2022        02          23                                       2022/ШЦТ/278

 

                            

                            МОНГОЛ УЛСЫН НЭРИЙН ӨМНӨӨС

 

Баянзүрх дүүргийн Эрүүгийн хэргийн анхан шатны шүүхийн шүүх хуралдааныг шүүгч Д.Мөнхтуяа даргалж,

шүүх хуралдааны нарийн бичгийн дарга Н.Номинчимэг,  

улсын яллагч Л.Галав,

шүүгдэгч Г.О  нарыг оролцуулан тус шүүхийн шүүх хуралдааны танхимд нээлттэй хийсэн хуралдаанаар, Баянзүрх дүүргийн Прокурорын газраас Эрүүгийн хуулийн тусгай ангийн 11.6 дугаар зүйлийн 2 дахь хэсэгт заасан гэмт хэрэгт холбогдуулан Г.О т яллах дүгнэлт үйлдэж ирүүлсэн 2106 04061 0235 дугаартай эрүүгийн хэргийг 2022 оны 02 дугаар сарын 16-ны өдөр хүлээн авч хянан хэлэлцэв.

Холбогдсон хэргийн талаар:

Шүүгдэгч Г.О  нь согтууруулах ундааны зүйл хэрэглэсэн үедээ 2021 оны 10 дугаар сарын 30-ны өдөр ....  гэртээ байхдаа нөхөр Б.А тэй хувийн таарамжгүй харьцааны улмаас маргалдаж, Б.А ийн нүүр хэсэгт нь гутал шидэх, толгой руу нь цохих зэргээр биед нь халдаж, зүүн нүдний дээд, доод зовхинд цус хуралт, дух хамарт зулгаралт бүхий эрүүл мэндэд нь хөнгөн хохирол санаатай учруулах гэмт хэрэгт холбогджээ.            

                                                                            /яллах дүгнэлтэд бичигдсэнээр/

                                                                                                         ТОДОРХОЙЛОХ нь:

     Шүүхийн хэлэлцүүлэгт шүүгдэгч Г.О  мэдүүлэхдээ: “Мөрдөн шалгах ажиллагааны явцад үнэн зөв мэдүүлсэн. Нэмж мэдүүлэх зүйлгүй.” гэв.

     Хавтаст хэрэгт хуульд заасан үндэслэл журмын дагуу цуглуулж, бэхжүүлсэн нотлох баримтуудаас шүүхийн хэлэлцүүлэгт яллах талын хүсэлтээр дараах нотлох баримтуудыг шинжлэн судлав. Үүнд:

- Гэмт хэргийн талаарх гомдол, мэдээлэл хүлээн авсан тэмдэглэл /хх-ийн 4/,

- Хохирогч Б.А  мөрдөн шалгах ажиллагааны үед мэдүүлсэн: “Би эхнэр О ийн хамт Баянзүрх дүүргийн 9 дүгээр хороо, ....  од сүүлийн 2 жил амьдарч байна. Бид 2 дундаасаа хүүхэдгүй. Манай эхнэр Ботаникийн эцсийн мах бэлтгэлийн үйлдвэрт ажилладаг юм. Би 2021 оны 10 дугаар сарын 30-ны өдөр манай эхнэр ажил дээрээ байхдаа утсаа авахгүй байсан. Ажил ихтэй гээд өмнөх 2 хоногт нь гэртээ ирээгүй. Тэрнээс болоод бид 2 жоохон маргалдсан. 2021 оны 10 дугаар сарын 30-ны өдөр утсаа авахгүй болохоор нь 15 цагийн үед очиж уулзаад явсан. Манай эхнэр орой 19 цагийн үед ирсэн. Тэгэхээр нь би “урд нь чи ажил ихтэй байсан ч гэсэн утсаа аваад яриад болдог байсан биз дээ” гэж хэлтэл манай эхнэр уурлаад гэрээс гарахаар нь хамт гартал эхнэр буцаж ороод хаалгаа дотроос нь түгжсэн байсан. Тэгэхээр нь би яаж байгаа юм бэ, хаалгаа нээ гэхэд нээхгүй, “би өөрийгөө ална” гээд байхаар нь би сандраад гэрийн тооноор ортол хутга бариад зогсож байхаар нь хутгыг нь булааж авах гэж байгаад миний баруун суганд зүсэх шиг болсон. Би хутгыг нь булааж аваад гэрийн үүдээр гаргаад шидсэн. Тэр үед манай эхнэрийн уур нь гарч өгөхгүй надруу гутал авч шидэхэд миний нүүрэнд оносон. Тэгээд миний баруун суганаас цус гарч байгааг хараад манай эхнэр түргэн тусламж дуудсан байсан. Удалгүй цагдаа нар ирээд эхнэрийг аваад явсан. Би түргэний тэргээр гэмтэл рүү явсан..” гэх мэдүүлэг /хх-ийн 9-11/,

- Гэрч Г.А  мөрдөн шалгах ажиллагааны үед мэдүүлсэн: “Би 2021 оны 10 дугаар сарын 30-ны өдрийн 07 цагийн үед ....  гэрээсээ гараад ажилдаа явсан. Оройн 20 цагийн үед гэртээ ирсэн. Манай хашаанд бага хүү А , эхнэр О ийн хамт тусдаа гэр барьж байдаг. Намайг орой ирэхэд бага хүү А  гэртээ архи уусан байдалтай, эхнэр О  ажлаасаа ирсэн хоорондоо гэртээ хэрэлдээд байж байсан. Би тэднийхээр орчихоод гэртээ орж ирээд байж байхад шуугилдаад байсан. Тэгэхээр нь би орж харчихаад тэр хоёрыг загначихаад гэр рүүгээ орж ирээд байж байтал удалгүй араас О  манайд ороод ирсэн. Араас нь А  орж ирээд манайд хэрэлдэж байгаад О  А ийн толгой руу нь гараараа 2 удаа цохиод авахаар нь манай охин Алтанчимэг О ийг “чи хүүхдийн толгой тархи руу нь нүдээд байхдаа яадаг юм, нөхрийнхөө толгой тархинд хүрдэг яасан айхтар хүүхэн бэ” гээд загнатал О  гараад гүйсэн. Араас нь А  гарсан. Удалгүй хутга шөвөг боллоо гээд түргэн болон цагдаа нар ирсэн байсан..” гэх мэдүүлэг /хх-ийн 32-34/,

- Шүүхийн Шинжилгээний Үндэсний Хүрээлэнгийн шинжээч Б.Баяртогтохын 2021 оны 11 дүгээр сарын 04-ний өдрийн 10741 дүгээр:

1. Б.А ийн биед цээжинд шарх, зүүн нүдний дээд, доод зовхинд цус хуралт, дух, хамарт зулгаралт гэмтэл тогтоогдлоо.

2. Дээрх цээжний шарх гэмтэл нь ир үзүүртэй зүйлийн нэг удаагийн үйлчлэлээр зүүн нүдний дээд, доод зовхины цус хуралт, дух, хамрын зулгаралт гэмтэл нь мохоо зүйлийн олон удаагийн үйлчлэлээр үүсгэгдэнэ.

3. Дээрх гэмтэл нь шүүх эмнэлгийн гэмтлийн зэрэг тогтоох журмын 2.4.1-д зааснаар эрүүл мэндийг түр хугацаагаар сарниулах тул гэмтлийн хөнгөн зэрэгт хамаарна.

4. Цаашид ерөнхий хөдөлмөрийн чадвар алдалтанд тогтонги нөлөөлөхгүй.

5. Дээрх гэмтэл нь тухайн хэрэг болсон гэх цаг хугацаанд үүссэн байх боломжтой..” гэх дүгнэлт /хх-ийн 37-38/,

- Урьд Эрүүгийн хариуцлага хүлээж байсан эсэхийг шалгах хуудас /хх-ийн 42/,

- Г.О ийн хувийн байдлын талаарх баримтууд /хх-ийн 43-47/,

- Яллагдагч Г.О  мөрдөн шалгах ажиллагааны үед мэдүүлэхдээ: “...2021 оны 10 дугаар сарын 30-ны өдөр манай нөхөр Б.А  ажил дээр ирээд надтай уулзаад хэрүүл хийгээд байхаар нь би явуулсан. Би орой 19 цагийн үед гэртээ ирэхэд манай нөхөр пиво уусан согтуу байсан. Манай хадам ээж А  20 цагийн үед ажлаа тараад орж ирээд гарсан. Тэгээд манай нөхөр намайг ажил дээрээ олон хоног боллоо гээд хэрүүл хийгээд бид 2 маргалдаж эхэлсэн. Тэр хооронд гаднаас нөхрийн төрсөн эгч Алтанчимэг гаднаас орж ирээд манай нөхрийг унтуулах гээд хэвтүүлээд гарсан. Тэрнээс хойш бид 2 хэрүүл хийж байгаад хадам ээжийн гэрт ороод маргалдаж байтал хадмууд намайг загнаад байхаар нь би нөхөр А ийн толгой руу нь гараараа цохичихоод гэр рүүгээ гүйгээд орсон. Би гэрээ дотроос нь түгжээд байж байтал А  ирээд хаалга нүдэхээр нь би тайлж өгөөгүй. Тэр хооронд А эд хандан би амиа хорлоно гэхэд манай нөхөр тооноор ороод ирсэн. Би тухайн үед гал тогооны бор иштэй хутга бариад байж байхад манай нөхөр булааж авах гээд байхаар нь булаацалдаж байгаад нөхрийнхөө баруун суганд зүссэн. Би уур хүрээд гэрийн үүдэнд байсан сандалыг аваад шидэхэд нүүрэнд нь оносон. Тухайн үед би уурандаа ухаан алдаад унасан байсан. Удалгүй сэргэхэд цагдаа нар ирээд цагдаагийн газар руу авч явсан. Манай нөхрийг гэмтэл рүү авч явсан...” гэх мэдүүлэг /хх-ийн 57-59/

- Урьд Эрүүгийн хариуцлага хүлээж байсан эсэхийг шалгах хуудас /хх-ийн 42/,

- Г.О ийн хувийн байдлын талаарх баримтууд /хх-ийн 43-47/, зэрэг нотлох баримтуудыг шинжлэн судлав.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                               

            Шүүхийн хэлэлцүүлэгт шинжлэн судалсан дээрх нотлох баримтууд нь энэ хэрэгт хамааралтай, ач холбогдолтой, хууль ёсны, Эрүүгийн хэрэг хянан шийдвэрлэх тухай хуулийн 16.2 дугаар зүйлд заасан нотолбол зохих байдлуудыг хангалттай шалгаж тодруулсан, мөрдөн шалгах ажиллагааны явцад оролцогчдын хуулиар хамгаалагдсан эрхийг хасаж, хязгаарласан хуульд заасан шаардлагыг зөрчсөн гэх ноцтой зөрчил тогтоогдоогүй байна гэж үзлээ.

             Баянзүрх дүүргийн Прокурорын газраас Г.О  нь согтууруулах ундааны зүйл хэрэглэсэн үедээ 2021 оны 10 дугаар сарын 30-ны өдөр ....  гэртээ байхдаа нөхөр Б.А тэй хувийн таарамжгүй харьцааны улмаас маргалдаж, Б.А ийн нүүр хэсэгт нь гутал шидэх, толгой руу нь цохих зэргээр биед нь халдаж, зүүн нүдний дээд, доод зовхинд цус хуралт, дух хамарт зулгаралт бүхий эрүүл мэндэд нь хөнгөн хохирол санаатай учруулсан гэмт хэрэгт холбогдуулан яллах дүгнэлт үйлдэж, хэргийг хянан шийдвэрлүүлэхээр шүүхэд ирүүлжээ.

           Шүүгдэгчийн гэм буруугийн талаар:

           Г.О  нь согтууруулах ундааны зүйл хэрэглэсэн үедээ 2021 оны 10 дугаар сарын 30-ны өдөр ....  гэртээ байхдаа нөхөр Б.А тэй хувийн таарамжгүй харьцааны улмаас маргалдаж, Б.А ийн нүүр хэсэгт нь гутал шидэх, толгой руу нь цохих зэргээр биед нь халдаж, зүүн нүдний дээд, доод зовхинд цус хуралт, дух хамарт зулгаралт бүхий эрүүл мэндэд нь хөнгөн хохирол санаатай учруулсан болох нь:  

- Гэмт хэргийн талаарх гомдол, мэдээлэл хүлээн авсан тэмдэглэл /хх-ийн 4/,

- Хохирогч Б.А  мөрдөн шалгах ажиллагааны үед мэдүүлсэн: “Би эхнэр О ийн хамт Баянзүрх дүүргийн 9 дүгээр хороо, ....  од сүүлийн 2 жил амьдарч байна. Бид 2 дундаасаа хүүхэдгүй. Манай эхнэр Ботаникийн эцсийн мах бэлтгэлийн үйлдвэрт ажилладаг юм. Би 2021 оны 10 дугаар сарын 30-ны өдөр манай эхнэр ажил дээрээ байхдаа утсаа авахгүй байсан. Ажил ихтэй гээд өмнөх 2 хоногт нь гэртээ ирээгүй. Тэрнээс болоод бид 2 жоохон маргалдсан. 2021 оны 10 дугаар сарын 30-ны өдөр утсаа авахгүй болохоор нь 15 цагийн үед очиж уулзаад явсан. Манай эхнэр орой 19 цагийн үед ирсэн. Тэгэхээр нь би “урд нь чи ажил ихтэй байсан ч гэсэн утсаа аваад яриад болдог байсан биз дээ” гэж хэлтэл манай эхнэр уурлаад гэрээс гарахаар нь хамт гартал эхнэр буцаж ороод хаалгаа дотроос нь түгжсэн байсан. Тэгэхээр нь би яаж байгаа юм бэ, хаалгаа нээ гэхэд нээхгүй, “би өөрийгөө ална” гээд байхаар нь би сандраад гэрийн тооноор ортол хутга бариад зогсож байхаар нь хутгыг нь булааж авах гэж байгаад миний баруун суганд зүсэх шиг болсон. Би хутгыг нь булааж аваад гэрийн үүдээр гаргаад шидсэн. Тэр үед манай эхнэрийн уур нь гарч өгөхгүй надруу гутал авч шидэхэд миний нүүрэнд оносон. Тэгээд миний баруун суганаас цус гарч байгааг хараад манай эхнэр түргэн тусламж дуудсан байсан. Удалгүй цагдаа нар ирээд эхнэрийг аваад явсан. Би түргэний тэргээр гэмтэл рүү явсан..” гэх мэдүүлэг /хх-ийн 9-11/,

- Гэрч Г.А  мөрдөн шалгах ажиллагааны үед мэдүүлсэн: “Би 2021 оны 10 дугаар сарын 30-ны өдрийн 07 цагийн үед ....  гэрээсээ гараад ажилдаа явсан. Оройн 20 цагийн үед гэртээ ирсэн. Манай хашаанд бага хүү А , эхнэр О ийн хамт тусдаа гэр барьж байдаг. Намайг орой ирэхэд бага хүү А  гэртээ архи уусан байдалтай, эхнэр О  ажлаасаа ирсэн хоорондоо гэртээ хэрэлдээд байж байсан. Би тэднийхээр орчихоод гэртээ орж ирээд байж байхад шуугилдаад байсан. Тэгэхээр нь би орж харчихаад тэр хоёрыг загначихаад гэр рүүгээ орж ирээд байж байтал удалгүй араас О  манайд ороод ирсэн. Араас нь А  орж ирээд манайд хэрэлдэж байгаад О  А ийн толгой руу нь гараараа 2 удаа цохиод авахаар нь манай охин Алтанчимэг О ийг “чи хүүхдийн толгой тархи руу нь нүдээд байхдаа яадаг юм, нөхрийнхөө толгой тархинд хүрдэг яасан айхтар хүүхэн бэ” гээд загнатал О  гараад гүйсэн. Араас нь А  гарсан. Удалгүй хутга шөвөг боллоо гээд түргэн болон цагдаа нар ирсэн байсан..” гэх мэдүүлэг /хх-ийн 32-34/,

- Шүүхийн шинжилгээний үндэсний хүрээлэнгийн шинжээч Б.Баяртогтохын 2021 оны 11 дүгээр сарын 04-ний өдрийн 10741 дүгээр дүгнэлт /хх-ийн 37-38/,

          - Яллагдагч Г.О  мөрдөн шалгах ажиллагааны үед мэдүүлсэн: “...2021 оны 10 дугаар сарын 30-ны өдөр манай нөхөр Б.А  ажил дээр ирээд надтай уулзаад хэрүүл хийгээд байхаар нь би явуулсан. Би орой 19 цагийн үед гэртээ ирэхэд манай нөхөр пиво уусан согтуу байсан. Манай хадам ээж А  20 цагийн үед ажлаа тараад орж ирээд гарсан. Тэгээд манай нөхөр намайг ажил дээрээ олон хоног боллоо гээд хэрүүл хийгээд бид 2 маргалдаж эхэлсэн. Тэр хооронд гаднаас нөхрийн төрсөн эгч Алтанчимэг гаднаас орж ирээд манай нөхрийг унтуулах гээд хэвтүүлээд гарсан. Тэрнээс хойш бид 2 хэрүүл хийж байгаад хадам ээжийн гэрт ороод маргалдаж байтал хадмууд намайг загнаад байхаар нь би нөхөр А ийн толгой руу нь гараараа цохичихоод гэр рүүгээ гүйгээд орсон. Би гэрээ дотроос нь түгжээд байж байтал А  ирээд хаалга нүдэхээр нь би тайлж өгөөгүй. Тэр хооронд А эд хандан би амиа хорлоно гэхэд манай нөхөр тооноор ороод ирсэн. Би тухайн үед гал тогооны бор иштэй хутга бариад байж байхад манай нөхөр булааж авах гээд байхаар нь булаацалдаж байгаад нөхрийнхөө баруун суганд зүссэн. Би уур хүрээд гэрийн үүдэнд байсан сандалыг аваад шидэхэд нүүрэнд нь оносон. Тухайн үед би уурандаа ухаан алдаад унасан байсан. Удалгүй сэргэхэд цагдаа нар ирээд цагдаагийн газар руу авч явсан. Манай нөхрийг гэмтэл рүү авч явсан...” гэх мэдүүлэг /хх-ийн 57-59/ зэрэг нотлох баримтуудаар нотлогдон тогтоогдож байх тул шүүгдэгч Г.О ийг хүний эрүүл мэндэд хөнгөн хохирол санаатай учруулах гэмт хэргийг гэр бүлийн хүчирхийлэл үйлдэж, хүндрүүлэх нөхцөл байдалтайгаар үйлдсэн гэм буруутайд тооцох үндэслэлтэй байна гэж шүүх үзэв.

            Хохирогч Б.А  гомдол саналгүй, хохирол төлбөр нэхэмжлээгүй байх тул шүүгдэгч Г.О  нь бусдад төлөх төлбөргүй болно.

            Шүүгдэгчид эрүүгийн хариуцлага хүлээлгэх талаар:

Шүүх шүүгдэгч Г.О т ял оногдуулахад эрүүгийн хариуцлагыг хүндрүүлэх нөхцөл байдал тогтоогдоогүй бөгөөд Эрүүгийн хуулийн ерөнхий ангийн 6.5 дугаар зүйлийн 1 дэх хэсгийн 1.1 дэх заалтад зааснаар тохиолдын шинжтэй нөхцөл байдлын улмаас анх удаа гэмт хэрэг үйлдснийг хөнгөрүүлэх нөхцөл байдалд тооцож, учруулсан хохирол, хор уршгийн шинж чанар, шүүгдэгчийн хувийн байдлыг тус тус харгалзан шүүгдэгчид торгох ял оногдуулж шийдвэрлэв.

Энэ хэрэгт эд мөрийн баримтаар хураагдан ирсэн зүйлгүй, битүүмжлэгдэн ирсэн эд хөрөнгөгүй, шүүгдэгч нь цагдан хоригдсон хоноггүй, хэрэг хянан шийдвэрлэх ажиллагааны зардал нэхэмжлээгүй байна.

Эрүүгийн хэрэг хянан шийдвэрлэх тухай хуулийн 36.2, 36.6, 36.7, 36.8, 36.10, 38.1 дугаар зүйлүүдийг тус тус удирдлага болгон ТОГТООХ нь:

1. Шүүгдэгч Г.О ийг хүний эрүүл мэндэд хөнгөн хохирол санаатай учруулах гэмт хэргийг гэр бүлийн хүчирхийлэл үйлдэж, хүндрүүлэх нөхцөл байдалтайгаар үйлдсэн  гэм буруутайд тооцсугай. 

            2. Эрүүгийн хуулийн тусгай ангийн 11.6 дугаар зүйлийн 2 дахь хэсэгт зааснаар шүүгдэгч Г.О т  900 нэгжтэй тэнцэх хэмжээний буюу 900.000 төгрөгөөр торгох ял шийтгэсүгэй.

            3. Эрүүгийн хуулийн ерөнхий ангийн 5.3 дугаар зүйлийн 4, 5 дахь хэсэгт зааснаар Г.О  нь оногдуулсан 900.000 төгрөгөөр торгох ялыг тогтоол хуулийн хүчин төгөлдөр болсноос хойш 90 хоногийн дотор төлөхөөр тогтоож,торгох ялыг шүүхээс тогтоосон хугацаанд биелүүлээгүй бол биелэгдээгүй торгох ялын арван таван нэгжтэй тэнцэх хэмжээний төгрөгийг нэг хоногоор тооцож хорих ялаар солихыг мэдэгдсүгэй.

           4. Энэ хэрэгт эд мөрийн баримтаар хураагдан ирсэн зүйлгүй, битүүмжлэгдсэн хөрөнгөгүй, шүүгдэгч нь цагдан хоригдсон хоноггүй, хэрэг хянан шийдвэрлэх ажиллагааны зардал нэхэмжлээгүй болохыг тус тус дурдсугай.

            5. Шийтгэх тогтоол уншиж сонсгосноор хүчинтэй болох бөгөөд шийтгэх тогтоолыг эс зөвшөөрвөл шүүгдэгч, хохирогч, тэдгээрийн өмгөөлөгч, улсын яллагч, дээд шатны прокурор өөрөө гардан авснаас хойш, эсхүл Эрүүгийн хэрэг хянан шийдвэрлэх тухай хуулийн 11.9 дүгээр зүйлд заасны дагуу хүргүүлснээс хойш эс зөвшөөрвөл 14 хоногийн дотор Нийслэлийн Эрүүгийн хэргийн давж заалдах шатны шүүхэд давж заалдах гомдол гаргах, эсэргүүцэл бичих эрхтэйг дурдсугай.

           6. Эрүүгийн хэрэг хянан шийдвэрлэх тухай хуулийн 37.1 дүгээр зүйлийн 2 дахь хэсэгт зааснаар шүүхийн шийдвэрт гомдол, эсэргүүцэл гаргасан тохиолдолд шүүхийн шийдвэрийн биелэлтийг түдгэлзүүлж, Г.О т урьд авсан хувийн баталгаа гаргах таслан сэргийлэх арга хэмжээг хэвээр үргэлжлүүлсүгэй.

 

 

ДАРГАЛАГЧ, ШҮҮГЧ                              Д.МӨНХТУЯА