байсан ба удалгүй цагдаа ирсэн. Мөргүүлснээс хамрын яс хугарсан ба эмчилгээний зардал бараг гараагүй. Рентген зураг 20.000 төгрөгөөр авахуулсан, 23000 орчим төгрөгийн эм авсан. нийтдээ эмчилгээнд 62,000 орчим төгрөг болсон. Хамрын хагалгаанд орох шаардлагатай байгаа” гэв.

Мөрдөн байцаалтанд хохирогч Г.Г мэдүүлэхдээ: “..2018 оны 10 дугаар сарын 12-ны өдрийн 21 цагийн үед найз залуу Лийн хамт түүний эзэмшлийн 2992 УБЕ улсын дугаартай Хюьндей Верна маркийн автомашинтай нь явж байсан юм. Тухайн үед би утсаа оролдоод явж байсан учир хаанаас хүн авсныг мэдэхгүй нэг согтуу эрэгтэй хүн аваад хороолол руу явж байсан. Тэгтэл уг согтуу хүн хойд талын суудал дээр ганцаараа новш мовш гээд орилоод байсан чинь найз залуу Л Баянгол дүүргийн 13 дугаар хорооны нутаг дэвсгэрт байрлах Е-Март худалдааны төвийн урд зам дагуу зогсоод “та буучих” гэтэл буухгүй новш минь яваач энэ зам чинь биш буруу замаар явсан байна гээд орилж байгаад машинаас буухдаа миний сууж байсан хойд талын хаалгаар буухаар нь би араас нь буугаад та мөнгөө өгөөч гэтэл яах ийхийн завдалгүй миний нүүр рүү толгойгоороо мөргөсөн. Миний хамарнаас цус гараад байхаар би хамраа дараад зогсож байтал найз залуу Л гараад ирчихсэн намайг мөргөдөг ахыг барьж аваад явуулахгүй гээд ноцолдож байсан. Би 102 луу залгаж цагдаа дуудсан... ” гэжээ. /хх 15 хуу/

Гэрч П.Л мэдүүлэхдээ: “...Би 2018 оны 10 дугаар сарын 12-ны өдөр өөрийн 2992 УБЕ улсын дугаартай автомашинтай гэр лүүгээ харих гээд явж байхад Баянгол дүүргийн 1 дүгээр хороо вокзал орчимоос нэг хүн гар өргөхөөр нь хаана хүрэх юм бэ гэж асуухад тэр согтуу хүн хорооллын эцэс хүргүүлэнэ гэсэн. Тэгээд тэр хүн хорооллын эцсийн уулзвар дээр ирэхэд баруун, зүүн, чигээрээ гээд тал талруугаа зааж байснаа чигээрээ яв гэсэн.. Хаашаа явах нь мэдэгдэхгүй замаа зааж чадахгүй байхаар нь Е-Март худалдааны төвийн хажууд зам дагуу зогсоод 3,000 төгрөг гарсан та ингээд буучих гэтэл би хаана яваа орчиноо хараадахъя гэж машинаас буугаад машины хойд тал руу алхах үед Г.Г араас нь мөнгөө өгөөчээ ахаа гээд буусан. Би машин дотроосоо харж байхад машины хойд хэсэгт Г.Гын нүүрлүү толгойгоороо нэг удаа мөргөсөн..." гэжээ. /хх 16 хуу/

Шүүхийн шинжилгээний үндэсний хүрээлэнгийн шинжээчийн 2018 оны 10 дугаар сарын 19-ний өдрийн 12489 дугаар дүгнэлтэд: “Г.Г-ын биед хамар ясны хугарал хамрын зөөлөн эдийн няцрал гэмтэл тогтоогдлоо. Дээрх гэмтэл нь мохоо зүйлийн нэг удаагийн үйлчлэлээр үүсгэгдэнэ. Гэмтлийн зэрэг тогтоох журмын 2.4.1-д зааснаар эрүүл мэндийг түр хугацаагаар сарниулах тул гэмтлийн хөнгөн зэрэгт хамаарана” гэжээ. /хх 18 хуу/

Хохирлын баримтууд /хх 26-31/

Ял шийтгэгдсэн эсэхийг шалгах хуудас /хх 32/

Иргэний үнэмлэхийн лавлагаа /хх 33/ зэрэг нотлох баримтуудыг шинжпэн судлав.

Щуухийн дугнэлт:

Шүүгдэгч С.Б нь 2018 оны 10 дугаар сарын 12-ны орой 21 цагийн үед Баянгол дүүргийн 13 дугаар хорооны нутаг дэвсгэрт байрлах Е-март худалдааны төвийн баруун талд иргэн Г.Г-ыг зодож эрүүл мэндэд нь хамар ясны хугарал, хамрын зөөлөн эдийн няцрал бүхий хөнгөн хохирол учруулсан болох нь шүүгдэгчийн шүүхийн хэлэлцүүлэгт хэргээ хүлээн мэдүүлсэн мэдүүлэг,

Хохирогч Г.Г-ын: “..хойд талын хаалгаар буухаар нь би араас нь буугаад та мөнгөө өгөөч гэтэл яах ийхийн завдалгүй миний нүүр рүү толгойгоороо мөргөсөн... ” гэх мэдүүлэг

Гэрч П.Л-ийн: “...Е-Март худалдааны төвийн хажууд зам дагуу зогсоод 3,000 төгрөг гарсан та ингээд буучих гэтэл би хаана яваа орчноо хараадхъя гэж машинаас буугаад машины хойд тал руу алхах үед Г.Г араас нь мөнгөө өгөөчээ ахаа гээд буусан. Би машин дотроосоо харж байхад машины хойд хэсэгт Г.Гын нүүрлүү толгойгоороо нэг удаа мөргөсөн...” гэх мэдүүлэг,

Шүүхийн шинжилгээний үндэсний хүрээлэнгийн шинжээчийн 2018 оны 10 дугаар сарын 19-ний өдрийн 12489 дугаар дүгнэлт /хх 18/, хохирлын баримтууд /хх 26-31/, ял шийтгэгдсэн эсэхийг шалгах хуудас /хх 32/,иргэний үнэмлэхийн лавлагаа /хх 33/ зэрэг зэрэг хавтаст хэрэгт авагдсан бичгийн нотлох баримтаар нотлогдон тогтоогдож байна.

Шүүгдэгч С.Бид холбогдох хэргийн бүрдэл хангагдсан, зүйлчлэл тохирсон тул түүнийг хүний эрүүл мэндэд хөнгөн гэмтэл учруулсан гэмт хэрэг үйлдсэн гэм буруутайд тооцон эрүүгийн хариуцлага хүлээлгэх үндэслэлтэй байна.

Шүүгдэгч С.Б нь анх удаа гэмт хэрэг үйлдсэнийг хөнгөрүүлэх нөхцөл байдалд тооцсон ба хүндрүүлэх нөхцөл байдал тогтоогдоогүй болно.

Шүүгдэгч С.Б нь анх удаа хөнгөн гэмт хэрэг үйлдсэн, бусдад төлөх төлбөргүй, гэм буруугаа хүлээж байгаа зэргийг харгалзан хөнгөн ял оногдуулах нь зүйтэй гэж шүүх дүгнэлээ.

Хохирогчийн нэхэмжлэлээс эмчилгээний зардал болох 23229 төгрөгийг шүүгдэгч С.Б-оос гаргуулах, хохирогч цаашид гарах эмчилгээний зардлаа нотлох баримтаа бүрдүүлэн иргэний хэрэг шүүхэд хянан шийдвэрлэх ажиллагааны журмаар жич нэхэмжпэх эрхийг нээлттэй үлдээх нь зүйтэй байна.

Монгол Улсын Шүүхийн тухай хуулийн 31 дүгээр зүйлийн 31.3.1, Эрүүгийн хэрэг хянан шийдвэрлэх тухай хуулийн 36.2 дугаар зүйлийн 1,2,4, 36.6, 36.7, 36.8, 36.10, 36.13, 37.1 дүгээр зүйлийн 2 дахь хэсгүүдэд заасныг тус тус удирдлага болгон ТОГТООХ нь:

1. Шүүгдэгч М овогт С-ын С.Бийг Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар хүний эрүүл мэндэд хөнгөн хохирол учруулсан гэмт хэрэг үйлдсэн гэм буруутайд тооцсугай.
2. Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар Шүүгдэгч М овогт С-ын С.Бийг 600 нэгжтэй тэнцэх хэмжээ буюу 600.000 төгрөгөөр торгох ялаар шийтгэсүгэй.
3. Эрүүгийн хуулийн ерөнхий ангийн 5.3 дугаар зүйлийн 5 дэх хэсэгт зааснаар шүүгдэгч С.Б нь торгох ялыг биелүүлээгүй бол шүүх биелэгдээгүй торгох ялын арван таван нэгжтэй тэнцэх хэмжээний төгрөгийг нэг хоногоор тооцож хорих ялаар солих болохыг анхааруулсугай.
4. Энэ хэрэгт эд мөрийн баримт ирүүлээгүй, иргэний бичиг баримт хураагдаагүй, шүүгдэгч С.Б нь цагдан хоригдсон хоноггүй болохыг тус тус дурдсугай.
5. Иргэний хуулийн 497 дугаар зүйлийн 497.1, 505 дугаар зүйлийн 505.1-д зааснаар шүүгдэгч С.Б-оос эмчилгээний төлбөр гэх 23229 төгрөгийг гаргуулан Чингэлтэй дүүргийн 14 дүгээр хороо Хайлааст 20-631 тоотод оршин суух Ат овогт Г-ийн Г-д /РД: */********/ олгох, хохирогч цаашид гарах эмчилгээний зардлаа нотлох баримтаа бүрдүүлэн иргэний хэрэг шүүхэд