МОНГОЛ УЛСЫН НЭРИЙН өмнөөс

Баянгол дүүргийн эрүүгийн хэргийн анхан шатны шүүхийн шүүгч Г.Есөн- Эрдэнэ даргалж,

Нарийн бичгийн дарга Т.Сарантуяа,

Улсын яллагч Г.Ганхөлөг,

Шүүгдэгч П.А нарыг оролцуулж тус шүүхийн хуралдааны танхимд нээлттэй хийсэн шүүх хуралдаанаар Баянгол дүүргийн прокурорын газрын хяналтын прокуророос Эрүүгийн хуулийн тусгай ангийн 17.5 дугаар зүйлийн 1 дэх хэсэгт зааснаар яллах дүгнэлт үйлдэж хялбаршуулсан журмаар шийдвэрлүүлэхээр ирүүлсэн Бн овогт П-гийн А-т холбогдох эрүүгийн ****************** дугаартай хэргийг 2018 оны 11 дүгээр сарын 23-ны өдөр хүлээн авч, ХЯНАВАЛ:

Шуугдэгчийн биеийн байцаалт:

*******************************************************************************

Үйлдсэн хэргийн талаар /яллах дугнэлтэнд бичсэнээр/:

Шүүгдэгч П.А нь 2018 оны 5 дугаар сарын 29-ний өдөр Баянгол дүүргийн 10 дугаар хорооны нутаг дэвсгэрт байрлах “Д” зочид буудлын орчимд иргэн М.Б-ын гээгдүүлсэн Самсунгжи-7 загварын гар утсыг завшсаны улмаас 663,200 төгрөгийн бага хэмжээнээс дээш хохирол учруулсан гэмт хэрэгт холбогджээ.

Шүүхийн хэлэлцүүлэгт хэлэлцэгдсэн яллах болон цагаатгах нотлох баримтуудыг шинжпэн судлаад ТОДОРХОЙЛОХ нь:

Шүүхийн хэлэлцүүлэгт шүүгдэгч П.А мэдүүлэхдээ: “2018 оны 5 дугаар сарын 29-ний өглөө 08.30 цагийн үед ажил дээрээ ирээд хорооллын Номин их дэлгүүрийн гадаа талбай цэвэрлэж байгаад гар утас олсон. Тэгээд тэр утсаа гэр лүүгээ аваад явсан” гэв.

Хохирогч М.Б мөрдөн байцаалтанд мэдүүлэхдээ: “..Д гээд Баянгол дүүргийн 10 дугаар хорооны нутаг дэвсгэрт байрлах зочид буудалд орж унтаад маргааш өглөө нь 9 цагийн үед сэрсэн. Тэгээд би өглөө сэрэх үед миний Самсунг жи-7 маркийн гар утас алга болсон байсан.. тэгсэн миний гар утсыг П.А гэх эмэгтэй авсан байсан...” гэжээ. /хх 9, 34/

Арвижих барьцаат зээлдүүлэх газрын барьцааны гэрээний хуулбар /хх 18/

Эд хөрөнгө хураан авсан, хүлээлгэн өгсөн тэмдэглэл /хх 19,31/

Хохирогч М.Б-ын гомдол саналгүй гэх баримт /хх 32/

Эд хөрөнгийн үнэлгээний тайлан /хх 40-41/

Иргэний үнэмлэхийн лавлагаа /хх 58/

Ял шийтгэгдсэн эсэхийг шалгах хуудас /хх 59/ зэрэг нотлох баримтуудыг шинжпэн судлав.

Шуухийн дугнэлт:

Шүүгдэгч П.А нь 2018 оны 5 дугаар сарын 29-ний өдөр Баянгол дүүргийн 10 дугаар хорооны нутаг дэвсгэрт байрлах “Дө” зочид буудлын орчимд иргэн М.Баттулгын гээгдүүлсэн Самсунг жи-7 загварын гар утсыг завшсаны улмаас 663,200 төгрөгийн бага хэмжээнээс дээш хохирол учруулсан болох нь шүүгдэгчийн үйлдсэн хэргээ хүлээн зөвшөөрч мэдүүлсэн мэдүүлэг,

мөрдөн байцаалтанд М.Б-ын: “..Д гээд Баянгол дүүргийн 10 дугаар хорооны нутаг дэвсгэрт байрлах зочид буудалд орж унтаад маргааш өглөө нь 9 цагийн үед ... сэрэх үед миний Самсунг жи-7 маркийн гар утас алга болсон байсан... тэгсэн миний гар утсыг П.А гэх эмэгтэй авсан байсан...” гэх мэдүүлэг, ********** барьцаат зээлдүүлэх газрын барьцааны гэрээний хуулбар /хх 18/, эд хөрөнгө хураан авсан, хүлээлгэн өгсөн тэмдэглэл /хх 19, 31/, хохирогч М.Б-ын гомдол саналгүй гэх баримт /хх 32/, эд хөрөнгийн үнэлгээний тайлан /хх 40-41/, иргэний үнэмлэхийн лавлагаа /хх 58/, ял шийтгэгдсэн эсэхийг шалгах хуудас /хх 59/ зэрэг хавтаст хэрэгт авагдсан бичгийн бусад баримтаар нотлогдон тогтоогдож байна.

Шүүгдэгч П.Ат холбогдох хэргийн бүрдэл хангагдсан зүйлчлэл тохирсон тул түүнийг Эрүүгийн хуулийн тусгай ангийн 17.5 дугаар зүйлийн 1 дэх хэсэгт зааснаар гээгдэл эд хөрөнгийг завшсан гэмт хэрэг үйлдсэн гэм буруутайд тооцож эрүүгийн хариуцлага хүлээлгэх үндэслэлтэй байна.

Хохирогч М.Б нь мөрдөн байцаалтад шүүгдэгч П.А-тэй сайн дурын үндсэн дээр эвлэрсэн, гомдол, санал, нэхэмжпэх зүйл байхгүй /хх 32/ хэргийг хялбаршуулсан журмаар шийдвэрлэж өгнө үү гэх хүсэлт, шүүгдэгч П.А нь гэм буруугаа хүлээн мэдүүлсэн, хялбаршуулсан журмаар шийдвэрлэж өгнө үү” гэх хүсэлтийг үндэслэн Баянгол дүүргийн Прокурорын газраас шүүгдэгч П.А-т холбогдох хэргийг Эрүүгийн хэрэг хянан шийдвэрлэх тухай хуулийн 17.5 дугаар зүйлийн 8 дахь хэсэгт зааснаар прокурорын саналыг харгалзан 450 нэгжтэй тэнцэх хэмжээ буюу 450,000 төгрөгөөр торгох ял оногдуулахаар шийдвэрлүүлэхээр ирүүлсэн нь хуульд нийцсэн үндэслэл бүхий байна.

Эрүүгийн хуулийн ерөнхий ангийн 6.5 дугаар зүйлийн 1 дэх хэсгийн 1.1, 1.2-д зааснаар шүүгдэгч П.А нь тохиолдлын шинжтэй нөхцөл байдлын улмаас анх удаа гэмт хэрэг үйлдсэн, хохирогчийн хууль бус буюу хайхрамжгүй байдлаас гэмт хэрэг гарсан, шүүгдэгчээс бусдад учруулсан хохирлыг төлсөн зэргийг ял хөнгөрүүлэх нөхцөл байдалд тооцсон ба ял хүндрүүлэх нөхцөл байдал тогтоогдоогүй болно.

Эрүүгийн хуулийн ерөнхий ангийн 6.7 дугаар зүйлийн 1 дэх хэсгийн 1.1 дэх заалтад зааснаар шүүгдэгч П.А үйлдсэн хэргээ хүлээн зөвшөөрч мэдүүлсэн, хохирлыг төлж барагдуулан үйлдсэн хэрэгтээ гэмшиж байгаа болон