Иргэний хэрэг шүүхэд хянан шийдвэрлэх тухай хуулийн 115 дугаар зүйлийн 115.1, 115.2.1, 116, 118 дугаар зүйл, 132 дугаар зүйлийн 132.6-д заасныг удирдлага болгон ТОГТООХ нь:

 

1.Гэр бүлийн тухай хуулийн 14 дүгээр зүйлийн 14.1-д зааснаар Их Монгол овогт Сумъяагийн С, Боржигон овогт Цэгмидын Б нарын гэрлэлтийг цуцалсугай.

 

2.Иргэний хуулийн 126 дугаар зүйлийн 126.1, 129 дүгээр зүйлийн 129.1.1-т заасныг баримтлан Баянгол дүүргийн 7 дугаар хороо 12 дугаар байрны 218 тоот орон сууцыг өмчлөгч П.Пүрэвдоржийн өмчлөх эрхийг хүчин төгөлдөр бусад тооцуулах, тухайн орон сууцыг С.С, Ц.Б нарын дундын өмчлөлийн хөрөнгө болохыг тогтоолгох, дээрх орон сууцнаас өөрт ногдох хэсгийг гаргуулах тухай Ц.Бгийн сөрөг шаардлагыг бүхэлд нь хэрэгсэхгүй болгосугай.

 

3.Иргэний хэрэг шүүхэд хянан шийдвэрлэх тухай хуулийн 58 дугаар зүйлийн 58.3-д зааснаар улсын тэмдэгтийн хураамжид нэхэмжлэгчийн төлөөлөгчийн төлсөн 70 200 төгрөг, Ц.Бгийн  төлсөн 380 200 төгрөгийг тус тус төсвийн орлогод хэвээр үлдээж, хариуцагч Ц.Бгаас 70 200 /далан мянган хоёр зуун/ төгрөгийг гаргуулан нэхэмжлэгчид олгосугай.

 

4.Гэр бүлийн тухай хуулийн 14 дүгээр зүйлийн 14.9-д зааснаар шийдвэрийн хувийг Оюуны өмч, Улсын бүртгэлийн ерөнхий газарт хүргүүлэхийг шүүгчийн туслахад  даалгасугай.

 

5.Иргэний хэрэг шүүхэд хянан шийдвэрлэх тухай хуулийн 119 дүгээр зүйлийн 119.2-д зааснаар шийдвэрийг танилцуулан сонсгомогц хүчинтэй болохыг дурдсугай.

 

6.Иргэний хэрэг шүүхэд хянан шийдвэрлэх тухай хуулийн 120 дугаар зүйлийн 120.2-д зааснаар шийдвэрийг зохигчид, тэдний төлөөлөгч, өмгөөлөгч, гуравдагч этгээд, тэдний төлөөлөгч нар гардаж авснаас хойш 14 хоногийн дотор Нийслэлийн Иргэний хэргийн давж заалдах шатны шүүхэд гомдол гаргах эрхтэй болохыг дурдсугай.

 

 

 

 

 

                        ДАРГАЛАГЧ, ШҮҮГЧ                          З.ДОРЖНАМЖИН