МОНГОЛ УЛСЫН НЭРИЙН өмнөөс

Баянгол дүүргийн эрүүгийн хэргийн анхан шатны шүүхийн шүүгч Г.Есөн- Эрдэнэ даргалж,

Нарийн бичгийн дарга Т.Сарантуяа,

Улсын яллагч Б.Батнасан,

Шүүгдэгч Ч.Э нарыг оролцуулж тус шүүхийн хуралдааны танхимд нээлттэй хийсэн шүүх хуралдаанаар Баянгол дүүргийн прокурорын газраас Эрүүгийн хуулийн тусгай ангийн 11.6 дугаар зүйлийн 1 дэх хэсэгт зааснаар яллах дүгнэлт үйлдэж хялбаршуулсан журмаар шийдвэрлүүлэхээр ирүүлсэн Э овогт Ч-ын Э холбогдох эрүүгийн ************ дугаартай хэргийг 2019 оны 01 дүгээр сарын 30-ны өдөр хүлээй авч, ХЯНАВАЛ:

Шуугдэгчийн биеийн байцаалт:

***********************************************

Үйлдсэн хэргийн талаар /яллах дугнэлтэнд бичсэнээр/:

Шүүгдэгч Ч.Э нь 2018 оны 11 дүгээр сарын 22-ны орой Баянгол дүүргийн 3 дугаар хороо, 42 дугаар байрны 2 дугаар орцны подволд иргэн В.Гыг зодож эрүүл мэндэд нь хөнгөн хохирол учруулсан гэмт хэрэгт холбогджээ.

Шүүхийн хэлэлцүүлэгт хэлэлцэгдсэн яллах болон цагаатгах нотлох баримтуудыг шинжпэн судлаад ТОДОРХОЙЛОХ нь:

Шүүхийн хэлэлцүүлэгт шүүгдэгч Ч.Э мэдүүлэхдээ: “...2018 оны 11 дүгээр сарын 22-ны өдөр Баянгол дүүргийн 3 дугаар хорооны 42 дугаар байрны 2 дугаар орцны подвалд В.Г-ын биед гэмтэл учруулсанаа хүлээн зөвшөөрч байна. Г нь олон хүнийг хэл амаар доромжилдог, хулгай хийдэг хүн юм. Өмнө нь уурагаар хүний куртик хулгайлж байсан. Тэр куртик алдсанаа маргааш нь мэдсэн. Маргааш нь Ганбат миний куртикийг өмсөөд явж байсан. тэгээд орой согтуу орж ирэхээр нь куртик яасан гэхэд зараад архи уусан гэхээр нь би уурлаад маргалдсан. Авгай нь куртик төлөхөөр болсон. Тэгээд би подволд СӨХ-ийн даргатай яриад байж байхад Ганбат согтуу орж ирээд намайг банди шуумар п...

энэ тэр гэхээр нь очоод боль гэж хэлэх гэхэд намайг цохих гэхээр нь цохиод унгасан. Тэгээд толгойд нь 2-3 удаа цохьсон. Тэгээд авгайгийнх нь байдаг өрөөнд оруулаад орхисон. Тэгээд хохирогчтой куртикнийхээ мөнгийг авахаа болиод эвлэрээд салсан” гэв.

Хохирогч В.Г мэдүүлэхдээ: “..2018 оны 11 дүгээр сарын 22-ноос 23-нд шилжих шөнө би Баянгол дүүргийн 2 дугаар хороо 42 дугаар байрны 2-р орц подволд өрөөндөө байж байхад нь гаднаас хажуугаар нь согтуу хүмүүс өнгөрсөн. Тэгэхээр нь би юун согтуу хүмүүс вэ гэхэд чамд ямар хамаатай юм гээд манай өрөө рүү орж ирээд миний бөөр хэсэг рүү өшиглөсөн би бөөрөө дараад суухад араас үсдэхээр нь би нүүрээ дараад доошоо хараад хэвтэхэд энийг ална гээд намайг өшиглөөд байсан. Тэгэхэд хажуунаас хажуу өрөөнд байдаг нэг залуу болиоч хүн аллаа шүү дээ гэхэд чамд хамаагүй гэхэд уг залуу өрөөндөө орчих шиг болсон. Тэгээд намайг зодсон залуу гараад явчихсан, би эмнэлэг дуудаад удалгүй эмч гэмтэлд хүргэж өгсөн.

Тухайн үед манай подволд согтуу хүн орж ирхээр нь юун согтуу хүн бэ гэхэд манай подволд амьдардаг байсан Э согтуу орж ирсэн байсан. Тэгээд чамд хамаагүй гээд манай өрөөнд орж ирж намайг зодсон.

Э миний хохирол барагдуулсан бид 2 сайн дурын үндсэн дээр эвлэрсэн одоо ямар нэгэн гомдол санал байхгүй тул хэргийг хялбаршуулсан журмаар шийдэж өгнө үү...” гэжээ. /хх 10, 11 хуу/,

Шүүхийн шинжилгээний үндэсний хүрээлэнгийн шинжээчийн 2018 оны 11 дүгээр сарын 30-ны өдрийн 14039 дугаартай дүгнэлтэнд: “1. В.Г-ын биед зулайн хуйхны цус хуралт, дух, хамар, баруун ташаа, бүсэлхийн зулгаралт, хэвлийн цус хуралт гэмтэл тогтоогдлоо. 2. Дээрх гэмтэл нь мохоо зүйлийн хэд хэдэн удаагийн үйлчлэлээр үүсгэгдэнэ. 3. Шүүх эмнэлэгийн гэмтлийн зэрэг тогтоох журмын 2.4.1-д зааснаар эрүүл мэндийг түр хугацаагаар сарниулах тул гэмтлийн хөнгөн зэрэгт хамаарна. 4. Цаашид ерөнхий хөдөлмөрийн чадварын тогтонги алдалтанд нөлөөлөхгүй. 5. Учирсан гэмтэл нь тухайн болсон хэргийн нөхцөлд үүссэн байх боломжтой, шинэ гэмтэл болно” гэжээ. /хх 13/,

Иргэний үнэмлэхийн лавлагаа /хх 21/,

Ял шийтгэгдсэн эсэхийг шалгах хуудас /хх 33/,

Хохирогч В.Г-ын гомдол саналгүй гэх баримт /хх 41/ зэрэг нотлох баримтуудыг шинжлэн судлав.

Шуухийн дугнэлт:

Шүүгдэгч Ч.Э нь 2018 оны 11 дүгээр сарын 22-ны орой Баянгол дүүргийн 3 дугаар хороо, 42 дугаар байрны 2 дугаар орцны подволд иргэн В.Г-ыг зодож эрүүл мэндэд нь хөнгөн хохирол учруулсан болох нь шүүгдэгч нь үйлдсэн хэргээ хүлээн зөвшөөрч мэдүүлсэн мэдүүлэг,

Хохирогч В.Г-ын: “...өрөөндөө байж байхад нь гаднаас хажуугаар нь согтуу хүмүүс өнгөрсөн тэгэхээр нь би юун согтуу хүмүүс вэ гэхэд чамд ямар хамаатай юм гээд манай өрөө рүү орж ирээд миний бөөр хэсэг рүү өшиглөсөн би бөөрөө дараад суухад араас үсдэхээр нь би нүүрээ дараад доошоо хараад хэвтэхэд энийг ална гээд намайг өшиглөөд байсан тэгэхэд хажуунаас хажуу өрөөнд байдаг нэг залуу болиоч хүн аллаа шүү дээ гэхэд чамд хамаагүй гэхэд уг залуу өрөөндөө орчих шиг болсон...” гэх мэдүүлэг,

Шүүхийн шинжилгээний үндэсний хүрээлэнгийн шинжээчийн 14039 дугаартай дүгнэлт /хх 13/, иргэний үнэмлэхийн лавлагаа /хх 21/, ял шийтгэгдсэн эсэхийг шалгах хуудас /хх 33/, хохирогч В.Г-ын гомдол саналгүй гэх баримт /хх 41/