэргийн анхан шатны шүүхийн шүүгч С.Оюунжаргал би нэхэмжлэгч М.*******ын нэхэмжлэлтэй хариуцагч Н.*******од холбогдох гэм хорын хохирол 9 641 972 /есэн сая зургаан зуун дөчин нэгэн мянга есэн зуун далан хоёр/ төгрөг гаргуулах тухай нэхэмжлэлийг 2015 оны 11 дүгээр сарын 03-ны өдөр хүлээн авч, 153/2015/00513/и дугаар индекстэй иргэний хэрэг үүсгэн хянаад,

ТОДОРХОЙЛОХ нь:

Нэхэмжлэгч М.******* шүүхэд гаргасан нэхэмжлэлдээ: 2014 оны 09 сарын 20-ноос 21-нд шилжих шөнө Ховд аймгийн ******* сумын ******* газарт жолооч М.******* нь *******-******* УБР улсын дугаартай ******* ******* маркийн машин согтуу жолоодож яваад осол гаргаж, Д.ний амь нас хохирч М.*******, Б., Б., Д., М. нарын биед гэмтэл учирсан. Машин жолоодож явсан ******* нас барсан үндэслэлээр эрүүгийн хэргийг хэрэгсэхгүй болгосон. М.******* миний бие нь Д.нийн хууль ёсны өв залгамжлагч юм. *******-******* УБР улсын дугаартай ******* ******* маркийн машины өмчлөгч Н.*******оос оршуулгын зардал 9 011 972 /есэн сая арван нэгэн мянга есэн зуун далан хоёр/ төгрөг, өмгөөллийн хөлс 600 000 /зургаан зуун мянга/ төгрөг нотлох баримт хуулбарлан авахад гарсан зардал 30 000 /гучин мянга/ төгрөг нийт 9 641 972 /есэн сая зургаан зуун дөчин нэгэн мянга есэн зуун далан хоёр/ төгрөг гаргуулж өгнө үү гэжээ.

Тус шүүхийн шүүгчийн туслах Ц.гийн нэхэмжлэгч М.*******тай утсаар ярьсан тухай шүүхийн мэдэгдэх хуудсанд тэмдэглэгдсэн тэмдэглэлд: Би Хөвсгөл аймагт байна. Саяхан төрсөн, нялх биетэй очиж амжихгүй. Би нэхэмжлэлээсээ татгалзаж байна. Татгалзлаа өмгөөлөгчөөрөө бичүүлээд өгчихнө гэжээ.

Нэхэмжлэгч М.*******ын өмгөөлөгч Ж. шүүхэд гаргасан хүсэлтдээ: Нэхэмжлэгч М.******* нь иргэний хариуцагч Н.*******оос гэм хорын хохирол нэхэмжилсэн нэхэмжлэлийг Иргэний хэрэг шүүхэд хянан шийдвэрлэх тухай хуулийн 26 дугаар зүйлд заасны дагуу нэхэмжлэлийн шаардлагаас татгалзаж байгааг хүлээн авна уу. Мөн нэхэмжлэгч М.******* нь дугаарын утаснаас шүүгчийн туслахтай холбогдсон, нэхэмжлэлээсээ татгалзсан тухайгаа утсаар хэлснийг уламжилж байна гэжээ.

ҮНДЭСЛЭХ нь:

Нэхэмжлэгч М.******* нь Хөвсгөл аймагт төрөөд удаагүй байгаа нялх биетэй очиж чадахгүй, шүүхэд гаргасан Н.*******оос гэм хорын хохирол 9 641 972 /есэн сая зургаан зуун дөчин нэгэн мянга есэн зуун далан хоёр/ төгрөг гаргуулахыг хүссэн нэхэмжлэлээсээ сайн дураараа татгалзсан тухайгаа дугаарын утсаар мэдэгдсэн, нэхэмжлэгч М.*******ын өмгөөлөгч Ж. нь нэхэмжлэгчийг нэхэмжлэлээсээ сайн дураараа татгалзсан тухай хүсэлтийг шүүхэд бичгээр ирүүлсэн тул хэргийг хялбаршуулан журмаар хянан шийдвэрлэж Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгох нь зүйтэй байна.

Улсын тэмдэгтийн хураамжийн тухай хуулийн 41 дүгээр зүйлийн 41.1.7-д зааснаар нэхэмжлэгч М.******* нь улсын тэмдэгтийн хураамж 169221 төгрөг төлөхөөс чөлөөлөгдсөн болохыг дурьдах нь хуульд нийцнэ.

Иргэний хэрэг шүүхэд хянан шийдвэрлэх тухай хуулийн 75 дугаар зүйл, 123 дугаар зүйлийн 123.1-д заасныг удирдлага болгон

ЗАХИРАМЖЛАХ нь:

1. Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.2-т зааснаар нэхэмжлэгч М.*******ын нэхэмжлэлтэй хариуцагч Н.*******од холбогдох гэм хорын хохирол 9 641 972 /есэн сая зургаан зуун дөчин нэгэн мянга есэн зуун далан хоёр/ төгрөг гаргуулах тухай иргэний хэрэгт нэхэмжлэгч нэхэмжлэлээсээ татгалзсаныг баталж, хэргийг хэрэгсэхгүй болгосугай.

2. Улсын Тэмдэгтийн хураамжийн тухай хуулийн 41 дүгээр зүйлийн 41.1.7-д зааснаар нэхэмжлэгч М.******* нь улсын тэмдэгтийн хураамж 169221 төгрөг төлөхөөс чөлөөлөгдсөн болохыг дурдсугай.

3. Шүүгчийн захирамжид Иргэний хэрэг шүүхэд хянан шийдвэрлэх тухай хуулийн 74 дүгээр зүйлийн 74.4-д зааснаар зохигч давж заалдах, хяналтын журмаар хянан шийдвэрлүүлэхээр гомдол гаргах, тухайн асуудлаар анхан шатны шүүхэд дахин нэхэмжлэл гаргах эрхгүй болохыг дурдсугай.

 

 

ШҮҮГЧ С.ОЮУНЖАРГАЛ